و انتهى المشوار

Kareem Ahmed · #1 24-01-2009, 03:03 PM

بسم الله الرحمن الرحيم

لقد اتمت كلية العلوم اليوم السبت 24 / 1 / 2009 م جامعة الاسكندرية

الساعة 3.00 بعد الظهر

إمتحانات الفرقة الاولى ( جميع الشعب )

بعد عناء فظيع من الطلبة من المذاكرة

و جميع طلبة الكلية هى كلمة واحدة ترددت على جميع الالسنة

(( و إنتهى المشوار ))

و ربنا و يوفك الكل

و لكل طلبة العلوم جامعة الاسكندرية

يا ريت نعرف منهم اية اخبار الامتحانات معاهم

محمد.فوكس · #2 25-01-2009, 12:21 AM

سلام عليكم..
ازيك يا معلم..
هي الامتحانات تعتبر خلصت بس فاضل اللغة عشان تبقى خلص خلصت يعني.
المهم .. طبعا انت عارف ان في الجامعة محدش يقدر يتوقع نتيجته تبقى حالل حلو و نتيجتك تطلع وحشة و العكس كمان ..
انا بالنسبالي الكيميا مكانتش حلوة اوي بس الاختيارات ساعدت الواحد شوية يعني اللي مكانش عارف حله بالبركة.
الرياضيات البحتة كانت منيلة بستين نيلة .. بس ربك كريم و قادر عالمعجزات يمكن انجح .. بس بالمنطق يبقى انسى يا عمرو.
الفيزياء كانت معقولة برغم ان الوقت مكانش كفاية و في حاجات كان ممكن احلها و اختار الاجابة الصح بس اضطريت اختار اي حاجة عشان الوقت خلص.
الرياضيات التطبيقية النهاردة كانت مش بطالة.. برغم اني اول مرة افتحها قبل الامتحان .. و الميد تيرم كنت منيل الدنيا فيه..فالبسنة لكل ده يبقى اعتبر ان الامتحان كويس.
بس بكرر .. محدش يقدر يتوقع نتيجته .. ساعات بتحصل حاجات عجيبة.
المهم اننا نعتبر خلصنا لان الواحد فعلا كان زهق..و التيرم الجاي الواحد يركز فيه اكتر و يصلح اخطائه لان طبعا ده كان اول تيرم في الجامعة فالواحد بيبقى عايز يرتاح من ثانويو مذاكرش كويس و كمان مش واخد على نظام الكلية .. فأكيد مش هيظبط في الامتحانات.
بس انت يا معلم مقولتش انت عملت ايه .. ينفع كده؟!
انا اعرف انك علوم جيويوجية.. طبعا المواد اللي انا قولتها تقريبا مفيش حاجة مشتركة التيرم ده الا الكيميا تقريبا.. عشان انا علوم طبيعية.
ابقى قولنا بقى عملت ايه؟
يلا سلام..