دعوة للاضراب عن العمل لحين صدور قرار التثبيت

[عاشقه الجنه 29]

بجد ياجماعة كفاية علينا كدة صبر لازم موقف ايجابى ناخدة فى حياتنا ولو مرة واحدة فى عمرنا والله العظيم الموضوع مش مجرد كلام بس نفسى حد يساندنى لان موضعنا مينفعشى يكون واحدلوحده لازم الكل عشان يكون له صدى الامتحانات قربت لو اضربنا عن اعمال الامتحانات الدنيا هتنقلب وهيصدر القرار فورا دون اى مماطلة بالله عليكم خليكم معايا نحدد يوم معى بعض كفاية سلبية ونوم وانتظار على الفاضى(رجاء من مشرفى المنتدى عدم حذف الموضوع)

[مروة المصرية]

أنا أول واحده معاك فى موضوعك*هيحصل لنا إيه يعنى؟ هيفسخوا العقد أحسن تبأه جات من عندهم*بجد أكتر ناس مظلومة ومذلولة هوه إحنا والله لو وقفنا وقفة واحده ممكن يعملولنا شىء إيجابى* وربنا يوفق الجميع

[أبوووووعبدالرحمن]

جزاكم الله خيرا يا اخي
خلاص ما عادش ينفع السكوت
كفانا سلبية ويا ريت المحبطين يسكتوا
أنا معاك يا اخي والكثير من المتعاقدين اصحاب الكرامة
ويا ريت نشتغل سريعا لان الوقت بيمر ويا ريت تعرفنا بالجديد مش كلام وخلاص

[محمدطعيمة]

يا عم اضرب براحتك
وإن كان حذف الموضوع هو اللي مخوفك ما تخافش
اضرب براحتك يا أخ

[جارةالوادى]

المفروض الناس اللى عقودها خلصت ومفيش جديد يعملو كدة لان القانون بيقول انهم بعد سنتين واستيفاء الشروط المفروض ياخدو شهادة الصلاحية ويتعينو اما اللى هما زى حالاتى كدة ولسة عقدهم ماخلصش (10/3) مينفعش يعملو اضراب لانهم لسة مكملوش السنتين ولسة مش بقالهم حق واضح فى القانون بس انا شايفة ان الدنيا هادية اوى ومحدش فارق معاه

[muhammad ellithy]

دعوة محترمة من شخص محترم و لكن يا اخي الفاضل السلبية ليست مشكلتنا وحدنا كمعلمين مساعدين بل هي ظاهرة عامة على افراد الشعب إلا القليل و مبدأ الشعب " البلد بلدهم " و " ملناش دعوة "
و مسيرها تتسهل
و لن تجد إلا الكلام من السادة اعضاء هذا المنتدى سواء بالتأييد أو بالرفض و السخرية لطرحك
عموما أنا أؤيد فكرتك حتى و لو بالقلب و هذا أضعف الإيمان
و ندعو الله أن يوفقنا لما فيه رضاه
و صلى الله على سيدنا محمد و على آله و سلم

[رائحه الورد]

جاره الوادى تقصدى السنه الثالثه ولا الثانيه

[رائحه الورد]

والله عندك حق وياريت كلنا يكون لنا موقف ايجابى شويه ونطالب بحقنا وكفايه زل ومهانه بقى خلاص تعبنا بجد

[جارةالوادى]

المشاركة الأصلية كتبت بواسطة رائحه الورد

جاره الوادى تقصدى السنه الثالثه ولا الثانيه

انا اقصد ان فيه ناس خلصت سنتين 31/12 ودى اخر مهلة لان القانون بيقول سنة على معلم مساعد ويمكن للوزير تجديد سنة اخرى وده فعلا اللى حصل يبقى الناس اللى خلصت السنتين ليهم حق فى شهادة الصلاحية والتعيين زى ماقانون الكادر بيقول

[the keng]

المشاركة الأصلية كتبت بواسطة جارةالوادى

المفروض الناس اللى عقودها خلصت ومفيش جديد يعملو كدة لان القانون بيقول انهم بعد سنتين واستيفاء الشروط المفروض ياخدو شهادة الصلاحية ويتعينو اما اللى هما زى حالاتى كدة ولسة عقدهم ماخلصش (10/3) مينفعش يعملو اضراب لانهم لسة مكملوش السنتين ولسة مش بقالهم حق واضح فى القانون بس انا شايفة ان الدنيا هادية اوى ومحدش فارق معاه

مع كامل احترامي لكي ياجارة
فإن ردك ليس له معني سوي الهروب
مهو اللي هيطبق علي اللي قبلك هيطبق عليكي

نسأل الله عزوجل وحده أن يثبتنا ويثبتكم

[msrahmedseef]

يا جماعة انا قلت الكلام ده من زمان كل واحد يشوف مصلحتة بعيد عن التربية و التعليم بس اللى عامل فينا كده الخوف و الامل كل واحد منا عنده امل ان التثبيت هايبقى السنة دى بل كل واحد فاكر ان التثبيت هايبقى بكرة قبل بعده و الوزارة ممشيانة بنظرية الحمار والجزرة يعنى كل شوية يطلعوا تصريح ان التثبيت ها يبقى الشهر اللى جاى واحنا بنجرى ورا الامل انا اول واحد منكم بجرى ورا الامل ده ونفسى اتثبت علشان احس بالاستقرار الاجتماعى ولكن انا فى قراره نفسى اخذت قرار وباذن الله لن اتراجع عنه الا فى حالة عدم توفر الظروف انا بعد السنة الدراسية دى انا لم يظهر جديد فى الوزارة انا من اول الناس اللى هايتركو العمل فى وزارة الفقر دى وهادور على عمل آخر سواء فى مصر او فى اى دولة اخرى ولن ابكى على العمل المشين الذى اعمل فية فهو ليس بكرامة ولكنة اهانة ولو نى هاتهان خارج مصر بس هاجيب فلوس هنا فى مصر بتهان بس ما فيش فلوس وكل عام وانتم بخير

[البروفيسير ابو اياد]

هههههههههههههههههههههههههههههههههههه موت يا حمار طبعا فاهم

[مروة المصرية]

المشاركة الأصلية كتبت بواسطة msrahmedseef

يا جماعة انا قلت الكلام ده من زمان كل واحد يشوف مصلحتة بعيد عن التربية و التعليم بس اللى عامل فينا كده الخوف و الامل كل واحد منا عنده امل ان التثبيت هايبقى السنة دى بل كل واحد فاكر ان التثبيت هايبقى بكرة قبل بعده و الوزارة ممشيانة بنظرية الحمار والجزرة يعنى كل شوية يطلعوا تصريح ان التثبيت ها يبقى الشهر اللى جاى واحنا بنجرى ورا الامل انا اول واحد منكم بجرى ورا الامل ده ونفسى اتثبت علشان احس بالاستقرار الاجتماعى ولكن انا فى قراره نفسى اخذت قرار وباذن الله لن اتراجع عنه الا فى حالة عدم توفر الظروف انا بعد السنة الدراسية دى انا لم يظهر جديد فى الوزارة انا من اول الناس اللى هايتركو العمل فى وزارة الفقر دى وهادور على عمل آخر سواء فى مصر او فى اى دولة اخرى ولن ابكى على العمل المشين الذى اعمل فية فهو ليس بكرامة ولكنة اهانة ولو نى هاتهان خارج مصر بس هاجيب فلوس هنا فى مصر بتهان بس ما فيش فلوس وكل عام وانتم بخير

عندك حق فى كل كلامك*عن نفسى آخرى معهم السنة دى*زهقت ومليت من الانتظار

[أشـرف فتحى]

[quote=محمدطعيمة;2974021]يا عم اضرب براحتك
وإن كان حذف الموضوع هو اللي مخوفك ما تخافش
اضرب براحتك يا أخ[/quot e]

ياريــــت بلاش تريئة

[عاشقه الجنه 29]

طيب ياجماعة عيزين نتفق ونحدديوم معى بعض ولون بعض الردود غير مطمئنة ومعى احترامى الشديد للاستاذ محمد طعيمة والذى احترمة واكن له كل التقدير مش دة الرد اللى كنت منتظرة من قادة المنتدى اللى فى مثل ظروفنا وفى مركب واحدة معنى كلامك اية يعنى ان انا بتكلم وخلاص انا اقسمت لكم انى هنفذ بس محتاج المساندة من الكل لان الموضوع لابد وان يكون جماعى حتى يكون له رد الفعل المطلوب وشكلكم كدة بتهودونى وخلاص بدون جدية كالعادة