فرصه لن تتكرر ..... هى دى فرصتنا...

[بدر البدور وائل]

احنا عارفين ان الحزب الوطنى هو الى مسيطر واحمد درويش احد افراد حكومته وهو الى اخترع التعاقد طب فرصه ان انتخابات مجلس الشعب على الابواب
نبقى ضد الحزب الوطنى لانه مش هيثبتونا وكمان مش هيعملوا حد ادنى عادل للأجور والغنى هيزيد غنى والى زينا يلحس ترابهم اسف بس دى الحقيقه انا
يعقل انى انا مدرس ( بخرج مهندسين بترول وومحاسبين ومهندسين كهرباء واتصالات ومياه وغيرهم ومرتبى اقل من اى طالب كان عندى من سنوات قليله مش ده انتاجى بدال بنربط المرتب بالانتاج ) صح لامته هنفضل خايفين ومنروحشى ندلى باصواتنا فى الانتخابات بدل ميزوروها ونشجع الشباب والناس على انهم يروحوا يدلوا باصواتهم
انا من الاول بقول احنا مش ندى للاخوان المسلمين لانهم بتوع كلام ومصالح وتليفزيون ومجرد ميبقوا كترة هيكلونا
ولا البرادعى الى مش عارف هو عايز ايه
ندى حزب محترم زى الوفد حزب العداله الاجتماعيه وفرصه للحزب انه يعمل حكومه جديده اكيد هتقولوا بكرة يجوا وينهبوا بس فى فرق لما يحسوا ان اصواتنا الى جايباهم هيعملوا حساب لنا وهم عارفين ان احنا صوتنا ليخليهم او نغيرهم - بكده نعرف ناخد حقوقنا مش وقفات وودن من طين والتانيه من عجين - انا عندى اخد مرتب يكفينى واتثبت دى مطالبى وسكن محترم وعداله وتسعير السلع الاساسيه مش عرض وطلب

وبقول لو الحزب الوطنى غير سياساته وبص للفقراء شويه وسابه من رجال الاعمال اصحاب القصور والفيلات والسيارات الفارهه هيكسب الناس قوه الحزب من مسانده الشعب له وقوه النظام من حب الشعب له مش برجال الاعمال الى اسهل حاجه وقت الجد هيهرب بفلوسه بره وان كان هو حاططها بره اساسا لانه عارف ان الطاوله ممكن تنقلب فى اى لحظه وكلنا كنا شايفين القلق لما الريس كان بيعمل عمليه فى المانيا - انا بقول للريس قوتك من حب شعبك الغلبان فيك سيبك من الى حواليك دول هات ناس حاسه بينا مش عايشه فى برج وبتحكم بلد تانيه احنا خايفين نقوم فى يوم نحس ان احنا غرب فى بلدنا والله بنحب البلد ديه ومالناش غيرها بس متعجزوناش وتيأسونا - لان غضبتنا وحشه واتقوا شر الحليم اذا غضب - الدكتور احد ذكى بدر على فكرة نفسه يثبت المعلمين المساعدين بس هو متكتف واحنا عارفين ليه ربنا معاه وانا حاسس انه هينصفنا وياريت الكل يهتم بينا زى امتحانات الثانويه العامه مخدت اهتمام الاعلام والصحافه وحقوق الانسان - اسف انى طولت وياريت اسمع تعليقاتكم ده رأيى وياريت تعتبروه استطلاع على سياسات الحزب الحاكم وشاركوا بس بأدب لاننا معلمين ومكانتنا من مكانه الرسل واحنا اصحاب رساله شكرا

[kholio_]

كلامك سليم ويدل علي عقلية مفتحة

وأنا لم أشارك منذ وقت طويل وحااااااان الان أني أدي صوتي للي يستحقه

وأدعوكم أخواني جميع المتعاقدين يأن نتحد ونطالب بحقنا في التثبيت

فما ضاع حق وراء مطالب

[the keng]

يعم احنا ذي الامم العربية اتفقنا علي الا نتفق

[ابو ايه255]

نفتح صفحه على الفيس بوك ندعوا فيها للا تحاد

[أ/ هشام العيسوى]

قال يعنى هم بياخدوا باصوات الناخبين!!

[اشرف عبد الحى]

أساتذة
و ما نيل المطالب بالتمنى و لكن تؤخذ الدنيا غلاباً
اللى عاوز يكون مدرس, معلم, بنى أدم
يقابلنى أمام الوزارة
الأحد 8/8/2010
الساعة12 ظهراً