هل من الممكن كتابة عدة اجابات فى ورقة الاجابة

[kingdain]

هل من الممكن كتابة عدة اجابات لنفس السؤال فى ورقة الاجابة ؟
و اية الاسئلة اللى ممكن اجاوب فيها اكتر من اجابة و اية الاسئلة اللى مينفعش فيها الا واحدة بس؟

[soma sweat]

ممكن نكتب اكتر من أجابة فى معانى الكلمات مثلا لما يكونوا قريبين من بعض

لكن مش عارفة النحو فى الاعراب ينفع ولا لأ

بس بيتهيقلى ان العربى فى بعض الأسئلة ميحتملش اجابتين يعنى

[soma sweat]

بس ياريت حد من المدرسين يوجهونا

[Dr.Gehad]

اكيد مينفعش نكتب اكتر من اجابه دا على كده لو ينفع هنكتب اى حاجه ونخرج ضامنين 30 من 30 ههههه ويبقي محدش غلب
دا منعو فى الالمانى اللى كان مسموح فيه نكتب اجابات اكتر من مره هيسمحو فى العربى ؟

[عماد عبد الستار]

موضوع كتابة أكثر من إجابة للسؤال، لا يصلح مع كل الفروع، فمثلاً النحو في الإعراب لا يصح أن أقول(فاعل ــ مفعول به) مثلاً لأن الموقع الإعرابي لايحتمل أكثر من حالة واحدة فقط (إلا في حالات خاصة، كأعراب المخصوص بالمدح أو الذم)، كذلك في الا ستخراج معني تضع استخراجين لحالة واحدة، فأنت تخير المصحح هنا أن يختار الإجابة الصحيحة، وهذا ما لا يصح، وكذلك لا ينفع ذلك مع معاني الكلمات، وخاصة إذا كانت اختيار اًمن متعدد، إلي أخر ذلك، ولكن أتمني ألا نضع إجابتين للسؤال حتي لا تعرض نفسك لشطب الإجابة، وأن تركز في إجابة واحدة فقط، وتكون واثقاً من نفسك.
تمنياتي بالنجاح والتفوق

[future engineer]

طب مينفعش نعيد السؤال كاملا


نعم ينفع، إذا وجدت إجابة أكمل وأحسن للسؤال، وبشرط ألا يعطل وقت الأسئلة الأخري.
ويفضل أن تكتب(إعادة السؤال الأول مثلاً) وإذا شطبت علي السؤال المعاد، فلا يكون شطب حتي الطمس(إخفاء الكلام) لأنه يمكن أن يقوم المصحح بتصحيح السؤالين، وإخراج الدرجة الأكبر علي المرايا(الغلاف).

مع التمنيات بالنجاح والتفوق

[kingdain]

المشاركة الأصلية كتبت بواسطة عماد عبد الستار

موضوع كتابة أكثر من إجابة للسؤال، لا يصلح مع كل الفروع، فمثلاً النحو في الإعراب لا يصح أن أقول(فاعل ــ مفعول به) مثلاً لأن الموقع الإعرابي لايحتمل أكثر من حالة واحدة فقط (إلا في حالات خاصة، كأعراب المخصوص بالمدح أو الذم)، كذلك في الا ستخراج معني تضع استخراجين لحالة واحدة، فأنت تخير المصحح هنا أن يختار الإجابة الصحيحة، وهذا ما لا يصح، وكذلك لا ينفع ذلك مع معاني الكلمات، وخاصة إذا كانت اختيار اًمن متعدد، إلي أخر ذلك، ولكن أتمني ألا نضع إجابتين للسؤال حتي لا تعرض نفسك لشطب الإجابة، وأن تركز في إجابة واحدة فقط، وتكون واثقاً من نفسك.
تمنياتي بالنجاح والتفوق

طب مواطن الجمال فى النصوص و البلاغة ينفع اكتب اجبتين و كمان فى السؤال بتاع ماذا توحى الكلمات الاتية

[عماد عبد الستار]

هناك من مواطن الجمال ما لا يحتمل إلا إجابة واحدة فقط، فلا يصح أن نقول مثلاً (استعارة أو تشبيه) فهي إما استعارة، وإما تشبيه، حتي التشبيه نفسه، لابد أن نحدده(بليغ ــ تمثيلي ــ ضمني) .... إلخ، أما إيحاء الألفاظ فقد تتعدد الإيحاءات في كلمة واحدة.
تمنياتي لك بالتوفيق.

[خوارزم شاه]

ده على الاساس انه مده الامتحان 20 ساعه