|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
02-11-2008, 10:26 AM
|
||||
|
||||
نبدأ منين .. ابدأ ايه ؟ ... احنا هنفضل نتكلم ع الباب كدا .. ادخل
السلام عليكم ورحمة الله وبركاته
ازيكم ياشباب عاملين ايه ؟ انا عايز اتكلم في موضوع كنت بتكلم فيه انا واستاذتي استاذة / رانيا وهو مسألة مين أين ابدأ ؟ سؤالكم العقلي .. ابدأ ايه ؟ الإجابة : ابدأ الدين او ابدأ اني انصح حد طبعا الإجابة هتكون من خلال اخونا ( س ) واخونا ( ص ) ده حوار بين س ، ص س عنده فكره معينه .. وص بيستفر عن الفكرة وبيرشحها ------------------------------ س : ازيك يا ( ص ) مش انت كنت سألتني عن ليه احنا مش عارفين نعمل طفره كبيرة في الدين او نجذب شباب مسلم من مرحلة ( الغير إلتزام ) إلي مرحلة ( الإلتزام ) وبشرط ان الشباب ده او الأشخاص دول ميرجعوش لعدم الإلتزام تاني ؟ ص : ايوه فعلا كنت سألتك وانت جاوبتني إجابه مشوشه وكنت متعارض معاك فيها .. لان فكرتي كانت اني بنصح في الدين وبأمرهم بالعبادات والأوامر والنواهي .. ------------------------------ س : بص ياسيدي الجديد اني عايز اسألك انا سؤال . ياتري ممكن ؟ ص : اتفضل طبعا .. ايه سؤالك ؟ ------------------------------ س : مين أكتر في بلدنا او في مجتمعنا [ الملتزمين ] أو [ الغير ملتزمين ] ؟ ص : والله للأسف الغير ملتزمين هما الأكتر في البلد دي .. وبصراحه شئ محير إزاي نغيرهم ؟ ------------------------------ س : طيب اما انت بتقول ان [ الغير ملتزمين ] أكتر ازاي بقي بتنصح غير الملتزمين بطريقة صعبه وجامدة علي عقل واحد أصلا موصلش لمرحله حب الدين عشان يسمع كلامه ؟ ص : فعلا .. بس تقصد ايه من كدا ؟ ------------------------------ س : أقصد لو ان فيه علبه ومغلفه بغلاف وحش جدا ومنفر .. ومتعب اوي عبال ما تشيل الغلاف ده .. والأحسن انك تبعد عن العلبه دي وتريح دماغك .. ايه اللي يخليك تقرب منها ؟ ص : يا عم ( س ) فهمني أكتر الله يكرمك ايه علبه ومش علبه ونظام العلبه دي فيها فيل والكلام ده ؟ ------------------------------ س : هههههههههه يا ( ص ) مش فيل ولا حاجة .. بص ياسيدي ، لما شاب يفتح التلفزيون وكدا ويلاقي واحد بيدعوه للصلاه والصوم والذكاه والتعب وكل الإرهاق ده ( بالنسبة لغير ملتزم إرهاق ) وبيقوله اطلق لحيتك واعمل واعمل ( وهو شاب جان بقي ومش سكته لحيه ) .. قولي بالله عليك هيسمع كلامه ازاي .. مهو عايش حياته مرتاح بدون ده ؟ ص : صح ودي نقطه فعلا مفروض ناخد بالنا منها ان معظم الدعاة بيكلموا طبقة معينه من الملتزمين ومش واخدين بالهم ان فيه فئه تانيه بتنفر منهم وبياخدوا الدين من الوهلة الأولي .. ------------------------------ س : اللـــه ينور علييك هو ده اللي أقصده بقي .. تعرف يا ( ص ) ان بطبيعة البشر منذ نعومة أظافرهم وهما بيدوروا علي [ اللذة والمتعه ] .. ولما بيلاقي شئ هيسلب متعته ولذته بيكرهه جدا ً .. ولكن بيبقي في حالة واحدة متقبل ان شئ يسلب جزء من متعته .. تعرف الحالة دي ايه ؟ ص : ايه ؟ ------------------------------ س : الحالة دي انه يحب الحاجة اللي هتسلبه متعته دي .. ولما يحبها هتبقي ( متعته سلب متعته ) او انها بتفيده بحاجة أحسن . فاهمني ؟ .. يعني لو انا بعمل حاجة حاببها حتي لو هيا مجهدة .. هتبقي بالنسبالي متعه .. زي الأب اللي بيشتغل ليل نهار وبيطلع عينه وبيسايس في ده وده يدوس علي كرامته وده يخنقه في التعامل و.. و .. تفتكر ان ده شئ بيسعده .. لكن الشئ اللي بيسعده بجد انه يشوف ابنه وهو لابس لبس جديد ومش نفسه في حاجة .. بتبقي متعته انه يجهد نفسه .. اهو احنا عايزين كدا في الدين ------------------------------ ص : طيب وده ياعم ( س ) هيكون إزاي ؟ س : والله ياباشا انا ليا رأي قد يكون صحيح وقد يكون خطأ اننا نعمل حالة جذب لـ[ الغير ملتزمين ] ونحببهم في الدين .. ونوصلهم بخطوات بطيئة لمرحلة [ الإلتزام ] .. بمعني تاني .. اننا هنختار الموضوعات الغير مجهدة في الدين اللي سهل يعملها أي شخص وبعد ما تبقي سهله نديله حاجة أصعب بالتدريج .. لغاية ما يوصل لمرحلة إلتزام ------------------------------ ص : طيب تصدق فعلا والله شئ كويس .. لان علي حد كلامك لما الإنسان بيفقد المتعه اللي فيها بسرعه بيزهق بسرعه بردو وممكن تحصل نكسه ويبقي ضاع خالص ؟ س : فعلا وده اللي بتكلم عليه يا ( ص ) اني مثلا لو قولت للشاب المسلم الغير ملتزم .. لو لقيت مثلا حاجة في الأرض وممكن تكعبل حد شيلها لان من الإيمان إماطه الأذي عن الطريق .. لان ممكن يكون شيخ او عجوزة مسنه ماشية وتتكعبل فيها .. فيبدأ يحب عمل الخير .. وابدأ انتقل معاه بالتدريج واقوله عامل الناس كويس .. ساعد الناس باقل شئ حتي .. حب الناس وعاملهم كويس .. عشان الرسول كان بيعامل كل الناس كويس .. هيبدأ يحب الرسول ويحب الدين .. لان نتيجه لتصرفه ومعاملته للناس كويس .. الناس هتعامله كويس .. طبيعي ومنطقي .. هيبدأ يعرف انك بتقوله الكلام الصح .. ويبدأ يثق فيك .. وبعد كدا ازرع في دماغه اي فكرة من أفكار الإسلام وتكليفاته هيقبلها لانه عرف انك بتساعده وبتوجهه للخير .. لكن تبدأله بحاجات هو مش عارف معناها او مش مُدرك معناها بشكل مادي دلوقتي .. دي طريقه مش بتبقي مجدية أوى لان حالة إثراء المعلومات دي .. بتحصل لما يكون الواحد عنده معلومات أصلا ازاي واحد يادوبك بيعوم بالعافيه اقوله غوص في 20 متر تحت سطر البحر ؟! ولما ميغوصش اقول عليه خايب ومش فاهم حاجة ولا هيفلح ؟ ------------------------------ ص : والله فعلا عندك حق .. الاهم من اني اشرحله ايه في الطريق الصحيح .. اني امشي معاه الطريق الصحيح خطوة بخطوة .. لانه زي الطفل الصغير لازم واحد يمسك ايده وهو بيكتب لغاية ما يشد عصبه ويكتب لوحده .. وزي الطفل الصغير اللي لسه بدربه علي الكلام .. لما باجي ادربه مش بقوله قول " أحلامهُا مستشزرات ٌ. للعـُلا. شَدَّت حمولة َ قلبـِها. في هودج ٍ. حلو اللمَى. وحداؤها: غيم ٌ. وأقمارٌ مُشعْشَعة ٌ. بكأس ٍ من دجى " لاء ده يموت فيها مني ويصرخ ويقولي وربنا ما انا متكلم ياعم انا هبقي اخرس لا بقوله " قول بابا .. قول ماما .. قول تيته " حاجات بسيطه لغايه ما يشد وبعدين ابدأ اقوله جمل كبيرة يقولها .. لان مفيش حاجة بتيجي مره واحدة ------------------------------ س : صح والله يا ( ص ) كلامك بجد واقعي .. مفيش حاجة بتيجي مره واحدة .. متعرفش انا سعيد بكلامك ده اد ايه ص : انا اسعد والله يا ( س ) وهاخد بنصيحتك في الدعوة إن شاء الله ----------------------------- س : ربنا يوفقك يارب وينصر كل داعي للخير ص : اللهم آمين ----------------------------- ايه رايكم ؟
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  آخر تعديل بواسطة احمد رضا ، 02-11-2008 الساعة 12:55 PM |
|
#2
02-11-2008, 10:52 AM
|
||||
|
||||
|
مش عارفة ليه يا أحمد مواضيعك لما بقرأها في أغلب الاوقات مش بلاقي كلام اقوله بعد الي انت قولته ولا تعليق اعلق بيه بجد بارك الله فيك انا مقتنعة بكلامك 100% بس عاوزة اقولك على حاجة هو صحيح المفروض نبدأ مع اي انسان بالتدريج بس المشكلة بقى غير مشكلة احنا بدانا بايه الأسلوب نفسه الي الواحد بيدعي بيه الناس وللأسف الي انا شايفاه ان في ملتزمين كتييييييير اوي بيكلموا الغير ملتزمين باسلوب فيه غلظة وحدة وعصبية وانت لو مش عملت هتبقى مش عارف ايه واعمل كذا واعمل واعمل وتلاقيهم كدا في الكليات مثلا واخدين ركن في الجنب كدا مع بعض ومش راضين يختلطوا بالناس دي كتيييييييير اوي بجد بتحصل معايا ان في بنات بعد ما بكلمهم وكدا وبيلاقوني بتكلم عادي معاهم وبضحك معاهم يقولوا ليا بجد احنا كنا فاكرينك رخمة بقى ومش هتردي علينا وطلعتي حاجة تانية خالص يعني في نقطة مهمة اوي بنعاني منها قبل ما نبدأ بالصعب او بالسهل اننا نغير عند غير الملتزمين الفكرة الي اخدوها عن الالتزام والي بيحسبوا انهم هيوصلوا ليها وهيبقوا كدا وهيتعاملوا مع الناس بنفس الاسلوب لما يلتزموا سواء بقى بدأوا بالسهل او بالصعب يارب تكون فهمت قصدي لاني مش بعرف اكون مرتبة في افكاري وانا بتكلم تقبل مروري المتواضع وسلمت يداك على الموضوع الجميل والشيق في رعاية الله
__________________
ThE...EnD.. SorrY أستودعكم الله الذي .. لا تضيع عنده الودائع .. احبكم جميعا في الله  آخر تعديل بواسطة همس ، 02-11-2008 الساعة 11:09 AM |
|
#4
02-11-2008, 12:56 PM
|
||||
|
||||
|
اقتباس:
برافو عليكي والله انا فعلا نسيت اعرف الإلتزام بقي المفهوم مشوه فعلا تسلم ايدك علي الرد
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! |
|
#5
02-11-2008, 12:58 PM
|
||||
|
||||
|
اقتباس:
شكرا لمرورك الجميل
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! |
|
#6
02-11-2008, 01:22 PM
|
||||
|
||||
|
جزاك الله خيرا ياحمد على الموضوع الجميل ده
بس انا ليا رأي ان ممكن اللي انت بتصلح فيه ده يكون انت بتصلح في ناحية و في ناس تانية بتبوظ في الناحية التانية يعني زي ما تكون بتنفخ في إبرة مقطوعة و على فكرة انا مرت عليا نماذج من دي كتير و كنا بنحاول نطبق معاهم النظرية بتاعتك دي بس للأسف بتبقى عيلته هي الجانب اللي بيبوظ للأسف و ده اللي انا مش قادر اتصوره اني اشوف واحد بيصوم رمضان و بيصلي في رمضان بس و ابوه مش بيصوم و لا بيصلي و بالتالي بعد رمضان هيرجع زي الاول . انا قابلت زي كده كتيرررررررر
__________________
 إني ابتليت بأربع ما سلطوا ........................ الا لشدة شقوتي و عنائي إبليس و الدنيا و نفسي و الهوى ................... كيف الخلاص و كلهم أعدائي |
|
#7
02-11-2008, 02:01 PM
|
||||
|
||||
|
جزاك الله كل خير
وفعلا مهم جدا اننا نبدأ مع انسان زى ده بالتدريج والأهم كمان الأسلوب اللى هنبدأ بيه معاه مشكور ودمت متميزا
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
|
|
#8
02-11-2008, 02:13 PM
|
||||
|
||||
|
بص يا عم (س) قصدي يا ابو حميد
 موضوعك جميل جدا بجد وطريقة سردك للموضوع جميلة بس في حاجه بردو انت دلوقتي لما بتتكلم عن طريقة الجذب دي دي اقدر اسميها طريقة جذب الغير ملتزمين ( اللي عايزين يلتزموا ) لان لو مش عايز يلتزم ولا هيسمع كلامك اصلا انه يعمل خير او او ........... بس دا ممكن يكون عن طريق المواقف مثلا : لقيت واحد مش ملتزم وجارك ولقيت مجموعة من الناس نازلين فيه ضرب انت هتدخل وتحوش عنه وبعد كدا لو جيه يشكرك مثلا قوله انا معملتش حاجه دا الرسول- صلي الله عليه وسلم -وصانا علي سابع جار هو ممكن جزء من الغشاوه اللي علي دماغه تقع بس مش من اول مره تدعيه بتكرار المواقف المماثله هو هيبدأ من نفسه عايز يبقي كدا عايز يبقي جدع بحق لان هو الشاب كدا حتي لو ندل بيبقي عايز يبقي جدع حتي لو مصطنعها يارب اكون قدرت اوصلها بس بجد موضوع مميز يا ابو حميد  دا حتي انا وواحد صاحبي كنا لسه بنشكر فيه 
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
|
#9
02-11-2008, 06:36 PM
|
||||
|
||||
|
موضوعك جميل جداااااااااااااا جداااااااااااااااااااااااااا
بس انا وبصراحة عاوزة حد ياخد بايدى لالتزام وياخدنى ع قد عقلى كده زى ما بتقول فى بنات عندى فى الكلية انا اخدتهم قدوات ما شاء الله ربي يباركلهم ف موضوع الدعوه ده ومع انى لما بشوف وحدة بتتعامل معايا باسلوبك ده بفرح اوىىىى بطييييير مع انى بكون فاهماها وفاهمة هى عاوزة ايه يلا باذن لله ربنا يفتحها عليا وربنا يعين و اكون انا الداعية فى يوم ما شكرا ليك ع الموضوع يا احمد
__________________
 ••• والعز كل العز في ايماني •••
|
|
#10
02-11-2008, 06:43 PM
|
||||
|
||||
|
انت دلوقتي لما بتتكلم عن طريقة الجذب دي دي اقدر اسميها طريقة جذب الغير ملتزمين ( اللي عايزين يلتزموا )
لان لو مش عايز يلتزم ولا هيسمع كلامك اصلا انه يعمل خير او او ........... جوه كل واحد مهما كانت درجة بعده عن ربنا قابلية ان قلبه يرق ف اى لحظة بنشوف ناس عمرك ما تتخيلها بثوب الالتزام و حصله موقف صغير اوى اوى او سمع كلمة سبحان الله تلاقيه اتغير بين يو وليله ما علينا الا اننا نحاول معاهم مرة واتنين وتلاته و بالمعاملة الحسنة لوحدها حتى كفيلة بجد انها تغير ناس كتير حواليك
__________________
••• والعز كل العز في ايماني •••
|
|
#11
02-11-2008, 08:38 PM
|
||||
|
||||
|
اقتباس:
ماهو اكيد الناس كلها عندها قابليه انها ترجع لربنا لان اصلا حب ربنا هو الاصل بس شهوتنا وذنوبنا بتغطي الحب دا حاجه كدا زي لما يكون في حتة ذهب بس وقعت في برميل زيت هل معني كدا انها مبقتش موجوده لا طبعا موجوده بس المهم طريقة انها تطلع اقتباس:
انما لو انا اللي بدعيه اكيد الموقف مختلف بالذات لو هو مش عايز يلتزم زي ما ربنا عز وجل بيقول ( كلا بل ران علي قلوبهم ) انا بتكلم عن الناس اللي علي قلبها الران دا هما دول اللي عاملين زي حتة الذهب اللي واقعه في برميل زيت انما النوعية اللي احمد بيتكلم عنهم الا حد ما عاملين زي حتة ذهب بس واقعة في طب فيه زيت اكيد طبعا النوعية اللي احمد بيتكلم عنها اسهل بكتير النوعية اللي اقصدها دي نوعية مواقف مش كلام يعني مينفعش واحنا قاعدين اقعد احكيلة عن الرسول صلي الله علي وسلم هو اصلا مش عايز يسمع عن الرسول او عن ربنا انما زي ما قولت مثال هعيده تاني : اقتباس:
ومع تكرار المواقف هنقدر نشيل الغشاوة خالص هو دا اللي اقصده وصلت ؟ 
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) آخر تعديل بواسطة dr.zomba ، 02-11-2008 الساعة 08:57 PM |
|
#12
02-11-2008, 09:24 PM
|
||||
|
||||
|
اقتباس:
ومقلتش انك غلط
__________________
••• والعز كل العز في ايماني •••
|
|
#13
02-11-2008, 09:40 PM
|
||||
|
||||
|
الطبيب الماهر هو من لديه القدرة على تشخيص المرض اولا ثم يصف العلاج
فإذا اعتبرنا ان الانسان غير الملتزم هو مريض روحانى فإن الداعية هو الطبيب الروحانى الذى عليه أن يسلك نفس الاسلوب فى معالجة الأرواح و الداء قد يكون كفرا و قد يكون معصية و المعصية منها الكبيرة و منها الصغيرة فعلى الداعية أن يعطى الدواء حسب الداء و ان يراعى حالة المريض من حيث قوته أو ضعفه أو قدرته على تحمل العلاج و المسلمون الغير ملتزمين ( العصاة ) يختلفون فى قدراتهم العقلية و العلمية و الصحية و مراكزهم الاجتماعية فهذا مثقف و هذا امى و هذا رئيس و ذاك مرءوس و هذا غنى و ذاك فقير فعلى الداعية أن يراعى كل هذا و يصف لكل حالة الدواء المناسب و قد يكون الحل هو الجراحة و لكن هنا يجب أن لا يلجأ أبدا الى الاسلوب الجراحى فهو ليس من تخصصه و لكن من تخصص ولاة الامور و عموما فإنه يجب أن تقوم جميع أساليب الدعوة على أسلوب الحكمة و الموعظة الحسنة و الجدال بالتى هى أحسن المسلم غير الملتزم هو من يحتاج إلى التربية و التعليم وكما قال صاحب الموضوع فإن التربية و التعليم لا تأتى دفعة واحدة و لكن بجرعات تبدأ يسيرة ثم تزداد بمرور الوقت حتى يمكن تقبلها و تحملها و عدم لفظها يجب على الداعية أن يبدأ بنفسه فيصلحها حتى يكون القدوة الصالحة ففاقد الشئ لا يعطيه و سوف تكون نتيجة دعوته عكسية تماما شكرا لأحمد رضا صاحب هذا الموضوع و نتمنى منه المزيد من الابداعات
__________________
اللهم احفظ مصر
|
|
#15
02-11-2008, 11:18 PM
|
||||
|
||||
|
اقتباس:
اقتباس:
طب امال فين العقدة بجي؟
__________________
نحن قوم أعزنا الله بالإسلام فإن ابتغينا العزة بغيره أذلنا الله( عمر بن الخطاب ) |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 04:37 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
