هل تقبلين أن يكون زوجك أصغر منكِ ؟؟ هل تقبل أن تكون زوجتك أكبر منكَ ؟؟

[eng.midosaid]

قرأت في احدى المجلات سؤال
لفت نظري وبشده ....

وتأملت لعلي اجد ردا مقنعا من ردود البعض الذين وجه لهم السؤال ولم اقتنع طبعا
ولا بأي رد ...


السؤال يقول

هل تقبلين أن يكون زوجك أصغر منكِ ؟؟


هل تقبل أن تكون زوجتك أكبر منكَ ؟؟؟


وانتوا بتحبوا بعض كتير

سؤالين وبطريقتان ولكنهما يؤديان الى نفس المعنى ...

وبما اننا في مجتمع شرقي ..تحكمه قوانين محددة خاصة في مسألة تحديد شريك الحياة ... وتفرض أحياناً التقاليد والأعراف شروط للاختيار بعضها يعتبر من المسلمات ويندرج بينها عمر الزوج الذي يجب أن يتجاوز عمر الزوجة ... إلا أن بعض حالات الزواج تمردت على هذه القاعدة بعضها لأسباب خاصة تحيط بظروف الإرتباط والبعض الآخر لقناعتهم بأن الفارق العمري لصالح أحد الأطراف لايشكل عائق أمام الزواج السعيد ...
لكن يبقى المجتمع العربي محتفظاً بنظرته لمثل هذه الزيجات ...

فهل تقبلين أن يكون زوجك أصغر منكِ؟؟؟؟؟...
وأنتَ هل تقبل أن تكون زوجتك أكبر منكَ ؟؟؟


وما هى الدوافع التى تجعلك تقبل او تقبلين ..........بهدا الزوج او الزوجه ؟؟


اتمنى انه موضوعي يكون عجبكم و رجاءا الرد بأسلوب مقنع..!!
ولاتحرموني من ردودكم


ولا تنسو ان السيده خديجه رضي الله عنها اكبر من الرسول صلى الله عليه وسلم بكتير !!!!

[الضوء الشارد]

أنا لأقبل زوجتى تبقى أكبر منى لكن ممكن تبقى أصغر منى لأن الست لو كانت أصغر منها هاحس باملل من حياتى معاها لما تكبر

[rose 2010]

هل تقبلين ان يكون زوجك اصغر منك؟؟؟؟ لا معتقدش لازم يكون اكبر منى بسنتين اوحتى بعشر سنين........تقبل مرورى

[i am]

بص انا لا اقبل ان زوجي يكون اصغر مني
و انت زكرت سيدنا محمد لي الله عليه وسلم و السيده خديجه رضي الله عنها بس دي حاله خاصه جدا و مش معني ان جوازهم كان ناجح ان الجوازات التانيه اللي بالشكل ده هتنجح
تقبل مروري و رايي

[Dr.taz l0gic]

الموضوع مش بالسن بالتفكير والنضج
وطبعا كلنا نعرف زواج سيدنا محمد - صلي الله عليه وسلم - بالسيدة خديجة ودا اروع مثال ممكن يكون في الموضوع ده
بس دي عادات وتقاليد واهية وانا شايف ان الموضوع عادي
كل التقدير والاحترام

[rose 2010]

اسفه نسيت اقول مقبلش ليه! ممكن علشان احنا فى مجتمع شرقى وغير اللى هيفضل يتقال بقى...خدها على ايه...دى حتى اكبر منه..والبقيه معروفه

[اوركيديا]

مش فاهمه فيها ايه
واحد تفكيرنا متقارب خلاص
اكبر منى اصغر منى قدى
مش فارقه

الغرب مش حيبقو احسن مننا فى الحته دى
مع اننا عندنا اروع مثال عن ان السن مش يفرق
مادام عارفين يفهمو بعض

و كمان الاخت اللى بتقول حاله خاصه
لا طبعا
ربنا ادالنا المثال ده عشان نقتدى بيها
يبقى كده كل حاجه الرسول (ص) عملها نقول عليها حاله خاصه

احنا اللى بنفذ غلط
و نقول اعراف و تقاليد

فى رعايه الله

[C A N D Y]

لا طبعا
لازم يكون فى فرق سن
اقل حاجة 5 سنين
او يوم ما يكون مفيش يبأى 3
و زى ما جبتو الرسول مثل
شوفو اى حد اتجوز واحدة اكبر منه
اكيد معظم الزيجات دى بتفشل
و ان كان بعد وقت طويل كان او قصير
الرسول عليه الصلاة و السلام كان اكمل الناس عقلا
يعنى مش هنقارنه بحد من دلوقتى
و بعدين دى واحدة بس من 9!!!
لما يبأى 8 اصغر و واحدة اكبر يبأى اكيد القاعدة الصح ان هى تبأى اصغر
و بعيدا عن شرق او غرب
و بعيدا عن كلام الناس اللى بيأخر..و عمرى ما مشيت وراه
الصح ان الزوجة تكون اصغر
و عمر ما اتنين فى نفس العمر هيكون تفكيرهم متقارب
فما بالك بواحدة اكبر من زوجها!!

[( لؤلؤة الإسلام )]

عادي ما فيش مانع لو الفرق مش كبير
بس الاهم ان التفكير يكون متقارب ..
انا اعرف ان البنت لازم تكون اصغر .. لأن تفكير الستات فمراحل معينة بينضج اسرع من الرجالة ..

[MBM-MaDo]

عجبنى اوى الموضوع...

انا من راى ان السن مش مهم طالما الزوجة مش اكبر بفرق كتيير...

المهم الفرق السنى بين التفكري ده و التفكير ده...

و كمان فيه عامل مهم اسمه الحب....

ده كان راى...

شناكل..

[maldeno]

طبعا لازم يكون الراجل اكبر
لانهم مش عايشين لوحدهم
مش حيخلصو من كلام الناس
احسنلهم يسافرو او يهاجرو

[king mo7amed]

عندي مش فارقه ومش عارف ليه بعض الاعضاء بيقولوا انها هتفشل
النجاح والفشل يقاس بالحب بس

[**تسابيح**]

لا مينفعش ان زوجي يكون اصغر مني
ممكن مش نقدر نتاقلم مع بعض
وكمان المراة بتكبر بسرعة
والرجل بيحتاج انها تكون ف نظرة
حلوة ع طول لما يكون اصغر اكيد
هيسبها ويتجوز غيرها
وكمان احنا عمرنا ما هنوصل
للرسول صلي الله عليه وسلم
هو لو حصل جواز زي دا مش هيبقي حرام
او حتي عيب بس ممكن احنا من الضغط
اللي هيكون حولنا هنبعد عن بعد
ميرسي ع الموضوع العثل دا

[باسم باشا]

لازم يكون في تفاهم بين الزوج وزوجتة ولاكن مش لازم يكون الزوج اكبر عشان يكون فيه تفاهم


والموضوع دا كان عادي قبل ما توصانا افكار الغرب المتخلفة ومش السن الى بيحدد في تفاهم او لا

النبي صلى الله عليه وسلم لما كان عنده 6 سنين وماتت امه راح لام ايمن وقالها انتي امي بعد امي

ولما كبر وتبنى زيد قبل الاسلام وكان ذيد يعتبر ابنه فزوج النبي صلى الله عليه وسلم ام ايمن لزيد

وتخيل الفرق بينهم




انا عادي ايوه اقبل الزواج الزواج من اي واحدة اكبر مني

[** MR.SmilE **]

ثانكس علي الموضوع
فكرته هايلة

الاهم يكون في تفاهم بين الاتنين بغض النظر مين الاكبر
بس برضو ميكونش الفرق جامد يعني سنة او اتنين مش هتفرق جامد