|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
25-08-2009, 04:33 AM
|
||||
|
||||
هل الانتقام يداوى الجراح؟!
ازيكم ياشباب بس من الاخر مع اختلاف ردود الافعال الا ان الشخصيات فى المواقف دى نوعين يارب تكونوا بخير وبأحسن حال رمضان كريم وكل سنه وانتو طيبين التوبيك المرادى شدنى ليه بس العنوان اقتبسته وحاولت اعالجه بطريقتى شويه واكتبه باسلوبى لانى حاسه انى عايزه اتكلم فى الموضوع دا كتير مننا اوى ممكن يجى فى فتره يسيطر عليه الحزن وتملى الهموم قلبه ممكن حد يسببله جرح والجرح دا يفضل معاه مش قادر ينساه ممكن كلمه تسبب حزن جواك مفيش حاجه ابدا تخفف الحزن اللى انت حاسس بيه دا بيتولد جوانا شعور مزيج من الغضب والرفض والسؤال سؤال ليه الشخص دا اهنى او جرحنى او اتسبب فى الم ليا رفض لتصرفه دا غضب بيتولد جواك بطريقه معينه وكل واحد فينا له رد فعل مختلف تماما عن التانى بالرغم ان الظاهر يمكن يتشابه فى كتير مننا مننا اللى بيكتم جواه الغضب دا وبيفضل جاى على نفسه لحد مايوصل لدرجه انه يتخنق من كل حاجه حواليه مش يبقى عايز يسمع كلمه لاى حد حتى لو حد بعيد كل البعد عن الشخص اللى جرحه او هانه مننا اللى بيغضب وفى اللحظه ذاتها بيطلع غضبه فى اللى زعله ناس تانيه خالص تسكت وتسامح وتنسى الجرح وتنسى الاهانه ناس تانيه تسكت بس تفكر فى الانتقام ازاى تنتقم من الشخص دا بنفس الطريقه اللى جرحها بيها او اهانها بيها وكمان ممكن تزيد عن الانتقام بحقد يفضل جواه اتجاه الشخص دا ومايزيلوش مرور زمن مش بعيد يستنى يشوفه فى اى مكان علشان ينتقم منه باى طريقه بيفضل فاكر للشخص دا الاساءه ويحاول ينتقم بكل طريقه ممكنه نوع عنده مقدره على العفو وانه يسامح ونوع تانى مايقدرش او بيرد من منطلق السيئه بمثلها سؤالى لكم كلكم ياترى لما تتجرح اوى بتسامح ولا بتستنى انتقامك من الشخص اللى جرحك؟ لو حد اهانك بتردله الاهانه ولابتنسى ؟ مين اللى ممكن تسامحهم فى الجرح مهما كان الجرح صعب ومش ممكن يروح مع الزمن؟ مستنيه اجابتكم على الاسئله تقلبوا منى وافر الاحترام
__________________
|
|
#2
25-08-2009, 05:42 AM
|
||||
|
||||
اقتباس:
في الاول رداً على العنوان
هل الانتقام يداوي الجراح ؟ نعم في بعض الحالات وقد يولد مشاكل اكبر في احياناً أخرى نتكلم بقى عن الاسئلة ده لو واحد جرحني وانا شايف الجرح ده مزمن حفتكرهوله بس مش حفكر في الانتقام لو أهانني ووجدت الفرصة لرد تلك الاهانة سأفعل ولكني لن أسعى لإيجاد تلك الفرصة مفيش حاجة ممكن تخليني اسامح واحد غير حسناته معايا او اعتذاره الصادق وبتتوقف برده حسب الموقف الانتقام بقى بيختلف حسب نوع الجرح وشرانية المنتقم في انتقام هادي بيكون موقف احراج كبير مثلاً وفي انتقام قد يصل إلى حد ال*** ! فإذا كان الانتقام يرد الكرامة او هو رد فعل طبيعي لاهانة قد قدمت له فهو أمر يمكنه التخفيف من الحمل المكبوت في النفس أما عند كبت هذا الحقد والغضب فترة كبيرة فإن الامر يتفاقم داخل النفس ويصبح الانتقام الصغير غير كافياً فيحتاج للانتقام باسلوب اكبر بالتسبب بطرد الشخص من عمله تماماً مثلاً او يخسره في احدى شركاته باي وسيلة طبعاً المسامح كريم بس احياناً المسامحة بتكون موقف ضعف ويكون الرد على الاهانة واجب لرد الكرامة شكراً على التوبيك
__________________
It was over 3 years since my last visit  |
|
#3
25-08-2009, 02:13 PM
|
||||
|
||||
|
من وجهة نظري البسيطة(ده تواضع مني على فكرة)ان الانتقام احيانا بيكون ايجابي جدا.....
بس ساعتها بيكون اسمه (التحدي).....من يومين سمعت قصة واحد بتؤكد الحكاية دي...دلوقتي هو مخترع عظيم.... المهم انه النوع الغالب بيكون سلبي جدا...بيخلي الشخص يركز طاقته وحياته ف حاجة مش مفيدة بتاتا..... |
|
#4
25-08-2009, 03:30 PM
|
||||
|
||||
|
اقتباس:
 ورأيك بجد صح جدا ومعاك فيه
__________________
|
|
#5
25-08-2009, 03:32 PM
|
||||
|
||||
|
اقتباس:
بس مايوصلش انتقام مثلا لدرجه الحقد وانت تغلى فى نفسك وكل اللى يسيطر عليك يبقى فكره ازاى ترد للشخص دا الاساءه وبردو احيانا العفو بيبقى احسن مليون مره بس مش لو حد اهانى يعنى نسامح فى الجرح والحاجات دى لكن ان حد يهين كرامتنا لالالا  منور منور
__________________
|
|
#6
25-08-2009, 03:36 PM
|
||||
|
||||
|
ممكن اسامح لو في حاجات صغيرة تتنسي مع الزمن.
انما حاجة تأثر على حياتي و مبقاش قادر انساها يبقى لازم انتقم. و بالنسبة للسؤال الانتقام بيداوي الجرح ولا لا... اعتقد غالبا بيداوي الجرح. و حتى لو لأ فأعتقد الواحد لما يكون مجروح و انتقم هيبقى حالته احسن كتير.عشان هيكون اتخلص من الغضب. |
|
#7
25-08-2009, 04:27 PM
|
|||
|
|||
|
اقتباس:
شكرا يا قمر على التوبيك الرائع ده
بجد عجبنى جدا جدا تقبلى مرورى 
__________________
حياتنا لوحه فنيه...ألوانها القول وأشكالها العمل وإطارها العمر
فإذا انقضت حياتنا اكتملت اللوحه ...وعلي قدر روعتها تكون قيمتها حتى إذا قامت القيامه عرض كل انسان لوحته... فابدع في لوحتك...فمازالت الفرشاه بين يديك..!! |
|
#8
25-08-2009, 09:14 PM
|
|||
|
|||
|
بصي يا منى
زمان عمري ما كنت بفكر ف الانتقام كان اللي بيجرحني خلاص ربنا يسامحه بس عارفة ........... من كتر ما اتخربشت اتعلمت اخربش في حاجات ممكن اسماح فيها كتير بس لو إهانة شخصية او ظلم ,,,,,,,, لازم انتقم  وشكرا ع التوبيك يا قمر |
|
#9
25-08-2009, 09:38 PM
|
||||
|
||||
|
لالالالالالالالالالا اسامح او انسي معرفش ابدا
اه ممكن اكون بحاول لكن بصراحة مش بعرف مهما كان الشخص ومهما كانت معزته عندي ممكن تتقلب المعزة ديه كره في ثواني ما دام الحكاية فيها جرح وياسلام لو جرح كرامة ولو بالغلط واللي خلاني كده كانت مشكلة حصلت معايا وصورتلي ان الناس كلها شبه بعض شكرا جداااااااااا علي التوبيك تقبلي مروري
__________________
ساعيش رغم الداء والاعداء كالنسر فوق القمة الشماء Didy
|
|
#10
25-08-2009, 10:34 PM
|
||||
|
||||
|
لو جرح عن حب مثلآ وهو دة الجرح الوحيد الى صادفتة فى حياتى
أنا عن نفسى ممكن أسامح وممكن لا بس مقدرش أنسى بس لو الى قدامى دة أنسان ميستحقش أنى أسامحة يبقى هخلية يندم ويموت بندمة أنا عن نفسى من تجربة يعنى حبيت وكدة وأتجرحت من غير سبب منى أنا بس أنا ولا أنتقمت ولا حاجة بس منستش الجرح دة بس طبعآ ببقى متظاهر أنى نسيتة بس جوايا لا منستش وبفتكرة كل يوم زى ميكون أمبارح بس دلوقتى الى جرحتنى دى بقت بتندم على اليوم الى جرحتنى فية وكل متشوفنى بتعتذر وبتبين أنها ندمانة وهيا قريبتى بس أنا بقول لا وألف لا وببين قدامها أنها مش فارقة عندى وأنى نسيت تمامآ كل حاجة علشان عندى مبدأ بيقول (الى بيحب حد مبيجرحوش) (والى بيجرح مرة بيجرح 100 مرة) ممكن تقولوا على كدة أنى مسامحتش بس برضوا أنا منتقمتش أسف على الأطالة وردى دة بناء على نوع الجرح الى قابلنى شخصيآ شكرآ على الموضوع وكل عام وأنتم بخير
__________________
I don't Care MohameD MadkouR
|
|
#11
25-08-2009, 11:06 PM
|
|||
|
|||
|
سؤالى لكم كلكم
ياترى لما تتجرح اوى بتسامح ولا بتستنى انتقامك من الشخص اللى جرحك؟ صراحة لو فى ايدى انتقم حانتقم لكن لومش فايدى بضطر ابلعها لو حد اهانك بتردله الاهانه ولابتنسى ؟ لا لازم ارد الاهانة بس مش فى نفس الوقت مين اللى ممكن تسامحهم فى الجرح مهما كان الجرح صعب ومش ممكن يروح مع الزمن؟ مظنش انى ممكن اسامح حد مسامحة تامة لو عمل فيا حاجة صعبة يعنى ممكن اسامح بابا وماما بس مش حنسى الموقف |
|
#12
25-08-2009, 11:32 PM
|
|||
|
|||
|
اولا موضوووووع حلو اوى تسلم ايدك نجااااااااااااااوب بقه ******************** ياترى لما تتجرح اوى بتسامح ولا بتستنى انتقامك من الشخص اللى جرحك؟ انا هقول لما بنجرح بعمل ايه وبصراحه اووك ببقه متضيقه وعاوزه انتقم من ال جرحنى بس باتراجع لان بلاقى حاجه جوايا بتمنعنى فبقااااااااطع ال جراحنى ومش بكلمه خالص حتى لو كنا فى مكان واحد فانا مش من النوع ال بسامح بسرعه ممكن اسامح بعد سنه اتنين كده لحد ما ال جراحنى يعمل حاجه ليا تستحق انى انسى جرحى عشانها لو حد اهانك بتردله الاهانه ولابتنسى ؟ مش برد الاهانه ومش بسامح بسرعه مين اللى ممكن تسامحهم فى الجرح مهما كان الجرح صعب ومش ممكن يروح مع الزمن؟ معتقدش ان فيه وممكن السنين ال جايه يطلع حد ((الله اعلم)) |
|
#13
26-08-2009, 12:12 AM
|
|||
|
|||
|
اكبر انتقام للي جرحني
اني احاول اتعايش حياتي و انساه او اتناساه و اثبت لنفسي و للي جرحني اني احسن من غيره لكن منتقمش منه هو لاني احسن ميرسي للتوبيك الجميل
__________________
اعاتب دهرا لا يلين لعاتب .. و اخفي الجوى و الدمع فاضحي!!!
|
|
#14
26-08-2009, 12:12 AM
|
||||
|
||||
اولا ميرسي ليكي على التوبيك الجميل ده....
 بجد موضوع حلو اوي...  اما بقى بالنسبة اني اسامح او انتقم ديه على حسب الجرح او الموقف بس انا عادة وده عيب فيا اني صعب اسامح وبالذات لو اهانة او ظلم جامد... ولو فيه فرصة اني انتقم هاعمل كده بس انتقام مش ياذيه الانتقام اللي يخليه يندم انه عمل كده لكن مش اذى لحد مهما كان...... ميرسي ليكي مرة تانية على التوبيك الجميل موووووووت.....
__________________
مصرية و افتخر
|
|
#15
26-08-2009, 01:07 AM
|
||||
|
||||
|
اممممممممممممممممممممممم
امممممممممممممممممممم موضوع حلو جدا واسلوبه شدنى فعلا انا مشكلتى فعلا انى دايما بسامح اى حد عمل فيا حاجة وحشة بس مش عرفة ده ميزةولاعيب وخصوصا لو حد بحبه اوى وعزيز عليا جدا مهما يعمل معايا او جرحنى بكلمة او فعل او حتى قطعنى وموتنى حبه فى قلبى بيغفرله اى حاجة وبسامحه وساعات كتييييييييييييييير كمان انا اللى ببدء بالاعتذار بس يا ترى ده ضعف ولا حب زيادة ياريت حد يرد عليا
__________________
 ربنايسترومنتفضحش 
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:34 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
