الحملة الكبرى لإسترداد حقوق المدرسين المتعاقدين ( للإيجابيين فقط )

[تامر الرفاعى]

يا جماعه لازم نعترف بحاجه:
-الحمله مش نجحه زى محنا فاكرين...كتير جدا من المتعاقدين لا يعرفوا شئ عن الحمله وخاصتا الاقاليم وذى عندنا فى دمياط لأن كتير جدا ما يعرفوش حاجه عن موقع الثانويه العامه.
لازم يكون فى حل تانى لكن اللى بيحصل ان كل مدرس يدخل يقول كلام تشجيع وخلاص وان دخل وقال كلام جد أكيد بيكون داخل باسم تانى .
لازم نوصل صوتنا للسيد جمال مبارك انا عارف انه بيوقف بجوار الشباب لازم يعرف ان مكانة المدرس اتهزت.
-ازاى هشرح قدام طلاب بيقولولى انك مدرس متعاقد بشكوه نطردك ده غير تناكة اولياء الامور.
-نفس حد يرد عليا: لو واحد هاجر هجره غير شرعيه كلنا بنهاجمه ونقول عليه مغفل ولو واحد اصبح جاسوس لاسرائيل نقول عليه خاين عميل.
ولو واحد معملش كل ده وسمع كلام الحكومه وقدم فى مسابقه واشتغل مدرس وأستحمل كل الاهانات من الساده الاقدم منه ثم بعد كده مشوه/طردوه ياترى هيبقه حالته ايه يا جماعه نفسنا ما نكرهش مصر
لازم نوصل صوتنا لاكتر من مكان لازم ننقل خطوره الموقف لازم نحمى أجيال من انها تكره مصر
-ابوس ايد كل مسئول بلاش تعاملوا المتعاقدين على انهم نجس سيبوهم يشتغلوا بضمير
لازم ننقل رسالتنا على كل المنتديات لازم نحاول نقابل بعض الاعلامين والدور الاكبر يقع على عاتق سكان القاهره لانهم اكثر قرب من صناع القرار
لازم نغير حملتنا ونخلى عنوانها

"حتى لا نكره مصر"

لازم يكون فى ترابط اكثر بين كل المحافظات لازم ناخد ارقام مبويلات بعض ونتواصل لازم نلاقى حد مهم وكبير مكانتا فى المجتمع يراس الحمله لازم نتحرك قبل ما نكره مصر .
لازم نوصل افكارنا للسيد الرئيس اللى اكيد وسط مشاغله هيحللنا مشاكلنا

بنحبك يا مصر مهما تعملى فينا

[أحمد بسطاوي]

المشاركة الأصلية كتبت بواسطة تامر الرفاعى

يا جماعه لازم نعترف بحاجه:
-الحمله مش نجحه زى محنا فاكرين...كتير جدا من المتعاقدين لا يعرفوا شئ عن الحمله وخاصتا الاقاليم وذى عندنا فى دمياط لأن كتير جدا ما يعرفوش حاجه عن موقع الثانويه العامه.
لازم يكون فى حل تانى لكن اللى بيحصل ان كل مدرس يدخل يقول كلام تشجيع وخلاص وان دخل وقال كلام جد أكيد بيكون داخل باسم تانى .
لازم نوصل صوتنا للسيد جمال مبارك انا عارف انه بيوقف بجوار الشباب لازم يعرف ان مكانة المدرس اتهزت.
-ازاى هشرح قدام طلاب بيقولولى انك مدرس متعاقد بشكوه نطردك ده غير تناكة اولياء الامور.
-نفس حد يرد عليا: لو واحد هاجر هجره غير شرعيه كلنا بنهاجمه ونقول عليه مغفل ولو واحد اصبح جاسوس لاسرائيل نقول عليه خاين عميل.
ولو واحد معملش كل ده وسمع كلام الحكومه وقدم فى مسابقه واشتغل مدرس وأستحمل كل الاهانات من الساده الاقدم منه ثم بعد كده مشوه/طردوه ياترى هيبقه حالته ايه يا جماعه نفسنا ما نكرهش مصر
لازم نوصل صوتنا لاكتر من مكان لازم ننقل خطوره الموقف لازم نحمى أجيال من انها تكره مصر
-ابوس ايد كل مسئول بلاش تعاملوا المتعاقدين على انهم نجس سيبوهم يشتغلوا بضمير
لازم ننقل رسالتنا على كل المنتديات لازم نحاول نقابل بعض الاعلامين والدور الاكبر يقع على عاتق سكان القاهره لانهم اكثر قرب من صناع القرار
لازم نغير حملتنا ونخلى عنوانها

"حتى لا نكره مصر"

لازم يكون فى ترابط اكثر بين كل المحافظات لازم ناخد ارقام مبويلات بعض ونتواصل لازم نلاقى حد مهم وكبير مكانتا فى المجتمع يراس الحمله لازم نتحرك قبل ما نكره مصر .
لازم نوصل افكارنا للسيد الرئيس اللى اكيد وسط مشاغله هيحللنا مشاكلنا

بنحبك يا مصر مهما تعملى فينا

أولا حملتنا ما فشلتش ولا حاجة والنجاح بتاعها مش هييجي بين يوم وليلة احنا بنغير وضع موجود من سنين يعني مش مشكلة لو التغيير ده أخد مننا فترة
وثانيا أنا مش شايف اي دخل لجمال مبارك بالأمر ده لأنه هو أكتر واحد بيشجع على التعاقدات وإلغاء التعيين
وثالثا إحنا مش هنبوس إيد حد لأن ده حقنا ولازم ناخده
ورابعا اننا نتصل بالمنتديات وبالصحفيين الكبار طب ماهو ده اللي احنا بنعملة من أول الحملة
خامسا سكان القاهرة مش أكتر أهمية من القرى والمحافظات الأخري وبما إنك بتقول في دمياط ما يعرفوش حاجة عن الحملة طب ماهو دورك إنك تعرفهم زي ما احنا بنعرف زمايلنا
وأخيرا مهما حصل مش هنكره مصر

[Observer]

شفتو بقى يا جماعة الكلام اخدنا لحد فين

الساعة دلوقت 12 ومفيش غير اتنين بس اللى بعتوا الإيميلات

الهمة شوية يا جماعة

[Observer]

بالنسبة لزميلى العزيز اللى بيقول الحملة مش ناجحة
بقوله ياعزيزى هو احنا لسة اشتغلنا ولا عملنا حاجة أصلاً
دحنا لسة يادوب بنقول يا هادى وبنسلى صيامنا فى الإيميلات

الحملة دى عاملة بالظبط زى واحد طالع جبل افرست
تخيل ممكن يقابل مصاعب قد إيه لحد ما يوصل لقمة الجبل ويحط العلم بتاعه ؟!

أهو احنا دلوقت بنقول للناس اللى ساكنة تحت الجبل
تعالوا بصوا ياناس احنا طالعين الجبل وان شاء الله هنوصل للقمة ونزرع العلم
فى ناس بتضحك علينا وتقول معقولة انتو تطلعوا الجبل دة وتقع عالأرض من الضحك
وناس تانية تقول ثقة وتناكة شديدة أنصحكم متطلعوش الجبل لأن دة صعب ومستحيل كمان
ناس تانية واقفة بتبص ومستنية اللى هيحصل
لو وصلنا للقمة هيقولوا برافو والله كنا بنشجعهم ولولا تشجيعنا مكنوش وصلوا
ولو موصلناش لا قدر الله هيقولوا ياما نصحنا الفاشلين دول وما سمعوش الكلام !!

وفى ناس تانية بتساعد وتشجع وتدعى وتؤازر بالقول والفعل وفى وشهم دعاء وبسمة
احنا بقى مش عايزين غير النوع الأخير من الناس
وبنقول للناس التانيين اتفضلوا كتر خيركم مش عايزين لمة من غير داعى
احنا بنشتغل ومش عايزين معانا غير اللى بيشتغل وبس

أرجو ان الفكرة تكون وصلت

[elmister]

المشاركة الأصلية كتبت بواسطة تامر الرفاعى

يا جماعه لازم نعترف بحاجه:
-الحمله مش نجحه زى محنا فاكرين...كتير جدا من المتعاقدين لا يعرفوا شئ عن الحمله وخاصتا الاقاليم وذى عندنا فى دمياط لأن كتير جدا ما يعرفوش حاجه عن موقع الثانويه العامه.
لازم يكون فى حل تانى لكن اللى بيحصل ان كل مدرس يدخل يقول كلام تشجيع وخلاص وان دخل وقال كلام جد أكيد بيكون داخل باسم تانى .
لازم نوصل صوتنا للسيد جمال مبارك انا عارف انه بيوقف بجوار الشباب لازم يعرف ان مكانة المدرس اتهزت.
-ازاى هشرح قدام طلاب بيقولولى انك مدرس متعاقد بشكوه نطردك ده غير تناكة اولياء الامور.
-نفس حد يرد عليا: لو واحد هاجر هجره غير شرعيه كلنا بنهاجمه ونقول عليه مغفل ولو واحد اصبح جاسوس لاسرائيل نقول عليه خاين عميل.
ولو واحد معملش كل ده وسمع كلام الحكومه وقدم فى مسابقه واشتغل مدرس وأستحمل كل الاهانات من الساده الاقدم منه ثم بعد كده مشوه/طردوه ياترى هيبقه حالته ايه يا جماعه نفسنا ما نكرهش مصر
لازم نوصل صوتنا لاكتر من مكان لازم ننقل خطوره الموقف لازم نحمى أجيال من انها تكره مصر
-ابوس ايد كل مسئول بلاش تعاملوا المتعاقدين على انهم نجس سيبوهم يشتغلوا بضمير
لازم ننقل رسالتنا على كل المنتديات لازم نحاول نقابل بعض الاعلامين والدور الاكبر يقع على عاتق سكان القاهره لانهم اكثر قرب من صناع القرار
لازم نغير حملتنا ونخلى عنوانها

"حتى لا نكره مصر"

لازم يكون فى ترابط اكثر بين كل المحافظات لازم ناخد ارقام مبويلات بعض ونتواصل لازم نلاقى حد مهم وكبير مكانتا فى المجتمع يراس الحمله لازم نتحرك قبل ما نكره مصر .
لازم نوصل افكارنا للسيد الرئيس اللى اكيد وسط مشاغله هيحللنا مشاكلنا

بنحبك يا مصر مهما تعملى فينا

وجهة نظر لا يمكن الا تحترم اخىالعزيز لكنى اختلف معك فى المبالغة بوصف المدرس المتعاقد بالنجس لان هذا لايمكن ان يحدث واظنه لم يحدث معك انت بالذات ولا معى على الاقل ولا حدث ان شاء الله مع الجميع ... ولان هذا يترتب على شخصية المتعاقد .. صدقنى بجد لا اجد هذا اطلاقا ولكن المصيبة الكبرى التى نعانيها هى اظنها فى عدم التساوى مع المصرين اخواتنا الذين سبق تعينهم كمدرسين على درجات دائمة وما لها من امتيازات
نحن نريد ان نركز اخى الكريم على ما نطالب به
1- التثبيت
2 ثم التثبيت
3- ثالثا ودا الاهم وهو التثبيت ...
4 - ودا اهم من كل النقاط الثلاثة الاخرى وهو التثبيت .
وشكراا ركزوا بقه ... عرفتوا الاربع نقاط التى لابد ان نركز عليها ...