رأيك يهمنا

[MUSTAFAEGYPT]

اصدقائى وإخوانــى من المعلمين والمعلمات

جميع زملائى الأفاضل من المعلمين والمعلمات لديهم الكثير من الآمال والطموحات ويترقبـــــــــــــون مالذى سيحدث خلال الشهر والأيام القليلة المقبلة
وقد تضاربت الأراء بين القيل والقــــال

وحبيت انى اطرح على حضراتكم بدون طبعا منضايقكم فكرة وهــــــــــى

ان كل واحد فينا يذكر توقعه عن مالذى سيحدث خلال الأيام القليلة المقبلة

• هل ياترى الحكومة هترقى زملائنا المتعاقدين وتسكنهم على عقد معلم وتكتفى بكدة لحد اما ينظروا فى موضوع التثبيت
• أم أنها هتقوم بتثبيت جميع المعلمين المساعدين بقرار تثبيت واحد
• أم أننا سنظل معلمون مساعدون ويبقى الوضع على ماهو عليه
• أم انها هتكبر دماغها لحد اما ينتهوا من قانون الوظيفة العامة بمجلس الشعب

اللى يهمنى فى الموضوع ان كل واحد فينا يحط رؤيته الشخصية مبدياً الاسباب ويحاول يأكد لينا وجهة نظره بأسلوبة ويحاول يقنعنا بمصادره وشطارته

أكيد كل عضو فينا من خلال كل الموضوعات اللى انتشرت فى المنتدى ومن خلال قرأته اليومية وترقبه لموضوعات زملائنا الأفاضل أكيد كل واحد فينا استنبط فكرة واصبحت عنده تنبؤات بايه اللى ممكن يحصل أو كون فكرة عن ايه اللى ممكن تعمله الحكومة
فى انتظار ردودكم الجميلة ولكم خالص تحياتى

شارك برأيك ووجهة نظرك الشخصية التى يمكن ان تجد بداخلنا طريقا للاقناع

[hazem ali]

كلها اسبوع بالتمام والكمال وكله هيبان

[MUSTAFAEGYPT]

المشاركة الأصلية كتبت بواسطة hazem ali

كلها اسبوع بالتمام والكمال وكله هيبان

شكرا لمرورك ياحازم بس على فكرة انت جبت التايهة ههههههههه

[امل اليكس]

شايفه ان في تعيين بجد بدليل ان كل الادارات اخدت اجراءت نزولنا علي الدرجة التالته

وده طبعا تعيين لان التعاقد بدون درجة

ولان تعيين المعلم المساعد كان من ضمن البرنامج الانتخابي للرئيس فطبعا لازم يتنفذ عشان ينزل الانتخابات تاني

ولا ايه ؟

[medhat farag]

الوضع حاليا" لايبشر وليس هناك اى بادرة امل فى التثبيت وهذة ليست دعوة للا حباط ولكنه واقع يفرض نفسه علينا فليس هناك اى مؤشر ان الحكومة سوف تقوم بتطبيق قانون الكادر والبدء فى اجراءات تثبيت المعامين المساعدين الذين استوفوا شروط التثبيت لسبب بسيط ان هذة الحكومة ليست مجبرة ولا حتى مظطرة الى احترام القانون وهناك من الامثلة كثير فمن الواضح ان شعار الوزارة حاليا ( يبقى الوضع على ما هو عليه بدون اى تغير ) ووجهة نظرى التى قد تكون تشائميه فى راى الكثيرين ولكنه الواقع الذى يجب ان نعيشه ولا نمنى انفسنا كثيرا ان الوزارة سوف تستمر معنا فى عمل عقود المدرسين المساعدين حتى العام القادم

[إيمان عبد العزيز]

المشاركة الأصلية كتبت بواسطة امل اليكس

وده طبعا تعيين لان التعاقد بدون درجة

القانون الخاص بالكادر واللى المعلم المساعد اول مرحلة فيه مكتوب امام المعلم المساعد فى جدول الدرجات المالية الخاصة بمراحل الكادر المختلفةوالمرفق بالقانون انه على الدرجة التالتة ازاى مش فاهمه لان مفيش حد بيعاملنا على الاساس ده

[MUSTAFAEGYPT]

المشاركة الأصلية كتبت بواسطة medhat farag

الوضع حاليا" لايبشر وليس هناك اى بادرة امل فى التثبيت وهذة ليست دعوة للا حباط ولكنه واقع يفرض نفسه علينا فليس هناك اى مؤشر ان الحكومة سوف تقوم بتطبيق قانون الكادر والبدء فى اجراءات تثبيت المعامين المساعدين الذين استوفوا شروط التثبيت لسبب بسيط ان هذة الحكومة ليست مجبرة ولا حتى مظطرة الى احترام القانون وهناك من الامثلة كثير فمن الواضح ان شعار الوزارة حاليا ( يبقى الوضع على ما هو عليه بدون اى تغير ) ووجهة نظرى التى قد تكون تشائميه فى راى الكثيرين ولكنه الواقع الذى يجب ان نعيشه ولا نمنى انفسنا كثيرا ان الوزارة سوف تستمر معنا فى عمل عقود المدرسين المساعدين حتى العام القادم

حضرتك شايف ان الوزارة هتستمر فى عمل عقود معنا حتى العام القام مستندا الى عدم وجود اى مؤشر للتثبيت طب بعد العام القادم وبعد انتهاء مدة العقد انت شايف ايه ممكن يعملوووه هل هيبقى فيه احتمالية للتثبيت ولا ايه الوضع ياترى

[MUSTAFAEGYPT]

المشاركة الأصلية كتبت بواسطة إيمان عبد العزيز

القانون الخاص بالكادر واللى المعلم المساعد اول مرحلة فيه مكتوب امام المعلم المساعد فى جدول الدرجات المالية الخاصة بمراحل الكادر المختلفةوالمرفق بالقانون انه على الدرجة التالتة ازاى مش فاهمه لان مفيش حد بيعاملنا على الاساس ده

دى ملحوظة جميلة جدا ياايمان فعلا فى قانون الكادر موجود جنب المعلم المساعد انه على الدرجة الثالثة

ولو جينا ندخل على بيناتنا على موقع الوزارة بنلاقيهم كاتبين امام الدرجة المالية ( تعاقـــــدات ) يعنى معنى كدة اننا ممكن نكون معلمين مساعدين مثبتين مش شرط عشان نثبت لازم نبقى على درجة معلم

وده يؤكد لنا ان الحكومة لو ثبتت هتضطر تثبت كل المعلمين المساعدين فى جميع المحافظات
وقد يكون ده سبب عدم وجود مؤشرات للتثبيت جتى الآن
ولا ايه رأيكـــــــــم

انا محتارة ارد اقول ايه وبجد انا مش عارفة من كتر الآراء المتضاربة اللى بنسمعها بس انا اعتقد وبعد كلام نظيف فى الخبر اللى انتشر اول امبارح وكلامة عن الحفاظ على حقوق المتعاقدين وان لهم نفس حقوق الأساسيين

ومنوهش فى كلامه لتثبيتهم فربنا يستر

[MUSTAFAEGYPT]

المشاركة الأصلية كتبت بواسطة منى البهائى

انا محتارة ارد اقول ايه وبجد انا مش عارفة من كتر الآراء المتضاربة اللى بنسمعها بس انا اعتقد وبعد كلام نظيف فى الخبر اللى انتشر اول امبارح وكلامة عن الحفاظ على حقوق المتعاقدين وان لهم نفس حقوق الأساسيين

ومنوهش فى كلامه لتثبيتهم فربنا يستر

هوا فعلا قال ان لهم نفس حقوق المتعاقدين بس مش شرط عشان متدرجش لموضوع التثبيت يبقى معنى كدة انه مفيش تثبيت قد يكون لسه مفيش قرار واضح الرؤية قدامه

[MISS.DINA]

انا من رايى انهم اكيد هيثبتونا فى يوم من الايام اولا دة قانون ثانيا لو حتى جددلونا العقد دلوقتى بعد كدة لازم يبقى فى تثبيت لان دة من بنود العقد اللى احنا ماضيناه واى مخالفة لبنود العقد من حقنا اننا نرفع قضية بس انا شايفة ان المسالة مسالة وقت مش اكتر واحنا عارفين كويس قوى ان يوم الحكومة بتاعنا بسنة واحلى حاجة فى الحكومة بتاعتنا انها بتدينا فرصة للتخمين وتشغيل المخ ومبتصرحش بطريقة مباشرة وبتعملنا تشويق دة غير انها تعودنا على الصبر وقوة التحمل وربنا يدينا طولت العمر وان شاء الله هنتثبت وهنبارك لبعض

[مستر / طاهر أبو خزيم]

انا شايف انه ما فيش تثبيت للمتعاقدين الا بعد اكتمال البرنامج الأنتخابى للرئيس لان هذا لايحدث الا اذا اصدر الرئيس قرار جمهورى بذلك ولا تقولى محافظ ولا رئيس وزراء ولا وزير التنمية ولا وزير التربية والتعليم ولا واحد منهم يقدر يدى قرار قبل ما يتكلم الريس الكبير وسلام

[MUSTAFAEGYPT]

المشاركة الأصلية كتبت بواسطة امل اليكس

شايفه ان في تعيين بجد بدليل ان كل الادارات اخدت اجراءت نزولنا علي الدرجة التالته

وده طبعا تعيين لان التعاقد بدون درجة

ولان تعيين المعلم المساعد كان من ضمن البرنامج الانتخابي للرئيس فطبعا لازم يتنفذ عشان ينزل الانتخابات تاني

ولا ايه ؟

هوا بصراحة تعيين المعلم المساعد مكنش من ضمن البرنامج الانتخابى

البرنامج الانتخابى نص على تعيين الشباب من الخريجيين

وبناء على ذلك انا وكل زمايلى فى المحافظة تم التعاقد معانا كمعلمين مساعدين والحكومة كده فاكرين انهم عينونا

يعنى انا مثلا متعاقد بناء على وفى ظل خطة تنفيذ البرنامج الانتخابى للرئيس لكن مثبتنيش الى الان

[أ/محمد على عاشور]

موضوع جميل
بس لازم نضع خطط للمستقبل اذا لم نتعين

[MUSTAFAEGYPT]

المشاركة الأصلية كتبت بواسطة miss.dina

انا من رايى انهم اكيد هيثبتونا فى يوم من الايام اولا دة قانون ثانيا لو حتى جددلونا العقد دلوقتى بعد كدة لازم يبقى فى تثبيت لان دة من بنود العقد اللى احنا ماضيناه واى مخالفة لبنود العقد من حقنا اننا نرفع قضية بس انا شايفة ان المسالة مسالة وقت مش اكتر واحنا عارفين كويس قوى ان يوم الحكومة بتاعنا بسنة واحلى حاجة فى الحكومة بتاعتنا انها بتدينا فرصة للتخمين وتشغيل المخ ومبتصرحش بطريقة مباشرة وبتعملنا تشويق دة غير انها تعودنا على الصبر وقوة التحمل وربنا يدينا طولت العمر وان شاء الله هنتثبت وهنبارك لبعض

اشكرك على مرورك الطيب

لكن يااخت دينا قانون الكادر قال

( ويعين بقرار من المحافظ من أمضى سنة معلم مساعد وحصل خلالها على شهادة الصلاحية )

تفتكرى ايه المقصود بالتعيين هنا هل هوا تثبيت ولا قصدهم ايه

لان انا حاسس ان كلمة تعيين دى بصراحة كلمة عايمة ولا ايه رايك