ممكن اعرف ايه الكليات الى علمى رياضة ومجامعها (لا تبخلوا عليا)

n4pst3r · #17 24-07-2010, 03:30 PM

اولا في اختلاف بين الكليات العلمية

اولا كلية زي هندسة انصحك تخشيها حتى لو خاص .. لو انتي ميولك رياضة .. بس لازم تاخدي فكرة الأول عنها لأنها رياضة غير الجمع والطرح اللي كنا بناخدة في ثانوي

.. مثلا كنا بناخد تكامل وتفاضل 6 دوال .. في هندسة بياخدوا اكتر من تفاضل 34 دالة

وبعد كدة بيختلف نوع الرياضة باختلاف التخصص اللي هتتخصصيه

لو تحبي البرمجة مع شغل قليل من الرياضة خشي حاسبات وعلومات ..كلية حاسبات بتاخدي فيها رياضة 1 و رياضة 2 ( فيها جزء كبير من رياضة الثانوي بس دة في اولى وثانية .. بس بعد كدة بيطلعوا عنينا) + فيزياء حديثة + مواد برمجة طبعا

وانا عن نفسي زيك بعشق الرياضة بس للأسف انا مش قد رياضة هندسة ففضلت حاسبات

لو تحبي تطلعي دكتورة تحاليل خشي علوم - مش معنى كدة مفيش أقسام ثانية لاسمح الله .. لكن دة أفضل قسم من وجهة نظر ناس كتيييييييير -

.. كلية صعبة والنجاح فيها شبه مستحيل وكل اللي دخلوها حابينها اوي يعني

ويارب اكون عرفت ألخبطك .. قصدي افيدك