عزيزي الطالب :خلي بالك من النقاط دي في الفرنسي من واقع تصحيح الثانوية العامة

[مسيو منتصر الجميلي]

أبنائي الأعـزاء
من خوفي عليكم وحبي الشديد ليكم حبيت ألفت نظركم قبل الامتحان لبعض النقاط اللي كانت سبب لأخطاء زملائكم في امتحانات سابقة او لنقص درجاتهم:
أولا : يجب استخدام الكلمات المتداولة في اللغة وبالذات التي ورد ذكرها في الكتاب يعني لو كلمة ليها أكتر من مرادف نحاول نستخدم المتداول طيب انا حديلكم مثل على كلامي من واقع تصحيح سابق حضرته : كان في جملة بتتكلم عن عدم احترام قواعد المرور وكانت الاجابة :un agent de trafic في طلبة كتبوا كلمة motard هي طبعا صحيحة بلا شك لكن غير متداولة هي كلمة قديمة في اللغة في بعض الناس كانوا حديثي عهد لم يعرفوا هذه الاجابة فاتحسبت خطأ الى ان جاء المراجع ونبههم لده.

ثانيا : في أسئلة الشخصيات كتير مننا بيهتم بمعنى الجملة وينسى التذكير والتأنيث والافراد والجمع وكمان علامات الترقيم وصفات الملكية حديكم أمثلة كمات :
desole, on n'a pas votre taille ( un vendeur ) ****desolee, on n'a pas votre taille ( une vendeuse ) **1
votre voiture a une panne de moteur ( un mecanicein ) - ma voiture a une panne de moteur ( un client ) 2-
son cas est grave? ( un mere de malade ) - son cas est grave. ( un medecin )

ثالثا : في سؤال القواعد : ناس كتير لما بتحول من زمن لزمن بتحول مباشرة من الجملة الموجودة لكن المفروض طبعا دائما ترجع الفعل لمصدره وده كان خطأ من بعض زملائكم في جملة مبني للمجهول وان لم تكن نفس الجملة لكن هو نفس الفعل:
Ali accueillera Jean -
ناس كتير لما حولت الجملة شافوا الفعل منتهي بـ a فقالوا مستقبل بسيط فحذفوا النهاية ولاقوا الفعل آخره r فطبعا لما جابوا اسم المفعول حولوه accueille علشان كده بنقول دائما نرجع الفعل للمصدر حيبقى accueillir , وبالتالي اسم المفعول يكون accueilli

رابعا : في سؤال الوثيقة : في سؤال صح وخطأ في ناس بتعكس جملتين يعنى مثلا يكتب رقم 4 وبعدها 3 أحيانا المصحح مع ضغط الورق ممكن مياخدش باله ولو المراجع مخدش باله حتبقى مشكله فانا بنصحكم دائما تخلوا الترتيب مضبوط.

- كما في نفس السؤال : أجب عن الأسئلة من خلال الوثيقة لازم تكتبوا الاجابة كاملة يعنى مثلا لو قالك متى ولد نجيب محفوظ ؟ لا تكتفي بذكر السنة لكن تبدأ تقول نجيب محفوظ ولد سنة ....

خامسا : نيجي لسؤال المواقف : متهتمش بترجمة كل كلمة ، افهم الموقف كامل وبعدين عبر عنه بالطريقة التي يتحقق بها الهدف من الموقف

- كمان في سؤال الحوار : لا تكتفي بالأسئلة العامة لكن لازم تسأل بعض الأسئلة الخاصة بالشخصية

- حاول تكتب في سؤال الخطاب او المقال على كد ما هو مطلوب لأن ده سؤال بيتصحح تقديري فكل خطأ بيحسب عليك ، لكن في تقديم نصائح او حوار زود زي مانت عايز لأن ده سؤال بيتصحح بجزئيات

معلش كترت عليكم في الكلام ، لكن ده من خوفي عليكم ولا ارجو منكم سوى الدعاء

[منى..]

ربنا يبارك فى حضرتك يامسيـــــــو
جزاك الله كل خير

[تامر الرفاعى]

موضوع هام جداااااااااااااااااااااااااااااااااا وتسلم ايدك يا مسيوووووووووووووووووووووووو

[ramyhawa]

جزاك الله خيرا مسيو منتصر بارك الله فيك

[الاستاذ / ياسر الشرقاوى]

بجد تنبيهات قيمة وجت فى ميعادها
ارجو ان كل الطلبة ينتبهوا الى هذا الكلام
ويخلو ا بالهم عند الاجابة لها
بارك الله فيك مسيو منتصر
خالص تحياتى لك بدوام التوفيق

[مسيو/اسامة الباز]

اشكرك اخي الفاضل علي نصائحك الغالية والمفيدة جدا للطلبة في هذا الوقت الهام جدا
جزاك الله كل خير

[البربرى50]

بجد مدرس قدير وقيم وصاحب لمسات ممتازة فى وقت ممتاز,ربنا يباركلنا فيك

[أ.وليد صقر شربين]

السلام عليكم ورحمة الله وبركاته
زادك الله من العلم
وبارك فيك ولك استاذنا الكبير
موضوع رائع وتوقيت ممتاز
جزاك الله عنا كل خير
والله انى احبك فى الله

[moumen2008]

ربتا يباركلك

[عبقرى مصرى]

مفييييييييييييييييييييييييييييد ممتاااااااااااااااااااااااااااااااااااااز جزاك الله خييييييييييييييييييير

[emad abbas]

جزاك الله خيرا

[إلهامي نوفل]

جزاكم الله خيرا أخي الكريم
بالفعل دائما ما ننبه أبنائنا لمثل هذه النقاط ونشدد عليها ولكن هناك البعض ممن لا يكثرون لمثل هذه النصائح الغاليه
نسأل الله لهم السداد والتوفيق ولنا مثله بحول الله وقوته

[neweslam1]

جزاك الله خيرا

[مسيو منتصر الجميلي]

المشاركة الأصلية كتبت بواسطة منى..

ربنا يبارك فى حضرتك يامسيـــــــو
جزاك الله كل خير

وجزاك كذلك
شكرا جزيلا لمرور حضرتك

[مسيو منتصر الجميلي]

المشاركة الأصلية كتبت بواسطة تامر الرفاعى

موضوع هام جداااااااااااااااااااااااااااااااااا وتسلم ايدك يا مسيوووووووووووووووووووووووو

ربنا يوفق أبنائنا الطلاب أخي تامر
شكرا لمرور حضرتك الذي أسعد به كثيرا