|
||||||
| ركن العائلة منتدى يهتم بكل ما يخص الأسرة ( زوج - زوجة - أبناء ) |
 |
|
|
أدوات الموضوع | انواع عرض الموضوع |
|
#1
20-03-2007, 02:51 AM
|
||||
|
||||
<div align="center">باختصار يا جماعة أنا عاوز أقول حاجة صغيرة أنا نفسي أدخل المطبخ واشارك وكده كهواية مش أكتر بس أنا طول عمري بكره المواضيع المنقولة فبيتهيقلي مستحيل أعمل أكلة من موضوع منقول لأ أنا مش عاوزكم تتعبوا نفسكم خالص مش مطلوب منكم تفكروا في أكلة معينة تنزلوها أو تدوروا على طريقتها وتعملوها كل إللي أنا عاوزوه إن الموضوع ده أو واحد تاني يتعمل لطلبات الأعضاء ويكون فيه فعلاً واحدة أو واحد مش تفرق المهم يكون بيدخل المطبخ ويقول طريقة الحاجة ديه في المطبخ معلش يمكن الطلب رخم شوية لكن على أي حال من حقكم تقبلوه أو ترفضوه وهو دعوة عامة يعني أي حد عاوز يقدم طلب للحصول على طريقة أكلة أو أي حد قادر إنه يرد بس بدون هذار كتير يعني واحد يدخل الموضوع ويقعد يقول ويعيد وفي الآخر يطلع مش بيعرف حاجة وداخل يهرج بلاش لو سمحتم ده إذا حد اهتم بالموضوع أصلاً المهم نوعية الأكلات إللي أنا أصلاً عامل الموضوع عشانها حاجات أساسية أو تقليدية يعني مثلاً ممكن أطلب طريقة الرز :D بس ما يكونش معجن  أحسن ليا خبرات في الكشافة الله ما يوريكم  مثلاً طريقة عمل المكرونة بس برضه من غير ما تطلعلي معجون مكرونة إللي بيطلع في الإعلانات ده يعني م الآخر عاوزين حد يكون بيدخل المطبخ فعلاً وبيعمل الحاجات ديه ونطلب منه الطريقة والفكرة بتتمثل في أكتر من نقطة إن هنا ممكن أنا أطلب أكلة ممكن واحد تاني يطلب حاجة تانية أنا ما كنتش هطلبها فالتنوع هيكون موجود ثم إن ده هيكون بمثابة سجل للطبخات الممتازة إللي هتتقدم  يعني لو أنا بقيت لوحدي في يوم من الأيام وحبيت أتنيل على عيني وأطبخ وبلاش أكل جاهز أو دليفري هتصرف إزاي؟ يلله يا ريت تبدأو بالرز ويكون عن تجربة وما يكونش منقول  بس التجارب الحسنة مقدمة على التجارب السيئة  أوك؟ لو حد موافق من غر ما يقول رأيه في الموضوع يتفضل يقوللي إزاي أعمل الرز؟ وأوعد إني أكون تلميذ نجيب لكل من يقدم الوصفات و هطبق عملي :D طريقة عمل الرز المصري العادي وبلاش فذلكة وبعديها هطلب الكبسة ما تخافوش بس يكون واحد عملها فعلاً مش سمع عنها <_< يلله بانتظار طريقة عمل الرز من أحد المحترفين / المحترفات في المطبخ أو بانتظار انتقال الموضوع لما في أعالي البحار أو وراء الأراضي أو بانتظار الحذف  </div>
__________________
May God Bless all of you Wishing you a spiritual Ramdan Salah El-Din ReceptiveGuy
|
|
#2
20-03-2007, 07:49 AM
|
||||
|
||||
|
ممممممممممممممممممممم
اسمع يا سسيدي طريقه عمل الرز اولا كالعاده هتنئيه يعني هتشيل كل الحاجات اللي ملهاش لزمه زي الحجر الاسود دا والقش اللي فيه وكدا تمام بعدين بتروح تغسله في الحوض لحد ماتبئي الميه في الحله بيضه تماما وتنئعه شويه حوالي ربع نص ساعه انتا وحالتك النفسيه وبعدين بتحط شويه ملح وحبه زيت يعني مقدار تلات تربع معلقه كبيره ملح و معلقتين زيت وبعدين بتحطه علي النار في نار عليا وبعدين اول اما تلائي الميه نشفت تروح مهدي النار خاااااااااااااالص حذاري تحط ايدك في الرز ابل ما الميه تنشف هيعجن ودا الرز العادي جدا فيانواع تانيه زي الرز بتاع السمك والرز بالشعريه والرز اللي هو لونين دا فانتا وحالتك النفسيه يعني لو عايز ائولي سلام
|
|
#3
20-03-2007, 09:02 AM
|
|||
|
|||
|
السلام عليكم ورحمة الله وبركاته
أولاً شكراً لك أخي صلاح الدين على الموضوع،، فكرة جديدة وجميلة.. بالنسبة لطريقة عمل الأرز فـ فنكوشة المنكوشة قالت لك،، بس أنا بعمله بطريقة تانية  وبإذن الله لي مشاركات في الموضوع إن شاء الله.. السلام عليكم
__________________
<div align="center"><span style="font-family:Comic Sans Ms">ما أصعب أن يعطي الإنسان،، ثم يُقابل عطاءَه بالنكران</span></div>
|
|
#4
20-03-2007, 09:18 AM
|
||||
|
||||
|
اولا السلام عليكم
ثانيا موضوعك جميل على فكرة انا بعرف اطبخ كويس يعنى اى حاجة تعوزيها اسالينى و انا هقولك على الى انتى عيزاة ثانيا طريقة عمل الرز انا مش عرفة انتى اصدك انهى نوع بلظبط انا هقلك على الرز الى بالشعرية لان دة اكتر نوع بيتعمل بصى يا ستى هتنقى الرز طبعا و تغسلية كويس لحد متلاقى المية بقت بيضة تماما و بعدين حطية فى مصفة علشان يصفى المية على متحمرى الشعرية و متخليش الشعرية تتحمر اوى يعنى متخليهاش غمقة علشان متغمقش لون الرز و بعدين حطى على الشعرية الرز وشوحية شوية وبعدين تحطى الملح حسب الرغبة وبعدين تحطى المية بصى بالنسبة لموضوع المية تحطى كمية المية بحيث تكون مغطية الرز واعلى شوية وعيزة تعرفى المية كتير ولا قليلة بعد متقلبى حطى المعلقة فى نص الحلة ولو وقعت تعرفى ان المية كتير وبعدين تسيبى النار علية لحد الرز ميشرب المية وبعدين تقلبية كويس وتهدى النار خالص اوعى تهدى النار قبل ميتشرب كويس لحسن يعجن وابقى قوليلى لما تعملية طلع اية حلو ولا معجن يلا سلام معلش طولت عليكى
__________________
الملاك اللي كان بيقول هضيع لو ضعت مني اللي كان بيقول هموت لو غبت عني الملاك اللي عمرى ما كنت اصدق يوم يفوتني جاى يقولي بعد اخر رحله الحب الجميله ان مش معاك
(من الصعب ان تقتل حبا بقلبك ولكن الاصعب ان يحاول قتل هذا الحب من تحب ) (ميته على قيد الحياه)
|
|
#5
20-03-2007, 11:07 PM
|
||||
|
||||
|
<div class='quotetop'>إقتباس(صلاح الدين سابقاً و مستقبلاً @ Mar 20 2007, 02:51 AM) [snapback]285834[/snapback]</div><div class='quotemain'>
<span style="color:#660000">شكرا على الاقتراح ممكن طلب يا جماعة دلوقتى العضوة نورا 11 كانت شغالة الله ينور فى المطبخ حلو جدا وردود الاعضاء وتريقتهم أحبتطها ممكن شوية تشجيع ليها
__________________
الحمد لله على كل شئ
|
|
#6
21-03-2007, 04:16 AM
|
||||
|
||||
|
والله يا جماعة مش عارف أقول إيه
إنتوا بجد أحرجتوني بمشاركتكم في الموضوع شكراً جزيلاً لفنكوشة المنكوشة على الطريقة والمشاركة والاهتمام شكراً فتاة الإسلام على المشاركة شكراً يا منة أنا فعلاً كنت عاوز الرز بشعرية بس إظاهر إني نسيت إن أهم حاجة في المطبخ الدقة في الوصف شكراً جزيلاً جداً لمشرفة القسم على التشجيع ولو هنخل يالموضوع ده لطلبات الطبيخ ممكن أغير الاسم ومتأسفين جداً لنورا أنا أول مرة فعلاً اعرف حكاية التريقة ديه وزي ما قلت أنا مش بحب المواضيع المنقولة فلو شاركت بمواضيع من عمايل إيديها بإذن الله هكون من اول المشجعين عاوز بس أقولكم حاجة يا جماعة لو حد تاني هيطلب طلب اكل يستنى شوية معلش عقبال ما اخلص الواجب :D عشان انا فعلاً عاوز اتعلم البتاع ده المطبخ فانا الوصفة اللي هخدها هطبقها واقلكم عملت ايه وبعدين نشوف اللي بعده شكراً جزيلاً ليكم 
__________________
May God Bless all of you Wishing you a spiritual Ramdan Salah El-Din ReceptiveGuy
|
|
#7
21-03-2007, 10:12 PM
|
||||
|
||||
|
إنتا لو هتخصص الموضوع دا لطلبات الطبيخ أكيد هيتثبت عشان الكل ياخد باله من الموضوع الجميل دا
إنتا لو هتخصص الموضوع دا لطلبات الطبيخ أكيد هيتثبت عشان الكل ياخد باله من الموضوع الجميل دا
__________________
الحمد لله على كل شئ
|
|
#8
22-03-2007, 01:33 PM
|
||||
|
||||
|
شكراً للتثبيت يا إمممممم
مش عارف إنتوا بتحبوا أنهي أكتر ألقابكم ولا أسمائكم المستعارة ولا أسمائكم الحقيقية؟ خلينا في اللقب وخلاص يا مشرفة المنتدى شكراً للتثبيت وشكراً لحسن المتابعة من الأعضاء وعندي خبر جديد اتفقت إنهاردة مع ست الكل إني هعملها الرز عارفين لو الدنيا خربت هخليها تيجي تشوف الموضوع وتهزقكم براحتها خبرة خمسون عاماً في المطبخ :D بإذن الله الرز إنهاردة عليا لو الدنيا حلوة هجي أقول النتيجة وأطلب وصفة جديدة أما بقى لو الدنيا كحلي نهاركم ............... أبيض بإذن الله سلاموز
__________________
May God Bless all of you Wishing you a spiritual Ramdan Salah El-Din ReceptiveGuy
|
|
#9
22-03-2007, 06:14 PM
|
||||
|
||||
|
باركولي يا جماعة
دلوقتي انا بكلمكم بعد خروجي من غرفة العمليات لأ خالرج استراحة قصيرة وراجع بس بوافيكم بآخر الأنباء الحمد لله قدرت أكسب معركة تنقية الرز وخرجنا من معركة الشعرية بدون خسائر على الإطلاق وتم وضع الرز والشعرية والمياه على صفيح ساخن وبانتظار الغليان على رأي مصطفى محمود [نقطة الغليان] ولما النتيجة تطلع هقولكم ومش عاوز حد يتضايق لما يعرف إن أي وصفة هعملها لازم تكون تحت إشراف طبعاً :D إنتوا تقولوا الطريقة وبعدين مجلس القيادة يحط الخطة شكراً لمشاركتكم وانتظروا آخر الأخبار واستعدوا توصوفوا وصفة جديدة
__________________
May God Bless all of you Wishing you a spiritual Ramdan Salah El-Din ReceptiveGuy
|
|
#10
22-03-2007, 06:36 PM
|
||||
|
||||
|
الحمد لله يا جماعة
تمت العملية بنجاح Operation Last Thunder ما تسألونيش معناها إيه لأني مش فاهم خلونا في المهم عملت الرز جايز تحسوا إن ده شئ عادي أو تقليدي أو بمعنى أصح مش جديد لكن أي واحد أو واحدة عمل لأول مرة في حياته حلة رز أكيد هيحس بإللي انا حاسس بيه دلوقتي حاسس كده إني عاوز أزبرنشق وإني أكون هنتليس محلق ما علينا تعبتكوا معايا معلش كفاية طبخ في الفترة الحالية أنا آخد نفسي وأستريح من المطبخ أحسن أنا بنهج دلوقتي وإنتوا تستريحوا من كتابة الوصفات الطويلة دلوقتي مش عاوز وصفة أكل عاوز وصفة لمشروب مشروب تقليدي جداً بس عاوز كل الطرق المتاح يا ريت وتكون في متناول الإنسان المصري العادي يعني مش عاوز واحد يقوللي هتحتاج في الوصفة ديه 1/2 معلقة لبن العصفور ويكمل الوصفة بسهولة ولا كأن حاجة حصلت المشروب إنهاردة القهوة عاوز أعرف الطريقة الرسمية لشرب القهوة عشان أقارنها بطريقتي وعاوز لو واحد اخترع طريقة في عمل القهوة يقول والأهم بقى عاوز أعرف القهوة التركي والقهوة العربي بتتعمل إزاي وأي أنواع بالشكلية ديه وشاكر ليكم بجد آه صحيح ما تنسوش تباركولي ع الرز ;D
__________________
May God Bless all of you Wishing you a spiritual Ramdan Salah El-Din ReceptiveGuy
|
|
#11
23-03-2007, 10:59 PM
|
||||
|
||||
|
مبرووووووووووووووووووووووك إبقى إعزمنى عليه مرة
إل الامام يا بطل
__________________
الحمد لله على كل شئ
|
|
#12
23-03-2007, 11:22 PM
|
||||
|
||||
|
الف الف مبروك بس انا سمعت عن حاله تسمم مشعرفه بقى الرز بتاعك ده ولا ايه
انا هقولك ازاى تعمل القهوه التركى المقادير ايه فنجانين ماء ملعقه سكرصغيره خالص ومعلقتين من البن حط الميه فى الكنكه وبعدين تحط السكر والبن وتفضل تحرك الكنكه وبعدين تستنى لحد اما تغلى وتخفف النار شويه وترفع الكنكه وتحطها تانى بعد كده تحطها فى الفنجال وخلاص على كده
__________________
محدش فاهم حاجه خالص ((خارج نطاق الخدمه .. تيت تيت تيت))
|
|
#13
25-03-2007, 12:11 AM
|
||||
|
||||
|
أيوة كده إرجعى زى زمان
__________________
الحمد لله على كل شئ
|
|
#15
25-03-2007, 08:56 PM
|
||||
|
||||
|
مستنية مواضيعك الجميلة
__________________
الحمد لله على كل شئ
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:09 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
