حملة لإنقاذ الشهادة الاعدادية أرجوكم التعاون معى

[آدم البرنس]

رسالة هامة لجميع المعلمين وأولياء الامور التعاون معى فى هذه الحملة لانقاذ اولادنا وابنائنا من حقول التجريب اللى بيتفننوا فيها المسئولين ودايما تكون ثمارها الفشل وللأسف هما مش بيخسروا حاجة انما الخسارة لاولادنا
طبعا الكل عارف ان التقويم الشامل ( ملف المهملات ) سيطبق على الشهادة الاعدادية بدءاً من العام الدراسى المقبل فرجاء لكل من لديه رأى يضيفه بشرط الاراء لا تكون مجرد كلام ولكن اللى يعرف حد مسئول وصوته مسموع عند المسئولين يحاول يبلغه هذا الرأى قبل فوات الاوان .
بالنسبة لراى المتواضع :
1- ألا يطبق التقويم الشامل أصلاً على الشهادات بصفة عامة لانها مرحلة حساسة وحاسمة فى تاريخ الطالب .
2- إذا طبق هذا الاخطبوط ( التقويم الشامل ) الا يضاف على المجموع ويقتصر النجاح فيه على حضور الطالب الامتحان النهائى للمادة ( وبالتالى نضمن حضور اولادنا المدارس ) .
3- او يتم تخفيض النسبة التى تضاف على المجموع ولتكن 20% للملف و 80% للاختبار النهائى .
أرجوكم تشاركونى بأرائكم وزى ما قلت قبل ما تقول رأيك نحاول جميعا البحث عن المسئوليين للاستفادة من ارائنا لأننا أفضل منهم علشان أحنا اللى داخل هذه المفرمة وعارفين ميول وإمكانيات الطلاب .

شكراً لمشاركتكم وجزاكم الله خيراً

أخوكم أحمد

[مستر /سامح على عبد العظيم اليمانى]

كلا مك مظبوط وتمام وأنا معاك

[Mr.Trueman]

البلد بتغرق .فسااااااااااااااااااااااااااااااد فى كل مكان

[مسترسمير إبراهيم]

كيف يكون الحال عند تطبيق التقويم الشامل على طلاب الشهادة الإعدادية والطلاب فى الأصل يشاركهم العديد من أولياء الأمور يجعلون أبناءهم لايذهبون للمدارس ويكتفون بالدروس الخصوصية والمعاهد المنتشرة فى كل مكان بلا رقيب مع أهمال دور المدرسة
معنى ذلك أن المعلمين يعطوا درجات تقويم لمين ؟؟؟ طبعا ستوضع وهميه كما يحدث ..
رحمة بالمعلمين ياريت يكون هناك وسيلة للتقييم بعيدا عن هذا العذاب المسمى بملف الإنجاز الذى ليس به أى إنجاز

[Yasser Gabr]

والله يا جماعة الموضوع من اوله لاخره فشل فى فشل
وعموما .... احنا بندن ف مالطه
بمعنى اللى هما عايزينوا هيعملوه غصب عن عين اولياء الامور او حتى المدرسين

اخوكم
ياسر جبر

[mohamed_hady]

حقا كلامك صحيح 100 % وهذا بداية لمحو الامية فى المستقبل

[mimido2000]

اكبر مشكله تصورا ايه وبصراحه ودون زعل محدش زعلان علشان التعليم في المحروصه لا لا المدرسين خيفين علي الدروس الخصوصيه واصحاب الددرجات النهائيه و الحتان يا حرام دورهم هقل 50% ومدرس الفصل الغلبان هيبقي له اهميه !! علي فكره انا مدرس وفاهم هههههههه

[شعبان رجب]

فعلا انا طالبة من فئران التجارب وبقول ان التقويم الشامل فاشل بمعنى الكلمة وبسأل مدرسينى عن رايهم فى والكل يشهد له بخراب التعليم وبسألهم اذا اضيف فى 3 اعدادى والكل يرفض الامر ونحاول الان انا وبعض اصدقائى الوصول لاى مسئول

وان شاء الله مش هيضاف السنة القادمة

[mr mahmoud]

التقويم الشامل من افضل ما تم ادخاله على النظام التعلميي المصري في السنوات الاخية ولكن العيب في المدرس الكسلان والطالب الفاشل وولي الامر المستهتر ياريت اللي يتكلم عن التقويم الشامل يتكلم عن سلبيات التنفيذ وكيفية معالجتها وما يتكلمش عن التقويم الشامل في حد ذاته غير لما يقرأ عنه الاول ويحاول ينفذه صح كفانا استهتارا

[البرنس شرف]

الجديد يلغوا امتحان الاعاداية والابتدائية ويخلوها نقل والامتحان والتصحيح في المدرسة

[أ/رضا عطيه]

هو مين اللى فاشل ياجماعه
التعليم ولا المعلم ولا أدوات التقويم
السبب الرئيسى للفشل
هى الدروس الخصوصية بلامنازع
وبلاش نرمى الحمل على حاجات تانيه
وشكرا للجميع

[البرنس شرف]

المشاركة الأصلية كتبت بواسطة blakblak66

هو مين اللى فاشل ياجماعه
التعليم ولا المعلم ولا أدوات التقويم
السبب الرئيسى للفشل
هى الدروس الخصوصية بلامنازع
وبلاش نرمى الحمل على حاجات تانيه
وشكرا للجميع

ما طالما كثافة الفصل عالية وفي غش وطلبة ما تعرفش القراءة ولا الكتابة ومدرس مهان والنظام عايز شعب جاهل
ولي الامر بيسال ابنه اول ما يرجع من الامتحان غشيت ولا لا
ولو مدرس شدد علية لجنه يدعي علي المدرس
كله فاشل

[البرهان الرياضى]

الدروس الخصوصية هى البقية الباقية لتعليم الطلاب
لأنه ليس هناك تعليم داخل المدرسة .
لو مفيش دروس خصوصية يبقى انتهى التعليم فى مصر

[alkateem12]

التقويم الشامل فاشل بكل المقاييس لأنه لايطبق بالطرق الصحيحة ونحن نختلف كلايا" فى كل شىء عن الغرب والمشكلة المهمة والوحيدة التى تقف حائط صد أمام تطبيق هذا النظام بالطريقة الصحيحة هى كثافة الفصول وبسبب ذلك بيضيع وقت المعلم على الفاضى بدون أى إستيعاب يذكر للتلاميذ وهذا رأيى المتواضع
أبو فياض

[إلهام سلام]

والله عندك حق الطالب المتميز الذى يعتمد على نفسه ولا يأخذ دروس خصوصية هو الذى ينضر من موضوع التقويم الشامل هناك أنشطة كثيرة غير التقويم الشامل لو تم الإهتمام بها لأفادة الطلاب ومنها حصص التربية الرياضية والمكتبة والمجال الصناعى والزراعى وأندية العلوم تنشط ويكون للطالب حرية إختيار النشاط الذى يمارسه دون التقيد بمجموع أو درجات والمناهج تم تطويرها بحيث تمارس من خلالها أنشطة تعليمية ولكن التقويم الشامل نظام فاشل رفع الطلاب الذين لا يجيدون القراءة والكتابة بدون وجه حق