مساعدة فسيولوجي -الفرقة الاولى

[همسة حلم]

انا في سنة اولى طب ياجماعة ورحت الكلية خضرت محاضرتين واحدة اناتومي والتانية فسيولوجي
الاناتومي الحمد لله الدكتورة كان شرحها جميل وفهمت منها تمام
بس بعد كدة جات محاضرة الفسيولوجي المحاضرة كانت ساعتين مفهمتش منها غير شوية بس
والباقي حاولت افهم من الدكتور بس مفهمتش حاااجة افتكرت ان المشكلة فيا بس بعد المحاضﻻة لقيت كله بيقول مفهمش حاجة من محاضرة الفسيولوجي
يااريت بقة لو الدكاترة اللي اكبر مننا بفيدونا في موضوع الفسيولوجي دة ويقولولنا المفروض نعمل ايه؟؟!
ولو حد ممكن يجيب لينك لتسجيلات او فيديوهات او مذكرات يبقى مشكوووور جدا
اكيد انتو هتساعدونا يادكاترة وشكرت ليكم

[DrMostafa2015]

المشاركة الأصلية كتبت بواسطة همسة حلم

انا في سنة اولى طب ياجماعة ورحت الكلية خضرت محاضرتين واحدة اناتومي والتانية فسيولوجي
الاناتومي الحمد لله الدكتورة كان شرحها جميل وفهمت منها تمام
بس بعد كدة جات محاضرة الفسيولوجي المحاضرة كانت ساعتين مفهمتش منها غير شوية بس
والباقي حاولت افهم من الدكتور بس مفهمتش حاااجة افتكرت ان المشكلة فيا بس بعد المحاضﻻة لقيت كله بيقول مفهمش حاجة من محاضرة الفسيولوجي
يااريت بقة لو الدكاترة اللي اكبر مننا بفيدونا في موضوع الفسيولوجي دة ويقولولنا المفروض نعمل ايه؟؟!
ولو حد ممكن يجيب لينك لتسجيلات او فيديوهات او مذكرات يبقى مشكوووور جدا
اكيد انتو هتساعدونا يادكاترة وشكرت ليكم

خير ان شاء الله
انتي المفروض تاخدي على الموضوع ده لما جزء الاناتومي هيخلص هيجي دكتور تاني و كذلك الفسيولوجي

المهم اقري اللي اخدتيه كويس كذا مرو و حاولي تفهميه من قرايتك و لو ممكن تسالي الدكتور بعد المحاضرة الجاية ممكن تفتحلك حجات انتي مفهمتيهاش

بس عموما انتي المفروض تعملي الحجات دي

1 متسأليش حد هو فهم ولا لا او ذاكر ولا لا لان الفترة دي هتشهد هبوط حاد في مستوى الطلبة لدرجة ان ناس هيبقوا الاوائل على مدارسهم و هيجيبوا ملاحق اخر السنة ... قصدي ان معظم االناس مفهمتش و ناس اكتر هتروح مش هتذاكر عادي دة اللي بيعمل اوائل و مش اوائل عايز اقولك ان بجد في ناس فهمت و هتتفاجئي كمان فترة فبدل ما تتفاجئي و تحسي بالذنب من دلوقتي اعرفي ان زي ما في ناس مفهمتش في ناس فهمت كويس جدا و ذاكرت و اللي يقولك انا ما بداتش انا مبفهمش اي حاجة من دي استعيذي بالله اعتبريها وسوسة شيطان لانك مش محتاجة ان حد يشدك لتحت خصوصا دلوقتي .. اللي بيقول مافهمتش او مش هذاكر هو مش بيكدب لا هو بيقول الحقيقة بس هو يتحمل مسئولية نفسه و هو مش عارف مصلحته .

2 المشكلة ممكن متبقاش مشكلة واحدة مش مجرد ان الدكتور مبيعرفش يشرح لا بس الماده فعلا محتاجة مجهود ذهني جامد اكتر من اي حاجة قبل كدة و بطلي تقارني بمواد ثانوي خلاص دي مرحلة جديدة بقول كدة عشان متفتكريش ان مجرد انك تروحي كورس ده هيحل المشكلة و يخلي الدنيا وردي لا دة ممكن يحل 10 او 20 % من المشكلة و الباقي مجهودك انتي

3 استني شوية لحد ما تاخدي على جو الكلية و تكوني صورة كاملة عن شكل التعليم فيها بعد كدة المادة اللي انتي مش مستريحة فيها ممكن تاخدي كورس و دة زي ما له مميزات له عيوب خصوصا في الوقت و ان مواعيد الكورس ممكن تضرب مع حاجة تانية . و زي ما قلتلك دة مش هيحل كل المشكلة

4 التسجيلات .. تسجيلات د ناجي بس استني لما تفهمي المنهج ماشي ازاي و ابداي اسمعيها عن تجربة طويلة يستحق يستحق يستحق احضري المحاضرة عشان تعرفي انتو خدتو لحد فين و عشان متنفصليش عن سرعة الكلية و تكوني فهم اولي و بعدين لما تروحي اسمعي الجزء دة من تسجيلات د ناجي هتبقى الدنيا اريح بكتير و انا بفضل الطريقة الاخيرة عن الكورسات

و ان شاء الله لما قدام شوية هنعرف نلم درجات ان شاء الله بمراجعة اللي احنا ذاكرناه و حل الام سي كيو كل حاجة ليها وقتها بس انتي مطالبة دلوقتي تذاكري و تتصرفي و متستسلميش زي كتير و هي مرحلة و هتعدي ان شاء الله زي ما الوقت بيعدي .

[DrMostafa2015]

ممكن الساوند ده يبقى مفيد

https://goo.gl/kBp0Wj

[secret.sea]

مش عارف ليه حاسس انك بتتكلمى عن طب طنطا

[همسة حلم]

المشاركة الأصلية كتبت بواسطة drmostafa2015

خير ان شاء الله
انتي المفروض تاخدي على الموضوع ده لما جزء الاناتومي هيخلص هيجي دكتور تاني و كذلك الفسيولوجي

المهم اقري اللي اخدتيه كويس كذا مرو و حاولي تفهميه من قرايتك و لو ممكن تسالي الدكتور بعد المحاضرة الجاية ممكن تفتحلك حجات انتي مفهمتيهاش

بس عموما انتي المفروض تعملي الحجات دي

1 متسأليش حد هو فهم ولا لا او ذاكر ولا لا لان الفترة دي هتشهد هبوط حاد في مستوى الطلبة لدرجة ان ناس هيبقوا الاوائل على مدارسهم و هيجيبوا ملاحق اخر السنة ... قصدي ان معظم االناس مفهمتش و ناس اكتر هتروح مش هتذاكر عادي دة اللي بيعمل اوائل و مش اوائل عايز اقولك ان بجد في ناس فهمت و هتتفاجئي كمان فترة فبدل ما تتفاجئي و تحسي بالذنب من دلوقتي اعرفي ان زي ما في ناس مفهمتش في ناس فهمت كويس جدا و ذاكرت و اللي يقولك انا ما بداتش انا مبفهمش اي حاجة من دي استعيذي بالله اعتبريها وسوسة شيطان لانك مش محتاجة ان حد يشدك لتحت خصوصا دلوقتي .. اللي بيقول مافهمتش او مش هذاكر هو مش بيكدب لا هو بيقول الحقيقة بس هو يتحمل مسئولية نفسه و هو مش عارف مصلحته .

2 المشكلة ممكن متبقاش مشكلة واحدة مش مجرد ان الدكتور مبيعرفش يشرح لا بس الماده فعلا محتاجة مجهود ذهني جامد اكتر من اي حاجة قبل كدة و بطلي تقارني بمواد ثانوي خلاص دي مرحلة جديدة بقول كدة عشان متفتكريش ان مجرد انك تروحي كورس ده هيحل المشكلة و يخلي الدنيا وردي لا دة ممكن يحل 10 او 20 % من المشكلة و الباقي مجهودك انتي

3 استني شوية لحد ما تاخدي على جو الكلية و تكوني صورة كاملة عن شكل التعليم فيها بعد كدة المادة اللي انتي مش مستريحة فيها ممكن تاخدي كورس و دة زي ما له مميزات له عيوب خصوصا في الوقت و ان مواعيد الكورس ممكن تضرب مع حاجة تانية . و زي ما قلتلك دة مش هيحل كل المشكلة

4 التسجيلات .. تسجيلات د ناجي بس استني لما تفهمي المنهج ماشي ازاي و ابداي اسمعيها عن تجربة طويلة يستحق يستحق يستحق احضري المحاضرة عشان تعرفي انتو خدتو لحد فين و عشان متنفصليش عن سرعة الكلية و تكوني فهم اولي و بعدين لما تروحي اسمعي الجزء دة من تسجيلات د ناجي هتبقى الدنيا اريح بكتير و انا بفضل الطريقة الاخيرة عن الكورسات

و ان شاء الله لما قدام شوية هنعرف نلم درجات ان شاء الله بمراجعة اللي احنا ذاكرناه و حل الام سي كيو كل حاجة ليها وقتها بس انتي مطالبة دلوقتي تذاكري و تتصرفي و متستسلميش زي كتير و هي مرحلة و هتعدي ان شاء الله زي ما الوقت بيعدي .

شكرا جدا دكتور مصطفى ... جزاك الله كل الخير وربنا يوفقك انت كمان ان شاء الله
بس ياريت لو تقولي اعمل ايه في الكمية اللي الدكاترة بيشرحوها .. يعنى في كل مادة الدكتور بيدخل يشرح كمية كبيرة
مش بلحق اذاكر كل دة .. وحضرتك عارف يعنى ان مشكلة اللغة بتخليني اخد وقت طويل في المذاكرة علشان الترجمة
واخر حاجة .. ممكن اسمع تسجيلات اناتومي لمين؟
وشكرا لحضرتك مرة تانية

[همسة حلم]

المشاركة الأصلية كتبت بواسطة secret.sea

مش عارف ليه حاسس انك بتتكلمى عن طب طنطا

ااه بالظبط كدة هي طب طنطا

[أمــلــي فــ ربنـــا كبيــــر]

نفس المشكله عندي الدكتورة شرحها مبيتفهمش :/

[secret.sea]

المشاركة الأصلية كتبت بواسطة همسة حلم

ااه بالظبط كدة هي طب طنطا

نفس الماساه

[برينسس لى لى]

نفس المشكلة والمعاناة