جدل حول إضافة درجات التربية الدينية إلي مجموع الطلاب

[**تسابيح**]

بصراحة هو العيب في الكتاب ذات نفسه
وفي المدرس كمان
يمكن التربية الدينية فيه مدرسين مش عندهم زمة وضمير فبيسبوا المادة
زي لما حصل معانا ف 3ث
ولو الاستاذ دا ادانا دين بجد كان بيحسسنا اننا مش بنطيع ربنا
عمره ما ادانا امل واحد
ربنا يهدي
ف 2ث و1ث كان بتديني أستاذة بجد بجد كان بتشرح منتهي الذمة للعلم كان فيه

وكنا بنسألها وتجاوب اجابات مقنعة
الدين دا مفروض نهتم بيه مش عشان مادة مجموع ولالا
لا عشان احنا مسلمين
الاسلام بيقول الدين معاملة حياة
انا لما اقعد اتفرج ع قنوات دينية احس اني مكنتش بأخذ ديني
ومعلومات بسيطة جدا ومع ذلك مش كلنا نعرفها
من راي مش اي مدرس يدي دين لازم يكون عنده ثقافة عليا
وكمان كتاب الدين لازم يتعدل .. يبقي دين اسلامي بجد
يحسسنا بمتانة الاسلام لانه فعلا كدا

[mod-sh]

المشاركة الأصلية كتبت بواسطة aly almasry

أنا اختلف معك بالكلية أخي الكريم لعدة اسباب

اولا : جل حديثك واسبابك تدور حول سبب واحد هو وجود مسيحيين ودين مسيحي وها البناء غير صحيح لانك تعاملت وكان المسيحيين يمثلون 50% وليست اقلية مع كامل الاحترام لهم

ثانيا : بنيت تصوراتك ان التعليم امتحانات ودراجات ونسيت أن من اهم اهداف التعليم بناء مواطن صالح وهل من صلاح الا من خلال ترسيخ قيم الاسلام السمحة وتعميق مبادئه في النشأ وللاف الشديد ونتيجة ان الدين مادة لاتضاف للمجموع ادت الى عدم اهتمام الطلاب بها فلا هم يحترمون حصتها ولاهم ياكرون مادتها

ثالثا : " طلب العلم فريضة على كل مسلم " حديث شريف وقد فسر العلماء معنى العلم الفريضة بانواع اهمها هو ذاك العلم الذي تصح معه العبادة وتسلم به العقيدة والمفروض أن يتعلم التلاميذ والطلاب هذا العلم من خلال مرورهم بمراحل التعليم المختلفة ولكن للاسف الشديد التعليم ومخرجاته لاتنم ان هناك تلقى للحد الادنى المطلوب من العلم الشرعي الي هو لازم لكل مسلم

رابعا : رأينا بأم اعيننا هذا التدني الواضح في اخلاقيات وسلوكيات الشباب الذي اريد به ان تمحى شخصيته وان ينسلخ من هويته الاسلامية واقول وانا على يقين اردد انه لن يصلح حال هذه الامة الا بما صلح به اولها كتاب الله ونة نبيه صلى الله عليه وسلم

اشكرك أخي (علي) على وجهة نظرك ، ولكن :حصة التربية الدينية فيها عطاء أكثر من أي حصة ، لعل السبب أن شبابنا خاوين في عقيدتهم وأفكارهم الدينية ، لذا من الواجب على مدرسي التربية الدينية أن يكون عطاؤهم بهذا الحد .
ولا أخفيك : أنا مدرس أول ( لغة عربية وتربية دينية) وأقسم لك _ وأنا لست مجبرا على هذا القسم_ بأن تعبي كله لايكون إلا في حصة التربية الدينية أكثر من حصة اللغة العربية ، وكنت لاألتزم بالمنهج وكان كل اهتمامي بالسلوك والجانب الفقهي، وكنت أبدأ من باب الطهارة والنجاسة والاستنجاء ......إلخ.
فعليك أن تتعقل قبل إصدار الحكم كما قلت سابقا.
أما سلوك الطالب الحالي فهذا سلوك مجتمع بكامله لذا علينا إصلاح أنفسنا أولا .
وأشكر لك وجهة النظر هذه.

[BaNZeR]

المشاركة الأصلية كتبت بواسطة mod-sh

وأقسم لك _ وأنا لست مجبرا على هذا القسم_ بأن تعبي كله لايكون إلا في حصة التربية الدينية أكثر من حصة اللغة العربية ، وكنت لاألتزم بالمنهج وكان كل اهتمامي بالسلوك والجانب الفقهي، وكنت أبدأ من باب الطهارة والنجاسة والاستنجاء ......إلخ.

هو ده الجانب العملي اللى انا بتكلم عنه واللى الشباب محتاجين يتعلموه فعلاً
لو فعلاً كان في اهتمام من الدين في المدرسة حيث تتوسع دائرة المناقشة عما في المنهج
كان حيبقى في فعلاً الاستفادة المرجوة من حصة الدين الاسلامي

بارك الله فيك استاذي واكثر من امثالك

[raaed_11]

المشاركة الأصلية كتبت بواسطة توفيق رفعت عجيز

طيب ايه المشكة انها تضاف اشمعني التربية الفنية والحاسب الالي بيضافوا

الحاسب الالى اكثر المواد افادة لكل الطلاب لما لها اهمية قصوى فى تطور التعليم
ويجب زيادة الفترات لتدريس هذه المادة الهامة

===========

التربية الدينية ...... هايبقى فى ظلم اذا اضيفت الى المجموع

ولكن يمكن زيادة حصصها ...... وزيادة المناهج والدروس التى تفيد الطلاب وتثقفهم دينيا

[توفيق رفعت عجيز]

المشاركة الأصلية كتبت بواسطة raaed_11

الحاسب الالى اكثر المواد افادة لكل الطلاب لما لها اهمية قصوى فى تطور التعليم

ويجب زيادة الفترات لتدريس هذه المادة الهامة

===========

التربية الدينية ...... هايبقى فى ظلم اذا اضيفت الى المجموع

ولكن يمكن زيادة حصصها ...... وزيادة المناهج والدروس التى تفيد الطلاب وتثقفهم دينيا

ممكن حضرتك توضحي نوع الظلم ايلي بتقصدية

[BaNZeR]

المشاركة الأصلية كتبت بواسطة توفيق رفعت عجيز

ممكن حضرتك توضحي نوع الظلم ايلي بتقصدية

المقصود إنه الدين المسيحي بيكون اسهل من الاسلامي وكذلك امتحاناته
لذا فلن يكون جميع الطلبة في مستوى واحد

[توفيق رفعت عجيز]

المشاركة الأصلية كتبت بواسطة banzer

المقصود إنه الدين المسيحي بيكون اسهل من الاسلامي وكذلك امتحاناته
لذا فلن يكون جميع الطلبة في مستوى واحد

انا ليه رؤيه في هذا الامر هو يجب ان يتعلم الطالب امور دينه بدون قيود بمعني انه لايشعور بضغوط من اجل المجموع او بمعني يجب ان يحب المادة علي انها تعلمه امور دينه وليست كمادة مجموع
وشكرا علي توضيح حضرتك

[هانى الشرقاوى]

با إخوانى الدين مش مجرد مادة دارسية
الطالب يذاكرها زى ما بيذاكر الرياضيات والعربى وغيره وقبل ما يطلع من اللجنة ينسى كل اللى درسه
الدين أكبر من كده بكتير
وللأسف ده بالظبط اللى بيحصل فى الازهر
القرأن بقا مادة دراسية بحته
الطالب بقا بيعرف الأسئلة بتيجى منين
يحفظ أول الأرباع وأول السور من المقرر وأول السور من أخر تلت أجزاء
حاجة نكسف الحقيقة

أنا موافق ان الدين يبقى مادة نجاح ورسوب بس متبقاش مادة مجموع
وأتمنى إنه يكون فيه مادة بتتحدث عن الأخلاق بجانب الدين يدرسها كل الطلاب فى فى وقت واحد دون التفرقة بين بعضهم وبعضهم البعض وتتعرض للمادة دى كل الفضائل فى كل الأديان وعن الاخر وعن فكرة التعددية وقبول الأخر وعن الحب .........زالخ

[BaNZeR]

فين مادة الدين اللى بناخدها اصلاً
شوية كلام مكرر عن الاخلاق واعجاز الله في الطبيعة
وموقف او اتنين في السيرة وخلاص

يعني لو اتكلمنا عن الاستفادة الحقيقية للمنهج ممكن نقول 20%

نيجي بقى للى بيشرحوها نفسهم
بيتعاملوا مع المادة زي ما بنتعامل مع مادة المجال الصناعي او التربية الوطنية وربما اقل
القرآن حناخد من واحد لعشرة حفظ وحنقرا الحديث الاول ومعاني كلماته وخلاص


اما من ناحية تعاملنا احنا مع المادة فهو لا يتعدى كونه مادة دراسية عادية
زي بالظبط تعامل المسيحيين مع النصوص القرآنية في العربي

يعني من الآخر حوار (فاكس) ملوش لازمة يعني إنه ينضاف للمجموع
سواء كمادة دينية او كمادة دراسية