هتدخل جامعة النهضة nub اول سنة .. تعالى فوراً (اسأل-ناقش-اتعرف)

[TH3-Lord]

السلام عليكم ورحمة الله وبركاته ..

انا طالب فى 3 ثانوي من اسيوط .. وان شاء الله داخل جامعة النهضة

واى طالب ناوي يدخل الجامعة دى .. يسأل عن اى حاجة وانا ان شاء الله هجاوبوا عليها

وللى عايز مصادر رسمية :-

رقم التليفون : 19206

الموقع الخاص بالجامعة : www.nahdauniversity.org



وياريت يا جماعة اللى يدخل يقول ايه رأيه فى الجامعة وفى اختبار الانجليزي والقدرات


يلا انا فى انتظار اسئلتكم


جوود باااااااااي

[a.n]

انا من سوهاج داخل كلية صيدلة جامعة النهضة انا حجزت وامتحنت ومستنى نتيجة الثانوية العامة وربنا يوفق الجميع

[TH3-Lord]

تمام يا عم يعنى معايا

اشوفك على خير فى الجامعة

[انجي عماره]

لو سمحت ممكن تقوللي امتحان الانجليزي كان عباره عن ايه

علشان انا اناويه اقد جامعه النهضه طب اسنان


وقالولك امتي حتكون النتيجه والف مبروك مقدما

[TH3-Lord]

امتحان الانجليزى ده اللى هو الـ Toiec

اولا فى كتاب صغير بتستليميه من الجامعة قبل الامتحان ده والكتاب ده شارح طريقة الاسئلة

ولو ماستلمتيهوش متخافيش الامتحان سهل جدا

هو عبارة عن :-

- يديكي صورة وتحتيها 3 اختيارات بتختارى الموقف اللى بيدل عليه الصورة
-choose the correct answer ده معروف
- الاسئلة الصوتية وده اصعب جزء .. وده عبارة انك بتسمعي السؤال عن طريق المايكرفون (بصوت واحد اجنبي) و بتعلمي على الاجابة الصح فى ورقة الاجابة

واحب اقولك الامتحان سهل جدا واغلب اللى بيمتحنوه بينجحوا فيه

بالتوووووفيق

واى استفسار انا موجود ... !؟

[a.n]

امتحان الtoice سهل وعلى ماسمعت من الطلبة الى ف2 انه تحصيل حاصل وان كله بيدرس مستويات الانجليزى الثلاثه وطالما ان اى حد فيكم سجل فى الكلية مش فىالwaiting list يبقى ان شاء الله داخل وضمن مكانه وعلى فكرة انا حولت بعد النتيجة لطب اسنان ما رايكم ؟؟؟؟؟؟؟؟؟؟؟؟........................
وربنا يوفق الجميع

[a.n]

وان اود التعرف على كل الى حيدخل معانا جامعة النهضة ونتقابل انشاء الله فى الارشاد الاكاديمى...............................

[TH3-Lord]

المشاركة الأصلية كتبت بواسطة a.n

وان اود التعرف على كل الى حيدخل معانا جامعة النهضة ونتقابل انشاء الله فى الارشاد الاكاديمى...............................

اوكى يا مان

ياريت تقول لى اسمك على الاقل عشان اعرفك

[a.n]

انا اسمى عبدالرحمن ناصر من محافظة سوهاج فى كلية طب الفم والاسنان جامعه النهضة مجموعى ف الثانوية العامة 92.5 %

[TH3-Lord]

تشرفنا يا عبدالرحمن

هو انت هتروح الارشاد الاكاديمي يوم ايه ؟؟

[امل000]

لو سمحت
انا لسه بفكر ادخلها
بس سمعت انه لازم يكون المجموع 95% علشان تدخل ب24000 وانا جايبه 94.3 %
الكلام دا مظبوط ولا ايه
ولو كان مظبوط ممكن يزودو المبلغ شويه وادخل صيدله بردو ولا ايه
ياريت اى حد يرد عليه يا جماعه

[a.n]

طالم جايبة بين ال90% وال95% تدفعى فالسنة فى صيدلة 25000

[Anglaise]

طيب هيا مصاريف الكليه كلها تبقي كام
انا جايبه 94.6% وعايزه ادخل طب اسنان فيها
وكمان سؤال هوا انا ممكن اقدم اليومين دول
ولا هي الاماكن فيها خلصت خلاص

[amrturk]

طيب هيا الهندسة فيها بكام؟

[a.n]

شباب ياريت نعمل موضوع نشترك فيه ويكون اسمه ملتقى طلبة جامعه النهضة