انا فى كلية صيدلة
واسمى ايمان
ونجحت السنة دى خلاص الحمد لله
واتثبت فى الكلية السكر دى
مش مهم المجموع ولا مهم الكلية اللى انت عاوز تدخلها
اد ما هو مهم انك تكون راضى باللى هيجيلك
سواء كان اللى انت عايزه او لا
وما تخلوش وجه نظركم ضيقة وفكرو للامام
يعنى شوف انت بتعرف تحفظ اكتر ولا قوة استيعابك هى الاكتر
وايه المواد اللى انت كنت دايما متميز فيها لان دى اللى هتوجهكم للاتجاه الصح
وماتقولش انا هدخل الكلية عشان ابقى دكتور ولا مهندس
لا انا هدخل الكلية دى عشان طبعا ارضى ربنا سبحانه وتعالى اولا
وثانيا عشان انا الكلية مناسبانى ومناسبة تفكيرى وقدراتى
وخلى بالكم انتم داخلين على عالم جديد مش ثانوية خالص
يعنى لو ما فهمتش الحاجة الدكتورة مش بتعيدها كتير
فياريت تكونو مركزين كويس وانتم رايحين محاضراتكم
وما تضيعوش ولا محاضرة لانك ما تضمنيش حد يساعدك فى اللى راح منك
اكيد طبعا فى بنات جدعة بس فى برضه بنات منفسنين
وما تتخضوش لما تروحو القاهرة اتعايشو مع الواقع وان ده مستقبلكم
وكل واحد بيصنع بايديه مجده الشخصى
وما تصدقوش الكلام اللى بيتقال لكم عن المدينة
هى مهما كانت وحشة ارحم مليوووووووووووووووووووووووون مرة من السكن الخارجى وعن تجربة
وياريت تحافظو على حاجتكم كويس وما تتدوش الامان لحد الا بعد ما تكونو متاكدين منه
وبالنسبة لصيدلة هى محتاجة مذاكرة شويتين تلاتة
وطول السنة فى امتحانات ودى ميزة مش عيب لانك بيضطرك تذاكرى اول باول
وياريت كلكم تكونو مبسوطين بالكلية اللى تدخلوها ان شاء الله
وتكونو راضيين بيها
وتنورونا فى القاهرة ان شاء اله
واى وا حدة تدخل صيدلة وتحتاج مساعدة انا فى الخدمة
ويشرفنى انى اساعدها