|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
15-01-2010, 06:30 PM
|
||||
|
||||
هاااااااااام للمسيو ياسر الشرقاوي
أنا بأشكر حضرتك كتير على المساهمات البالغة الأهمية اللي حضرتك قدمتها لينا
وكان عندي طلب من حضرتك وياريت ما تكسفتيش لأني أول مرة أشترك في المنتدى الرائع دا وتحت اشراف أساتذة زي حضرتك بصراحة أنا عندي مشكلة عالية في حفظ الكلمات وخاصة الأفعال ودايما بتروح من دماغي وعندي برده مشكله في الضمائر الشخصية ياريت حضرتك تفيدني في كيفية التصرف في تلك الكارثة الكبرى ولحضراتكم جزيل الشكر |
|
#2
15-01-2010, 08:16 PM
|
||||
|
||||
السلااااااااااام عليكم ورحمة الله وبركاتة
فى البداية بشكرك على مجاملتك وكلامك الرقيق وبارك الله فيك ثانيا / هى المشكلة دية تكاد تكون عند كثير من الطلبة وهى بترجع فى الاساس من بداية دراسة اللغة الفرنسية من سنة اولى ولها اسباب عديدة ليس مجالها الان................................ ونرجع لمشكلتك كل الى اقدر علية انى اقولك حاول تحفظ بالورقة والقلم يعنى بالكتابة واذا لم تستطع حاول ان تحضر كشكول خاص بك وتعمل بة ملخص لاهم كلمات المنهج وياريت لو تطلع علية مدرسك اكيد هيفيدك بخبرتة فى معرفتك بأهم كلمات فى الدروس وبعد ما تعمل كدة اصبح عندك ملزمة خاصة بك بكلمات المنهج ونفس الوضع تعملة مع القواعد الهامة التى ستبدأ فى كتابتها بخط يدك لانك كل ما تعود ايديك على الكتابة هتجيب نتيجة حلوة معاك وعلى فكرة بردة عما تيجى تسمع لنفسك اكتب كلماتك باللغة العربية مرة وترجمها للفرنسية ومرة تانية اعمل العكس انا عرف انك هتتعب فى البداية بس دا شىء لابد منة واخيرا كان نفسى اقدر اساعدك بأكتر من مجرد الكلام لكن أسأل الله ان يلهمك الصواب انت وكل اخوانى وتلاميذى من الطلاب اما بالنسبة للضمائر الشخصية فهى حلها سهل بص يا سيدى انا ان شاء الله كل يوم هدخل على نفس موضوعك واشرحلك جزء معين فيها يعنى بدل مقولها كلها مرة واحدة وتجد فيها صعوبة لاء هنقسمها على 3 او 4 ايام والنهاردة هبدأ فيها اولا لازم تعرف معنى كلمة ضمير شخصى بالفرنسية يعنى اية لان السؤال دة من الاسئلة المهمة جدا فى الامتحانات وطبعا هيجيلك باللغة الفرنسية .ضمير شخصى يعنى pronom perssonel طب ياترى هو كام نوع...........؟ هو نوعين ....ألاول فاعل والتانى مفعول طب فاعل يعنى اية ........................ طبعا الفاعل دة هو الموجود على راس الجملة ويقوم بالحدث فيها وزى ما انت عارف بالتأكيد ضمائر الفاعل وهى كالاتى il يحل محل فاعل مفرد مذكر elle تحل محل فاعل مفرد مؤنث ils يحل محل فاعل جمع مذكر elles يحل محل فاعل جمع مؤنث exembles le president est arrive hier a paris رأس السؤال فى الامتحان remplace le mot sougline par un pronom personnel يعنى استبدل الكلمة التى تحتها خط بضمير شخصى فى البداية اول حاجة تعملها تشوف هل الكلمة المراد استبدالها بضمير شخصى هل هى فاعل او مفعول اذا كانت فاعل يبقى تختارحسب القاعدة الموجودة باعلى الشرح هنا الحل ....طبعا هذة الكلمة تقع فاعل ومفرد مذكر اذا الحل هو ان نقوم باستبدالها بالضمير il وهكذا فى باقى الجمل التى تقع فيها الكلمة فاعل واكتفى هذة المرة بهذا القدر وان نال اعجابك اخبرنى وانا ان شاء الله ساستكمل لك باقى شرح الضمائر الشخصية او كل ما تحب طالما كنت متواجد على الموقع واخيرا اتمنى لك دوام التوفيق مع خالص تحياتى لكم منى جميعا
__________________
اللهم اجعل لى فى قلوب عبادك ودا
سبحان الله وبحمده سبحان الله العظيم |
|
#4
16-01-2010, 05:18 PM
|
||||
|
||||
|
بجد أنا بشكر حضرتك كتير وبشكر القائمين على الموقع لأنه أتاح لي فرصة السؤال دون حرح والسبب اني كنت بأتحرج في إني أسأل مدرسي لأني بنت وكلامي مع المدرسين بيبقى قليل شوية ومرة تانية أنا بشكر حضرتك كتير وبارك الله لك في علمك
|
|
#5
16-01-2010, 11:06 PM
|
||||
|
||||
اهلا بيكى مرة تانية
النهاردة هنتكلم عن ضمائر المفعول طبعا لازم نعرف فى البداية ان ضمائر المفعول نوعين مباشر ( يعنهى لا تسبق بحرف اجر ابدا ) غير مباشر ( يعنى مسبوقة باحد حروف الجر واشهرها هى a - au - aux - dans ) ومعلومتنا اليوم ستدور على الضمائر الشخصية التى تحل محل مفعول بة مباشر اذا ما هى ضمائر المفعول بة المباشر ؟ هى اربعة ضمائر وهى le وتحل محل مفعول بة مفرد مذكر مباشر la وتحل محل مفعول بة مفرد مؤنث مباشر l' وتحل محل مفعول بة مفرد بنوعية ولكن الفعل الواقع بعد الضمير مبدوء بحرف متحرك les تحل محل مفعول بة مباشر جمع بنوعية لاحظى معى هناك تشابة بين ضمائر المفعول المباشر وادوات المعرفة ولكن خلى بالك اداة التعريف تسبق الاسم ولكن ضمير المفعول يسبق الفعل لاحظى ايضا فى جملة الماضى المركب اسم المفعول مع الفعل المساعد avoir اذا سبقة احد ضمائر المفعول المباشر فقط ك ( la - l' -les ) فهذة الحالة لابد من وضع تبعية لاسم المفعول حسب نوع الضمير الشخصى يعنى لوكان الضمير الشخصى يحل محل مفعول مفرد مؤنث نضع لاسم المفعول e جمع مؤنث نضع es جمع مذكر s ex j' ai vu Hala je l ' ai vue 2* les touristes ont visite les pyramides les touristes les ont visitees 3* tu as lu ces livres oui, je les ai lus واخيرا الى لقاء قريب مع خالص امنياتى لكى بمزيد من التوفيق
__________________
اللهم اجعل لى فى قلوب عبادك ودا
سبحان الله وبحمده سبحان الله العظيم |
|
#6
16-01-2010, 11:08 PM
|
||||
|
||||
|
ملحوظة / انتبهى اذا كان المفعول مسبوق بأداة نكرة او تجزأ’ او عد او ظرف كمية
فهذة حالة اخرى ولا نستخدم فيها هنا ضمائر المفعول المباشر ولكن سنستخدم ضمير اخر سوف نتعرف علية معا فيما بعد
__________________
اللهم اجعل لى فى قلوب عبادك ودا
سبحان الله وبحمده سبحان الله العظيم |
|
#7
17-01-2010, 02:05 PM
|
||||
|
||||
|
بارك الله فيك يا مسيو ياسر
|
|
#8
17-01-2010, 02:25 PM
|
||||
|
||||
|
اقتباس:
بجد لفتة جميلة منك وهى اهتمامك بوضع رد بارك الله لك وذادك توفيقا وشكرا لك
__________________
اللهم اجعل لى فى قلوب عبادك ودا
سبحان الله وبحمده سبحان الله العظيم |
|
#10
18-01-2010, 07:24 PM
|
||||
|
||||
|
السلااااااااام عليكم
النهاردة هنكمل مع بعض النوع الثانى من الضمائر الشخصية وهى ضمائر المفعول بة غير المباشر فى البداية لازم نعرف ان مفعول بة غير مباشر يعنى انة مسبوق بحرف جر مثل à au aux dans en وبالتالى اذا وجدا احد حروف الجر هذة تسبق المفعول بة فى الجملة ننظر هل هو عاقل ام غير عاقل فاذا كان عاقل مفرد بنوعية مذكر ومؤنث نضع lui اما اذا كان جمع بنوعية نضع leur اما اذا كان غير عاقل نضع y وغالبا ما تكون اسم مكان مسبوق بحرف جر à au aux dans en امثلة je parle à Ali je lui parle j’écris cette lettre à mes parents je leur ecris 3*j’ habite à paris j’ y habite j’ envoie ces lettres à mes amies je leur envoie لا حظى جيدا لا توجد تبعية مع ضمائر المفعول بة غير المباشر والى لقاء فى شرح جديد
__________________
اللهم اجعل لى فى قلوب عبادك ودا
سبحان الله وبحمده سبحان الله العظيم آخر تعديل بواسطة الاستاذ / ياسر الشرقاوى ، 18-01-2010 الساعة 07:28 PM |
|
#13
21-01-2010, 05:00 PM
|
||||
|
||||
|
اهلا بكم مرة تانية
النهاردة هنكمل مع بعض الضمائر الشخصية ومعلومة اليوم خاصة بالضمير الشخصى
en فى البداية يجب علينا ان نعلم ان هذا الضمير من ضمائر المفعول المباشر يعنى لا يسبق بحرف جر من حروف الجر المعروفة مثل ما قلنا فى بداية الشرح اذا ما هو الفرق بين هذا الضمير وضمائر المفعول المباشر السابقة ؟ لا حظ علشان نستخدم هذا الضمير لابد ان يكون المفعول بة مسبوق ب 1* عدد un * deux * trois etc.... 2*اداة نكرة un *une * des de 3*ظرف كمية beaucoup de peu de plusieurs nombreux de etc.... 4*اداة تجزأة du * dela * del' *des * de ex: je mange beaucoup de fruits j'en mange beaucoup je n'en mange pas لاحظ فى حالة الاثبات لابد من كتابة ظرف الكمية بدون de وكذلك العدد واداة النكرة un * une اما فى حالة النفى فنحف كل هذا ولا يكتب j'ai trois amis j'en ai trois je n'en ai pas je bois du the j' en bois il mange des fruits il en mange لاحظ اخيرا اسم مكان مسبوق بحرف الجر de نعوض بضمير الشخصى en اسم مكان مسبوق بحرف الجر a نضع ضمير الشخصى y وف الختام اتمنى لكم ولكى يا كاردينال التوفيق والنجاح مع خالص تحياتى للجميع
__________________
اللهم اجعل لى فى قلوب عبادك ودا
سبحان الله وبحمده سبحان الله العظيم آخر تعديل بواسطة الاستاذ / ياسر الشرقاوى ، 02-10-2010 الساعة 07:09 PM |
|
#14
22-01-2010, 01:50 PM
|
||||
|
||||
|
اقتباس:
ارجو ان شرحى يكون عجبك واستطعتى تفهمى الضمائر الشخصية مع خالص امنياتى لكى بدوام التوفيق
__________________
اللهم اجعل لى فى قلوب عبادك ودا
سبحان الله وبحمده سبحان الله العظيم |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:04 PM.
