نحن بياطره المستقبل نحن لدينا كل جديد

[lobna24]

الاول كده السلام عليكم ورحمه الله وبركاته
عاوزين كلنا نبقى شله واحده كده
كل واحد يدخل يعرفنا بنفسه وايه احساسه من اول ما جت نتيجه التنسيق
واللى عاوز يفتكر قبل كده
مش مشكله مع انى عارفه انها فتره قاصيه بس ما علينا
عاوزين نتكلم مع بعض ف كل حاجه ومش نخبى على بعض حاجه ابدا
وف الدراسه تيجى من بره تدخل على طووووول على هنا عاوز حاجه محتاجه نساعد بعض والا ايه


اولا

انا لبنى من بنها داخله اولى بيطرى القاهره
اكيد يعنى ما كنتش امنيتى بيطرى
وكان بابا نفسه اوووى ادخلها وكل ما يشفنى بذاكر يروح مفول ف وشى يارب تدخلى بيطرى وانا ايه بقى كأن بيطرى دى جربانه افضل اعيط وماما تقوله حرام عليك يا احمد هههههههه
وف الاخر الحمد لله قدر الله وماشاء فعل
بجد انا تعبت اوووووووووووى ومش هقول غير ان ربنا اداانى بس للاسف الاحياء خانتنى من كتر ثقتى فيها
الحمد لله انا اول ما النتيجه ظهرت كنت بدعى حتى الحق بيطرى والحمد لله ربنا استجاب
انا دلوقتى متشجعه للكليه اووووووووى وحسه كده انى حباها والله
وبقول ان ربنا اكيد اختار الاصلح