أتت نشرة بأسماء المتعاقدين للتثبيت

[وائل محمد رشاد]

السلام عليكم بقولكم ايه ايه الكلام دا كله مش هيفيد بشى يجب ان تكون هناك وقفة من المعلمين المساعدين حتى تتحقق مطالبنا

[hossammero]

ربنا يسهل ويطلع الكلام حقيقى لان الكلام ده بقالنا ثمانية سنين بنسمعه وطبعا انتوا عارفين اللى بيحصل تعدى السنة بدون حاجة

[كان يا ما كان]

كل الكلام ده مسكنات اصحوا بقى عايزين نطلع نسمع صوتنا للمسؤلين وللناس بحالها احنا فى اجازة دلوقتى يعنى مش حنعطل سير العمل ولا حاجه يالله نعبر عن حقوقنا المهضومه بقالنا سنين ونشوف ايه الرد
المطالب تثبيت المتعاقدين كافة فى حين استوفاء الشروط ولا 3 سنين ولاغيره
رفع المرتبات 100%
وضع بدل انتقال للمتعاقدين خارج محل اقامتهم
ودمتم

[ايهاب22]

المشاركة الأصلية كتبت بواسطة الأسطورة1

بسم الله الرحمن الرحيم

أعضاء المنتدي الكرام

أنا أخوكم الأستاذ أحمد (معلم مساعد بمحافظة 6 أكتوبر)
وده أول موضوع لى ولعله خير إن شاء الله

ذهبت إلى المدرسة اليوم فعلمت أن هناك نشرة تهيب بالإدارة التعليمة سرعة إرسال أسماء المعلمين المساعدين الذين مر عليهم 3 سنوات للتثبيت خلال الفترة القادمة
وأنا كتبت اسمي في إفادة من المدرسة ووديناها الإدارة
وهناك قابلت الموجة العام للغة العربية وقالى خبر أسعدني أكثر وهو أن النشرة ليس بها شرط الكادر ولا شهادة الأي سي دي إل (رغم إني امتحنت الكادر ونجحت وخد شهادة الأي سي دي إل والسبع موديولات) ولكن فرحت لأصدقائي
كما قال لى أن التثبيت على المرحلة التي نعمل بها وليس على التعاقد لإني متعاقد ابتدائي وانتدبت إعدادي فالتثبيت إن شاء الله على المرحلة الإعدادية.

وندعو من الله أن يصلح حالنا ويفرج كربنا
أخوكم الأستاذ أحمد الأسطورة

لو الخبر صح يبقى ليك الحلاوه

[الأسطورة1]

المشاركة الأصلية كتبت بواسطة ايهاب22

لو الخبر صح يبقى ليك الحلاوه

الحمد لله أستاذ إيهاب الأسماء اتبعتت والإدارة أرستلها
وكمان المعلمين اللى بالأجر سوف يأتي لهم عقود مكانا

والحلاوة انا خدتها لما شرفتني بالرد على الموضوع واللى نوَّر بدخول حضرتك

[ايهاب2323]

احنا من زمان بنسمع كلام وعمرهم ما نفذوا اى حاجه

[gebreel]

شكرا على الخبر الجميل ده

[الرحمة 1]

لم تصل لنا نشرة باى شئ

[الأسطورة1]

تصديقًا على الذي ذكرته تم اليوم إصدار القرار بتعيين المعلم المساعد
الثلاثاء، 15 فبراير 2011 - 20:00

الدكتور هانى هلال وزير التعليم العالى والمشرف على وزارة التربية والتعليم
كتب حاتم سالم

أكد الدكتور هانى هلال، وزير التعليم العالى والمشرف على وزارة التربية والتعليم، أنه أصدر قراراً وزارياً رسمياً بتعيين 43 ألف معلم مساعد على درجة معلم، وأوضح أنه سيرسل قوائم المعلمين المستحقين للتعيين إلى المحافظين لإخطارهم بتثبيتهم، وذلك بعد عامٍ من الانتظار حيث أن نتائج نجاحهم فى اختبار التعيين صدرت فى فبراير 2010.

واعتبر "هلال"، الذى تولى أمور الوزارة مؤقتاً بعد إقالة حكومة "نظيف"، أن إرجاء الوزارة قرار التعيين على درجة "معلم" لحين انتهاء جميع المعلمين المساعدين من تقديم أوراقهم كان خاطئاً، وأضاف "مستقبلاً سنقوم بتعيين كل من ينتهى من تقديم أوراقه لأكاديمية المعلمين حتى لو كان معلم واحد فقط هو من فعل ذلك".

وكشف "هلال"، فى تصريحات صحفية، عن نية الوزارة استئناف عقد امتحانات للكادر واستطرد "أصدرت تعليماتى بأن يتم ذلك قريباً جداً"، يأتى ذلك بعدما التقى الوزير مع عشرات المعلمين المساعدين الذين أكدوا له أنهم ينتظرون عقد امتحانات جديدة لخوضها.



http://www.youm7.com/News.asp?NewsID...D=97&IssueID=0


ألف مليون مباااااااااااااااااااااارك على التعيين
ويارب كل المعلمين يستوفوا باقي الشروط ويتم تعينهم


أخوكم الأستاذ أحمد الأسطورة

[roma pasha]

احنا كمان عندنا فى المنيا وصلت الاخبار دى :
بس ليا استفسار هو اللى كان شغال بالمكأفاة الشاملة او العقد الشامل ومكملش 3 سنوات يعنى سنتين بس هيبقى وضعه ايه بالظبط
ولو مكمل 3 سنوات هياخد عقد مميز
ارجوكم ياجماعة اللى يعرف حاجة يقولهالنا وكمان ايه هى حكاية مستوفى الشروط يعنى 3 سنوات فقط ولا فى شروط تانى ؟؟؟؟؟؟؟؟؟؟؟؟؟؟

[الأسطورة1]

على حسب علمي البسيط
إن اللى مكملش ثلاث سنوات سوف ينتظر حتي اكتمال المدة
والشروط الأخري هي اجتياز متحان الكادر والحصول على شهادة الأي سي دي إل والشهادة التربوية (لغير التربويين)

[menna83]

انا فعلا سمعت عن موضوع التثبيت وده لكل المتعاقدين وكمان الاكاديمية هتبتدي تسجل الناس اللى مدخلتش خالص والناس اللى رسبت ف بعض المواد
وعلي فكرة ياجماعة احنا عملنا اعتصامات عندنا ف الاسماعيلية عشان يكون فيه تثبيت لكل الناس المتعاقدين والاجر والمكافأة الشاملة ومستنين الرد

[العنب الأحمر]

اللى يتكلم يبقى معاه دليل فين النشرة ... بلا ش تأليف الناس بتصدق الكلام ...

[hhannaa]

انا من الفيوم وكنت فى المديرية النهارده والاسماء نزلت بتاع المعلم المساعد اللى مستوفى الشروط اللى امتحن وودى الاى سى دى ايل فى المراحل الاولى اما اللى ودى الاى سى دى ايل متاخر فلسه اساميهم مانزلتش لانه قال لسه فى مرحله تانيه

[تامر الفاضل]

المشاركة الأصلية كتبت بواسطة hhannaa

انا من الفيوم وكنت فى المديرية النهارده والاسماء نزلت بتاع المعلم المساعد اللى مستوفى الشروط اللى امتحن وودى الاى سى دى ايل فى المراحل الاولى اما اللى ودى الاى سى دى ايل متاخر فلسه اساميهم مانزلتش لانه قال لسه فى مرحله تانيه

طيب ياريت حضرتك تقولنا لحد المرحلة كام هم اللى اسمهم نزل انا في المرحلة السابعة ولسه ماجاتليش رسالة الأكاديمية وشكرأ