Bones of Toad عظام وفقرات الضفدعة

--Dr.Mostafa-- · #1 24-12-2009, 11:34 AM

يوم على يوم .. ومن غير ما نحس..

لقينا نفسنا ف اخر السنة .. وسكاشن المراجعة .. شغالة على طول ...

يلا الحمد لله ..

بس يارب السنة تعدي على خير ..

المهم ..

حبيت اقدملكوا صور للعظم بتاع الضفدعة ..

الصور مقربة واتلقطت بطريقة كويسة .. حاولت ان اظهر ادق التفاصيل المهمة ..

وعلشان كدة واخد الـ Skull في 5 صور من كل الزاويا .. وباقي العظم من زاوية واحدة ..

( ما عدا عضماية العصعص

.. مصورتهاش اساسا تقريبا ملقتهاش بس هيا اصلا مش محتاجة تصوير .. )

اتمنى انه الصور تعجبكوا ،،

--------------------------------------------

MediaFire

http://www.mediafire.com/?nmozjjztnrz

--------------------

الرابط شغال 100% ان شاء الله ..

لو مشتغلش ممكن تقولوا .. احطه على اي موقع تاني ..

وشكرا ،،

والســـــلام عليـــكم

avnan · #2 24-12-2009, 12:02 PM

جزاك الله كل خير

#3 24-12-2009, 02:15 PM

تمام الله ينور عليك لانى مش فاهم حاجة من البونز بس الرابط مش شغال ارفعة تانى
وشكرا على الشغل الجامد دة يا دكتور

DR.smily · #4 24-12-2009, 11:40 PM

الف شكر ليك يا دكتور مصطفى والله الواحد مش عارف يقولك ايه
حضرتك كده بجد بتحرجنا

--Dr.Mostafa-- · #5 27-12-2009, 09:23 PM

اقتباس:

جزاك الله كل خير

ربنا يجزيكي كل خير .. ربنا يوفقك ويكرمك ...

--Dr.Mostafa-- · #6 27-12-2009, 09:27 PM

اقتباس:

الف شكر ليك يا دكتور مصطفى والله الواحد مش عارف يقولك ايه
حضرتك كده بجد بتحرجنا

على اية دكتورة العفو .. والحكاية مفيش فيها احراج ولا حاجة .. وربنا يجزيكي كل خير ..

والف شكر ..

dr.Abdoooo · #7 27-12-2009, 10:20 PM

سلام عليكم
يا جماعه طبعا كل السكاشن بدات في مراجعه الهستولوجي وفي ناس كتير بتصور في المراجعه فيا ريت اي حد يقدر يصور حاجه يرفعها علشان مش كل السكاشن بتقدر تصور حسب الظروف لاننا ما نضمنش في السكشن بتاعي او في سكشن مصطفى ها نقدر نصور ولا لا

DR.smily · #8 31-12-2009, 12:26 PM

اقتباس:

ريت اي حد يقدر يصور حاجه يرفعها علشان مش كل السكاشن بتقدر تصور حسب الظروف لاننا ما نضمنش في السكشن بتاعي او في سكشن مصطفى ها نقدر

انا الحمدلله قدرت اجمع شوية من الشرايح ال احنا شوفنها وصورت شوية
بس الحمدلله برده مش عارفة انزل ولا صورة
الدكتور مصطفى كان وعدنا انه يقولنا طريق تنزيل اى حاجة معانا بس واضح انه انشغل الايام ال فاتت ونسى
فياريت لو حد يقولى بس بالظبط وبالراحةيعنى خطوة خطوة
الدكتور عبده قال مرة قبل كده من رابط ميديا فير وبعدان نختار up loadبعدان قال هتظهر شاشة نختار منها الfolderال هنزله من الجهاز
لحد كده كويس يعنى لحد ماتظهر الشاشة دى واختارالfolder ال هنزله بعدان بيبقى فى مربعان واحد openوالتانى close
من بعد الخطوةدى بقه مش عارفة اعمل ايه

No_Way · #9 31-12-2009, 02:53 PM

http://www.0zz0.com/
خدي ياسمايلي
موقع الميديا فير ده تقريبا بتترفع عليه الحجات الكبيره صوت مثلا او حاجات حجمها كبير
لكن ده متخصص ف رفع الصور وسهل
بصي انتي هيجيلك ارقام بالعربي واحد اتنين تلاته مثلا
تكتبيها ف المربع اللي جنبها اعداد عادي 123
وبعدين تدوسي browse او
وتختاري الصورة اللي عايزاها وتدوسي رفع الصورة
بس هيحمل
وبعدين تدوسي ع الصورة كليك يمين
copy وبعدين هنا paste

اهو ف المربع ده مش ف اي حته تانيه

No_Way · #10 31-12-2009, 02:55 PM

شكرا يادكتور مصطفى ع صور العضم
بجد حاجة مفيده جدا ف المذاكرة
وخصوصا ان العضم اللي نصه ناقص والنص التاني متكسر
ربنا يجعله ف ميزان حسناتك يارب

--Dr.Mostafa-- · #11 31-12-2009, 11:19 PM

اقتباس:

الدكتور مصطفى كان وعدنا انه يقولنا طريق تنزيل اى حاجة معانا بس واضح انه انشغل الايام ال فاتت ونسى
فياريت لو حد يقولى بس بالظبط وبالراحةيعنى خطوة خطوة

والله انا ظبطت صور الشرح وكل حاجة .. بس على الكمبيوتر اللي ف البيت وسافرت المنيا وملحقتش اظبطهم ف توبيك ..

بس للاسف النت قطع ف البيت وانا حاليا برة بس هحاول اشرح نوعا ما من غير صور وامري لله ..

بداية الطريقة اللي الدكتورة نو واي قالت عليها .. كويسة ..

بس انا بفضل موقع تاني اسمه www.imageshack.us

بتدوسي browse .. وبعدين بتختاري الصورة وتدوسي عليها open ..

بعدين بتدوسي start upload ..

وهتستنى شوية لغاية ما يخلص تحميل وبعدين تنسخي الكلام اللى جنب Direct Link ..

لما تحطي رد او موضوع

هيطلعلك ..

تحطي اللى نسختيها هنا .. واول ما تدوسي اوكي هتظهر الصورة ف مربع الرد ..

بس بعد دا كله الطريقة دي صعبة .. لانك هترفعي صورة بصورة ..

فعلشان كدة افضل الطريقة التانية .. اللى انا عاملها ف حكاية العظم هنا مثلا ..

تاخدي الفولدر كله اللى ف الصور بس وتدوسي عليه باليمين وتختاري .. add to archive ..

وتدوسي اوكي .. هيظهر ملف عبارة عن كتب ..

تدخلي على الميديافاير www.mediafire.com .. وتختاري ابلود لغاية ماتوصلي للملف ابو كتب دا وتدوسي open ..

وتدوسي ابلود وتستني لغاية ما يخلص تحميل وبعدين تنسخي الرابط وتحطيه على طول ف الرد

اتمنى ان تكون وصل الشرح .. ولو كنت ف البيت كنت شرحته على طريقتي لكن قدر الله وما شاء فعل ..

وشكرا والسلام عليكم ..

جوهرة الوادي · #12 01-01-2010, 05:51 PM

شكرا يا دكتور وكل سنة وأنت طيب

avnan · #13 01-01-2010, 11:21 PM

شكرا يا دكتور (تعبين حضرتك معانا )
جزاك الله كل خير
وخلاص يا سمايلى انا عرفت ازاى وهبقى اقولك فى الكلية

--Dr.Mostafa-- · #14 02-01-2010, 02:47 PM

اقتباس:

شكرا يا دكتور وكل سنة وأنت طيب

العفو يا دكتورة .. وكل سنة وحضرتك طيبة ،،

-------

اقتباس:

شكرا يا دكتور (تعبين حضرتك معانا )
جزاك الله كل خير

العفو يا دكتورة .. ما فيش تعب ولا حاجة ..

دا انا كنت مجهزهم بطريقة اسهل وابسط .. وبالصور .. لكن الحمد لله .. اهم حاجة تكون الفكرة وصلت ..

وجزاكم الله كل خير ..

DR.smily · #15 03-01-2010, 05:44 PM

الف شكر للدكتورة نوواى والدكتور مصطفى معلش تعبتكوا معايا