.. من غير عنوان .. ده مجرد كلام ..

[Rien]

المشاركة الأصلية كتبت بواسطة صوت الامة

موضوع رائع جدا اختى
وفية كلام كتير وزكلام كبير لازم منقشتة
ليا عودة ان شاء الله
جزاكى الله خيرا

وجزاك الله خيراً منه
شكرا على رأى حضرتك
وف انتظار عودتك ان شاء الله

[Rien]

المشاركة الأصلية كتبت بواسطة شمس الدقهلية

والله كلام جميل جدا ومنطقى خالص

يارب نستفيد منه جميعا وجزاك الله كل خير

وجزاكِ الله خيرا منه يا شمس
شكرا على رأيك ومرورك بالموضوع ..

[mohamadelhawary]

المشاركة الأصلية كتبت بواسطة souhaits

اللى اقصده الصفات مش الاهتمامات
يعنى مثلا واحد اجتماعى وواحد انطوائى
صعب جدا يكونوا اصحاب
دى حاجة ..
حاجة تانية بقى ..
مثلا فيه مجموعة اصحاب
دخلوا كليات مختلفة
قليل جداا لما تلاقيهم لسة اصحاب زى الاول
او حتى لسة بيسألوا على بعض

بالنسبه الإنطوائيه بشده برده أنه يكون صديقى و لعلمك الإنطوايه بالمعنى الحقيقى مش موجوده إلا بنسبه قليله لا تتعدى ال10%

ماحدش عايز يكون زى حد .. ده طبيعى
بس الطبيعى برضو ان كل ما تقضى وقت اكبر مع حد
هاتلاقى نفسك بقيت زيه ف صفاته
ف كلامه .. ف اسلوبه عموما
ده اللى اقصده
بتبقى حاجة لا ارادية اعتقد

لاء و لكم فى رسول الله أسوه حسنه لمن كان يرجو الله و اليوم الآخر
و إراديه هى المشكله يمكن فى التعامل مع الأختلاف يعنى فلان مختلف عنى فى شئ بفكر أختلافه صح و لا خطأ فى ناس تانيه بتقلد بس

وهى المجاملة ايه غير كدب ..؟!

مفهوم خاطئ
المجامله هى أن أذكر محاسن الشخص و لا أذكر سلبياته و أخطائه
الصراحه أن أذكر محاسن الشخص و سلبياته
الكذب أو النفاق هو ذكر صفات غير موجوده فى الشخص إذا كانت سلبيات او حسنات

اكيد تساعد
بس بانك توجهنى للصح وتواجهنى بغلطى
لو باسلوب تانى فيه مجاملة ونفاق
لا ..

أعتقد النقطه دى مفهومه

ازاى بيكدب على نفسه مش عليك
اذا كان هو بيخدعك اصلا
مش فاهمة دى .

على فكره واضحه جداً وإذا جائكم فاسق بنبأ فتبينوا بس و أنا قلتلك عندك حق
ميخدع أيه المشكله أصل الإنسان لما يحس أن اللى قدامه بيصدق كل شئ بيكشف نفسه بنفسه بس مش اكتر الكاذب بيضر نفسه أولاً

انت قولت بنفسك
مسألة نسبية ..
فيه حد بيعرف يقدر الوضع صح
وحد تانى لا

تمام و علشان كده أنا رديت علشان الناس اللى بتقدر خطأ

ودى اكيد حاجة كويسة ..

جايز يكون ليه فوايد
والاكيد ان ليه اضرار اكبر ..

ايه هى الأضرار ؟؟؟؟أهدار الوقت ممكن
بس لو وضعتى هدف الوضع

مش لازم
حاجة مش تخصنى يبقى ماتدخلش
هارتاح لو كبرت دماغى وماهتميتش
الحاجة الوحيدة اللى اقدر اساعد بيها انى اقدم نصيحة من بعيد
يتعمل بيها او لا .. دى مش مشكلتى
انا كدة عملت اللى عليا
وخلاص بقى ..

ممكن تتعرضى لموضوع كبرتى فيه دماغك فتبتدى من الصفر
لكن إنا شخصياً بحب أتابع مشكلات كل الناس و حلولهم و غالباً لما أتعرض لمشكله مشابه بلاقى حلول كثير جاهزه معايا
و حاجه تانى مهمه جداً أنى أكون جزء من حياه أصدقائى أساعدهم فى حل مشكلاتهم أكون اعز صديق ليهم

برضو هاقولك نفس الكلمة ..
مش كل الناس واحد
بمناسبة الامتحانات .. ليه بلاش ..؟!

الايجابية حاجة كويسة
بس لو لقيت انك بتضر نفسك بوجودك عالمنتدى
اكيد مش هاتكمل ..

لاء هكمل

تمام
واحد ماشى مع صاحبه اللى بيدخن
بيديله سيجارة .. خدها منه من غير تفكير
لو هو مكانش مع الشخص ده
عمره ما كان هايدخن السيجارة دى
فهمتنى ..؟

أنا رديت علشان الفئه دى فى أقتناع عند كثير من الناس أن غيرهم السبب علشان كده أنا بقول أنت المسئول عن نفسك مش غيرك

اكيد مش باقول تسيب حد تانى عشان رأى حد
والا هاكون باناقض نفسى لان ف اول الموضوع خالص قولت ماتاخدش بكلام حد عن حد تانى
بس انت عارف انه حد مش كويس
ووجودك معاه ممكن يأذيك ..
يبقى ليه بقى ..؟

هحاول أغيره للأفضل بس

طب اقولك ايه ..

مفيش حد بيشد حد فى شخص قرر يكون كده

اكيد بس مش لازم اخد اللى بانصحه من ايده واقوله اعمل كدة عشان تبقى حد كويس
انا قولت النصيحة وعملت اللى عليا
لو ماقتنعش باحاول اقنعه
مرة واتنين وعشرين
اكتر من كدة مش ف ايدى اعمل حاجة
( انك لا تهدى من احببت )

أعتقد أن الأيه نزلت على قلب الرسول (ص)
هل توقف عن الدعوه؟؟؟؟
الآيه دى تخفيف للرسول (ص)
فقط بدليل أنه كمل دعوته و مقالش ربنا أراد أنهم يكفروا و أنا مالى !!!

جزاك الله خيراً منه
شكرا على تعليقك وآسفة على تأخيرى ف الردود
بس عايزة اوضح حاجة ف الاخر
اى حاجة من الحاجات اللى اتكلمت عنها ف التوبيك مش ثابتة
نسبية وبتتغير من كل حد للتانى
ف لما باتكلم باحاول ابين الجزء الوحش او النص الفاضى فيها
عشان لو حد بيعمل السلبيات دى يقدر يتجنبها
لو حد مش بيعملها
خلاص هو عارف نفسه ويشكر ربنا ..
لكن لما اتكلم عن الايجابيات
او الجزء الكويس .. اللى هو قليل جدا جدا
هاتلاقى كل حد بيعمل حاجة غلط بيقول اهو .. ليها فايدة
ماقدرش اقول مثلا ان اى حد بيصاحب حد مش كويس بيكون زيه
بس الاغلبية اه
لو اتكلمت بقى من جزئية انه مش هايكون زيه
وهايساعده ويشده للصح
اى حد ليه صاحب مش كويس هايقول انا هاحاول اشده للصح
حتى لو هو بيتشد معاه للغلط
يا رب يكون قصدى واضح

شكرا لكى موضوع جميل فعلاً

[the black rose]

المشاركة الأصلية كتبت بواسطة souhaits

عارف لما تبقى شايف حد بصورة معينة
الصورة دى مش صح .. الحد ده مش كدة
بس انت شايفه كدة .. لانك ماتعاملتش معاه من قريب
او اتعاملت معاه من قريب بس مش قادر تفهمه صح
ف بالتالى بتنقل الصورة دى للى حواليك
وممكن يصدقوك ..
وبكدة الحد ده انت شوهت صورته
ممكن يكون هو ساعدك ف كدة
لانه مش ظاهر على طبيعته
بس هنا مين الغلطان
انا الغلطانة ..
لانى اخدت بكلام ناس - وده غباء -
وماحاولتش اعرف اللى قدامى دول عاملين ازاى
والناس دى كانت فاهمة غلط
بالتالى انا كمان فهمت غلط
ولحد دلوقتى مش عارفة افهمهم ازاى اصلا .. ومش عايزة اعرف
بس انا اسفة لاى حد انا فهمته غلط
سواء كان عارف او لا
لانى مش قد انى اتحمل ذنب ظلم حد
يا رب سامحنى ..

بصى انا لما اقول رايي فى حد
اه ده من وجهة نظرى و يغلب عليه احتمال الخطا
بس لازم اللى بيسمعنى يبقى فاهم كويس انها مجرد وجهة نظر
و بعدين غالبا بيتطلب انك تقولى رايك فى شخص ما
هتضطرى تقولى رايك الحقيقى عشان متكونيش منافقة
بس فى الاخر قولى ده راي و احتمال كبير يبقى غلط
المفروض الانسان اللى بيسمع يبقى عاقل و يعرف انه برده
لازم يحكم بنفسه
***
ماينفعش انك تصدق كلام حد عن الناس التانية
مهما كان الحد ده قريب منك
ماينفعش ..
سواء كان كلام حلو او وحش
ماينفعش ..
احكم بنفسك
وماتاخدش انطباعات من حد تانى
عشان ماتظلمش حد
ويا ريت تحتفظ بانطباعك لنفسك
عشان لو كان غلط
ماتديش الناس فكرة غلط عن حد
وانطباعك ده
عمره ما هايبقى صح لو اتكون من موقف او اتنين
لان فيه حد ف موقف بيبقى انسان
وف موقف تانى بيبقى انسان تانى
وتالت ورابع وعاشر
ف صعب انك تفهم الناس بسهولة
ماشى مياخد انطباع من حد و يحكم بنفسه
بس ده مش معناه اننا نكدب الشخص ده
مهما كان قريب مينفعش نقول انا مش مصدقاه
احكمى الاول و بعدين تقدرى تعرفى تصدقى ولا لاء
و اعرفى برده ان انطباعك ده ممكن يكون هو اللى غلط برده
و ممكن اللى قالك على حغاجة مكانش بيكذب
و انتى تقديرك للاشخاص هو اللى كذب عليكى
***
فيه ناس بيحبوك .. وناس لا
فيه ناس يستاهلوا يكونوا اصحابك .. وناس لا
وفيه ناس ممكن يكونوا بيحبوك بس مايستاهلوش يكونوا اصحابك
لانهم مش زيك .. او انت مش زيهم
هما كدابين وانت لا .. او العكس
بيعيشوا نفسهم ف اوهام وانت لا .. او العكس
لما تفضل معاهم كتير .. هاتبقى زيهم
هاتلاقى نفسك وهما زعلانين بتحاول تخفف عنهم بكلام ( غلط )
لمجرد انك بتحبهم وانت انسان عاطفى شوية ف ممكن تقول الكلام ده
لانك بس ..
عايزهم مايتضايقوش
وده غلط
يبقى من الاول ابعد
عشان ماتوقعش نفسك ف غلط ..
لان ماحدش يستاهل
والله ما فيه حد يستاهل !!

لاء مش معاكى فى الحتة دى اوى
يعنى فيها ايه لما نخفف على حد بنحبه
بس مش فاهمة تقصدى ايه بكلام غلط
ممكن نهون عليه بكلام يهديه
و نعرفه برده غلطته لو غلطان
و منكذبش عليه
الا لو حالة نحل مشكلة بينه و بين حد صاحبه
***
النت
كدبة كبيرة
او هو اكبر كدبة
ف حالة انك تتعامل مع اشخاص كدابين
بس تعرف منين هما كدابين او لا ..؟
صعب تعرف ..
يبقى ماتحطش نفسك ف موقف انك تثق اوى ف حد احتمال يكون ( كداب )
دى انا معاكى جدا فيها
و للاسف النت و الحقيقة برده
فيه ناس ممثلين درجة اولى
***
النت
دنيا تانية غير اللى عايشينها
مع انه جزء منها
بس ممكن يسحبك
ويخليك تنسحب من دنيتك
عشان تعيش ف دنيا النت
قولى انت ..
مين فيهم يستاهل تكمل فيه ..؟
اكيد طبعا دنيتنا اللى فيها اهلنا و اصحابنا
بس فيها ايه لو نعيش الاتنين مع بعض
و اتحول جزء من النت لحقيقة
زى مثلا بنقابل بعض و بنعرف بعض ف الحقيقة
***
المنتدى
مجموعة اشخاص
اتجمعوا ..
ومفيش ناس ( عاقلة ) بتتجمع الا عشان تحقق هدف مشترك
والحقيقة الهدف فعلا مشترك
كل واحد عايز يثبت انه الافضل على حساب غيره
حتى لو هو مبين عكس ده
حتى لو هو بيقنع نفسه انه مش كدة
مجرد دخوله ( منتدى ) ..
يخليه عايز يثبت نفسه الافضل
حتى لو قدام نفسه وبس ..
ليه ميكنش الهدف اننا نستفيد و نفيد بعض
و مش لازم يثبت انه الافضل
المهم يتحول لافضل من اللى كان عليه

***
الشات
شوية ناس فاضيين اتجمعوا
بس من غير هدف
ممكن يكون المعظم ليه هدف ..
واحد يتعرف على بنت
بنت تتعرف على واحد
يشتغلوا بعض شوية
لحد ما حد فيهم يفوق قبل التانى ويفهم انه غلط ..!!
وفيه شوية مالهمش هدف
مجرد انهم قاعدين فاضيين
طب ما ندخل الشات ده نشوف ايه اللى بيحصل
لحد ما تبقى عادة
ويبقى روتين رخم ..
بتعمله كل يوم
بس ف الاخر هاتبطله
سواء طولت او لا .. هاتبطل
ف الافضل انك ماتتطولش
تقصدى الشات عالميل مع ناس تعرفيهم
ولا متعرفيهومش
لو متعرفيهمش و داخلة شات فى سايت كدا
يبقى ده كله هبل و ملوش لازمة
اما بقى لو بتتناقشى مع حد فى حاجة او بتستفيدى من الكلام مع حد تعرفيه
فايه المانع يعنى ؟

***
احيانا المنتدى برضو بيبقى شبه الشات
شوية ناس فاضيين اتلموا على بعض
بيعملوا ايه ..؟
بيتكلموا ..
طب ايه الهدف ..؟
بيتكلموا ..
وايه الفايدة ..؟
بيتكلموا ..
ايه الغلط ..؟
ضيعوا وقت ..
بقى روتين مالوش لازمة تانى ..
وبرضو لازم هايبطلوا ..
ايوة احيانا
بس مش دايما
***
طب عارف لما تبقى عايز تكون ف جروب
وتحس نفسك محبوب
ف بتشوف اى جروب وتقعد معاه
يقولوا كذا .. آه
كذا .. آه
من غير تفكير
مانت شايفهم ناس لذيذة وروشة وبتقضى معاهم وقت
مش يمكن لما تعارضهم يتضايقوا منك
وماتبقاش حد مهم ف الجروب ده
لالا يا عم .. انا معاهم
بس انا بقى مش معاهم ..

صح يبقى الواحد يقول رايه بعد تفكير
ميمشيش على كلام الناس حتى لو هما اعز اصحابه
ولازم يتاكد انهم ماشين على منطق
الاختلاف ف الراى لايفسد ف الود قضية
***
عارف لما يبقى قدامك اتنين بيردوا على بعض
مش عارف مين فيهم الصح ومين الغلط
ده يقول حاجة ..
تحس انه صح وعنده حق
ده يقول حاجة ..
تحس انه هو ده الصح والتانى لا
طب واخرتها ..؟
ايه لازمتك اصلا ف الموضوع وليه تفكر ..
ما هما اللى عارضين كلامهم عليك
مش مهم
طلع نفسك منها
عشان ماتبقاش غلطان
طب و ليه منشغلش عقلنا و نشوف مين الصح و مين الغلط
بعد ما نعرف تفاصيل الموضوع
و نشوف وجهة نظرهم
ولازم يبقى عندنا القدرة عالحكم
و ده لو شئ يخصنا ميخصناش
يبقى نطلع منها بكرامتنا
***
طب لما حد يتقال عنه كلام
واتظلم ..
لانه مش كدة ..
عايز يثبت انه مظلوم ..
يجيب ادلة وبراهين يثبت بيها كلامه بس ..
بس بيهين ناس تانية
ممكن تكون خلاص نسيت الحاجات دى وعرفت انها غلط
طب وايه لازمته ..؟
اصلا يهمك ف ايه كلام الناس ولا فكرتهم عنك ..؟
من ستر مسلما فى الدنيا ستره الله يوم القيامة ..
خليك احسن منهم ( والكاظمين الغيظ ) ..
انت مايهمكش غير ربنا
يبقى ماتديش لحد اهتمام
ممكن يقلل منك انت ..
وعيش لربنا
عندك حق انا لسة واخدة القرار ده قريب
و دع الخلق للخالق
اعترف انى كنت غلط
و بحاول تصحيحه دلوقتى
***
اسبوع قبل الامتحان والبنت قدام الكومبيوتر ..
الام : بتعملى ايه يا حبيبتى ..؟
ابدا يا ماما باسأل على حاجة بس وقايمة
طب يلا عشان تنامى او تكملى مذاكرة ..
ودعوتين حلوين كدة من الست الوالدة
البنت بقى ..
فعلا كانت بتسأل على حاجة
بس مش جايلها نوم
ومش قادرة تذاكر
طب اما افتح الماسنجر اشوف لو حد قاعد اتكلم شوية لحد ما يجيلى نوم
واااو صاحبتى اهى .. وتجصل محادثة قصيرة ( او طويلة )
بعدها ..
لما اروح عالمنتدى تانى كدة عشان فيه موضوع شد انتباهى
تدخل ..
ضيعت من الوقت قد ايه ..؟
والنتيجة ايه ..؟
كدبت على الام ..
بس هى مش قاصدة تكدب ..
بس كدبت ..
ضيعت وقت ..
بس ده وقت قصير ..
بس لما يتجمع على بعض هايبقى كتير ..
ويوم بعد يوم
قصرت ف حق مذاكرتها ..
ربنا هايحاسبها على كدبها
وعلى وقتها اللى ضيعته
ونتيجة التقصير لما يتكرر كام يوم ممكن تكون بشعة ف الاخر
كان باقى اسبوع
دلوقتى باقى ساعة ..
وقبل اللجنة ..
البنت بتعيط .. ليه ..؟!
داخلة الامتحان من غير اجزاء من المنهج
مين بقى اللى كان غلطان ..؟

اكيد البنت
لازم تفرق وقت الجد من اللعب
و متخليش نفسها تنجرف مع التيار
***
ممكن تبقى ف مكان
بتستفيد منه ..
شوية ..
بس مع الاستفادة .. فيه حاجة تانية
ضرر اكبر
تكمل ليه ..؟
خليك عاقل وفكر ف نفسك
فكر ف مستقبلك
فكر ف اهلك
فكر ف ربك
حاول تبقى انسان صح
او بس تبقى انسان ..!!


***
عارف لما بمنتهى البراءة
تروح تتعرف على واحد زميلك عاجباك شخصيته ( اللى فهمتها غلط )
اتعرفت ..
صاحبته ..
وبقيتوا انتيم ..
جرك وراه لحاجات غلط ..
مين الغلطان ..؟
انا عشان معرفتش افرق
بين الصح و الغلط
و اتجريت ورا كلام من غير ما اسغل عقلى
***
طب عارف كلام الناس ..
اكيد عارفه .. واحتمال تكون مجربه ..
لما حد يقولك .. لا ماتمشيش مع فلان .. ده وحش
لا .. الناس هاتقول عليك زيه
طب يعنى فلان ده يبقى شيطان ..؟
اى انسااااااان مهما كان هو وحش قد ايه
جواه حاجة حلوة
جايز مش باينة
او الناس مش قادرة تشوفها
بس انت ممكن تقدر تشوفها
وتقدر تقويها وتخليه يبقى احسن ..
بس ثانية كدة .. تضمن منين ..؟
تضمن منين انك تشده للصح قبل ما هو يشدك للغلط ..؟
( المرء على دين خليله فلينظر احدكم من يخالل )
ماشى ممكن يحاول و يبقى فيه مواقف صارمة عشان نشده للصح
و لو لاقينا مفيش استجابة
يبقى لازم نقطع العلاقة حالا
قبل ما انجرف للتيار
***
انت ما شاء الله عليك
حد متدين
وكويس
ومحترم
وملتزم
او بتظهر لنا كدة .. الله اعلم
لما تيجى تنصح حد
النصيحة ماتبقاش باسلوب ( التوبيخ )
وانك عايز تحسسه انك احسن منه
قول النصيحة ومالكش دعوة هو ينفذها ولا لا
مش لازم تمسكله العصاية ..
وتحرجه قدام الناس
انت كدة بتكرهه فيك وف النصيحة
***
لما تكون حد مقصر
وشايف نفسك غلط ف كذا حاجة
وتشوف حد ف نفس موقفك
ماتستخسرش فيه النصيحة وتقول لا .. لما ابقى امشى بيها
قولهاله وقولها لنفسك ف نفس الوقت
حق على اصحاب الكئوس ان يتناصحوا
وماتقولش انا باعمل
قول المفروض نعمل
وباسلوب كويس ..
عشان تحببه فيك
وف النصيحة
لو هو فهمك غلط
وفهم انك انسان مثالى
ده مش ذنبك
لانك ماقولتش كدة
ولان مفيش حد مثالى ..

معاكى
***
عارف بقى ..
لما تبقى قاعد وتلاقى نفسك بتفكر ف كذا حاجة .. كذا حاجة
بمجرد انك تيجى تتكلم
تلاقى حاجات تانية بتنط ف دماغك
وتفضل تتكلم تتكلم
وتحس انك لو كملت الكلام ده مش هايكون ليه نهاية ( بس كفاية لحد كدة .. على الاقل دلوقتى ) ..
ده اللى حاساه دلوقتى
وبجد صدعت من كتر الحاجات اللى ف دماغى دلوقتى
والافكار دى كلها جاتلى لما حاولت افكر ف سبب يخلينى ابعد عن المنتدى
لقيت اسباب كتير الحمد لله ..
شوية منهم حصل معايا
وشوية منهم اقصد بيهم مواقف معينة ..
وناس معينة ..
وشوية منهم ماحصلش معايا ..
بس بيحصل مع غيرى
وماحدش يفكر كتير ف النقطة دى
لانها حاجات وبتحصل وخلاص

ممكن رأيى ف حاجات منهم بكون صح ..
واكيد رأيى ف حاجات غلط ..
وده سبب انى حطيت الموضوع ف العام
عشان اعرف رأيكم ف الحاجات دى
عشان لو لسة فيه حاجات غلط ف دماغى اقدر اصلحها

آسفة مرة تانية لاى حد .. اى حد
اتضايق منى بقصد منى او من غير قصد
وان شاء الله موجودة شوية لحد ما ربنا يأذن انى مابقاش موجودة
فى رعاية الله

بصى يا منص لازم تفكرى كويس
و تعرفى فين الصح و الغلط
المنتدى ده هيسببلك ايه
و تشوفى هتقدرى تاخدى منه الحلو و تسيبى الوحش
ولا مش هتقدرى
لازم نبقى زى الازاز
ندخل الضوء
لكن التراب ميدخلش
حلو الموضوع
جزاكى الله كل خير

[Yehemak_Fe_Eh]

)

- ***الوقــــــت *** للاسف انا شايف ان الكمبيوتر ده جهاز ل*** الوقت و الجسم و الاعصاب و جعل الانسان انطوائيا و منعزل عتن العالم الخارجي و حجزه في عالم الوهم و الشات ..

[/quote]
سورى بس انا مش متفقة معاك فى رأيك خالص انا رايى ان الكمبيوتر هو اللى بيخلى الانسان ينفتح على العالم الخارجى انا بحب الكمبيوتر جداااااااااااااااااااااااااااااااااااااااااااااااا ااااااااااااا لدرجة مستحيل حد يتخيلها وناوية ان شاء الله اخد فرصات كمبيوتر علشان شغلى كله يبقى ع الكمبيوتر
الكمبيوتر مفيد جداااا والنت كمان بس للى عايز يستفيد منه مش للى اعد علشان يضيع وقت وعلشان الكميوتر بقى لغة العصر دلوقت ولانه شايف ان كتير من الناس على طول ادام الكمبيوتر فبيعمل زيهم وخلاص
وبالنسبة لتضيع الوقت مش بس النت والشات هما اللى بيضيعوا الوقت اللى عايز يضيع وقته مش هيغلب
ده بالنسبة لردى على كلام حضرتك او بالذات موضوع الوقت اللى بيضيعه الكمبيوتر ده
بالنسبة للموضوع الاصلى فهو عاجبنى جداااااااااااااااا وانا عايشة فى حياتى دى بمبدا الشك وعمرى ما بثق فى حد ممكن يكون ده وحش وممكن يكون حلو بس هو ده اللى ينفع اليومين دول
طولت عليكم معلش
الموضوع جميل

[fictional.girl]

والله موضوعك شدني واثر فيا كمان
بس كنت عايزة اقول حاجة
الانسان العاقل كل حاجة تبقي عنده بحساب
الخلاصة
ان النت عالم مجهول وانا بعتبره خيالي و وعالم كداب وخداع
فعشان كده محدش يخليه محور رئيسي في حياته
لانه مش من ضروريات الحياة اصلا
وبالنسبة لوضوع الكلام الي بيتقال عن الناس وراي والراي الاخر
فاظنك تقصدي
الغيبة
خلاصة الكلام
ومن غير زعل
سواء بقيتي او لم تبقي في المنتدي فده مش حياثر في حياتك
او في مستقبلك
فالقرار لكي
وتقبلي مروري