MCE Microsoft Certified Educator

محمد محمود بدر · #1 10-12-2016, 07:27 PM

شهادة المعلم المعتمد من ميكروسوفت Microsoft Certified Educator

هنتكلم في موضوع النهارده عن إمتحان شهادة المعلم المعتمد من ميكروسوفت Microsoft Certifed Educator

عايزين النهارده نعرف:

1. الشهادة موجهة لمين؟

2. ايه اهمية الحصول عليها؟

3. ايه الفرق بينها و بين شهادة المدرب المعتمد Microsoft Certified Trainer

4. معلومات عن الأمتحان الخاص بالشهادة
5. طريقة الاستعداد للإمتحان
الشهادة موجهة لمين ؟

ميكروسوفت طرحت شهادة جديدة _ ديسمبر 2012_ بعنوان المعلم المعتمد من ميكروسوفت Microsoft Certified Educator (MCT)
الشهادة مهمة لكل العاملين بالتدريس عموما, سواء في مدارس او جامعات, قطاع حكومي او قطاع خاص و مع اختلاف تخصاصتهم

أهمية الحصول عليها

شهادة المعلم المعتمد MCE بتقيس قدرتك علي توظيف مهاراتك التكنولوجيه لخدمه العملية التعليمية.

من الملاحظ في السنوات الاخيره زياده الاهتمام بتوفير الإمكانيات التكنولوجيه في المدارس من معامل كمبيوتر و اجهزة Data Show و إتصال بالإنترنت و Smart Board

لكن من الملاحظ برضه ان ده في كتير من المدارس و الجامعات ملهوش اي تأثير ايجابي علي استيعاب الطلبة و زيادة قدرتهم علي التعلم, و كأن المدرسه او الجامعه بتشتري الاجهزة دي عشان بس تقول لأولياء الامور ان مدرستنا فيها معامل شكلها كذا و كذا
و بدراسة الموضوع, اتضح ان السبب ان معظم المعلمين حتي و ان كانت معرفتهم بالكمبيوتر جيده, إلا ان معندهمش فكره عن الطريقه المثلي لتوظيف المعرفه دي في اتجاه تحسين فهم الطالب للماده
و من هنا ظهرت فكرت إعداد كورس متخصص يغطي الفجوه بين المهاراة التكنولوجيه عند المدرس و قدرته علي توظيفها

ايه الفرق بينها و بين شهادة المدرب المعتمدMicrosoft Certified Trainer

الفرق بشكل اساسي في المفهوم, فشهادة المدرب المعتمد MCT بتقيس مهارتين

1. المستوي التكنولوجي: لأن من متطلبات الحصول عليها ان يكون معاك Title في اي مسار من مسار التكنولوجي زي مثلا الداتا بيز - البرمجه و غيرها

2. مهارات العرض Presentation Skills و دي اللي بتستلزم حصولك علي دورة Train the Trainer

في حين ان شهادة الـ MCE هدفها الاساسي التأكد من قدرتك علي توظيف مهاراتك التكنولوجيا _سواء كانت قوية او متوسطه او حتي ضعيفه_ بشكل مثالي في اتجاه تطوير العملية التعليمية

معلومات عن الأمتحان الخاص بالشهادة

للحصول علي الشهادة انت محتاج تجتاز الامتحان رقم 62/193

عدد الأسئلة: 41 سؤال

زمن الإمتحان: 100 دقيقه

نوع الاسئلة: إختيار من متعدد

سيناريو الامتحان:

في الامتحان مش بيتم توجيه اسئلة عامه ليك, إنما في البداية بيعرض عليك سيناريو Case Study في السيناريو ده بيقولك

1. انت دورك ايه؟, يعني انت مدرس او مدير المدرسه او مسئول عن الـ IT
2. معلومات عن الطلبة: يعني المرحلة العمرية بتاعتهم و ما شابه
3. معلومات عن تجهيزات المدرسه: عندها كام معمل كمبيوتر و كل معمل فيه كام جهاز, هل فيه اتصال بالانترنت, هل فيه اجهزة عرض الي اخره

4. معلومات عن خطة و اهداف المدرسه

بعدين يبدا يوجهلك مجموعة اسئلة و المفروض انك تجاوبها في ضوء السيناريو اللي قريته, يعني مينفعش تجاوب اجابات نموذجيه في المطلق و خلاص لان احيانا هتكون الاجابه الصحيحه مش هي الاجابه النموذجيه المطلقه

يعني مثلا تخيل انه ممكن يكون قايلك في السيناريو, ان اهداف المدرسه من تطبيق التكنولوجي, هي زياده التفاعل بين الطلبة
بعدين تلاقي سؤال بيقولك ان حضرتك مدرس و هتطلب من الطلبة تعمل مشروع, يا تري تفضل انهي طريقه و يكون من ضمن الاختيارات ان كل طالب يستخدم كمبيوتر خاص بيه للبحث في شبكة الانترنت عن موارد المشروع, و دي شكلها اجابه سليمة لكن في ضوء السيناريو اللي متقدم الاجابة الاصح هي انك تقسم الطلبة مجموعات و تكلف كل مجموعة بتوفير مجموعة من الموارد اللازمة للمشروع
الامتحان فيه 6 سيناريو, كل سيناريو عليه مجموعه من الاسئلة

طريقة الاستعداد للامتحان

هو الامتحان بشكل عام سهل, لكن محتاج انك تكون داخل فايق لانك هتقرا 6 سيناريوهات مختلفه في بعضهم انت مدرس و في بعضهم الاخر انت مدير المدرسه و هكذا

محمد محمود بدر · #2 10-12-2016, 07:33 PM

Microsoft Certified Educator

The Microsoft Certified Educator (MCE) certification validates that educators have the global educator technology literacy competencies needed to provide a rich, custom learning experience for students.
Demonstrating technology literacy

Through a single exam, MCE demonstrates that educators have achieved technology literacy competency in six content areas, mapped to the UNESCO ICT Competency Framework for Teachers, Technology Literacy:

Education policy
Curriculum and assessment
Pedagogy

ICT/technology tools
Organization and administration
Professional development

MCE certification is ideal for educators-in-training, faculty of teacher training colleges, and in-service educators.
Microsoft offers a comprehensive e-learning curriculum, Teaching with Technology, to help educators prepare for this rigorous exam.
Note The Microsoft Certified Educator exam assesses whether educators understand how to apply technology tools in the six different content domains, not whether they are proficient in using specific technology tools. If you are looking for information on getting certified to teach specific Microsoft products and technologies, visit the Microsoft Certified Trainer page.

School administrators: Consider integrating MCE certification into your teacher training or professional development program. The exam can be administered and proctored by educators on campus. You can purchase campus licenses via Microsoft Volume Licensing, through a Microsoft reseller, or from Certiport, Microsoft’s authorized MCE exam delivery partner.

الصفحة الرسمية

awadhawas · #3 11-12-2016, 10:25 AM

كيف اطببع شهادة الmce

جمعه جمال جمعه · #4 11-12-2016, 12:00 PM

اقتباس:

المشاركة الأصلية كتبت بواسطة awadhawas

كيف اطببع شهادة الmce

تدخل علي السيرتي ربورت وتضغط علي myfiles

محمد محمود بدر · #5 14-12-2016, 08:15 PM

اقتباس:

المشاركة الأصلية كتبت بواسطة awadhawas

كيف اطببع شهادة الmce

اقتباس:

المشاركة الأصلية كتبت بواسطة elma3stro

تدخل علي السيرتي ربورت وتضغط علي myfiles

جزيل الشكر والتقدير لحضراتكم

يمكن حضرتك زيارة هذا الموضوع لمزيد من الفائدة

طريقة التسجيل والتعامل وطباعة الشهادات من موقع CertiPort

جزاكم الله خيرا و بارك الله فيكم