جبتلكم جدول الثانوية العامة المقترح 2011 ياريت تصوتوا علية علشان الجدول يعتمد

[AMAR ELLYALY]

السلام عليكم


جبتلكم الجدول بتاع الثانوية العامة المقترح

اهو


اتفضلوا




ياريت تصوتوا على الجدول ونكون ايجابيين وكل واحد يقول رأية بصراحة



ياريت كل واحد يدخل يكتب تعليق علشان صوتنا يكون واضح ضرورى جدا الموضوع دة جزاكم الله كل خير



جدول المرحلة التانية فى المرفقات

[rororero]

فين جدول المرحلة الثانية ؟!

[AMAR ELLYALY]

حالا
حاضر

[AMAR ELLYALY]

جدول المرحلة الثانية فى المرفقات

[omda noureldeen]

كدة بتوع الفلسفة هيتظلمو عشان مفيش ايام قبل الامتحان انما بتوع الكيميا فى ايام المفروض يبقى فى حاجة اسمها تكافؤ الفرص

[nesma mohsen hamdy]

مش حلو على فكره
التاريخ مش قدامه فير 4 ايام بس
وكمان الـ التفاضل وحساب المثلثات يوم واحد بس !!!!!!!
وكمان الانجليزى والجبر
لالالا مش حلو
ياريت يكون فيه على الاقل يومين بين كل ماده والتانيه مش يوم واحد

[the yoyo]

الجدول محتاج تعديل جامد انا علمى كيمياء 3 كل مادة قدامها يومين والفيزيااااااااااااااااااااااااااااااااااء لازم يكون قدامها اكتر من كدة

[AMAR ELLYALY]

هو الموضوع اتنقل فين يا جماعة ولية ؟؟؟؟؟؟؟؟؟؟؟؟؟؟؟؟؟

[semsemh_2001]

انا تانيه ثانوى
لازم يبقى بين كل ماده واخرى ثلاث ايام والكيمياء خمس ايام
نرجوك ياسياده الوزير

[semsemh_2001]

ماينفعش يوم واحد بين كل ماده واخرى ده يادوب نستريح من الماده اللى قبلها

[yoyo do7a]

لازم الفيزياء والميكانيكا يكون امامهم ايام كتير

[سيد الكومي]

يجب زيادة عدد الايام قبل مادتي الكيمياء والجبر وباقي الجدول مناسب

[captinmido]

بسم اللة الرحمن الرحيم انا اقترح ان يكون فى فترة اطول بين كل مادة والاخرى يعنى اقل حاجة مثلا 3 ايام مش يوم ويوم كدةمش بنلحق نستريح من المادة الاولة ياريت تكون الفترة اطول خاصة قبل الكيمياء واللغة الاجنبية الاولى والثانية

[بوبا15]

ماينفعش خالص الجدول ده مع الادبى اللى واخدين فى المرحله الثانيه جيولوجيا ازاى هنخلص 11 باب فى يوم ده حتى حرام

[Mohamed.Helmy]

السلام عليكم ..

مبدأيا الجدول الى حد ما مرضي بالنسبة ليا بس المفروض يرضوا كل الاطراف بصراحة علشان محدش يتظلم ..

طبعــا العربي أول يوم .....................


بعدها (3) أيــام الانجـــليزي .. (( مش عارف على ايه يعنى ))




بعدهـــا ( يومين ) الفلســـفة .. (( سبحان الله الفلسفة يومين و الانجليزي 3 أيــام ))



بعدهـــا ( يومين ) الجيــولوجيــا .. (( ده فرع الجيولوجيـــا لوحده محتــاج أقل حاجة 3 أيــام غير علوم البيــئة ))



بعدهـــا ( 5 ) أيـــام علم النفــس (( المفروض يبقى يومين بصراحة ))






يعنى اللي زيي فى المواد أتظلم فى الفلسفة و الجيولوجيا و الاتنين من 50 ماشاء الله مش بيرحموا ..

المفروض ياخدوا يوم من الانجليزي و يحطوه قبل الفلــسفة و ياخدوا يومين من علم النفس و يحطوهم قبل الجيــولوجيا و كده يبقى تمام اوي ..

بس انا مركزتش فى باقى المواد .. الله أعلم ظروفه ايه معاكم ..


بس يارب يعدلوه علشان محدش يبتظلم زي السنة اللى فاتت ...


بارك الله فكيم جميعا ..