ساعدونى جزاكم الله

[محمد بوب]

السلام عليكم انا محمد 3 ثانوى علمى
مذهبى حنفى
كنت عايز اعرف معنى
(يصدق ديانة و يصدق قضاء)
وهذا فى باب الطلاق[size=7]
وشكرا[img]33333333333.jpg[/img]

[bent msr]

السلام عليكم
بص ياسيدى : مثلا الحكم اللى بيقول (لو قال : انت طالق غدا تقع بطلوع الفجر ولو نوى اخر النهار صدق ديانه لا قضاء )
صدق ديانه يعنى صدقته زوجته فى نيته دون ان ترفع الامر للقاضى
اما صدق قضاء يعنى رفعت الزوجه امره للقاضى وفى الحاله دى لا يصدق قضاء لان نيته مخالفه للظاهر الا ان اللفظ يتحمله لذلك يصدق ديانه فقط لان القاضى لا يحكم الا بالظاهر

[محمد بوب]

متشكررررررررر جدا جدددا جدا جدا للمجهود والايضاح

[سيد سعد غباغبي]

اللهم وفق ابناءنا لما تحبه وترضاه
آمين

[ابو السيد]

يا جماعة لوسمحتم كيف أدخل لأسمع دروس الغرف الصوتية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:abdoog8:

[hozayffa]

السلام عليكم ورحمة الله وبركاته

لو انت عايز تخش الغرف الصوتية لازم تنزل اول حتجة لازم تنزل
البرنامج دة http://download.ivocalize.net/iVocalize4Setup.exe
بعد ما ينزل شغلة وبعد كدة هيجيبلك رسالة
Insallation Complete

بعد كدة ممكن تخش اى غرفة في ميعاد الحصة اللى عندك وتسمع المدرس

الغرفة الاولى : http://wwwthanwyacom.s.roomsserver.net/?j=0

الغرفة الثانية : http://wwwthanwyacom-1.s.roomsserver.net/?j=0

لو عايز شرح احسن وبالصور لمدير الموقع
من هنا http://www.thanwya.com/vb/showthread.php?t=39933



جدول الثالث الثانوى

http://www.thanwya.com/vb/showthread.php?t=81005







:av4056b b7jp3::a v4056bb7jp3:
:07811 1rg3:: 078111rg3::078111 rg3::0 78111rg3:

[ابو السيد]

شكرا جزيلا على ردك

[المشتاق لعفو ربه]

بسم الله الرحمن الرحيم
أود ان اخص بالتحية الاستاذ أحمد بهدر حفظه الله وارجوا من الله ان يبارك في علمه ومجهودة الواضح
والله ارجوا من حضرتك ان توضح الزواج المباح علشان هو مش واضح في الكتاب ولا في مذكرة حضرتك
وياريت تضربنا ليه مثل
وجزاكم الله خيرا

[أحمد بهدر]

السلام عليكم / أخي المشتاق

جزاك الله خيراً على جميل قولك ولطفك

أولاً : لابد وأن تتفق معي أنك لن تسأل إلا عما بالكتاب .
وما بالمذكرة هو ما بالكتاب .
ثانياً : الزواج المباح

لتعلم اخي أن الإباحة ليست حكما قائم بذاته ، بل هو حكم تابع للاستحباب أو للوجوب ...

بمعنى : أنك لو كانت لديك القدرة على تكاليف الزواج وللا تخشى الوقوع في الحرام

هنا : يستحب ويباح لك الزواج لتقيم سنة نبيك ولتعمر الأرض بذريتك ، وما دام مستحباً فهو مباح .

وكذا لو كانت لديك القدرة على تكاليف الزواج وخشيت الوقوع في الحرام

هنا : يجب ويباح لك الزواج لتقيم سنة نبيك ولتعمر الأرض بذريتك ، وما دام واجباً فهو مباح .


إذاً فالإباحة ـ فيما أرى ـ لازم من لوازم الوجوب والاستحباب


فلا يجب على الإنسان الزواج إلا إذا كان مباحاً أولاً ، ولا يستحب كذا إلا لو كان مباحاً



والله أعلم

أحمد بهدر

[المشتاق لعفو ربه]

جزيتم خير الجزاء
وأسأل الله أن ينفع بك وبعلمك انه علي كل شئ قدير
والله يا استاذي اود أن ابشرك باكثر من بشري
اولها : أني احبك في الله
ثانيها : ان الفقه بقي لذيذ اوي خاصة انني الان نزلت مذكرة حضرتك وكل اما اخذ درس اجي انقلة من مذكرة حضرتك والله بالظبط زي مابقول لحضرتك ومع احترامي لمدرسي فانا لم اعد اهتم بالاسئلة التي يلقيها مثل الاول لاأني وجدت البديل من حضرتك ولا سيما ان كان هذا البديل أجمل واوضح واشمل وايسر والنقطة اللي عجباني قوي ان حضرتك مش سايب حاجة من اللي في الكتاب
ثالثها : ان فيه واحد صاحبي احبه جدا وهو يعلم حضرتك لأنه مشترك في هذا المنبر أسأل الله ان يجعله مباركا
والله يا استاذ أحمد أول ما قابلته اعطيته الورقة اللي انا كنت ناقل فيها كلام حضرتك اللي في المذكرة قالي يلا بينا علي المكتبة وصورها والله وعاوز اقول حضرتك حاجة ان انني ناقل المذكرة بتاعتك مثل ما انا نزلتها تماما لأن اني اعجبت جدا بالتنسيق
ونفسي تعطيني نقاط تساعدني فيكيفية مذاكرة المواد العربية مثل ما فعل اخونا سيف الاسلام
بالله عليك ما تأخر عليه وده ظني فيك انك ما تتأخرشي عن طلب من أحد طلابك فأنا اشرف ان اكون كذلك
واخيرا جزاكم الله خيرا علي الرد علي سؤالي
وانا اسف جدا علي التطويل فانا اعلم كم هو ثمين وقتكم
والسلام عليكم ورحمة الله وبركاته

[engteacher]

السلام عليكم انا يا استاذ احمد كان عندى طلب من زمان ممكن بعد ازنك تفعلوه انا كنت عاوز ملخص للمواد الشرعيه ادبى ممكن بعد ازنك ممكن دا طبعا بعد ازن سياتك ممكن وانا اوهنك على المجهود العظيم ده ويارب يبارك فيك وفى ولدك عبد الرحمن وانا ان شا الله هحضر معى حضرتك فى الغرفه الصوتيه بعد ازنك اخوك عبدالله البحراوى الملخص للصف الول الثانوى ادبى ازهري :abdoog8::abdoog8::abdoog8::abdoog8::abdoog8::abdo og8:

[أحمد بهدر]

والله يا عبد الله لم أقم بكتابة مذكرات سوى لمذكرة البلاغة ترم أول وهي على البوابة فقم بتحميلها

[اسراء عبد المقصود]

هام طلب عاجل من المعلم \أحمد بهدر أرجو من حضرتك التكرم بترك جدول المواد الشرعية والعربية للصف الثالث الثانوى أدبى لحاجتى العاجلة اليه حيث أريد ان انتظم معكم في الحضور لتلك الغرف الصوتية والله أرجو ان يجزكم عنا جميعا خير الجزاء والسلام عليكم ورحمة الله وبركاته

[خالد تعلب]

السلام عليكم ورحمة الله وبركاتة

انا للاسف مأجل من السنة اللى فاتت

وسبب تاجيلى انى ماكنتش مذاكر الشرعى

والسنة دى نفس الحكاية مش عارف اذاكر الشرعى خالص

ارجوكم حد يقولى اذاكرة ازاى وازاى اركز على حاجات معينة فيى


تحياتى

[HMHHG]

السلام عليكم ورحمة الله
يا خالد مذاكرة الشرعى من اسهل ما يمكن انت بس محتاج شوية تركيز وشوية حفظ
ولازم تخلى للمواد الشرعية ساعة على الاقل كل يوم علشان متنساش
واذا كنت بتنسى بسرعة فاعمل لك يوم مراجعة فى الاسبوع وراجع كل اللى اخدته
واذا كنت مش بتركز وانت بتذاكر فلازم اولا تصفى ذهنك تماما من كل حاجة ثانيا تبتدى تذاكر مادة بتشغل الدماغ زى الرياضة مثلا وبعدين زاكر المواد الشرعية حتلاقى ان مخك مركز وفاهم وحتحفظ بسرعة ان شاء الله
وفى الاول وفى الاخر لازم تستعين بالله وتقول الادعية قبل المذاكرة وياريت تصلى ركعتين بنيه الفهم والحفظ
وحاول تلخص اللى ذاكرته وتحل عليه كتير علشان ده بيثبت المذاكرة
وان شاء الله تدخل الامتحان السنه دى وتجيب مجموع كويس