وحياة حبيبك النبي تقرأ رسالتي كاملة

[هيثم العطار]

بعد السلام عليكم ورحمة الله وبركاته

بداية اسمحوا لي أن أخاطب وأناشد فيكم قلب الأب والأخ الحنون عبر سطوري فمازال بداخلي أمل وثقة في الله بأن مشكلتي ومأساتي سأجد لها الحل بين أيديكم ولتعلموا انه لم يعد لي من بعد باب الله سوي بابكم حاولت كثيراً أن امنع نفسي ولكن ربما جعلها الله بقدرته عز وجل بصيص أمل يخرجني مما أنا فيه . اعمل مدرساً للغة الانجليزية منذ سبتمبر 2004. تجاوزت الثلاثين من عمري بكثير ومازلت غير قادر علي توفير اقل القليل فأنا من أسرة فقيرة بل معدمة يضيع دخلي ما بين إيجار شقتنا ومتطلبات معيشتنا وعلاج أمي وأختي خاصة وهما مريضتان بأمراض مزمنة منذ فترة طويلة بأمراض تستلزم العلاج والمتابعة الدورية وفي حاجة دائمة للعلاج كي تستمر الحياة.
يعمل والدي بالأجر اليومي الذي لا يكفي لأقل القليل خاصة وانه قد اقترب من الستين ولم يعد قادراً علي العمل. لم يكن هناك اختيار أمامي إلا أن أتحمل أعباء هذه الأسرة بكل متطلباتها رغماً عني مع أنني حديث التعيين وليس لي أي مصدر دخل آخر.
وفي شهر فبراير 2008 الماضي تزوجت أختي بعد فترة خطوبة طويلة لم يكن أمامي حلاً إلا أن أتحمل نفقات زواجها كاملة أو أتحمل عبء طلاقها بعدما هدد زوجها بذلك خاصة والمجتمع الريفي لا يرحم.
هكذا لم ترحمني الأيام وكأنني قد كتب علي أن اشقي طوال عمري وألا ارتاح يوما ًلم أجد من يأخذ بيدي ويساعدني وما بين يوم وليلة أصبحت مطالباً بكل شيء. ولأنني لم ادخر ما يساعدني علي ذلك اضطررت للاقتراض من البنك بضمان وظيفتي مبلغاً زهيداً ذلك لان أساسي مرتبي بسيط واقترضت من زملائي ومن كل من اعرف . دفعت مبلغ هذا القرض كمقدم لجهاز أختي وأصبحت مديناً بما لا يقل عن عشرة آلاف جنية لمحل أدوات منزلية وعشرة ألاف جنية أخري هي ديوان لأصدقائي وزملائي وهكذا أصبحت بين يوم وليلة مدين بمبلغ يفوق طاقتي حتى أصبحت ديوني هم بالليل وذل بالنهار.
حقيقة يعجز لساني أن اصف لكم كيف يكون الشعور بالحاجة لأقل شيء ولا تجده ولا يمكنني أن اصف لكم كيف أعيش ذليلاً بين كل من يعرفني فلم اترك شخصا من قريب أو من بعيد إلا وقد اقترضت منه.
أنا لا اطمع في شيء أكثر من سداد ديني وان كان بعد ذلك الموت فهل يكثر علي الله؟؟؟
حقيقة لم اعد قادراً علي مواصلة حياتي بل ولم اعد ارغب فيها فها أنا اقترض من هذا لأسدد ذاك حتى انه لم يعد عندي من اقترض منه . ومنذ ذلك التاريخ انقلبت أموري رأساً علي عقب فما يتم استقطاعه من المرتب اثر تأثيراً كبيراً علي راتبي المحدود للغاية وحرمني وبقية أفراد أسرتي من الكثير ولم اعد قادراً علي مواصلة معيشتي وحياتي. واقسم بالله أن الشهور تمر كاملة ولا نتذوق طعما للحوم ومنذ عامين تقريباً لم اشتري قميصاً أو بنطلوناً واحداً فالمطلوب أكثر بكثير من الدخل .
أتوسل إليكم أن تنقذوا شابا وقفت الظروف ضده خاصة وأنا الآن تراودني فكرة الانتحار رغم علمي بأنني سأموت كافراً ولكن .......... من يصبر علي دينه عندي وان صبر فإلي متي والحالة كما يعملها الله.
إخواني وآبائي أنا لم اكتب في مشكلتي أتسول مالاً ولكني أريد أن تشاركوني محنتي وان تقولوا لي ماذا افعل. من اجل أمي وأختي المريضة وأسرتي ادعوك يارب أن تفرج الكرب.
والله العظيم أنا الآن لا أفكر في أي شيء يخصني مثل بقية الناس ولكني أريد شيئاً واحداً وهو أن تعتق رقبتي وأتحرر من قيد ديوني .فكيف؟؟؟؟؟؟؟؟؟؟؟؟؟؟؟؟؟؟؟؟؟

جزي الله خيراً كل من ساهم برأي في حل مشكلتي

[kalifor]

قول بس
لا اله الا الله

[العاشقه الحزينه]

اولا الله يكون في العون

ثانيا انت بصراحه بتقوم بواجبك وبتاديه بصورة كتير حلوة

ما بعرف كيف اساعدك بشئ بس مافي عندي حل سوا انك تعمل بشهادتك

صباحا وتتنازل عنها ليلا لتعمل عمل اخر ايا كان مبلغه فمثل ما يقال نواه تسند الزير

ومش عارفه والله اعمل ايه غير الدعاء ليك ان ربي يفك كربك وكرب جميع المسلمين والمسلمات


وحط في اعتبارك ان مافي عضو او عضوة هيعتبرو ان ده تسول صدقني انت بتكبر في نظر كل من يقرا هالرساله


وقل مثل ما قال كاليفور

لا اله الا الله

قول يارب ومن قال يارب عمرة ربنا ما هيسيبه

[igita]

اولا
لا اله الا الله

ثانيا
مش تسول ولا حاجة

ثالثا
سيبها لله المهم اللي عليك علي قد ما تقدر

[koka 330]

ربنا معاك ويصبرك بس أوعى تيأس وأوعى تفكر فى الانتحار سعتها هضيع كل اللى الثواب اللى اخدته فى رعايتك اختك ومامتك
وأسرتك وبعدين ده اختبار من ربنا لازم تكون مؤمن بقضاء الله وتصبر ومتسرحش فى همومك كتير طول الليل علشان الشيطان ميوسوش بالانتحار ليك أمسك الموصحف أقرأ أوم صلى هتلاقى ربنا فرج همك فى قلبك وتلقيك بتلاقى الحل جه لوحده من عند ربنا وأهم حاجه تدعى ربنا بحرقه جامد وربنا مبينساش عبيده وممكن اللى انتا فيه ده يكون خير ليك ربنا أبتلاك فى الدنيا وليك جزاك فى الاخره لو صبرت وممكن ربنا يفرجها عليك فى الدنيا لو صبرت بجد ومنستش أن ربنا موجود
وممكن زى ما أختنا قالت تشتغل باليل شغل تانى بص أنا أن شاء الله هستشير حد فى موضوعك ده حد ليه خبرا فى الحياه أكتر منى وبعديها هرد عليك أنتظرنى لى راجعه أن شاء الله
ربنا معاك ويصبرك

[العاشقه الحزينه]

شوفت الكل مش معتبرة تسول ولا حاجه الكل حاسس بمشكلتك وبيتمني انها تتحل وصدقني الكل بيدعيلك

ربناا معاك ومع جميع المسلمين ويفرج الهم عنك وعن كل المسلمين

اللهم امين يارب العالمين

الا ان فرج الله لقريب

[امانى الدنيا]

أنا هقولك الحل بإذن الله
المقادير:

قلب خاشع ..

صلاه في أخر الليل..

قرأن ويدين متراجفتان..

الطريقه:

بعد أن تنتهي من صلاة الوتر قبل التسليم قل هذا الدعاء..

*(اللهم مالك الملك

توتي الملك من تشاء

وتنزع الملك ممن تشاء

وتعز من تشاء.. وتذل من تشاء

بيدك الخيير ..إنك على كل شيء قدير

رحمان الدنيا و الأخرة

تعطيها من تشاء ..وتمنع منهما من تشاء

إرحمني رحمةً تغنيني بها عن رحمة من سواك)*

قلها بنيةٍ صادقه موقناً الإجابه من مالك الملك وسترى النتيجه بإذن الله..

كررها مع أدعية الصباح والمساء وإنتظر ساعات الإجابه ..ولا تيأس..

تذكر وأنت تدعوا بأنك تسأل الرحمن الرحيم ، القادر على كل شيء...

وربنا هو سبيلك الوحيد
هو فراج الكروب !!
ولا إله إلا الله!

[امانى الدنيا]

ما تمشيش ورى اللعين الشيطان هو نصيبه النصايب اتقى الله وما تفكرش فى حكايه الأنتحار دى بتاتاً
وأستعيذ بالله من الشيطان الرجيم!!

[koka 330]

المشاركة الأصلية كتبت بواسطة امانى العفريته

أنا هقولك الحل بإذن الله
المقادير:

قلب خاشع ..

صلاه في أخر الليل..

قرأن ويدين متراجفتان..

الطريقه:

بعد أن تنتهي من صلاة الوتر قبل التسليم قل هذا الدعاء..

*(اللهم مالك الملك

توتي الملك من تشاء

وتنزع الملك ممن تشاء

وتعز من تشاء.. وتذل من تشاء

بيدك الخيير ..إنك على كل شيء قدير

رحمان الدنيا و الأخرة

تعطيها من تشاء ..وتمنع منهما من تشاء

إرحمني رحمةً تغنيني بها عن رحمة من سواك)*

قلها بنيةٍ صادقه موقناً الإجابه من مالك الملك وسترى النتيجه بإذن الله..

كررها مع أدعية الصباح والمساء وإنتظر ساعات الإجابه ..ولا تيأس..

تذكر وأنت تدعوا بأنك تسأل الرحمن الرحيم ، القادر على كل شيء...



اللهم أمين ربنا يكرمك يارب حلك حلو بجد أحلى دعاء
وربنا هو سبيلك الوحيد
هو فراج الكروب !!
ولا إله إلا الله!

لا أله ألا الله

[العاشقه الحزينه]

زي ما الكل نصحك الابتعاد عن فكرة الانتحار

لانك هتموت وربنا هيكون غضبان عليك لانك ***ت روح بغير وجه حق

وبعدين الحياه والموت مش بادينا ومحدش يتحكم في عمرة وينهي حياته بايده ع حبه مشاكل وزي ما قالت الاخت بتكون اختبارات من ربنا

استعيذ بالله من الشيطان الرجيم

واستخير ربك وهتلاقي كل خير باذن الله

[Sharp]

إنت وضعك و حالتك متفصلة مخصوص علشانك

لأن اللي حطك فيها هو ربنا

و بما إن ربنا اللي خلقك ,
يعني هو عارفك و عارف احتمالك و قدرتك قد ايه ,

و عارف انك تقدر تستحمل الوضع اللي انت فيه ده ,
لأن دي طاقتك
و لو طاقتك كبيرة البلاء كبير ..
على قدها و مش أكبر منها ,

قال رسول الله : " يُبتلى المرء على قدر دينه " (***)
يعني لو ماكانش دينك و طاقتك هتستحمل ,
ربنا هيهون عليك البلاء على قدها ,
و شوف نفس الحديث .. سبحان الله ,
في رواية منه " وإن كان في دينه رقة .. هُوِّن عليه " شوف رحمة ربنا ,


و الآية الأخرى قال تعالى : (( لا يكلف الله نفسا إلا وسعها ))
يعني طالما رينا خلقك في وضع ما ,
و كلفك شيئا ما ,
يبقى أكيد الشيء ده في وُسعك ,
و انت تقدر تعمله ,

لأنه لو لم يكن في وسعك لما كلفك إياه,



" من لا ينفع لوضعه لا ينفع لوضع غيره "

[koka 330]

المشاركة الأصلية كتبت بواسطة egypte

انتحر ... بجد يلا نروح سوا مع بعض

لا يا جماعه مش عاوزين كدا ياريت يا جماعه تفتكرا ربنا وتتقوا ربنا
مهما كان الهم لازم تصبروا بصوا لهم غيركم بصوا لناس حتى البيت مش لقينه بصوا لاطفال برئتهم ماتت الشوارع بيتهم بصوا لناس ماشيا بتلف على الجوامع تشحت ربع جنيه تجيب بيه رغيف عيش تكله وتروح تدور على رصيف تنام عليه بصو ا لهموم غيركم أعرفوا قيمة حايتكم الحياه نعمه اللى ميقدرهاش ميستحقهاش
يا جماعه أحنا حاسين ببعض كلنا قلب واحد مسلمين زى بعض لازم نحس ببعض لازم نصبر بعض لازم نتعظ من بعض فى ناس غيرنا بتموت مش لاقيه تاكل مش لاقيه بيت مش لاقيه حد يحس مش عاوزين نشجع بعض بالانتحار عاوزين نفكر بعض بيوم عذابه أشد بكتييييييييييييييييييييييييييييييييييييييييييييييي يييييييييييييييييييييييييييييييييير
من العذاب اللى أنتم فيه ساعتها لما هيجى اليوم ده هتقولوا ياااااااااااااااااااااااااااااااااااااااااه هو أحنا ليه مستحملناش وصبرنا
فيها أيه لما تصبروا يا جماعه أحمدوا ربنا أن همكم مش فى دينكم ومعصية الله ده همكم أختبار من ربنا فى دنياتكم

[koka 330]

المشاركة الأصلية كتبت بواسطة mohamedonline9

إنت وضعك و حالتك متفصلة مخصوص علشانك

لأن اللي حطك فيها هو ربنا

و بما إن ربنا اللي خلقك ,
يعني هو عارفك و عارف احتمالك و قدرتك قد ايه ,

و عارف انك تقدر تستحمل الوضع اللي انت فيه ده ,
لأن دي طاقتك
و لو طاقتك كبيرة البلاء كبير ..
على قدها و مش أكبر منها ,

قال رسول الله : " يُبتلى المرء على قدر دينه " (***)
يعني لو ماكانش دينك و طاقتك هتستحمل ,
ربنا هيهون عليك البلاء على قدها ,
و شوف نفس الحديث .. سبحان الله ,
في رواية منه " وإن كان في دينه رقة .. هُوِّن عليه " شوف رحمة ربنا ,

و الآية الأخرى قال تعالى : (( لا يكلف الله نفسا إلا وسعها ))
يعني طالما رينا خلقك في وضع ما ,
و كلفك شيئا ما ,
يبقى أكيد الشيء ده في وُسعك ,
و انت تقدر تعمله ,

لأنه لو لم يكن في وسعك لما كلفك إياه,

" من لا ينفع لوضعه لا ينفع لوضع غيره "

هو ده الكلام اللى يتقال مش يالا نروح ننتحر مع بعض

[JASSY]

يارب يكون في عونك وفي عون جميع المسلمين امين يارب

واوعى تقول تسول او اي حاجة من ديه........

واعتقد اني مش هاقول اكتر من اللي قالوه باقي الاعضاء جزاهم الله خيرا...

واعرف ان الله تعالى يختبر من يحبه ويريد له الثواب والاجر الاعظم وهي الجنة.....

فاصبر ان الله مع الصابرين.......

[دو رى مى]

اولا * ربنا يكون فى عون حضرتك

وتأكد من ربنا ان شاء الله حيجزيك خير على اللى بتعمله مع اسرتك

ثانيا * لازم فعلا تشتغل شغلانة تانية غير التدريس
وانصح حضرتك انك تشتغل فى التجارة لان مكسبها كويس نسبيا عن اى حاجة تانية

ثالثا * لازم حضرتك تشيل فكرة الانتحار دى نهائيا من دماغك
لانه طبعا حرام
و لانه ميعتبرش حل ابدا بالعكس ده يعتبر تهرب من الواقع
وفكر فى اسرة حضرتك كده حيكون شكلها ايه لو انتحرت ؟؟؟؟
اكيد مفيش حاجة فى الدنيا حتعوضهم عنك

رابعا * عنوان الموضوع خطأ
لانه لايجوز الحلف الا بالله ( من كان حالفا فليحلف بالله او ليصمت)

وربنا يعينك ويوفقك ويسد دينك ان شاء الله