***مسابقة ولكن------***

بوبوسا · #1 18-09-2009, 07:53 PM

هى تقريبا مش فكرة دى مسابقة وان شاء الله
تعجبكم

وهتكون وسيله في تعارف ومشاركة كثير من الاعضاء
المسابقة عبارة عن فرق او مجموعات كل خمس اعضاء يكونوا مجموعة وكل مجموعة تختار عضو منها يكون نائب عنها والنائب ده هو اللى هيبعت الرد اللى فيه اسماء اعضاء المجموعة واسم المجموعة وهو اللى هيبعت الموضوع بتاع المسابقة على هذا الموضوع

فى خلال يومين كده تكون كل الفرق جاهزة للمسابقة وبعد تحديد الفرق هتبتدى المسابقة وهى ان كل فريق هيتعاون عشان يطلعوا موضوع قوى ينافس بقية الفرق والموضوع ده ان شاء الله حاولوا تجهزوه فى يومين او ثلاث ايام بالكتير .
يكون موضوع عام او مصور
الاختيار هيكون بين 3 مجموعات في كل مرة

بعد ما تخلص المواضيع نائب الفريق هيبعتها وبعد كده هيكون فى لجنة تحكيم اللى هى "ms- بوبوسا وهختار عضو/ة يشاركوا في لجنة التحكيم طبعا بعد موافقة العضو المرشح للجنة التحكيم" و هيقرروا احلى موضوع .

شروط المسابقة :

1-ماتزيدش المجموعة عن خمس اعضاء ولا تقل عن3 اعضاء

2-ارسال عنوان الموضوع الذي تريد المجموعة المشاركة به عن طريق القائد او النائب عن المجموعة على رسالة للخاص لي او للعضو/ه الاخر الذي/التي سوف يشاركني/تشاركني في تقييم الموضوعات

3-مش مسموح لاى عضو انه يغير فريقه .

4- الموضوع مش مرتبط بمجال معين.

4- محدش يزعل من لجنة التحكيم طبعـــــــا
.

بس هى دى الفكرة ويا رب تعجبكم وكل الاعضاء يشاركوا ان شاء الله

**(elktra)** · #2 18-09-2009, 08:54 PM

اكيد احنا منتظرينك ومنتظرين المسابقة
واكيد هتبقي مفهومة اكتر لما تطبق وتتنفذ

اتمني التوفيق باذن الله

BaNZeR · #3 18-09-2009, 09:13 PM

فكرة جميلة

Its My Life · #4 18-09-2009, 09:28 PM

طب الي مش فاهم حاجه يعمل ايه؟

بوبوسا · #5 18-09-2009, 10:21 PM

اقتباس:

المشاركة الأصلية كتبت بواسطة **(elktra)**

اكيد احنا منتظرينك ومنتظرين المسابقة

واكيد هتبقي مفهومة اكتر لما تطبق وتتنفذ

اتمني التوفيق باذن الله

منتظرة اول ماتتكون 3 مجموعات وهبدا على طول
واتمنى انها تكون فكرة ناجحة ان شاء الله
شكرا لمرور حضرتك الرائع

بوبوسا · #6 18-09-2009, 10:22 PM

اقتباس:

المشاركة الأصلية كتبت بواسطة banzer

فكرة جميلة

شكرا لمرور حضرتك
واتمنى مشاركة حضرتك وباقي الاعضاء في المسابقة

بوبوسا · #7 18-09-2009, 10:33 PM

اقتباس:

المشاركة الأصلية كتبت بواسطة eng_bosy 3

طب الي مش فاهم حاجه يعمل ايه؟

اشرح له تاني مش نفسي ابقى مدرسة يبقى لازم اشرح لحد الكل يفهم قصدي
مثلا انتي يابوسي ليكي اصحاب في المنتدى ليكي حرية اختيار من 2 الى4 اعضاء غيرك طبعا يكونوا اصحابك وتكونوا مجموعة وتطلقو علي المجموعة لقب وبما انك انتي اللي كونتي المجموعة يبقى هتبقي قائدة المجموعة وهتعلني لينا اسماء الاعضاء المشاركين معكي وهترسلي لي على الخاص باسم الموضوع الخاص بالموضوع اللي هتعملوا وديه الحاجه الوحيدة اللي هتبعتي لي على الخاص بيها وده لسببين
1---لعدم اخذ اي من الاعضاء هذه الفكرة او مايتعلق بيها
2--- موافقتي والمشرف على الموضوع ان يكون في اطار قوانين المنتدى
(وتتققوا انتي والمجموعة) على موضوع تشملوه من كل النواحي او حتى موضوع مصور وكل عضو من اعضاء المجموعة يشارك بجزء في تكوين الموضوع وده هيكون في خلال 3 ايام من اعلان اسماء ال3 مجموعات اللي هيتسابقوا وفي النهاية انا واحد الاعضاء هيشارك في التقييم ونعلن المجموعة الفائزة باحلى موضوع اتمنى ان اكون وضحت فكرة الموضوع

the black rose · #8 18-09-2009, 10:48 PM

الفكرة كويسة
اعتقد اتعملت قبل كدا مرتين ف المنتدى السنة اللى فاتت و اللى قبلها
بس فشلت
ربنا معاكى يمكن تنجح

بوبوسا · #9 18-09-2009, 10:53 PM

اقتباس:

المشاركة الأصلية كتبت بواسطة miserable

الفكرة كويسة

اعتقد اتعملت قبل كدا مرتين ف المنتدى السنة اللى فاتت و اللى قبلها
بس فشلت
ربنا معاكى يمكن تنجح

ان شاء الله تنجح
انا مشتركة في المنتدى من اقل من سنه بصراحة معرفش اذا كانت اتعملت قبل كده ولا لاء
بس اوعدك ان شاء الله هتنجح مع مشاركة العضو من لجنة التحكيم وتكون المجموعات الثلاث باذن الله

Egypt for Ever 25 · #10 18-09-2009, 10:56 PM

فكرة رائعة
و احب اشترك معاكوا في المسابقة الجميلة دي
بس انتي مش شايفة ان خمس اعضاء في كل مجموعة كتير
عموما اتمني لكي التوفيق
تقبلي مروري

بوبوسا · #11 18-09-2009, 11:01 PM

اقتباس:

المشاركة الأصلية كتبت بواسطة الاستاذة f

فكرة رائعة
و احب اشترك معاكوا في المسابقة الجميلة دي
بس انتي مش شايفة ان خمس اعضاء في كل مجموعة كتير
عموما اتمني لكي التوفيق
تقبلي مروري

الحمدلله ان الفكرة عجبت حضرتك بس مش لازم 5 اعضاء هما من 3 الى 5 اعضاء يعني حضرتك وعضوين اخرين طالما مش ينفع تكوني مجموعة من 5 اعضاء
وفي انتظار موافقة حضرتك على ان تكوني اول مجموعة تشارك في المسابقة