هتعمل ايه في الفيزياء......؟

[سندريلا5]

السلام عليكم ورحمة الله وبركاته
ازيكو يا شباب انا عايزه كل طلبه الفيزياء يشاركو معايا في الموضوع ده واكيد هنفيد بعض
خلاص الوقت زنق فكل واحد يقول هيعمل ايه في الفيزياء
بمعني هيذاكرها ويراجعها ازاي؟----------هيحل ايه فيها؟---------------
هيركز علي ايه؟----------------استاذه قاله علي ايه حاجات مهمه؟------------------------
يلا عايزه اشوف نشاطكو
وانا هبدا........

[سندريلا5]

انا عن نفسي خصصت الاسبوع ده للفيزياء علشان اعرف المها كلها
احدد فصل واذاكره من ورق الدرس بعدين اراجعه من الكتاب واحل كتاب الوزاره عليه
ومعايا كشكول الاول ملخص التعليلات وماذا نعني والتجارب ومجاوبها بس لسه مبداتش فيه
وعايزه احل ال100سؤال اللي وره الاستاذ قال مهمين
اه نسيت وكمان بحل دليل التقويم برده الاستاذ قال مهم جدااااااااااااااااا
وفيه يا جماعه مجله اخبار التعليم والله كويسه وخصوصا في رياضه2 مجمعه كل القوانين
ويلا بقي عايزه اشوف ردودكو
لو عملت حاجه تاني هقولكو
وادعولي بالله عليكو

[سندريلا5]

ايه يا شباب 6مشاهدات ولا رد
اكيد بردك هتفيد غيرك وهتستفيد

[sheksarsopa]

انا بذاكر من كتاب المثالى -وكتاب الدليل -و100 سؤال - وكتاب الوزارة-والمرشد

[سندريلا5]

شكراااا لردك وانا كمان حليت المثالي ايام الدرلسه لكن بصراحه مكملتهوش كله وبفكر استعين بيه في المذاكره
لكن المرشد ده لا اعتقد انه من ملخصات الازهر

[prof.ahmed4d]

انا بقى قربت اخلص الدليل وكتاب المدرسة مخلصه الحمد لله وال100 سؤال الى ورا اخدناهم في الحصص بس مش بستعين بكتب خارجية كتير وباذن الله الفترة دى اراجع عليها تانى واحل امتحانات شاملة باذن الله بس انا مش معايا غير مادتين فيزياء وعلم نفس

وبالتوفيق ليكم جميعا

اخوكم في الله / احمد

[يا من ذل]

وانا كمان معاكو
ربنا يسهل انا مابفتحش غير الملازم بتاعت الاستاذ بس ملازم حلوة
بس بنراجع الان وخلاص خلصنا المنهج فاضل الباب الثالث واحنا الان فى نصف الثانى هنخلصة النهاردة
علشان الحصة النهاردة وحصتين كمان اى اسبوع وننهى الثالث والمنهج ونبدئ امتحانات
لانى مش فاضى
عليا فيزياء ورياضيات 2 وكيمياء يعنى ضرب نار
وسبحان الله ان انتى كمان معاكى فيزياء ورياضيات 2 وكيمياء

وكمان للاسف مركز على الكمبيوتر اوى
ماحدش يعرف طريقة الواحد يبعد بيها عن الكمبيوتر قدر المتطاع :abdoog8:
بالنسبة لبركز على اية فالباب الرابع والخامس

استاذى قالنا اية

قالنا ان الوزير اتسال هتعمل اية فى طلاب سنة الفراغ
راح قال زى ماعدينا غياب الترم الاول لبتوع 2 ثانوى
هنعدى الدفعة دى بمعنى انة هيطلعنا ان شاء الله كلنا
فان شاء الله هتكون فى نفس مستوى امتحان السودان
بس المشكلة انى اكيد هيجيب شوية مساهل تعتمد على الفهم اكتر من الحفظ
وربنا المستعان ...

[$$Eslam$$]

انا بقي مش عارف اذاكر ازاي ولا عارف ابدا ازاي والمدرسين ضيعوا علينا الوقت

[$$Eslam$$]

وعندي سؤال ؟؟؟؟
ياتري الموضوع اللي قال عليه الوزير ان اللي اتفصل مش هيدخل الامتحان . صح ولا لا
والله انا احترت ومش عارف ايه الصح
:abdoog8:اصل انا محضرتش ولا يوم المدرسة:abdoog8:

[سندريلا5]

ايوه كده يا جماعه حلوه المشاركات دي
eslam واحنا كمان مرحناش المدرسه لاننا ماجلين فمحدش اتفصل هو انت اتفصلت فعلا ولا ايه لا ن المفروض كان تعيد قيدك من زمان قبل الاستمارات وربنا يسترها معاك بس ان شاء الله اكيد هتمتحن محدش يقدر يمنعك
حاول تبطل دروس شويه او خفف الحصص
واقنع نفسك ان لسه قدامك وقت انا عارفه ان ده صعب بس حاول وبعدين اما تحدد لكل ماده فتره او تقسم اليوم علي المواد بس ابدا من جديد وربنا عمره ما يتخلي عنك.
"يا من ذل "عرفت ازاي ان معايا كيمياء وفيزيا ورياضه2 انا مقلتش
وعموما ربنا يكرمك لاننا بذكائنا الخارق خلينا اصعب ثلاث مواد مع بعض
انت بتعمل ايه فيهم!!!
p.ahmedماشاء الله ربنا يكرمك وادعيلنا نحصلك

[$$Eslam$$]

الف شكر علي ردك الجميل ده يا سندريلا5 وان شاء الله هاحاول اعمل بنصائحك دي
وشكراااااااااااااااااااااااااااا:078111 rg3:
علي فكرة انا زيكم بس انا معايا فيزياء ورياضيات2 والستر والصحة
وربنا يكرمنا جميعا

[سندريلا5]

بتذ1اكر ايه ملخصات في الستر والصحه؟
ههههه
علي ايه يعني الشكر يا رب اكون فعلا قدرت افيدك
ربنا يساعدكو كلكو وانا معاكو ادعولي
طيب متيجي كل واحد يكتب في المشاركه مجموعه والكليهاللي بيتمناها
انا عن نفسي مجموع مواد تانيه93%ومواد ثالته98.9% يعني كل المواد اللي امتحنتها 96%
ده ولسه الفيزيا والكيمياء وريياضه2
وامنيه حياتي بجد كليه الهندسه
ربنايستر
قوليلي يا جماعه هترتبوا نفسكو ازاي علي مواعيد الامتحانات من 1-4م ده وقت صعب قوي انا بنامن فيه ومبعرفش احل حاجه حتي لو سهله انا بدات اعلم نفسي اني منمش ابدا في الوقت ده مهما حصل والاغرب اني دلوقتي بعلم نفسي اذاكر وافهم واحل في الوقت ده بس والله صعب انا ببذل مجهود مضاعف مش عارفه ليه الوقت الغريب ده
اه كمان في نصيحه وده اللي هعمله باذن الله
من1-4م ده وقت الغداء فمحدش يتغدي يا جماعه هو ورايح اللجنه لان الدم في الجسم بيغر مساره من المخ الي المعده فاتوماتيك هتنام لوحدك او مش هتعرف تحل فالمفروض كوب شاي كده علشان نصحصخ وخلاص واصلا الخوف مش هيخليكو تاكلوههههههههههه

[$$Eslam$$]

انا مجموع مواد تانية 86% ومواد تالتة 93% واسعي للافضل باذن الله
وكان حلم حياتي اني ادخل هندسة بس راحت هندسة
<_<وانا دلوقتي اتمني اني ادخل كلية علوم
وربنا يوقفنا جميعا وكل واحد يدخل الكلية اللي هو عايزها
اما موضوع المذاكرة فالواحد لازم يبذل اقصي جهده ويعمل المستحيل علشان يوصل لهدفه
وصبرنا الكتير مش باقي الا القليل
وربنا يوفقنا لما فيه الخير
ومعلش ان كنت اطلت في الرد
وشكرا

[$$Eslam$$]

يا شباب افيدوني
لو انا مش فاهم حاجة في الفيزياء وعايز اراجعها في اسرع وقت
اراجعها منين وازاي
:abdoog8:ياريت حد يرد عليا:abdoog8:
وشكرااااااااااااااااااااااااااااااااااا اا

[سندريلا5]

طبعا ورق الدرس اسرع حاجه وحل عليها الدليل وخلاص
بس يعني حاجه زي ايه انت ممكن تطلب اللي عايزه واحنا نساعد بعض ما هو الموضوع ده علشان نساعد بعض
وال100 سؤال اللي في الكتاب
وربنا يوفقك
وعلي فكره لو اديت الجزئيه اللي انت مش فاهمها وقت كويس يوم ولا اتنين هترتاح اكتر وصدقني هتوفر وقت اكتر عكس ما انت متخيل