من هم ال 40 الف متعاقد المعنين ؟ وشكرا

[داليا مصطفى ابراهيم]

هى وقفه 25\7 هتكون فين بالضبط

[MR : ABO BATTA]

25/7 دي حاجة والتعيين والكلام دا حاجة تانية يعني اللي اتفقنا عليه يتنفذ في هذا اليوم ان شاء الله

[أمير الشعـراء]

يا جدعان في وقفة ولا مفيش
حد يرد علينا

[شيموشيمو]

بدأت المرحلة الخامسة من مراحل تجميع شهادات الـ ICDL في يوم الأحد 18 / 7 / 2010 وحتى الخميس 29/7/2010.
والأكاديمية المهنية للمعلمين تهيب بالمعلمين المساعدين الذي اجتازوا امتحانات 20/11/2009 سرعة التقدم بهذه الشهادات بمجرد الحصول عليها ، كل حسب فرع الأكاديمية التابع له.
وإذا كانت الأكاديمية تؤكد على وجود مراحل أخرى تالية لتجميع هذه الشهادات ، إلا أنها تؤكد أيضاً على أهمية الإسراع في الحصول على هذه الشهادة ؛ لأن التعيين في وظيفة معلم سيكون على أكثر من مرحلة في ضوء استكمال الملفات.

[أمير الشعـراء]

كده فهمت
يبقى مفيش

[asm123]

ياجماعه انا مش عايز اعقد الدنيا مفيش تعيين ولا الحاجه كل اللى فى الموضوع تغيير المسمى الوظيفى من معلم مساعد الى معلم عامل مفرقتش جديد وربنا معانا وانا كنت فى منطقه المنصوره انهارده 20\7 المهم كنت بسلم شهاده icdl فبسال الموظف ان شاء الله فيه جديد رد عليا وقالى هو كان فيه قديم فكان جنبى مدرسه زى حالاتنا بتقله امال انتم تعبنا معاكم ليه ومحدش فاهم حاجه قالها ورق مطلوب وبنكمله فقلت حسى الله ونعم الوكيل ومشيت

[داليا مصطفى ابراهيم]

يا جماعه الوقفه دى هتكون فين بالظبط

[صلاح العربي]

المشاركة الأصلية كتبت بواسطة tkaddoor

يعني آخر كلام إيه في وقفة 25 /7
هنروح ولا مش هنروح
ياريت نتفق
لحسن أروح ملاقيش حد أقولهم إيه ؟
أنا جاي أقدم طلب أجازة ؟ !

ههههههههههههههههههههههههههههههههه

[داليا مصطفى ابراهيم]

المشاركة الأصلية كتبت بواسطة tkaddoor

يعني آخر كلام إيه في وقفة 25 /7
هنروح ولا مش هنروح
ياريت نتفق
لحسن أروح ملاقيش حد أقولهم إيه ؟
أنا جاي أقدم طلب أجازة ؟ !

هههههههههههههههههههههههههههههههههههه
مع احترامى لحضرتك
لو ما لقيتش ناس واقفه اقعد

[شريف حسن .]

الليى امتحن الكادر فقط

[فايز فراج]

يا جماعة يا معلمين يا مساعدين فى الازهر الشريف والتربية والتعليم الامر فى غاية السهولة والاطمئنان
أنا قلت قبل كدة بأن القانون لا يفرق بين معلمين مساعدين فى الازهر الشريف ولا معلمين فى التربية والتعليم
الكل سواء من ناحية المعاملة فى الماليات والتعيين إن شاء الله على الدرجات المالية
واحب أن أطمئن السادة السادة المعلمين فى الازهر الشريف والتربية والتعليم بأننا خاضعين كلنا جميعا تحت الاكاديمية المهنية للمعلمين والتي تتبع شخصيا للسيد وزير التربية والتعليم وذلك حسب القانون رقم 155 لسنة 2007 بدليل أننا خضعنا جميعا تحت إمتحانا واحدا في يوم 20/ 11/2009 والدليل الاخر ان الامتحانات كانت موحدة على مستوى على الجمهورية

لذا نحب نطمئن إخوانا السادة المعلمين فى الازهر والتربية والتعليم انه عند التعيين على وظيفة معلم سوف يكون فى الازهر والتربية والتعليم على حد سواء

مستر / فايز فراج
مدرس مساعد لغة انجليزية بالازهر الشريف
22/ 7 / 2010

[تامر سرواح]

واضح يااستاذ/فايز

[10القعقاع]

المشاركة الأصلية كتبت بواسطة مدحت52

يا استاذنا الكريم التعين الذي يكون على درجة مالية كما ذكر في الخبر يكون تثبيت

لا تعاقد لان ببساطة العقد ليس له درجة مالية
اظن كفاية بقى كتر كلام في النقطة دي
لان وبصراحة انا مش عارف اية الاستفادة اللي هترجع ليك من نشر رايك المضلل
الذي يبعث على الاحباط وللاسف دون دليل والاكثر من ذلك السطحية لانك لم تكلف نفسك بقراءة الخبر

جيدا

ربنا يكرمك ويُجزيك كل خير أخونا في الله مدحت52 ، والإخوة إللي بتسأل عن الوقفة ، في وقفتين ، وقفة عيد الفِطر ووقفة عرفة (قبل عيد الأضحى ) وللهِ الحمدُ والمنّة على التثبيت ( مُعلم بالكادر الخاص )

[10القعقاع]

المشاركة الأصلية كتبت بواسطة فايز فراج

يا جماعة يا معلمين يا مساعدين فى الازهر الشريف والتربية والتعليم الامر فى غاية السهولة والاطمئنان
أنا قلت قبل كدة بأن القانون لا يفرق بين معلمين مساعدين فى الازهر الشريف ولا معلمين فى التربية والتعليم
الكل سواء من ناحية المعاملة فى الماليات والتعيين إن شاء الله على الدرجات المالية
واحب أن أطمئن السادة السادة المعلمين فى الازهر الشريف والتربية والتعليم بأننا خاضعين كلنا جميعا تحت الاكاديمية المهنية للمعلمين والتي تتبع شخصيا للسيد وزير التربية والتعليم وذلك حسب القانون رقم 155 لسنة 2007 بدليل أننا خضعنا جميعا تحت إمتحانا واحدا في يوم 20/ 11/2009 والدليل الاخر ان الامتحانات كانت موحدة على مستوى على الجمهورية

لذا نحب نطمئن إخوانا السادة المعلمين فى الازهر والتربية والتعليم انه عند التعيين على وظيفة معلم سوف يكون فى الازهر والتربية والتعليم على حد سواء

مستر / فايز فراج
مدرس مساعد لغة انجليزية بالازهر الشريف
22/ 7 / 2010

جزاك الله كل خير على التوضيح ويا ريت بتوع الأزهر الشريف يفهموا بقى ويتّقوا الله بحق ولا يفعلوا مثل طنطاوي الذي أساء كثيراً لسُمعة الأزهر الشريف ، ولا حولَ ولا قُوّةَ إلاَّ بالله العليِّ العظيم ، ورحماتُ اللهِ وبركاتهُ على الشيخ محمد متولي الشعراوي الذي رفض أن يمسك وزير الأوقاف ، لكي لا يُنافق أو يُداهن أحد على حساب شرع أحكم الحاكمين ، والصلاة والسّلام على رسول الله وخاتم النّبيين سيدنا محمد صلى اللهُ عليه وآلهِ وصحبه وسلم والحمدُ لله رب العالمين.

[mahmoud20002010]

هم من امتحنوا فى 20 / 11 / 2009 م ونجحوا وحصلوا على icdl