الحملة الكبرى لإسترداد حقوق المدرسين المتعاقدين ( للإيجابيين فقط )

[totamffm]

يا شباب والله انا اسف انا مش قصدي وانا لا بتاع حزب ولا حاجة انا متضايق من الذل والمهانة اللي احنا بقينا فيها واحساسنا الدائم بالضعف والخوف من المستقبل مع ان رسولنا الكريم ماوصاناش بكده وصانا بالعمل اللي هيعتمد على الحكومة دي هيضع عمره احنا عايزين نعمل ونجتهد ونكون مثل اعلى لجميع الدول الدول الخليجية اللي احنا بنقول عليهم متخلفين اهم ما يميز اغليتهم هو انه اللي متعلم فيهم متعلم صح الصح مش واخد مؤهل على الفاضي وبيعرفوا يشغلوا فلوسهم عارف هتقول طيب واللي معندوش فلوس انا اسأل سؤال لو الواحد من اول متخرج سافر مباشرة 3 او 4 سنين هيعمل قرشين ويجي يا سيدي يتعاقد وعلى الاقل يعف نفسه ويتزوج بالقرشين دول ويقدر يصرف على اولاده لكن مشكلتنا انه بيضع سنين من عمره لحد ما يتعين يكون دخل في 35 سنة لا يقدر يسافر ولا قدر يعمل حاجه في بلده ده قصدي انا بدور على مصلحتي زيكم ونفسي اتعين نفسي نفسي بس اقعد واضع سنين قدام حكومة درويش انا كفاية اني اشتغلت بالحصة 5 سنوات ضاعوا هباءا واسف ممكن اكون مش عارف اوصل اللي بداخلي ولكن لا اريد ان احبطكم ربنا اللي يعلم ما بداخلي انا عايزكم كلكم تتعينوا وربنا يكرمكم وتسافروا وتامنوا مستقبلكم بقرشين ليكو ولعيالكم اللي مش عارف هيعملوا ايه في المستقبل المظلم

[Observer]

فين يا جماعة التقييم والإقتراحات للخطوة الأولى

عايزين نكتب آراءنا وملاحظاتنا ومقترحاتنا

الإيجابية حلوة برضه

[Observer]

بسم الله الرحمن الرحيم

الخطوة الأولى فى الحملة الكبرى لإسترداد حقوق المدرسين المتعاقدين عكست إهتمام كبير
من فئات كثيرة أولهم المدرسين المتعاقدين بالطبع كما كشفت عن بعض الإقتراحات والحماس
الإيجابى لتنفيذ الحملة بشكل جدى
وكانت بمثابة مرآه عرفنا منها بعض نقاط القوة والضعف فى أدائنا بشكل كبير

إيجابيات الخطوة الأولى

( 1 ) إعلان الحملة على نطاق واسع نوعاً ما

( 2 ) مشاركة كثير من الأعضاء فى الحملة بطريقة حماسية منقطعة النظير

( 3 ) وصول صوتنا للمسئولين بشكل جماعى لأول مرة

السلبيات

( 1 ) إنسحاب عدد كبير من الأعضاء والمؤيدين بمجرد بدء الحملة

( 2 ) إكتفاء عدد كبير من الأعضاء بإرسال الفاكسات وعدم إبلاغنا بذلك

( 3 ) سلبية البعض فى نشر رابط الحملة وإبلاغ الآخرين وعدم الإيجابية فى التحرك

الأفكار والمقترحات

( 1 ) العمل بشكل أكبر الفترة القادمة لإجتذاب أكبر عدد من زملائنا المتعاقدين

( 2 ) إعلام زملائنا الذين لا يدخلون النت بالحملة وإقناعهم بضرورة المشاركة

( 3 ) المشاركة بالجديد فى كل زيارة للصفحة بالأخبار أو الأفكار والتواصل مع الجميع

هذه هى بعض الإيجابيات والسلبيات والأفكار والمقترحات من وجهة نظرى
وأدعو الجميع بلا استثناء للمشاركة بالرأى لتقييم عملنا فى هذا الأسبوع بشكل موضوعى
كى تصبح خطواتنا القادمة أكثر نجاحاً وإيجابية إن شاء الله