منح الجامعة الامريكية و الالمانية

[ypkill]

اللي جايب أعلى من 90 اللي بيبقى "category A"

*********

نسيت أقولك معلومة , لو إنت دخلت الجامعة وإنت جايب اقل من 90% قول مثلا كنت جايب 85% فـبقيت "category B" بـتدفع 44 ألف إنت ممكن لو جبت GPA من 0.7 ل 1.5 (من +A ل -A) وحافظت عليه لمدة سنة السنة اللي وراها تبقي "category A" وهتدفع 36 ألف وتقدر بقى ساعتها لو كنت طلعت من الاوائل يشيلولك المصاريف زي مامكتوب في ال document .. ومعلش والله لسة فاكر المعلومة دي حالا

[الشفق القرمذى]

طيب بعد اذنك بالنسبة للدراسة انا بصراحة عايز صيدلة عايز اعرف نظام الدراسة هناك سهلة ولا صعبة بالنسبة للجامعات العامة و الدكاترة ايه نظامهم و كلية صيدلة الجامعة بتوفرلهم تدريب و هل فى نظام الكورس الصيفى عشان تاخد من مواد السنة اللى بعدها
عارف طولت عليكى
تقبلى مرورى

[ypkill]

أنا ولد على فكرة

المهم .. بص يا سيدي اصحابي اللي في صيدلة بيشكورولي فيها قوي وبيقولولي المعامل من أحسن مايمكن و كده بس هي محتاجة شغل ومذاكرة زيها زي أي كلية علمية ... بالنسبة لموضوع التدريب العملي ده.. بالنسبة للي بيدرسوا هندسة لازم ياخدوا تلت شهور تدريب عملي فشركة .. بالنسبة لصيدلة أنا مش متأكد إذا كان اجباري تعمل ال internship زي هندسة ولا لأ إنما اللي أنا متأكد منه إن في ال employment fair اللي بيجلنا الجامعة كل سنة بيبقى في شركات بتطلب ناس من صيدلة زي nestle .. بالنسبة للكورس الصيفي في مواد ممكن تاخدها ومواد لأ بس هي من ناحية في كورس صيفي فـهو فيه بس زي مبقولك مش اي مادة بتاخدها بيبقى في حاجات معينة تختار منها

[houda-mahmoud]

طب معلش انا دلوقتي في ثانوية عامة و ربنا يسهل و أجيب مجموع كبير ان شاء الله..افرض بقي مثلا جبت مجموع ٩٧% او ٩٨% هتبقي تقريبا المصاريف كام...و ايه التقدير المطلوب عشان متروحش المنحة مني..و شكرا

[ypkill]

houda-mahmoud....

هتبقى المصاريف في حدود 25-20 ألف في السنة (ممكن اقل شوية أو أكتر شوية) و طول ما تقديرك في حدود 1.7 - 2.3 اللي هي B أو جيد جدا يبقى إنتي في السليم .. مش متأكد بقى هتروح منك لو إنتي تقديرك بقى يعادل +C ولا C بس لما إن شاء الله تدخلي الجامعة حاولي ماتنزليش عن ال B عشان زي مبقولك تبقي في السليم.

الشفق القرمذى....

قدام الجامعة على طول في عمارات اسكان الشباب, ممكن تسأل سمسار المنطقة عن الأسعار وكده عشان أنا معنديش فكرة عنها للأسف

[الشفق القرمذى]

انا اسف بجد
طيب بقولك هو فى سكن قريب غير سكن االجامعة و فى مواصلات عامة ولا لا؟
شكراااااااااااااا

[houda-mahmoud]

انا متشكر جدا..بس علي فكرة انا ولد ‎ ‎

[ypkill]

لامؤاخذة يا كبير أصلي قرأتها "هدى" مش "حودة" وتأمرني فأي وقت

[houda-mahmoud]

طب سؤال أخير بقي معلش..هيا هندسة الألمانية أحسن ولا هندسة القاهرة..انا عارف ان فيه فرق بس هل تفرق معايا في الشغل ان شاء الله بعد كدة..معلش طولت معاك اعذرني

[ypkill]

أنا مش هأقدر افتي فالقاهرة لاني مجربتهاش فـبالتالي ماقدرش اقارنلك .. بس أنا فهندسة كمبيوتر في الguc ورأيي فيها إنها محتاجة شغل ومجهود كبير .. الدكاترة هنا بيفيدوك وكله بس معظم المجهود عليك .. و عشان تبقى فاهم فحوار الشغل الفروقات بتبقى في الشخص.. هي آه الجامعة بتساعد وكل حاجة بس إنت لازم تبقى كويس ومجتهد جدا وشاطر دي مفيهاش جدال .. و لازم تفتكر إن الشركات الكبيرة بتبقى عايزة اللي يكسبها والي تستفاد منه ايا كانت الجامعة بتاعته... فـدي بقى بتبقى بـتتوقف على مهاراتك وشتارتك

[toty944]

المشاركة الأصلية كتبت بواسطة ypkill

أنا مش هأقدر افتي فالقاهرة لاني مجربتهاش فـبالتالي ماقدرش اقارنلك .. بس أنا فهندسة كمبيوتر في الguc ورأيي فيها إنها محتاجة شغل ومجهود كبير .. الدكاترة هنا بيفيدوك وكله بس معظم المجهود عليك .. و عشان تبقى فاهم فحوار الشغل الفروقات بتبقى في الشخص.. هي آه الجامعة بتساعد وكل حاجة بس إنت لازم تبقى كويس ومجتهد جدا وشاطر دي مفيهاش جدال .. و لازم تفتكر إن الشركات الكبيرة بتبقى عايزة اللي يكسبها والي تستفاد منه ايا كانت الجامعة بتاعته... فـدي بقى بتبقى بـتتوقف على مهاراتك وشتارتك

السلام عليكم..
انا السنادس فتانية ثانوي و جبت 99.3 % و نفسي اخد full-scholarship من الGUC و ادخل هندسة كمبوتر زي حضرتك كده و انا الحمدلله بحب الموضوع ده اوي

بس كنت عايزة اسال حضرتك علي المصاريف العادية كام ولو تعرف مثلا انا لو جبت GPA اقل من 3.0 ايه اللي بيحصل ساعتها؟؟
و معلش هتعبك معايا لو برضه ممكن تقولي ايه المواد اللي بتدرسوها او بتتكلم عن ايه اكتر؟؟
و شكرا جزيلا علي معلوماتك المفيدة بجد

[houda-mahmoud]

شكرا أوي يا ypkill و ربنا يوفقك

[marwa saeed]

طيب ايه شروط القبول بالنسبه للي واخدين الثانويه من السعوديه شهادات المعادله يعني هل بتكون منحه جزئيه ولا كليه

[همس الدموع]

طيب انا دلوقتى جايبه95 وعاوزه ادخل الجامعه الالمانيه صيدله يبقى ايه الشروط واروح فين عشان اقدم الورق والمصاريف بتبقى ازاى والمنحه بتبقى كليه ولاجزئيه بليز فهمنيى لانى محتاره ومش عارفه اتصرف

[m.awara]

انا برده زيك ياهمس عايز صيدله و المجموع 95 ... انا كنت هناك و سألت في الاداره بصي اللي فوق 90 بيبقي category A وكده تبقي المصاريف 35300 وبالنسبه للمجموع و المنح دي لسه محددوهاش وهتتحدد علي اساس مجاميع المتقدمين و بتكو ن المنحه من 40 % .. 80 % بالنسبه للتقديم بيبقي ONLINE علي guc.edu.eg وبتحددي معاد اللي هتمتحني فيه اختبارات ENGLISH , IQ