لكل الصيادلة في المنتدى

[هيهاتشي]

السلام عليكم ورحمة الله وبركاته
اهلا وسهلا بكل اخواتي اللي في كلية صيدلة او اللي لسة داخلين او حتى اللي مش في صيدلة برضه اهلا بيه.
انا يا جماعة طالبة في صيدلة القاهرة طالعة سنة تالتة ان شاء الله اللي عايز اي سؤال او استفسار يبعتلي انا برحب بيكو كلكم وربنا معاكم جميعا ان شاء الله.
سلام.

[pure_heart]

مبادرة حلوة منك يا هياتشى (ايه الاسم ده ؟!!!) ما علينا
انا بهزر طبعا
ممكن سؤال (هستغلك بقى)
ممكن تقوليلنا الفيزياء بتتكلم عن ايه؟
وهل فى كلمات معينة لازم احفظها من دلوقتى (بدل ملل الاجازة)؟
وممنونالك اوى
سلام يا جميل

[Dr.Nobel]

حلوة الفكرة
وحقيقي شكرا لحضرتك علي المبادرة دي

انا نبيل داخل اولي صيدلة القاهرة

كنت لسه امبارح في الكلية عشان اللي كانت اسرة شباب مصر عاملينه للطلاب الجداد

وان شاء الله لو احتجت اى حاجة هاسالك بس استحمليني بقي

بس هو انتى مشتركة في اسرة من الاسر؟؟؟؟

[Dr. akram]

اهلا بيكى يا هيهاتشى انا اخوكى الصغير لسة داخل اعدادى صيدلة عين شمس و يا ريت لو تعرفى حاجة عن الكلينيكل تقولى لنا لاننا هنا زهقنا من الجدال عليها فى المنتدى...

[* dr.sara*]

انا سارة رايحة اعدادى صيدلة عين شمس عايزة من حضرتك تقولى math سهل ولا ايه اصل فى ناس بتقول عامل زى رياضة 2 عايزة اعرف معلومات عن المادة دى معلش هتعبك

[Dr.emoo]

هياتشى اهلا بيكى فكرة كويسة جدا على انا بردة ريحة تالتة بان اللة اى حد محتاج اى سؤال انا ممكن اسعد بردو والرياضة يادكتر سارة مش وحشى يعنى فيها احصا وتفاضل وتكامل المشكلة فى التكامل علشان احنا مدرسنهوش خالص بس واللة كان اسهل فرع وعلى فكرة اول سنة سهلة اهم حاجة انك تعودوا على النظام معلش طولت عليكم تقبلوا مرورى

[* dr.sara*]

شكرا يا دكتور ع الاجابة
جزاك الله خيرا

[هيهاتشي]

اهلا بيكم يا جماعة والله انا مبسوطة بيكم كلكم وربنا معاكم جميعا ان شاء الله معلش انا مشغولة شوية وهارد على كل اسئلتكم بليل ان شاء الله انتظروني سلاااااااااااااام

[kingman260]

انا رايح اعدادي صيدلة الزقازيق عايز اعرف الفيزيا بتتكلم عن ايه هي والmath

[.الصيدلى.]

اهلا بكل الصيادلة
لمزيد من المعلومات عن صيدلة القاهرة

http://pharmacy.hightoxic.com/index.htm

شكرا لكم

[هيهاتشي]

معلش يا جماعة اسفة على التاخيروالله امبارح الموقع مكانش عايز يفتح وانا معاكم دلوقتي وهارد ان شاء الله على كل اسئلتكم.
ازيك يا pure heart ؟عاملة ايه ؟"انتي بنت صح"؟ باقولك انا الصراحة ماعرفش اي حاجة عن الفيزيا والله لاننا في جامعة القاهرة مش بناخدها انا اسفة فعلا كان نفسي افيدك .وماتقوليش كده مافيش استغلال ولا حاجة احنا اخوات واديني من اول سؤال ماعرفتش اجاوب ههههههههههههه يلا سلام.

[هيهاتشي]

اهلا وسهلا د/نبيل ومنورة الكلية ان شاء الله .وانا مستعدة لاي اسئلة ومافيش تعب ولا حاجة وزي ما قلتلكم احنا اخوات طبعا.
انا عن نفسي مش مشتركة في اي اسرة.وعايزة اقولك ما تتسرعش وتشترك في اي اسرة لاننا كلنا كنا فاكرين في الاول برضه ان الاسر دي حاجة حلوة بس استنى شوية لما تبدا الدراسة وتعرفهم صح ممكن تلاقي اسرة فعلا كويسة تنضم لها لكن مش بدري كده اتمنى اكون افدتك سلام.

[هيهاتشي]

اهلا وسهلا اخويا الصغير د/أكرم عامل ايه؟ربنا معاك ان شاء الله ومعاكم كلكم.انا معلوماتي عن الكلينكل برضه مش كتير بس كل اللي اعرفه ان طلبة الكلينكل بيكون عددهم قليل وبياخدواclinical pharmacy من اول سنة وطبعا بيدفعوا فلوس اكتر وبالتالي بيستفيدو اكترمنا.
اتمنى اكون افدتك وسلام.

[هيهاتشي]

ازيك يا د/سارة عاملة ايه؟انا سعيدة بيكي والله وشكرا د/ايمو على الرد عني الله يكرمك.وفعلا الاجابة زي ما قلتي بالضبط هو الmath تفاضل وتكامل وبحتة وتطبيقات .ده اللي كان عندنا في القاهرة.بس الصراحة الدكاترة عندنا مكانوش بيشرحوا كويس وكنا بنذاكر من ورق دروس .مش من اول السنة طبعاااااااااا بس الحمد لله نجحنا وربنا معاكو جميعا ان شاء الله.

[هيهاتشي]

اهلا وسهلا يا دكتور كينج مان اظن اننا جاوبنا على اسئلتك عن الرياضة ووالله انا اسفة بالنسبة لموضوع الفيزياء عشان انا مش عارفة افيدكم بس لو في حد في المنتدى من كلية صيدلة فيها اعدادي ممكن يفيدكم .ربنا معاكم ويوفقكم وما تخافوش عموما ماحدش منا كان داخل عارف حاجة عن اي حاجة والحمد لله بس الترم الاول هو اللي بيكون صعب عشان تتعرفوا على النظام والباقي ربنا بيسهلها.
يلا السلام عليكم.