وزارة التعليم تقرر رفع مكافأة مراقبى ومصححى الثانوية 70 %............ فما رأيك ؟؟؟

[شمعة تحترق]

علم "اليوم السابع"، أن وزارة التربية والتعليم قررت زيادة مكافآت المراقبين والملاحظين والمصححين ورؤساء اللجان والمراقبين الأوائل المشاركين فى أعمال امتحانات الثانوية العامة المقبلة بنسبة تتراوح من 60 % إلى 70 % عما كانوا يتقاضونه خلال الأعوام الماضية.

وأكد مصدر مطلع بالوزارة أن المعلم الذى يتقاضى أساسى راتب قيمته 400 جنيهاً فى الشهر سيحصل على مكافأة امتحانات ثانوية عامة تصل إلى 2016 جنيهاً بدلاً من 1400 فقط هى إجمالى ما كان يتقاضاه من مكافآت فى فترة امتحانات الثانوية حتى العام الدراسى الماضى.

كما قررت الوزارة زيادة مكافآت الامتحانات المخصصة لرؤساء مراكز توزيع الأسئلة وتجميع أوراق الإجابات وأعضاء لجنة تسليم مظروفات أوراق الأسئلة، بحيث سيتم احتساب يوم عملهم بـ 4 أيام بدلاً عن 3 أيام كانوا يحصلون عليها حتى العام الماضى.

وعلم "اليوم السابع" أن الدكتور "أحمد جمال الدين موسى"، وزير التربية والتعليم، أمر بزيادة مكافآت المشاركين فى أعمال امتحانات الثانوية العامة فى المناطق النائية "مطروح- البحر الأحمر- الوادى الجديد - شمال سيناء - جنوب سيناء - وادى النطرون بالبحيرة -منطقة الباويطى الواقعة بالواحات البحرية والتابعة لمحافظة الجيزة"، حيث سيتم حساب يوم عملهم بـ 4 أيام بزيادة يوم عن الأعوام الماضية.

أما العاملين بديوان عام الوزارة فسيرتفع الحد الأدنى لمكافآتهم من 200 يوم إلى 400، والحد المتوسط من 250 يوما لـ 480 فيما سينخفض الحد الأقصى من 900 يوم إلى 720 وهو ما كان "اليوم السابع" قد أشار إليه فى 6 إبريل الجارى.

http://www.youm7.com/News.asp?NewsID=397368&SecID=65

[هويدااحمد76]

يعنى باقى مدرسين الابتدائي والاعدادي مكافأتهم مش هتزيد عن 200 يوم

[mahmodsafaga]

السلام عليكم
ياباشا احنا مكناش ناخد ربع المبلغ دة فى حاجة من اثنين ياالوزارة كدابة او مديرية التربية والتعليم اللى فى كل محافظة هى اللى حرامية وكانو بسرقونا من غير من حس
وشكرا

[Mr: E.Elshair]

احذر أخى المعلم يريد وزيرنا المزعوم أن يسكننا قبل الامتحانات حتى لا يعلو صوتك

[mamdoh.aly]

الوزارة مرعوبة من امتحانات الثانوية وبتحاول تسكت الملاحظين وخلاص

[أ/رضا عطيه]

شكرا على الخبر

[اسامه البنا]

والنبي لو حد فاهم حاجه يفهمنا هو الخبر ده من مصر ولا موزمبيق

[maestro98]

هما بيشتغلونا وعايزين يخلوا الناس يفتكروا ان الملاحظين كانوا بياخدو المبالغ دي
كله بيهيس
ده انا اخدت السنة اللي فاتت حوالي 450 جنيه وكمان كان اليوم محسوب بيومين
وزارة بتشتغلنا

[ايادكو]

يا أخوانا اللأرقام دى مش صحيحة دول السنة اللى فاتت قالوا إن اليوم بيومين ومحصلش إننا أخدنا الأرقام دى

[صفاء عزمى]

بيقول اساسه 400 ج يحصل علي 1400 يوم
تعال نحسب
7*400/100= 28 ج اليومية 28 * 20يوم اختبار =560 ج الخصم 10 %=520
بدل المبيت=5*24 =120 ج
اجمالي =640
اين 1400 ج
لو كان يوم بيوم ونصف يكون 750ج
علي الفكرة يروح ثانوية يغشش باجبار لا في امن ولا حد يدافع عنه

[مستر ايمن محمد راشد]

انا طلعت مراقبة ثانوية عامة ...الفلوس اللى بنصرفها لو خدناها تانى يبقه كويس ....بناخد شوية فكة ...ازاى تصرف بدل انتقال 20 جنية والحكومة تديلك 6 جنية فى اليوم الواحد يعنى؟؟؟؟ فين بقه 1400 جنية اللى بيقولوا عليهم..لو رئيس لجنة مش بياخد المبلغ ده ..تيجى تقولى ملاحظ هههههه هو مفيش فايدة فيكم مش هتبطلوا كدب وضحك علينا بقه

[الاستاذ رباح]

و الله دى مهزلة ان يصدر هذا الكذب من الوزارة

اين هى 1400 ج اللى بيتكلموا عليها

علشان يدى 2016دا كلام فارغ ان دل على شئ يدل على عدم الوعى وعدم الفهم

السيد الوزير الظاهر انه بيعتمد على مجموعة من المستشارين المضللين

يا ريته يا يعتبر

ولو مش مصدق يشوف اللى قبله هو فين

اما بخصوص رجال الديوان الملكى للوزارة المحظوظين بكل تلك المكافات

باين عليهم هم اللى بيصححوا الامتحانات و احنا نايمين فى البيت

اى حد محترم يقولى شغلتهم ايه بالضبط علشان ياخذوا هذة المكافات

و المعلمين المضحوك عليهم ياخذوا 200يوم

انها حقا مهزلة من السيد الوزير

حسبنا الله ونعم الوكيل

[السيد درويش]

خيابه وعبط ونفس الاسلوب القديم يحاولون الوقيعه بين فئات العمل الواحد اسلوب غبى بس كان بينجح باستغلال افه الحقد الى انتشرت فى المجتمع كادر المعلم اهانه ويتحرم الاداريين عشان تبدأ الحرب بين الفئتين وبتوع الوزاره ياخدوا مكافات خياليه والباقى ملوش لازمه غباء وتخلف السؤال لو بتوع البلومات التلاته هيعتصموا عشان الاخ الوزير يرفع لهم المكافأت ؟ اعتقد ان الخيابه مستمره

[نيرمين عباس]

ياناس اناباسمع ان فى ثورة فى مصر اسمها ثورة 25 يناير صح ولا انا بحلم يعنى ثورة للقضاء على الفساد والعدالة الاجتماعية وبالرغم من كدة هذا التصريح ان الملاحظ بياخد 1400 جنية هذا كذب وافتراء عايزين الاخبار تكون واقعية وعدم نشرها الا اذا اتحققنا من الخبر عشان نصدق ان باقى الخبر صح كلام العضو صفاء هو الحقيقية ياسيادة المحرر قول للوزير تصريحاتة ليست حقيقية وبالاش تعطونا تصريحات غير واقعية علشان نصدق ان النظام السابق انتهى بلا رجعة

[محمد حسين الشواربى]

أنا أكتر مبلغ حصلت عليه سواء في مراقبة أو تصحيح كان 450 و كانت مرة واحدة و ا اتكررتش و باقي السنين من 300 : 400 يبقى فين الالف يا وزير مين اللي اخدها ؟ بهذا التصريح يلا نرفع قضية على الوزارة و ناخد حقنا بحكم قضائي و بأثر رجعي..