لكل من يريد إبداء رأيه بخصوص تعديل الجدول

[دعاء نجيب]

السلام عليكم
انا طالبة ادبي و بقول ان الجدول ده بالنسبة لنا ظالم جدا لان في مجموعة كبيرة معاها جيولوجيا و علم نفس و فلسفة في نفس الوقت وطبعا مش من الطبيعي ان حد يمتحن اتقل تلات مواد في اربع ايام فقط مع ان جدول السنة اللي فاتت كان احسن كتير بالنسبة للنقطة دي على فكرة الناس اللي معاها المواد دي كتير جدا ولازم يراعوا الاغلبية زي ما بيقولوا ارجو من ادارة المنتدى انهم يوصلوا صوتنا للمسئولين عن وضع الجدول لان الموضوع كده هيبقى صعب اوي ولكم جزيل الشكر

[فنكوشه المنكوشه]

سلاموا عليكم الاول
انا بس مش عايز حد يهاجم او يعترض علي اللي هقوله
انا موافقه تماما علي المتحان لسبب بسيط انك اساسا بتكون مراجع كل المواد ومخلصها اخر شهر خمسه
يعني لو عملولك ايامك كلها ورا بعضها مش اشكال
انتا خاسس دلوقتي انها صعبه علشان لسه مخلتش مراجعاتك الجزئيه والشامله
وصحه عبارتي هتسبت ان شا الله اخر السنه
دا انا ياللي احياء قبلي كام يوم ومش زعلانه
ربنا يوفقنا كلنا باذن الله باعلي المجاميع
يلا بئا سلام

[أحمد2025]

أنا قرأت الموضوع ده فى الجمهوريه
وأصلا الجدول كوسه
شكرا ياحسن

[Miss_CaR!zma]

طيب والله العظيم حرام
بيكملوا خنقتنا دى بالجدول ؟؟
اكيد هيتغير طبعا لانه بالمنظر ده يبقى ضعنا
سبت واتنين واربع
ودين مع تفاضل
معلومات عامه موجوده الحمد لله بس مش هنجح بيها
و 3 ايام قبل الفيزيا ...حاجه تفرح
احلى تعليق هو لا تعليق

[Miss_CaR!zma]

معاك يا محمد
كلام جميل اوى
بس برده الفيزيا مش الماده اللى تخلص فى 3 ايام على الاقل بالنسبه ليا
وقال ايه الفلسفه قدامها 8 ايام ..نكته بايخه
على كده مطلوب منى اقعد اسبوع فى الفريزر علشان اعصابى
يارب الرحمه من عندك <_<

[the_legend]

شكرا علي الجدول
بس حاسس ان الكيميا واخده وقت طوييل اوي قبليها
المفروض تتوزع قبل بقية المواد زي الفرنساوي

[The Lord Of The Rings]

سلم لي بقه ع المشاركة المجتمعية

بالشفا ان شاء الله

تبقى الوزارة تورينا بقه هتلبى الطلبات دي كلها ازاي

مش هو ده اللى عاوزينه

انهم يتلقوا المقترحات من الطلبة عشان يأيفوا جدول يناسب الكل

يشيلوا بقه

عشان ده حوار فاشل من اساسه

[The Lord Of The Rings]

أدي اول رد فعل من جميع ادارات و مديريات البلد

جدول الامتحان مرفوض بالاجماع

بالشفا

[عادل عطية]

اقترح ان يكون الامتحان كل اسبوع مادتين
وان تكون مادة سهلة اولاتحتاج وقت كبير فى المراجعة بعدمادة كبيرة
واقتح ان يكون الجدول كالتالي
الاحد 10/6/2007 عربي
الخميس 14/6/2007 انجلزي
الاحد17/6/2007 نفاضل وحساب مثلثات رياضة 1
دين
الخميس 21/6/2007 فرنساوي
الاحد24/6/2007 جبر
الخميس 28/6/2007 كيمياء اوالسبت 30/6/2007

[The Lord Of The Rings]

و عايز كل المدرسين اللى موجودين في الموقع يخشوا يقولوا رايهم في الجدول اولا
لاننا مسمعناش رايهم في الموضوع خالص

و ثانيا ف النقطة اللى جايه دي

يقال ان الوزارة تعمدت كربسة الجدول كله و انهائه قبل شهر 7

على عكس كل سنة

خوفا من موضوع كادر المعلمين اللي سبب السنة اللى فاتت مشكلة

و المدرسين كانوا على وشك يعملوا اضراب في تصحيح الثانوية العامة و دى مشكلة خطيرة جدا

و السنة دي طبعا موضع الكادر بيقولوا هيتم تطبيقه ف شهر 7

و ان فيه شوية قرارات متعلقة بيه هتضايق شريحة كبيرة من المدرسين

فعايزين يخلصوا من مشكلة الثانوية قبل شهر 7 خالص

===========================
ده كلام يقال و بالطبع معرفش مدى صحته

ايه رأي المدرسين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[The Lord Of The Rings]

هنا قول التعديل اللى انت مقترحه على الجدول بكل صراحة

و مش عايزين اي كلام عن وجه اعتراضك كتير أو خروج و رغي بره الموضوع

عشان يبقى الموضوع ده هو الخلاصة اللى نستفيد من كل الآراء فيها

خصوصا بعد ما علمناه من ان الموقع سيكون له دور مؤثر ف التغيير لحد يوم 9 ابريل


كأنك هتملى الاستمارة دي

1) وجه الأعتراض (باختصار شديد) : .........................................

2) ما تراه مقترحا من وجهة نظرك : ...........................................


و هبدأ انا

1) وجه الاعتراض : جدول علمي رياضة متكربس كله ف مدة لاتزيد عن 11 يوم

2) المقترح : ان الوزارة ترجع لنظام الجداول بتاع السنين اللى فاتت لأنها اي نعم كانت بتظلم القليل من الطلبة و لكن كانت مناسبة للأغلبية
و ثانيا الغاء النظام ده من اساسه

[كيف السبيل]

السلام عليكم
يا ريت نشوف حل لماده الجيولوجيا اذاي جيولوجيا ولغه فرنسيه في نصف يوم

[The_Relativistic200]

بسم الله الرحمن الرحيم
يا جماعة الهدوء
كله متعصب
كله مخنوق
الجدول وبيقترحوا يغيروه
او هنقول انه هيثبت على كده

علمى رياضة مثلا مزنوق طول عمره
واظن اللى داخله طول عمره عارف كده

اما علمى علوم فهى مش عليك لوحدك
ولا فرصتك اضعف من فرصة علمى رياضة
الاتنين غير بعض
الرك عالادبى اللى عرفش هيحضروا دكتوراه فى التاريخ وعلم النفس ولا ايه

الفرص واحدة
والنسب واحدة
يعنى فرضنا الطب بياخد من 99
اكيد هيبقى مثلا 95
على اساس لو حصل حاجة مثلا
لكن العدد اللى بيخش سواء طب او هندسة
او معهد ام ترتر
كله واحد

كون الجدول مزنوق فهو مش عليك لوحدك زى ما قولنا
مش لازم تعيش نفسك الدور وتضغط نفسك اكتر ما انت مضغوط <_<
ده على الكل
ده مش تسفيه من تعصب احد
لكن العصبية الزيادة على اللازم
والله ما ليها لزمة
انت اديك اعترضت
يبقى خلاص
عملت اللى عليك
فاضل بقى تروح تذاكر وتشوف اللى ناقصك
وتفكك من تجميع اعتراضات ومن الموقع كله اصلا

وتظبط نفسك على الجدول كده

ثم ان المدارس بتقدم تعديلاتها واقتراحاتها
وليها رأى برضو اعتقد اقوى من رأى موقع
ممكن اخش فيه بعضويتى رقم 1012312 واسجل احتجاجى وممكن موافقتى!!!

والله لو اتعدل يبقى انت ظبط نفسك عل فترة اقل ولما يتعدل هيبقى افضل بالنسبة لك
لو ثبت اديك ظبط نفسك برضو

بس
دمتم

[samar16]

الجدول المقترح .. لـ إمتحانات الثانوية العامة .. استطلاع
04/04/2007


تنفرد "المساء" بنشر جدول مقترح لامتحانات الثانوية العامة بمرحلتيها الأولي والثانية "الصفين الثاني والثالث الثانوي"..
قال د.يسري الجمل وزير التربية والتعليم انه يتم لأول مرة هذا العام إجراء استطلاع لآراء الطلاب والمدرسين بجميع مدارس المحافظات.

أضاف انه في حالة الموافقة علي هذا المشروع يتم إعلان الجدول.. وفي حالة وجود بعض الملاحظات فسيتم التعديل برأي الأغلبية وسيكون يوم 20 ابريل الحالي آخر موعد لتلقي الملاحظات.

أضاف الوزير انه كان من المعتاد في الأعوام السابقة وضع الجدول ثم يعرض في اجتماع موسع يحضره عدد من طلبة الاتحاد العام لمدارس الجمهورية يمثلون العلمي والأدبي وبعض المدرسين وكان عدد الطلاب لا يزيد علي 25 طالباً وطالبة ولكن هذا العام رأينا أن تكون المشاركة أكبر فتم ارساله للمدارس للحصول علي رؤيتهم للخروج بجدول يحقق معظم الرغبات ومناسب لمتطلبات المرحلتين.

أشار الوزير انه قد روعي في اختيار المواد عدد الطلاب بكل مادة مع الحرص علي تلافي كافة عيوب العام الماضي وقد روعي أيضا وضع المواد المرتبطة ببعضها في التصحيح اضافة إلي أننا نعمل لصالح الأغلبية.

وفيما يلي الجدول المقترح للمرحلة الأولي:
* الأحد 10/6/2007: اللغة العربية. الزمن "ثلاث ساعات"
* الثلاثاء 12/6/2007: التفاضل وحساب المثلثات "ساعتان" - التربية الدينية "ساعتان".
* الخميس 14/6: اللغة الأجنبية الأولي "ثلاث ساعات".
* الأحد 17/6: اللغة الأجنبية الثانية "ثلاث ساعات".
* الثلاثاء 19/6: الجبر "ساعتان".
* الخميس 21/6: الإحصاء "ساعة ونصف" الاقتصاد "ساعة ونصف".
* السبت 23/6: الأحياء "ثلاث ساعات".
* الأحد 24/6: التاريخ "ثلاث ساعات".
* الاثنين 25/6: الجيولوجيا والعلوم البيئية "ثلاث ساعات".
* الثلاثاء 26/6: علم النفس والاجتماع "ثلاث ساعات".
* الأربعاء 27/6: الكيمياء "ثلاث ساعات".
* الخميس 28/6: الفلسفة والمنطق "ثلاث ساعات".
* السبت 30/6: الجغرافيا "ثلاث ساعات".

الجدول المقترح للمرحلة الثانية :
* السبت 9/6/2007: اللغة العربية الزمن "ثلاث ساعات".
* الاثنين 11/6: التربية الدينية "ساعتان" التفاضل والتكامل "ساعتان".
* الأربعاء 13/6: اللغة الأجنبية الأولي "ثلاث ساعات"
* السبت 16/6: الفيزياء: "ثلاث ساعات".
* الاثنين 18/6: التربية الوطنية "ساعتان" الجبر والهندسة الفراغية "ساعتان".
* الأربعاء 20/6: الميكانيكا "ساعتان" المستوي الرفيع "ثلاث ساعات".
* الخميس 21/6: الإحصاء "ساعة ونصف" الاقتصاد "ساعة ونصف".
* السبت 23/6: الأحياء "ثلاث ساعات" قدرات وفنون "ثلاث ساعات".
* الأحد 24/6: التاريخ "ثلاث ساعات".
* الاثنين 25/6: الجيولوجيا والعلوم البيئية "ثلاث ساعات".
* الثلاثاء 26/6: علم النفس والاجتماع "ثلاث ساعات".
* الأربعاء 27/6: الكيمياء "ثلاث ساعات.
* الخميس 28/6: الفلسفة والمنطق "ثلاث ساعات" قدرات عمارة "ثلاث ساعات".
* السبت 30/6: الجغرافيا "ثلاث ساعات".

مع ملاحظة ان الامتحانات تبدأ يوميا في التاسعة صباحاً.. وهناك راحة نصف ساعة اذا كان الامتحان في مادتين.
المصدر : جريدة المساء - 3 إبريل 2007



[size=7] و لكل من يريد ابداء رأيه يرسل الي الايميلات الاتية :
ahram@ahram.org.eg جريدة الأهرام اليومية
ahramdaily@ahram.org.eg جريدة الأهرام علي الانترنت

الجمهورية
eltahrir@eltahrir.net
barid@ahram.org.eg باب بريد الأهرام
akhbarelyom@akhbarelyom.org اخبار اليوم

minister@email.emoe.org ايميل الوزير الموجود بموقع الوزارة

أو بالتصال علي الخط الساخن لجريدة الجمهورية : 139

برجاء ابداء الراي قبل حلول يوم 15 ابريل

[The Lord Of The Rings]

بجد يا بو خالد كلامك معقول جدا

بس ما دام ده اللى حصل و الوزارة هي اللى عايزة آراء الطلبة يبقى خلاص

نقول لهم آرائنا

بغض النظر عن كون الفكرة دي سليمة ولا لأ ( وده كان وجه اعتراضي من الأول مش الجدول بعينه )

و بعد مانقول آرائنا هنشوف هم هيعملوا ايه

بس
ودمتم :D