طلب : كيف أحفظ جداول الder و الdas و الdie ؟

[الوَحش]

هذه الجداول تسبب لى مشكلة كبيرة من بداية تعلمى للغة الألمانية , فهل هناك طريقة معينة تسهل حفظها ؟؟

قرأت على النت إنه المفروض أحفظ الكلمة بالأرتيكل مثلا : لا نقول wagen بل der wagen
و لكن مازلت أخلط بين الكلمات و أدواتها , أرجو إذا كان لديكم طريقة لحفظ هذه الجداول أن تخبرونى بها

و هل على طلبة الصف الثانى الثانوى حقظ هذه الجداول ؟؟ هل تأتى فى الاختبار ؟؟

[291963]

الموضوع سهل اوى انتا لو حفظت كلمات كل درس باداه الموضوع هيبقى سهل جدا اعمل جدول مكون من 3 خانات Der المذكر Das المحايد Die للمونث جمع كلمات الدرس الاول وشوف اداة كل كلمة وحطها فى مكانها فى الجدول واعمل كده فى كل درس ودى اساس اى امتحان لانى لو معرفتش الاداة يبقى الجملة ضاعت لوعايز تعرف اى كلمة ادتها ايه حطها وانا هرد عليها

[الوَحش]

شكرا على ردك أخى العزيز , لكن أنا استخدم كتاب خارجى توجد به هذه الكلمات فى جداول لكن المشكلة إنى كلما حفظت الكلمة , أعود بعد يومين و أنسى أداتها لأن بعض الكلمات المذكرة عندنا مؤنثة عندهم .

[291963]

ممكن تكتبلى اسم الكتاب الخارجى الى انتا بتستخدمه

[الوَحش]

بريمير 2

[sendrala]

ممكن يا جماعه اشترك معاكو ولو عاوزين اى حاجة انا ممكن اساعتكم فعلا بجد الى عاوز منى اى حاجة يسبهالى
وانا هبقى معاه ان شاء الله
والالمانى سهل جدا
ربنا يوفقكو
وانت تحت امركو فى اى وقت

[الوَحش]

انا عاوز طريقة فعالة لحفظ الكلمات بالأرتيكل بالجمع بحيث لا انساهم و لا اطلخبط فى الارتيكل

[291963]

انا كنت عايزة اشترى الكتاب ده وبعدين سمعت انى ستار منسق بس المستر مش مخلينى محتاجه حاجة حتى الكلمات بالارتكل منظمها بطريقة من الصعب انى انسها لو ممكن تفيدك انزلهاك على الموقع بس بجد الموضوع مش محتاج القلق ده

[أسورة]

يا جماعه الهير بتاعى معلمنا طريقه "بص لأخرها تعرف أرتيكلها " بس ده يطبق فى كلمات معينه وليست كلها وحاولوا تجربوها
زى مثلا schule أداتها die
وزى brucke أداتها برده die
بس برده يا جماعه مش مع كل الكلمات
وأكيد الأرتكل ده مهم جدا جدا

[291963]

بس الطريقة دى ممكن تغلط والحفظ احسن

[291963]

فى عشق اللغة الالمانية انما الالمانية شمس واللغات كواكب وما ينكر نور الشمس غير الجاهلين لغة استضاحت لكل ذى لسان لغة العظماء فينا و الخالدين من تذوق منها حرفا واحدا جرت منه مجرى الدم فى الشرايين

[الوَحش]

المشاركة الأصلية كتبت بواسطة 291963

انا كنت عايزة اشترى الكتاب ده وبعدين سمعت انى ستار منسق بس المستر مش مخلينى محتاجه حاجة حتى الكلمات بالارتكل منظمها بطريقة من الصعب انى انسها لو ممكن تفيدك انزلهاك على الموقع بس بجد الموضوع مش محتاج القلق ده

شكرا على ردك , و فعلا إذا كان ممكن يساعد يبقى جميل جدا منك انك تنزليه على الموقع و أكون شاكر جدا
و ممكن أعرف اسم المدرس و رقم تليفونه و مثلا بيدى فى انهى مناطق ؟؟

شكرا لك

[291963]

بجد انا فرحانة جدا وحبيت اول ناس اهنيها انتم اعذرنى يا وحش بكرة انشاء الله هرد عليك

[الوَحش]

المشاركة الأصلية كتبت بواسطة 291963

بجد انا فرحانة جدا وحبيت اول ناس اهنيها انتم اعذرنى يا وحش بكرة انشاء الله هرد عليك

الف مبروك للكل . ولا يهمك . لما يكون عندك وقت ردى عليا

[291963]

سلام عليكم اسفة انى اتخرت فى الرد المهم المستر اسمه حسن جلال رقم الموبيل0105228176 لكن بيدى فين من الصعب انى احدد انتا ممكن تقلى انتا فى انهى منطقة وانا هساله