نظام المنازل ياريت يا جماعه تفيدونى ؟

[yaso_yoyo]

المشاركة الأصلية كتبت بواسطة prof.ahmed4d

أولا احب اشكر كل الناس الى ردت

وبص انا اقولك شوية معلومات كدة لانى انا واختى دخلنا منازل

بص اول حاجة طلبة المنازل لها الحق في الالتحاق باي كلية مهما كانت ما عدا العسكرية فقط ( طب - هندسة - صيدلة ... الخ ) مع العلم ان اختى كانت منازل ودخلت صيدلة ومفيش اي مشكلة حصلت خالص الحمد لله

ثانى حاجة طلبة المنازل بتمتحن عادى مع كل الطلبة في المدرسة بتاعتهم او ممكن تتنقل لو المدرسة بتاعتك صغيرة ومش اتكفى العدد كامل الى موجود لانى انا منازل من تانية ثانوية وبمتحن عادى في المدرسة بتاعتى مع انى ماجل 3 كمان يعنى 3 سنين منازل ومفيش اي مشكلة الحمد لله

تالت حاجة يحرم الطالب من المدينة الجامعية ده كلام فارغ برده لان اختى كانت منازل ودخلت صيدلة ودخلت المدينة الجامعية والاكتر من كدة كمان انها من نفس المحافظة

اعتقد كدة كل حاجة وضحت قدامك

معلومة : اي اخبار جديدة سمعت عنها حوشها من دماااااااااااااااااااغك نهائي واعلم جيدا جيدا جيدا ان اي خبر جديد اينزل احسن مكان تستفر منه الادارة او المديرية وحتى الان لم تنزل اي اخبار يعنى مفيش حاجة اسمها طلبة المنازل ايتخصم 5 % ولا اي حاجة من هذا القبيل ان شاء الله

ارجو ان تكون المعلومات وصلتلك والكلام الى كاتبه ده من خبرة ومن تجربة شخصية يعنى مش جايب اي حاجة من عندى

بالتوفيق ان شاء الله

شكرا للمعلومات دي
انا سالت عن القرارات الجديدة قالولي انه ماينفعش الوزير ينزل قرارات جديدة بعد بداية العام الدراسي
ولو نزل مش هيتطبق السنة دي هيتطبق السنة الجايه
اذا (يبقى الوضع كما هو عليه)

[elkadymo]

أنا لو عايز أقدم لنظام المنازل من سنة1 أعمل إيه وإيه المطلوب أروح فين مع العلم المجموع 182 والتنسيق 190

[رحيل70]

لو سمحتوا عاوزة اعرف .. أنا دلوقت قسمت السنة وعاوزة احول منازل أنا ثالثة ثانوي علوم .. هل أكمل على اللي نجحت فيهم ولا اعيد كل المواد؟؟

[رحيل70]

لو حد عارف .. أرجو الرد

[Yasmeena.R]

انتى غيبى لحد مبيعتوا جواب سعتها هتحولى منازل عادى لو مسألوش خير وبركة يبقى منتظمة عادى

ومنازل عادى جدا هتكملى على اللى نجحتى فيهم

بس برضه اتاكدى من موقع الوزارة ممكن ينزلوا قرارات جديدة بس الحكاية دى من زمان يعنى متهيألى مش هتتغير وانا كنت السنة اللى فاتت كدا

[islam aladham]

لسلام عليكم
اول حاجه النظام ده لو التحق بيه الطالب مينفعش يتقدم لكليه عسكريه زى كليه الشرطه تانى حاجه لو الطالب بقى منازل من اولى ثانوى لا يحق له ان يمتحن مع مثيله من الطلاب(يعنى بيمتحن مع كبار السن الى اتعلموا تعليم متأخر مثال واحد جاهل ألتحق بمحو الأميه وتخطاها و التحق بالثانويه العامه)لكن لو الطالب حول منازل من ثالثه ثانوى بيمتحن مع مثيله من الطلاب لكن ثانيه ثانوى مش عارف نظامها ايه لو زى التحويل من اولى أو زى ثالثه ثانوى ولو الطالب تخطى ايام الغياب ال 30 يوم المسموحه له بأمكانه تفادى موضوع المنازل بأعاده القيد بالمدرسه (مش عارف تحديدا أذا كان اعاده القيد بيتم بمبلغ مالى أو لا)................................

[صبراآل ياسر]

شكرا بارك الله لكم