برنامج بنات على الهوا "فريق هنتغير بجد "

[مستر /سامح على عبد العظيم اليمانى]

جزاك الله خيراً

[نور36]

الموضوع ده جميل ده بجد احسن موضوع شفته
لا انى محتار فعلا هل فى صحيح صداقه بين ولد وبنت وهل ده صح ولا غلط بس برجع وبقول ساعات لازم يكون فيه علشان نعرف نتعامل مع الا خرين بس انا بقول الصداقه ممكن تكون بين الولد والبنت بس لازم يكونوا الاتنين وصلوا لدرجه تفاهم كلمه صداقه بجد

[زيزى55]

انا رايى انه اصبح واقع لن ينحل بهذه الطرق لاننا اذا افترضنا هذا الموضوع عليهم لن يحدث يجب ان تاتى واحده واحده اولا يكون هناك مراقبه على الشات ومنع الكلام الخارج عن الدين ولا مانع ان يتحدثوا فى الدين او الحياه او الدنيا ونطرح لهم مشكله متواجده فى الحياه ربما يستطيع احد ان يحلها فان الشباب يتميزوا بعقليه جميله ولا يعرفوا كيف يستغلوها وممكن ان نساعدهم على ذلك اما للموبيل فيجب ان يعود كما كان بشهاده ونسجل فيها بيانتنا ونرى الان ان الكرت اصبح باقل الاسعار وبامكانيه اى شخص ان يشترى الكثير منهم ويتسبب فى كثير من المشاكل لاى شخص بدون ان يعرفه ويجب ان نفصل بين البنات والولاد فى المدارس لمنع المشاكل

[رحيق القلوب]

بسم الله الرحمن الرحيم
السلام عليكم ورحمه الله وبركاته
اولا اسمحولى ان اقول رايى بصراحه فى الموضوع دا

(1) الاسلام لايعرف بذلك اى لا يوجد كلمه صداقه بين البنت والولد على الاطلاق.
(2)ما معنى انها تصادق ولد اليس الجلوس معه حرام او النظر اصلا اليه حرام .
(3)اذا كانت هى تنظر على انها صداقه فان الولد لاينظر على انها صداقه.
(4) البنت فى نظر الولد تكون غير محترمه وعند الزواج لا ينظر اليها ابدا ولكنه ينظر الى البنات المحترمات اللاتى ليس لهم علاقه بالولاد .
(5) هذه البنت سوف تندم على ذلك بعد مرور الايام لانها فى ذلك الوقت فى ما يسمى بالغيبوبه .
(6)البنت المسلمه التى تسير على كتاب الله وسنه رسوله وتلتزم بان تعيش حياه بنات الرسول (صلى الله عليه وسلم ) سوف تفوز وهتلاقى باذن الله شباب يتمنى يشاركها عمره .
فى النهايه اعتقد انكم متفقين معى فى كلامى والسلام عليكم ورحمه الله وبركاته

[soul333]

هو انا لازم انضم للفريق هناك علشان اكمل معاكم هنا

[كول على طول]

مشكوووووووووووووووووووووووووووووورة جدا على الموضوع الهايل دا

[Dr.Silent]

طب يا جماعة ما تيجو ننقاش موضوع تانى وهو
الزى الشرعى للبنت
وكل واحدة تقول هى ملتزمة بيه ولا لأ
ونعمل ايه عشان نقنع البنات بيه فى ظل الموضة المنتشرة الان

[أزهار الخريف]

بالنسبة ليا الحمد لله انا ملتزمة بالزى الشرعى تماما وما بخدش الموضة فى الاعتبار

[أزهار الخريف]

والله يا جماعة كله بيرجع للمنزل والاب والام يعنى انا الحمد لله من وانا صغيرة وانا متحجبة ولبست الخمار وانا فى2 اعدادى واحفظ القران الكريم بفضل الله وده لانى الحمد لله من منزل صالح ومتدين لازم كل بنت تعرف ان لبسها عنوان لبها وان جسدها غلى شى ما ينفعش يبقى رخيص بالطريقة دى انا بشوف والعياذ بالله بنات بيلبسوا لبس انا والله ببقى مكسوفة من شكلهم لانهم بيدوا للناس فكرة وحشة عن البنات وبشوف بنات هنا فى المتدى بيكلموا الولاد باسلوب يعنى مش كويس وبنصحهملكن كلهم ما بيقبلوش النصيحة ربنا يهديهم

[*يارب نور دربي*]

انا هتكلم بصراحه الحمد لله كل الولاد ف نظر اخواتي ومش معني ده ان انا بكلمهم ومصحباهم لا الحمد لله مفيش غير زميلي وهو جارنا واخويا بجد بنتعامل كاخوات ف الفتره الابتدائي والاعدادي ومش بئا ضرب وهزار وانه ممكن يسلم عليا ونتكلم ف التليفون والكلام ده لا الحمد لله مثلا لو احتجت اي حاجه ضروري من ولد مثلا بطلبها منه هو بس لما دخلنا فترة الثانويه وكدا بردو احنا اخوات بس مبقاش ف كلام

وغير كدا انا اصلا دلوئتي عندي حالة كره للولاد ومش طيقاهم ولا بطيق سيرتهم

بس الحمد لله مفيش كلام بيني وبين ولاد حتي زميلي ده مع اننا كنا بنتكلم ف الدراسه والمذاكره بس ولازم لما اخرج من الامتحانات ماماته تسئل عليا وبجد حتي انا وهي بنعتبر بعض اخوات ورغم ده الحمد لله بردو مش بئينا نتكلم

انا هستفاد ايه لو كلمت ولد مش هستفاد

وهضر ف ايه لو مكلمتهوش مش هضر

فمكلموهوش احسن وعلشان كرامتي واحترامي لنفسي واهم حاجه حياء البنت وكبريائها

[حووور الجنة]

رووووووووووووووووعة الموضوع يا جماعة و بجد زعلانة اني جيت متاخر ة
فالبنسبة لموضوع الاولا و البنات بصي انا بجد لما بشوف في الجماعة مثلا المناظر المقذذة من هزار و ضحك و غيرة ما بقلش الا كلمة واحدة" الحمد لله الذي عافانا عن هذا و فضلنا عن كثير مما خلق تفضيلا كثيرااااااااااااااااااا" و اظن ان دة كافي و كدة فهمتوني كويس

اما بالنسبة لموضوع اللبس الشرعي فالواحدة بجد لازم تكون فخورة انها مسلمة و عشان كدة لازمتكون واجة للاسلام و مشرفة لدينها بجد و الله يا جماعة بسمع من بنات غير مسلمات بيتريقوا علي لبس البنت المسلمة الغير شرعي طبعا فلية نشمت فينا غيرنا و الله العظيم فعلا البنت الي بشوفها مختمرة او منتقبة بجد ملكة بمعني الكلمة ربنا يحفظها يااااااارب انا و الحمد لله بلبس طرح طويييييييييييييلة " خمار لف" بس و الله نفسي البس احسن من كدا ادعوليييييييييييييييي و ربنا يهدينا كلنا


طب انا نفسي اخد رايكوا في موضوع الزينة في اللبس اية المقصود بكدة لاني ساعات كتير بجيب مثلا جيبات و ماما تقولي عليها زينة و او غيرة ياريت اخد رايكو في الموضوع دة
و لتاني مرة مشكورة فعلا عالموضوع الجميل دة

و اسفة للتطويييييل

[طالبة ولكن]

من تعلق قلبة بغير الله عذِّب به

[عاشقة الفردوس الاعلى]

ماااااااااا شاء الله لاقوة الا بالله ...اللهم بارك لبنات المسلمين وثبتهم على الصواب ..صراحة الفكرة جمييييييييلة والحكاية دى اصبحت عادة للاسف بين مين ؟بين امة محمد (ص) ؟بين شباب وبنات الاسلام ؟ انا اسفة يا جماعة انا شايفة اننا لا نستحق ان نكون من امة الحبيب ولا لقب المسلمين الا بعد منغير سلوكنا ونسير على نهجه ومفيش كلام فى ان العلاقات بين البنات والشباب علاقة غير مشروعة وزى مقولت نسير على نهجه فلابد ان نسال نفسنا قبل منعمل الحاجه هل ده من نهج الرسول ام لا ولو اى حد سواء له علاقات ام لو سؤل هل تشك ان هذه العلاقات كانت فى عصر الحبيب ام لا ؟ سيجيب بلا لانه لاكلام فى ذلك .
تفتكروا يا بنات ان البنت لها وضع احترام بعد اما اى انسان يراكى مع شاب ..........ابدااااااااااااا والله .... بالعكس تسب وتلعن من الجميع وخاصة لما يكون الشاب بيلعب بيكى هو اول واحد هيلعنك وهيصرف نظر عن الزواج منك لانه عارف انك مدام عملتى كده معه اذن ممكن تعملى مع غيره ........... من الاخر هيفكر فى واحده تصون بيته واهله دى ابدا ميتوفر فى واحده كل همها اللبس والشكل والولاد والشات وغيييييييييييييييييره.....والله ياجماعة مافى احلى العفة الكرامة والطهارة واحترام الناس لكى.
اعتقد ان الحب فى الله يغنى عن كل شىء جربى كده تجعلى حيلتك كده محسورة بين اهلك وحبهم واصدقائك المتدينين اللى يعنوكى على الخير وعباداتك عمرك مهتفكرى فى حاجة خارجية وساعتها ربنا هيبعتلك الزوج الصالح اللى يقدرك ويحبك على الخير واللى يحافظ عليكى ويعاملك بجزء من معاملة الرسول لزوجاته ومدى حبه لعائشة رضى الله عنها لكن العلاقات اللى تم عليها الزواج بعد المقابلات والحب الوهمى والواج الفاشل لاتصيب ابدااااا وتخيلى انه يعودك على الوقوف مع الرجال والشباب والضحك والهزار معاهم وهو يروح مع البنات وبمجرد ميروحوا بيتهم ماااااااشاء الله كل واحد ولا كانه يعرف التانى يعنى مش عايشين لبعض لكن عايشين للجنس الاخر والعياذ بالله ...............



(اختى المسلمة انتى جوهرة لابد من حمايتها من النظرات الغير صائبة .فحماكى الاسلام والبسكى ملابس التقوى فلما تخلعينها؟)
(اختى صونى عفافك )
اسفة جدااااااااااااااااااااااااا جدااااااااااااااااااااااا للاطالة لكن الكلام فى ذلك كثييير ويغضبنى لما اراه فى امتنا......
حبايب قلبى والله ماقلت ذلك الا حبا فيكم ورغبة فى العيشة الطيبة لكم باذن المولى تحت ظل الاسلام وفى رضا الله

[ramo2008]

السلام عليكم ورحمة الله وبركاتى
انا بجد مش قادرة اوصفلكم فرحتى قد اية
انا مكنتش متخيلة ان الموضوع هيعجبكم كدة عشان كدة انا سبتة معلش بقى سامحونى وانا خلاص معاكم من النهاردة.
وبشكر بجد كل اللى بعتو ردود
وهبدأ معاكم حالا ف اول موضوع.

[جاسمين33]

جزاك الله خيرا
اريد المتابعة