بلاش تتفرج على " يوسف الصديق " .. وتعالى تابع " يوسف الأحلام "

[abosalah_crazyboy]

[SIZE="5"]بسم الله الرحمن الرحيم

أخباركم إيه ؟؟

تعالوا أحكيلكوا حكاية بسيطة حصلت معايا النهاردة .... ومعلش إستحملوني وكملوا الموضوع للآخر

واحد صاحبي بيسألني سؤال لولبي : قالي تعرف إسم سيدنا يوسف الحقيقي إيه ؟؟
قولت له : هو فيه سيدنا يوسف الحقيقي وسيدنا يوسف المزور ؟؟
قال : لا ... أنا أقصد الإسم ... الإسم الحقيقي لسيدنا يوسف ؟
قولت : أكيدد يوسف
قال . لا
- إمال إسمه إيه ؟
- يوزرسيف
- إيه ...مين ؟
- يوزر سيييييييييف
- جبتها منين دي ؟
- من المسلسل .....
- آه المسلسل ... بص يا بن الحلال .. هل بتوع المسلسل يعرفوا سيدنا يوسف أكتر من أخواتو
- قصدك إيه يعني
- جاوبني بس ... يعرفوه أكتر من أخواتو ؟
- لا طبعاً ... هما مش يعرفوه أصلا
- طيب ... يعرفوه أكتر من أبوه ؟"؟؟
- لا طبعاً ... أبوه أكتر
- طب معلش ... يعرفوه أكتر من ربه .. أكتر من الله
- أكيد لأ
- طيب يا باشا .. ربنا قال عن نبي الله يوسف إن إسمه يوسف ولما نادى عليه قاله ."" يوسف أعرض عن هذا وإستغفري لذنبك إنك كنتي من الخاطئين " ... ولما إتكلم عنه " لقد كان في يوسف وأخوته آيات للسائلين " ..... ولما أخوته تكلموا عنه قالوا " إذ قالوا ليوسف وأخوه أحب إلى أبينا منا ونحن عصبة " .. ولما أبوه - سيدنا يعقوب عليه السلام - تكلم عنه قال " إني لأجد ريح يوسف لولا أن تفندون " .... معقوله بقا أنا أكذب دول وأصدقك إنتا والمسلسل

مسلسل يوسف الصديق ... حاجة إنتشرت بين المسلمين وفتحت أبواب النقاش على حاجات كتير زي جواز تجسيد الأنبياء والصالحين .... وكل واحد أدلى بدلوه وأنا مش عاوز أتكلم في الموضوع ده بس هقولك إن من شروط التمثيل الحلال اللي وضعها العلامة إبن عثيمين : ألا يكون فيه تجسيد للأنبياء والصحابة والصالحين ... ولا تجسيد للفسقة والكافرين .... !!! ومش ده موضوعنا

المسلسل بيتعرض على إحدى القنوات المعروفة بإحترامها اللي مش موجود ... وعامل شعبيه كويسة وأنا شايف إن سبب الشعبية دي إن الناس عاوزة تعرف دينها و تسمع قصص من القرآن بس من غير ما تتعب نفسها .. علشان كده حبوا يعرفوا الحكاية من المسلسل ويستسهلوا .... طبعاً المسلسل إيرااااني شيعي ..!!

طب يا سيدي ده " يوسف الصديق " عرفنا إنك تقصد المسلسل ...
تقصد إيه بــ " يوسف الأحلام "
أقولك يا أستاذي ... بس بعد ما تصلي على نبي الله محمد ونبي الله يوسف ... صلى الله عليه وسلم

يوسف الأحلام ... سلسلة قدمها الشيخ محمود المصري من كام سنة في رمضان .. بيحكي فيها قصة سيدنا يوسف من القرآن والسنة الصحيحة ...بأسلوب سهل وبسيط وميسر وطبعاً كلنا عارفين أسلوب الشيخ الرائع
أنا قولت ...طالما قصة سيدنا يوسف الناس حبتها وعايزة تعرفها ... يبقى تعرفها من أصلها .. من القرآن وصحيح السنة ...
وهعملك مقارنة بسيطة بين الإتنين " يوسف الصديق " .. " يوسف الأحلام "

أولاً يوسف الصديق "
- النوع : مسلسل ( طبعاً التمثيل حرام علشان الستات اللي فيه والمزيكا و تجسيد الأنبياء )
- البلد : إيران (( أصل الشيعة ... الشيعة اللي بيسبوا الصحابة ويلعنوا أمي وأمك ... السيدة عائشة رضى الله عنها وصلى الله على زوجها )
- المصدر : بالرغم من إني مشفتش المسلسل .. لكن أكيد هيبقى فيه غلطات تاريخية تغالط الدين .. طبعاً علشان يعملوا حبكة .. يبقى أصل القصة مش من عندنا
- الشخصيات : ناس مش نعرفهم ومنعرفش الممثل ده عمل أدوار إيه قبل كده
- المعلومات الموجودة : -----------

ثانياً : يوسف الأحلام
- النوع : سلسلة دعوية رائعة قدمها الشيخ محمود المصري بأسلوب سهل ورائع
- البلد : مصري .. والشيخ سلفي سني متبع للنبي صلى الله عليه
- المصدر : النبعان الصافيان ... القرآن وصحيح السنة
الأشخاص : داعية فاضل صاحب وجه بشوش وضاحك
- المعلومات : كلها موثقة ومراجعة ومطابقة لصحيح السنة على صاحبها أفضل الصلاة والسلام ..

ها قررت ... هتشوف أنهي وتسيب مين

طب لو مش قررت .. جرب ومش هتخسر ... وإختار يا سيدي

أنا هنزل هنا حلقات السلسلة إن شاء الله ... حملها وإتفرج عليها ومتنسانيش بدعوة في ظاهر الغيب

[abosalah_crazyboy]

حلقات سلسلة يوسف الأحلام .. لفضيلة الشيخ محمود المصري


-
هنزل هنا أول خمس حلقات .. ولو لقيت تشجيع هكمل .. والحلقات موجودة صوتية أو فيديو حسب ما تختار

أولاً ::: الحلقات المرئية ( فيديو )
الأولى
الثانية
الثالثة
الرابعة
الخامسة

ثانياً :: الحلقات صوتية بصيغة MP3

الأولى
الثانية
الثالثة
الرابعة
الخامسة

[/SIZE]

[اسماعيل ابراهيم]

جزاك الله خيرا انا والله كنت عاوز اعرف حكاية المسلسل دى حرام ولا حلال
موضوع جميل والله ويارييت تجيب الحلقات بسرعه وانا هحاول انصح اصحابى وادهالهم

[samar saad]

موضوع جميل جدا الحقيقة والله انا كمان لما تابعت المسلسل كنت محتاره فى حاجات كتير مش زى ما درست القصة فعلا
واما بالنسبة لموضوع التجسيد ده فعلا حرام وناس كتير معارضة المسلسل عشان كده
وبالنسبة للدولة فعلا ايران شيعه واعتقد فى حاجات كتير فى المسلسل مش صح عشان كده والله بطلت اتفرج عليه لانى حاسة بتناقض غريب فى اللى درسته والمسلسل
بس ليه احنا قبلنا بأخذ عمل زى ده ونبوظ ثقافتنا الدينية اللى بنحاول اصلا نكونها
انا محتارة فعلا فى امر المسلسل ده
الف شكر لحضرتك
موضوع مهم وكان لازم نتكلم فيه

[ميراج]

بجد ربنا يكرمك ويجزيك خير
على الموضوع ده
بجد مش عارفه ايه المسلسل ده
كفايه تجسيد شخصيه سيدنا يوسف
كمان معلومات خاطئه عن سيدنا يوسف
واسمه والله اعلم ايه كمان فى المسلسل
ربنا يرحمنا
والمفروض اى انسان بيفكر وعنده عقل
لقا قى المسلسل تجسيد لشخصيه
نبى من الانبياء
ميتفرجش عليه اصلا
شكرا ليك مره تانيه على الموضوع
وياريت فعلا اى حد بيتفرج على المسلسل ده
يبطل يتفرج عليه بجد
تقبل مرورى

[abosalah_crazyboy]

المشاركة الأصلية كتبت بواسطة اسماعيل ابراهيم

جزاك الله خيرا انا والله كنت عاوز اعرف حكاية المسلسل دى حرام ولا حلال
موضوع جميل والله ويارييت تجيب الحلقات بسرعه وانا هحاول انصح اصحابى وادهالهم

المسلسل حراااااااااااااااااااااااااااااااام وحرام مشاهدته بإجماع علماء المسلمين القدامى والمعاصرين ولجنة كبار العلماء ومجمع البحوث ... كلهم أجمعوا على عدم تجسيد الأنبياء والملائكة ... والمسلسل فيه جبريل ويوسف ويعقوب والأسباط ....

ودي فتوى من الشيخ سالم عبدالجليل .. من علماء الأزهر ومجمع البحوث
طبعاً انا إخترت الشيخ سالم لأنه أولاً من الأزهر ... وثانياً من المشايخ السهلة اللينة اللي الناس بتحبها وبتسهلها ع الناس ... لو كنت جبت شيخ سلفي ( مع إن ده المفروض ) هلاقي اللي يقولك ده سلفي ووهابي ومتشدد والكلام المطاط ده

نص الفتوى :

أفتى الدكتور سالم عبدالجليل، وكيل وزارة الأوقاف، بتحريم مشاهدة مسلسل «يوسف الصديق» باعتباره يجسد حياة أحد أنبياء الله، معتبرا أن من يخالف ذلك ويشاهد العمل فهو بذلك يعصى الله ورسوله.

وقال: «كل مسلم يشاهد هذا العمل فهو يرتكب معصية»، وطالب كل المسلمين بمقاطعة المسلسل وعدم مشاهدته لأنه لم يراع حرمة الأنبياء بتجسيد شخصية النبى يوسف على الشاشة.

وأضاف عبدالجليل: هناك اجماع من علماء الدين على عدم جواز تجسيد الملائكة والأنبياء بأى حال من الأحوال فى أى عمل درامى أو فنى.. وانطلاقا من هذا المبدأ فلا يجوز متابعة مسلسل «يوسف الصديق» أو غيره من الأعمال التى تجسد أحد الانبياء.. فهذا حرام شرعا وكل من يشاهد هذا العمل فهو يرتكب معصية بلا شك.

وقلل وكيل وزارة الأوقاف من أهمية حصول صناع المسلسل على فتاوى من مرجعيات شيعية تبيح تجسيد الأنبياء، وقال: لا يعنى أبدا إذا ارتكب مسلم معصية أن نسامحه لأنه مسلم.. وما حدث هو ارتكاب معصية فى نظرنا نحن أهل السنة ولا يعفى العمل كونه صادرا عن ايران صاحبة المذهب الشيعى المختلف عن مذهبنا وليس كل ما هو صادر عن المرجعية الشيعية يتفق بالضرورة مع مرجعيتنا السنية.

ورفض عبدالجليل الربط بين تلك الفتوى وعرض المسلسل على فضائية مصرية، موضحا أنه من الواجب على أى وسيلة إعلامية أن تراجع المؤسسات الدينية إذا كانت تنوى التصدى لعرض هذه النوعية من الأعمال حتى ترفع الحرج عنها..

أما فيما يتعلق بفتوى التحريم والضرر الذى سيقع على المحطة فأنا لم أتعرض للقناة ذاتها فى فتواى بل وجهتها بالأساس للمشاهد فهناك قنوات كثيرة تدعو للمذهب الشيعى ولم أتعرض لها فمن حق أصحابها أن يدعو لمذهبهم وأنا لا أصادر على حقهم ولكن واجب علىَّ كرجل سنى أن أحذر المسلمين من مشاهدتهم ومشاهدة هذه النوعية من الأعمال الدرامية.

وتابع قائلا: الخوف كل الخوف أن يتأثر بها أبناؤنا الصغار والشباب الذين لايزالون فى مرحلة النشء وتكوين خبراتهم الحياتية بأن يترسخ فى أذهانهم جواز هذه الأعمال التى يتجسد فيها الأنبياء من متابعتهم لها على الشاشة بشكل طبيعى ومتاح فلا أحد ينكر أبدا حقيقة تأثير العمل الفنى على شريحة كبيرة من المشاهدين وعلى كل حال الأمر فى يد المشاهد فهو وحده القادر على أن يتخذ قراره وفقا لرؤيته الخاصة إما بمتابعة العمل أو الابتعاد عنه.

ورفض وكيل وزارة الأوقاف اتهام علماء الدين بالوقوف ضد الابداع الفني، وقال: لسنا ضد الابداع بل بالعكس تماما فنحن مأمورون بالابداع بكل نواحى الحياة ولكن بما يتفق مع الاطار الشرعى لديننا الاسلامى ونحن نطالب باحترام أنبيائنا وعدم تجسيدهم على الشاشة وهذه مسألة خاصة جدا بالسنة بدليل أننا لم نعترض على مسلسل «الرسالة» الذى يتعرض للصحابة ولرسول الله محمد (صلى الله عليه وسلم) لأن العمل احترم نبينا محمد واستعان بمن يحكى عنه.

وعن ارتباط هذه الفتوى بمسلسل «يوسف الصديق» رغم ان القناة ذاتها عرضت العام الماضى مسلسل «مريم العذراء» قال: الفتوى صدرت لأن هناك من بادر بالسؤال والبحث عنها وفى كل الأحوال نحن جميعا نرفض كل الأعمال التى تجسد الأنبياء جميعهم بمن فيه المسيح وأمه بالطبع السيدة مريم.. فنحن نتعامل مع الأنبياء جميعهم كنبى واحد ولا يجوز أن نطبقه على سيدنا محمد وبالتالى لا يجوز أبدا أن نطبقه على نبى غيره.

ياريت بقا نصدق ونبطل نشوفه .....

شكراً على مرورك يا اسماعيل وإن شاء الله أكمل بقية الحلقات

[**تسابيح**]

موضوع غاية في الأهمية
فعلا تجسيد الأنبياء حرام
وسيدنا يوسف الذي ليس في جماله بشر
يمثله واحد زي دااا!!!
بجد مهزلة
دلوقتي لو اطفال بيشاهدوا المسلسل وفي المستقبل
حبوا يقرأوا سورة سيدنا يوسف
أكيد هيجيب في بالهم ان سيدنا يوسف شكله زي الممثل
هي وقتها هتبقي حاجة لا شعورية !!!!!!
وكدا استهانة بالأنبياء الله !!
وغير ان الشيعية مسبوش حاجة اللي لما ادخله عليها التحريف !!!
ربنا يهديهم ....
موضوع متميز
تم التثبيت

[ياسمينايا]

بجد موضوع جميل ..
واحسن حاجه تبيين الصحيح مع الاسباب ..
انا الحمد لله مش بشوف المسلسل ..ولا عايزة اعرف بييجى امتى ..ولا على اي قناه ..وده من فضل ربنا الحمد لله ..
وانا متابعه معاكو حلقات يوسف الاحلام ان شاء الله ..
شكرا ع الموضوع الرائع ..

[star alex]

جزاك الله خيرا انا والله كنت عاوز اعرف حكاية المسلسل دى حرام ولا حلال

[SPIDER SAM]

جزاك الله كل خير
انا سمعت انه هيتعمل مسلسل عن سيدنا يوسف بس بصراحة مصدقتش
بس في يوم لقيت ابي بيقلب وبالصطفة لقي المسلسل معروض علي قناة مش فاكره اسمها بس تابعته اليوم ده وفعلا لقيت فيه حاجة غيريبة جدا جدا جدا اول مرة اسمع عنها وكمان مجسدين نبي لا بجد حرام عليهم اووووي
وشكرا انك نبهتنا ان المسلسل دا حرام لاني بصراحة كنت ناوية اتابعه رغم اني مش متابعة اي مسلسل خالص

[abosalah_crazyboy]

المشاركة الأصلية كتبت بواسطة samar saad

موضوع جميل جدا الحقيقة والله انا كمان لما تابعت المسلسل كنت محتاره فى حاجات كتير مش زى ما درست القصة فعلا
واما بالنسبة لموضوع التجسيد ده فعلا حرام وناس كتير معارضة المسلسل عشان كده
وبالنسبة للدولة فعلا ايران شيعه واعتقد فى حاجات كتير فى المسلسل مش صح عشان كده والله بطلت اتفرج عليه لانى حاسة بتناقض غريب فى اللى درسته والمسلسل
بس ليه احنا قبلنا بأخذ عمل زى ده ونبوظ ثقافتنا الدينية اللى بنحاول اصلا نكونها
انا محتارة فعلا فى امر المسلسل ده
الف شكر لحضرتك
موضوع مهم وكان لازم نتكلم فيه

الموضوع مش محتاج حيرة ولا حاجة ... ده حتى على رأي واحد أعرفه قالي : تجسيد الأنبياء أمر لا يتماشى مع الفطرة السوية ... فلا يوجد شخص يمكن أن يتخيل أن فلان شكل نبي ........
طبعاً أنا تعرضت لمساوئ المسلسل .... والحمد لله أنا مش متابعه ولا عمري شفته .... لو كنت إتفرجت على حلقة منها كنت طلعت لك الغلطات اللي فيه وأفندها ... ولكن أحسن لنا نبعد عنه ... قال رسول الله صلى الله عليه وسلم " فمن اتقى الشبهات فقد استبرأ لدينه وعرضه "

شكراً على الرد ... وأحب أوضح حاجة إن مقاطعة المسلسل ده هتسد طريق كبير وتقفل باب مش عاوزينه
إزااااي ؟؟ ... أقولك بس صلي على خير الخلق و حبيب الحق
الناس دول - ربنا يهديهم أو ياخدهم أخذ عزيز مقتدر - لما عملوا المسلسل ده .. لو لقوا شعبيه... هيبقى ده تشجيع لهم إنهم يكملوا
النهاردة يوسف الصديق ... بكرة عيسى المسيح ... وبعده موسى الكليم ... ونلاقي نفسنا بنتفرج على سيرة سيدنا محمد في مسلسل ...وده طبعاً لا يكمن يرضى بيه أي مسلم في قلبه مثقال حبة من إيمان
شكراً على الرد ... ونورتي الموضوع

[quote]

المشاركة الأصلية كتبت بواسطة تسابيح النجوم

موضوع غاية في الأهمية
فعلا تجسيد الأنبياء حرام
وسيدنا يوسف الذي ليس في جماله بشر
يمثله واحد زي دااا!!!
بجد مهزلة
دلوقتي لو اطفال بيشاهدوا المسلسل وفي المستقبل
حبوا يقرأوا سورة سيدنا يوسف
أكيد هيجيب في بالهم ان سيدنا يوسف شكله زي الممثل
هي وقتها هتبقي حاجة لا شعورية !!!!!!
وكدا استهانة بالأنبياء الله !!
وغير ان الشيعية مسبوش حاجة اللي لما ادخله عليها التحريف !!!
ربنا يهديهم ....
موضوع متميز
تم التثبيت

شكرا أختى على الرد وعلى التثبيت .... والموضوع نور والله بوجودك

وطبعاً زي ما قولتي إن ده إستهانة بالأنبياء ..... والنبوة لها هيبة ووقار .. ولازم نعرف إن الأنبياء بشر ليسوا كباقي البشر ... بل هم بشر معصومون بعصمة من عند الخالق عز وجل .. ولهم مزايا غير باقي البشر .. ودي طبعاً مسألة في العقيدة
--- ولما تعرف إن المسلسل ده شيعي ..... لازم يتقاطع ونبطل نتفرج عليه ..... لما تعرف إن المسلسل ده من عند اللي سبوا الصحابة وحرفوا القرآن و لعنوا أمهات المؤمنين ( حفصة وعائشة ) ... وتبرأو من أبو بكر وعمر ..... وقدسوا علي بن أبي طالب .... جعلوه نبي .... وجعلوه إله ... آه والله ... راجع عقيدة الشيعة الإمامية الإثنا عشرية والمؤلهة .... هتلاقي عنهم بلااااااوي سودة .... بإجماع العلماء فإن أئمة الشيعة كفااااااااار مرتدين ..... لكن عامة الشيعة لا يطبق هذا الحكم عليهم إلا إذا كانوا على علم ..... بعد ده كله ... لسو برضه مصمم/ة تشوفه

المشاركة الأصلية كتبت بواسطة ياسمينايا

بجد موضوع جميل ..
واحسن حاجه تبيين الصحيح مع الاسباب ..
انا الحمد لله مش بشوف المسلسل ..ولا عايزة اعرف بييجى امتى ..ولا على اي قناه ..وده من فضل ربنا الحمد لله ..
وانا متابعه معاكو حلقات يوسف الاحلام ان شاء الله ..
شكرا ع الموضوع الرائع ..

إن شاء الله الحلقات هنزلها كاملة بالتتابع ... وأحسن حاجة نبعد عن الفتنة دي ... " فمن إتقى الشبهات ففقد إستبرأ لدينه وعرضه "

المشاركة الأصلية كتبت بواسطة star alex

جزاك الله خيرا انا والله كنت عاوز اعرف حكاية المسلسل دى حرام ولا حلال

أعتقد إني وضحت المسألة دي ... ولو فيه أي إستفسار أنا تحت أمرك

المشاركة الأصلية كتبت بواسطة spider sam

جزاك الله كل خير
انا سمعت انه هيتعمل مسلسل عن سيدنا يوسف بس بصراحة مصدقتش
بس في يوم لقيت ابي بيقلب وبالصطفة لقي المسلسل معروض علي قناة مش فاكره اسمها بس تابعته اليوم ده وفعلا لقيت فيه حاجة غيريبة جدا جدا جدا اول مرة اسمع عنها وكمان مجسدين نبي لا بجد حرام عليهم اووووي
وشكرا انك نبهتنا ان المسلسل دا حرام لاني بصراحة كنت ناوية اتابعه رغم اني مش متابعة اي مسلسل خالص

أي حاجة في الزمن ده لازم تصدقيها ... زمن الفتن ... فتن الشبهات ... ظلمات بعضها فوق بعض إذا أخرج أحدنا يده لم يكد يراها ......... شكراً على الرد

[abosalah_crazyboy]

المشاركة الأصلية كتبت بواسطة abosalah_crazyboy

حلقات سلسلة يوسف الأحلام .. لفضيلة الشيخ محمود المصري


-
هنزل هنا أول خمس حلقات .. ولو لقيت تشجيع هكمل .. والحلقات موجودة صوتية أو فيديو حسب ما تختار

أولاً ::: الحلقات المرئية ( فيديو )
الأولى
الثانية
الثالثة
الرابعة
الخامسة

ثانياً :: الحلقات صوتية بصيغة MP3

الأولى
الثانية
الثالثة
الرابعة
الخامسة

نكمل الحلقات بإذن الله

الحلقــــ 6 - 12 ــــة

أولا الحلقات فيديو مرئية بصيغة AVI

السادسة
السابعة
الثامنة
التاسعة
العاشرة


ثانياً : الحلقات صوتية MP3

السادسة
السابعة
الثامنة
التاسعة
العاشرة


[/SIZE]

[abosalah_crazyboy]

نكمل الحلقان بإذت الله

الله المستعان

الحلقـــ 11 - 15 ــة

أولا - الحلقات فيديو AVI
الحادية عشر
الثانية عشر
الثالثة عشر
الرابعة عشر
الخامسة عشر

ثانياً : الحلقات MP3

الحادية عشر
الثانية عشر
الثالثة عشر
الرابعة عشر
الخامسة عشر

أنا كده نزلت أول 15 حلقة من السلسة ... يعني تقريباً نصها ... ومش هنزل حاجة تاني إلا لما تدفع حساب الحلقات اللي فاتت
أيوة .. حسابهم .. إنت بتنسى بسرعة كده ليه .... إحنا مش إتفقنا إن حسابهم هو الصلاة على النبي - صلى الله علىه وسلم -- وإنك تدعيلي بظاهر الغيب

والله ما هتخسر ... إنت متعرفش إن الرسول * صلى الله عليه وسلم قال : (ما مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ) رواه مسلم ..... يعني إنت الكسبان ... والدعاء بظاهر الغيب مستجاب ... يالا بقا خلى الملك يدعيلك ... وإدعيلي بالهداية والنجاح والتوفيق والسداد والرشاد ... وأي حاجة عاوزها لنفسك

ومش عاوز بقا أقولك فضل الصلاة على النبي ... ده فيها تكفير ذنوب وجبال حسنات ورفع درجات و تفريج كربات وذهاب الهم والغم ..... وقال صلى الله عليه وسلم : { من صلّى عليّ واحدةً صلّى الله عليه عشر صلوات وحط عنه عشر خطيئات ورفع له عشر درجات } { أولى الناس بي يوم القيامة أكثرهم عليّ صلاة } { البخيل كل البخل الذي ذكرت عنده فلم يصليّ عليّ } { من نسي الصلاة عليّ خطئ طريق الجنة } { أيّما قوم جلسوا مجلساً ثم تفرقوا قبل أن يذكروا الله ويصلوا على النبي كانت عليهم من الله تره إن شاء عذبهم وإن شاء غفر لهم }

وكل دي أحاديث صحيحة ...... ها .. دفعت الحساب ولا لسة !!

[Miss Reem]

على فكرة ناس كتيرة اوى بتتفرج على المسلسل دا
واطفال كتير بتشاهده
وحفظين احداثه
ودا خطر عليهم هيشكل تفكيرهم ووجدانهم بعد كدا
وحتى تمشى فى الشارع تسمع المحلات كلها مشغلاه
احنا عايزين نفسر الظاهرة دى
وخصوصا الاطفال ومدى تاثرهم بييه

[Miss Reem]

المسلسل دا اتزاع السنه الماضيه على المنار
وقد شاهدته العام الماضى واستغربت كثيرا
بس فيه ميزة واحد ه
وهى
انه حببنى فى مصر
مصر القديمه طبعا وحسسنى مدى العز ال كنا فيه زمااااااااااااان