بالله عليكم ردوا عليا ضروري اوي ...

[دكتورة جوجوو]

بسم الله الرحمن الرحيم
انا بحمد ربنا اني عرفت اوصل لتجمع للصيادلة عشان بجد كنت هتشل محدش عارف يجاوبني ع الاسئلة دي بالتفصيل مع ان اخواتي الاتنين صيادلة
انا خلصت ٣ ثانوي يعني ان شاء الله انا داخلة اولى صيدلة جامعة عين شمس ...
وفي كذا حاجة مضايقاني بصراحة ..
انا من وانا ف اولى ابتدائي وانا بعشق العلوم جدا اكتر من اى مادة وخصوصا الاحياء ولما دخلت ثانوي بردو كنت بعشقها فانا بجد بحب الاحياء دي جدااااا اكتر مادة وطول عمري بحب دراستها وبحب اعرف معلوماتها وانا اصلا بحب ادرس جسم الانسان بالتفصيل وكل صغيرة وكبيرة بالتفصيل واعرف وظائفه وبستمتع بدا جدا ويمكن غريبة ان بنت تحب دا بس انا نفسي ادرس تشريح عشان اشوف جسم الانسان من جوه مع اني بقرف من الدم بس بحب اشوف جسم الانسان ..
جبت مجموع السنة دي يدخلني صيدلة وعمري مافكرت فيها الصراحة من وانا صغيرة عاوزة علاج طبيعي بس السنة دي بدات افكر ف طب بشري بس المجموع مخلانيش الحقه ...
لما جيت افكر كويس لقيت ان صيدلة كويسة اوي كشغل ومستقبل بس انا مبحبش الكيميا بحب الاحياء ودراسة الاعراض والتشخيص واعالج الناس واكشف والحاجات بتاعة طب مبحبش شغلي يكون ف كيميا وادوية ودي اكتر حاجة قاهراني رغم اني عمري مافكرت ف طب وطول عمري بقول صعبة جدا بس انا حباها ...
قلت ادخل علاج طبيعي هى اه نفس دراسة طب بشري بس ف الاخر هبقى كاني مدربة ف جيم سمنة ونحافو وليزر وشفط دهون وتدليك حاجات انا مش حبة انها تكون مجال شغلي ...
فدلوقتي معلش استحملوني لان الموضوع دا معذبني وخايفة دخولي صيدلة وانا مش حباها يخليني افشل فيها
وف نفس الوقت كتير اوي بيقولوا علينا بياعين وبصراحة بضايق ان طب بشري بردو بيدرسوا ادوية ويقدروا يشتغلوا ف شركات وصيدليات كدا مالناش ميزات
معلش جاوبوني ع كل الحاجات دي بس بالتفصيل ابوس ايديكم بالتفصيل وكل كل حاجة معلش استحملوني ...
.. صيدلة مجالات شغلها ايه بالظبط اللي بيميزها عن غيرها ومحدش يقدر يعمله ؟
.. انا بحب الاحياء ونفسي اشتغل ف مستشفيات وعمليات وعيادات وكدا واعالج الناس ازاى اقدر اعمل كل دا من خلال صيدلة حتى لو هحضر بعد التخرج باذن الله ؟
.. لما حد يقوللي بياعة ارد ازاى وازاى اشيل الفكرة دي من دماغي ؟
.. فعلا اندم ان انا مدخلتش طب انا عارفة ان دا نصيب بس عاوزة اعرف فعلا طب رخمة وكدا ولا كله كلام ؟
.. قسم كلينيكال دا ايه فايدته ومجال شغله ومميزاته وكل حاجة عنه ؟
.. هحضر حاجة بعد التخرج ولا مفيش مذاكرة زى طب بعد التخرج ؟
.. علاج طبيعي احسن ولا صيدلة وليه ؟
.. ممكن اشتغل ف مستشفى او عيادة واعالج مرضى زى الطبيب البشري ولا لا ؟
.. الصيدلة كل دراستها فعلا كيمياء وادوية بس ومفيش تشريح ولا احياء ودراسة جسم انسان خالص ؟
.. ايه اقسام كلية الصيدلة وايه هو القسم اللي يشبع هواياتي ورغباتي دي ؟
.. ايه المواد اللي بتتاخد ف صيدلة ؟
.. هل فعلا صيدلة اصعب كلية ف المجال الطبي ؟
.. الصيدلي بيتميز بايه عن الطبيب البشري اللي يقدر يشتغل ف صيدلية وشركة ادوية بردو ؟


انا عارفة ان اسئلتي كتير بس بالله عليكم استحملوا اختكم وجاوبوني بالتفصيل انا فعلا محتاجة حد يجاوبني وما صدقت لقيتكم لان طوايا حيرة وندم وزعل اني ملحقتش طب بشري واني مش هدرس احياء وجسم انسان وكدا .
ربنا يخليكم يارب وجزاكم الله خير مقدما
اختكم : دكتورة هاجر :*
في امان الله ...

[سلمة بن الأكوع]

السلام عليكم ..
انا لسه داخل صيدلة tفمش هقدر افيد حضرتك
في ناس في الجروب تقدر تفيد حضرتك وهتلاقي الرد اسرع

https://www.facebook.com/groups/1464538187201817/

[optimistic girl]

انا داخله برده اولي صيدله عين شمس
انتي دخلتي الجروب الرسمي بتاع الدفعه بتاعتناا ؟؟
ولو مدخلتيهوش ادخلي هناك اجوبه لكل الاسئله دي

في واحده ع الجروب اسمها (بططسايه مقليه)
بتحط نفس اسئلتك دي هو دي انتي ولا ايه

[tark12]

اشكرى ربنا انك لحقت صيدلة بدلا من حالة التزمر اللى انت عايشا فيها
و انا شايف ان صيدلة انسب للبنت
و ممكن ان شاء الله بعد التخرج تعملى دبلومة فى الكيماء الحيوى او التحليلية او الميكرو بيلوجى و يصرح لك ( بمزاوله التحاليل الطبية )


انا لست صيدلى ولكن اندهشت من حاله التزمر هذه

[دكتورة جوجوو]

المشاركة الأصلية كتبت بواسطة optimistic girl

انا داخله برده اولي صيدله عين شمس
انتي دخلتي الجروب الرسمي بتاع الدفعه بتاعتناا ؟؟
ولو مدخلتيهوش ادخلي هناك اجوبه لكل الاسئله دي

في واحده ع الجروب اسمها (بططسايه مقليه)
بتحط نفس اسئلتك دي هو دي انتي ولا ايه

ههههههههههههههههه اه ايوة انا بطاطساية مقلية دي مانا بدخل اسال ف كل حتة
ربنا يسهل بقى ...

[دكتورة جوجوو]

المشاركة الأصلية كتبت بواسطة tark12

اشكرى ربنا انك لحقت صيدلة بدلا من حالة التزمر اللى انت عايشا فيها
و انا شايف ان صيدلة انسب للبنت
و ممكن ان شاء الله بعد التخرج تعملى دبلومة فى الكيماء الحيوى او التحليلية او الميكرو بيلوجى و يصرح لك ( بمزاوله التحاليل الطبية )


انا لست صيدلى ولكن اندهشت من حاله التزمر هذه

والله ماتزمر ولاحاجة والله انا بحمد ربنا انس لحقتهاووكتير بيتمنوها ومش لحقوها ...
بس الموضوع عندي طموح وحاجة حباها كل واحد المفروض يشتغل ف اللي بيحبه مش لمجرد ان الكلية نضيفة وسمعتهاةكويسة ممكن افشل فيها لو مش حباها ...

[optimistic girl]

المشاركة الأصلية كتبت بواسطة دكتورة جوجوو

ههههههههههههههههه اه ايوة انا بطاطساية مقلية دي مانا بدخل اسال ف كل حتة
ربنا يسهل بقى ...

هههههههه تخميني طلع صح
يااااه الدنيا صغيره اوووي

ياارب ربنا يسهلها معانا كلنا