محدش مهتم بيا يا اخى ..تعال هنهتم ببعض

د/بسمة الاسلام · #1 18-09-2009, 07:00 AM

اكبر مشكلة معظم الشباب بيعانوا منها دلوقتى هي عدم الاهتمام
يتردد على ألسنة كتيير من الشباب والفتيات عبارات مثل :-
محدش بيهتم بيا
محدش واخد باله منى
الخ الخ

وشعور عدم الاهتمام ده شعور يأسر عقل الفرد وقلبه ويتملكه تماما
بل وقد يتمكن منه ويجعله ينقلب النقيض

- فبعد ان كان شخصا بشوش اجتماعى متفتح يصل رحمه ويبر جاره ويطمئن على من حوله انقلب الى شخص منغلق كئيب يبحث عن من سيسئل عنه ومن سيهتم وينسي حياته و واجباته ويطالب بحقوقه

- واخر ينقلب الى نقيض الاول ويتفتح بصورة اكبر من المألوف يكلم دعه ويناقش ده ويصادق ده ويشتم ويسب ويفعل اي شئ عشان يشغل الانظار بأى وسيلة

وكلاهما خاطئ بالطبع

طيب اعمل ايه لما احس بعدم الاهتمـــــــــــــــــــــام ؟؟

اولا قبل ما نشوف احنا المفروض هنعمل ايه .. تعالو نشوف احنا بنعمل كده ليه ؟؟؟؟

(1) ضعف الايمان
اوه انت كل حاجة تقولى ضعف ايمان ؟؟ ايه ضعف الايمان في شعورى الداخلى ؟؟
براحة بس هقولك
أنت ربنا مهتم بيك جدا جدا وانت مش تقدر تنكر ..عارف انت طبعا ان ربنا ميزك عن باقى المخلوقات بالعقل وخلقك سويا معتدلا في احسن تقويم وسخر لك كل ما في الكون لخدمتك ربنا رزقك انك مسلم يعني تحمده وتشكر فضله انك بتستمتع او المفروض انك بتستمتع بقلب خاشع وروابط اقرها المولى لنا من صلة رحم وبر والدين وعطف على الصغير واحترام للكبير ومساعدة للفقراء والمساكين و و و .....
كل ما يأمر به الانسان لصالح النسان وكنهه وكيانه ووجدانه
في اهتمام اكتر من ان في ملكين موكلين يكتبوا كل عمل تنجزه كل نيةبتفكر فيها ولو خير تاخد حسنة والحسنة بعشر امثالها ؟؟

هتقولى طيب طيب.. اللهم لك الحمد الشكر كما ينبغى لجلال وجهك وعظيم سلطانك (يلا قول متكسفنيش )
الحمد لله يا سيدي على كل النعم بس انا بتكلم عن الناس الى حواليا
حاضر حاضر منا جايللك في الكلام

(2) الفراغ .. ده مصيبة بجد يا شباب الأمة ولازم نلاقيلها حل ..انت حاسس انك مش بتعمل شئ مفيد .. انت حاسس انك عالة على المجتمع ..انت حاسس انك سلبي . انت حاسس انك مؤمن اه بس مفيش عمل صالح ..
كل ده بيخليك ترمي اللوم على الاخرين وتقول هم الى مش مهتمين بيا ليه محدش بيتابع اخباري ليه ليه ؟؟

(3) أنت لا تستحق فعلا ان تكون موضع اهتمام ..لم تقم بعملا يستحق ان يفيد الناس من خبرتك وتفيدهم بمعلوماتك .. انت لم تصل رحمك وتبر جارك حتى يسألو عليك عند غيابك ... أنت فعلا شخص سلبي ةتافه ولا تستحق الاحترام ولا التقدير ولا الاهتمام عزرا قد تكون انت كده !!

(4) أنت قليل الثقة بنفسك .. لا ترى الا ما يراه الاخرين ..لست صحيح النية الى حد ما ..فلو كنت صحيح النية لكنت عملت ما يرضي ربك ويمليه عليك ضميرك ...ربما تبتغى شهرة او مال او جاه او....(وانا لا احقر من تلك الاشياء فهى ضرورية ولكن اتحدث عن اخلاص النية للمولى عز وجل ) أو ربما كانت ثقتك بنفسك مهزوزة او ربما كانت منعدمة وعشان كده بتحس بعدم الاهتمام

(5) الحقد والغل والكراهية .. قد يقودك كرهك الى فلان .. ان تريد ان تحظى به لسلام ..فلربما انقلب الحقد والحسد الى شعور بعدم الاهتمام فمن ادراك ان اهتمام اناس معينة بشخص معين له ظروفه الخاصة او او ومن تدخل فيما لا يعنيه لقى ما لا يرضيه

(6) اعتقادك انك تستحق اكثر من ده وده قد يكون لغرورك وثقتك الزائدة بنفسك وأما لطمعك وحبك الشديدي للمدح والثناء ..وقد يكون لسبب تانى بعيد شوية وهو حسن نيتك وطيبة قلبك ..انت بتعشم ليه يا اخى ؟؟ غبى من يعشم وقديما قالها الحكماء لا تنتظر شكرا من احد وقال الشعبييون اعمل الخير وارميه في البحر ..

د/بسمة الاسلام · #2 18-09-2009, 07:05 AM

ياااااااااااااااااااااااااااااااااه

معفول كل دي اسباب لشعوري بعدم الاهتمام
اه طبعا أكيد أسباب من دي هي الى بتخلى معظم الشباب يشعر بعدم الاهتمام وانعدام القيمة رغم اننا اكبر قوة بشرية
واكتر فترة رسولنا الكريم وصي بيها
والفترة الزمنية التى يتمنى المرء العودة اليها
والى هنسأل عنها يوم القيامة

طب ايه ؟؟ انتو ايه رأيكم ؟؟ تعطوا نفسكم كام من ستة من الاسباب دي ؟؟

في سبب معين عايز تعلق عليه ؟؟

عندك سبب بعيد كل البعد عن كل الى قولناه ؟؟

يلا نكمل حورانا ولو لقينا استجابة ان شاء الله
هنقضي على الشعور ده

الله المستعان

riham_eg · #3 18-09-2009, 12:58 PM

مفيش اسباب غير اللى قولتيها يا بسمه
وفعلا لو مفيش اى اهتمام من حد
ربنا
هو الاقرب لاى حد اقرب الينا من حبل الوريد
وكفايه جدا ان ربنا مهتم بيك وفضلك
طبعا مش بقلل من قيمة الناس
ربنا هو اللى رفع قيمة كل الناس بس نفكر فى الحاجات الايجابيه ومنفكرش فى حاجه تهدمنا
عايزه اعلق على حاجه صغيره طيبة القلب وحسن النيه لما يكون وراه عشم ده مش معناه غباء
ده الجزاء من جنس العمل يعنى لما اعامل حد بطيبه وحسن نيه ويرده بعكس كده يبقى طبيعى
لا طبعا

د/بسمة الاسلام · #4 19-09-2009, 04:39 AM

اقتباس:

المشاركة الأصلية كتبت بواسطة riham_eg

مفيش اسباب غير اللى قولتيها يا بسمه
وفعلا لو مفيش اى اهتمام من حد
ربنا
هو الاقرب لاى حد اقرب الينا من حبل الوريد
وكفايه جدا ان ربنا مهتم بيك وفضلك
طبعا مش بقلل من قيمة الناس
ربنا هو اللى رفع قيمة كل الناس بس نفكر فى الحاجات الايجابيه ومنفكرش فى حاجه تهدمنا
عايزه اعلق على حاجه صغيره طيبة القلب وحسن النيه لما يكون وراه عشم ده مش معناه غباء
ده الجزاء من جنس العمل يعنى لما اعامل حد بطيبه وحسن نيه ويرده بعكس كده يبقى طبيعى
لا طبعا

الف شكر لردك الجميل يا ريهام

بس انا قصدي يعني

محدش ينتظر خير من حد
يعني اوك اعامل الناس بحسن نية وكل حاجة
لكن منتظرش ولا اتوقع خير
الا لما يحصل
ولا ايه ؟؟؟

riham_eg · #5 22-09-2009, 04:31 AM

اقتباس:

المشاركة الأصلية كتبت بواسطة د/بسمة الاسلام

الف شكر لردك الجميل يا ريهام

بس انا قصدي يعني

محدش ينتظر خير من حد
يعني اوك اعامل الناس بحسن نية وكل حاجة
لكن منتظرش ولا اتوقع خير
الا لما يحصل
ولا ايه ؟؟؟

ميرسى انت اللى كلامك جميل
اوكيه يعنى انت بتايدى مثل اعمل الخير وارميه البحر
اوكيه انا مش هبقى مستنيه من حد مقابل بس ميردوش الخير بشر
يعنى مش خير تعمل شر تلقى

ضيِّ القمر · #6 23-09-2009, 12:31 PM

موضوع جميل

shadow1992 · #7 23-09-2009, 03:01 PM

فعلا دى من الاسباب الى بتخلينى اشعر بعدم الاهتمام واهمها انى عايش فى فراغ رهيب من بعد مخلصت ثانوى بقت حاجه ممله اوى

reem6 · #8 25-09-2009, 04:01 AM

امحى كل ذنوبك فى دقيقتين
-= في خلال دقيقتين فقط =-
المصدر : www.shbab1.com‏

بقايا طفلة · #9 03-10-2009, 10:37 PM

السلام عليكم ورحمة الله وبركاته
تحية طيبة للجميع وأولهم د/ بسمة,,
كل اللي حضرتك قلتيه مضبوط 100 % خاصة نقطة الفراغ
الفراغ وحده كافي أنه يدمر الشباب,,
لكن المشكلة أحيانا بيكون الفراغ مش بايدينا,, خاصة البنات
لأن مش كل الأهالي بتدي للبنت حرية إنها تشغل فراغها
يعني أنا مثلا بحب التنوع والتغيير وأكره إني أعيش على روتين معين,,
لازم كل يوم أشغل نفسي بحاجة مختلفة,,
لكن مش بعرف أشل نفسي بحاجت مختلفة لأن كل الحاجات الممكنة داخل إطار المنزل فلازم بقع في الفراغ!! عندي أفكار كتير أشغل بيها نفسي ولكنها تحتاج للخروج عن إطار المنزل!!
ومين يسمح بكدة!!
يا هل ترى مين يسمح!!
جزاكِ الله خيرا يا دكتورة على الاهتمام بالقضية دي لأنها فعلا مهمة وبتشكل خطر عى الشباب!!
بارك الله فيكِ,, في أمان الله

د/بسمة الاسلام · #10 28-10-2009, 05:39 PM

اقتباس:

المشاركة الأصلية كتبت بواسطة بقايا طفلة

السلام عليكم ورحمة الله وبركاته
تحية طيبة للجميع وأولهم د/ بسمة,,
كل اللي حضرتك قلتيه مضبوط 100 % خاصة نقطة الفراغ
الفراغ وحده كافي أنه يدمر الشباب,,
لكن المشكلة أحيانا بيكون الفراغ مش بايدينا,, خاصة البنات
لأن مش كل الأهالي بتدي للبنت حرية إنها تشغل فراغها
يعني أنا مثلا بحب التنوع والتغيير وأكره إني أعيش على روتين معين,,
لازم كل يوم أشغل نفسي بحاجة مختلفة,,
لكن مش بعرف أشل نفسي بحاجت مختلفة لأن كل الحاجات الممكنة داخل إطار المنزل فلازم بقع في الفراغ!! عندي أفكار كتير أشغل بيها نفسي ولكنها تحتاج للخروج عن إطار المنزل!!
ومين يسمح بكدة!!
يا هل ترى مين يسمح!!
جزاكِ الله خيرا يا دكتورة على الاهتمام بالقضية دي لأنها فعلا مهمة وبتشكل خطر عى الشباب!!
بارك الله فيكِ,, في أمان الله

وعليكم السلام ورحمة الله وبركاته
االف شكر لردك الجميل وفهمك طبيعة الموضوع اننا عيزين نتناقش سوا ونفهم ايه الصح وايه الغلط وايه الصعب وايه الممكن ؟؟؟؟؟
ايوة سيادتك عندك حق ان معظم المجالات الى بنحاول نشغل بيها فراغنا بتتطلب الخروج من اطار البيت لكن بيني وبينك برده الواحد لو ناوي ممكن يعمل حاجات كتير من ع الكرسي الى هو قاعد عليه دلوقت يعني مثلا ممكن تاخدي دورة icdl من ع النت وممكن تتعلمى مهارات تانية كتير تنمية بشرية وغيره وغيره وكورسات كمبيوتر وانجلش كل الحاجات دي ممكن انزلها وانا قاعد في مكاني زي مبنزل الاغانى والافلام ....

كمان لو وضحنا الصورة للى معانا في البيت اننا محتاجين نخرج عشان نشتغل عشان ننجز عشان نعمل حاجة ايجابية ممكن جدا يساعدونا بس عيبنا احنا البنات اننا بنتكسف او بنحس اننا متهمين وبندافع مش بنوسع نطاق الحوار ونفهمهم بالراحة لا ننفعل ونقول خلاص مش راحية ولا جاية انا قعدة ...مش صح برده ولا ايه ؟؟

يعهمنى اسمع رايك ؟؟