|
||||||
| كليات المجموعة العلمية (الطب البشري - طب الأسنان - الطب البيطري - العلوم الطبية التطبيقية - العلاج الطبيعي - الصيدلة - التمريض - العلوم - الزراعة) |
 |
|
|
أدوات الموضوع | انواع عرض الموضوع |
|
#1
04-08-2015, 01:50 PM
|
||||
|
||||
احاديث و أسمار لطلاب الثانوي الشطار
بسم الله الرحمن الرحيم بداية الكلام انا موضوعي دة موضوع مختلف .. يعني مش ماشي مع اتجاه القسم نوع من السباحة عكس التيار .. بالتالي فالموضوع دة مش لكل الناس دة لناس معينة اللي هيتقبلوه .. موضوعي لولاد و بنات برنسات ليهم دماغ مستقلة و مازالوا محتفظين بقدرتهم على التفكير..موضوعي للموهوبين .. نفس فكرة السياسة في الوقت الحالي لو انت مع اتجاه هتبقى من جواك مستغرب جدا اللي على الناحية التانية ازاي شايف اللي انا بقوله ده غلط انت هتفكر كدة و انت بتقرا و انا بفكر كدة و انا بتخيلك و انت بتقرا و معترض .. بالتالي لو انت مش ناقص و شايف ان الكلام في مبدأ الطب دة مفيهوش تفاهم و ان دة الاساس و عايز تسمع كلام في صميم الدراسة بعيدا عن مرحلة الاختيار او كلمتين حلوين عن طب يطمنوك عن اختيارك اللي انت خدته او حد خدهولك ايا كان .. اقفل الموضوع ببساطة و خلاص هو في الاول و في الاخر رأي لا ادعي انه الصح المطلق و معنديش مشكلة ان المجموعة الصغيرة اللي في الكلية اللي لسة بتدخل ع المنتدى يكون عندهم رأي مخالف .. ممكن ميفهمش قصدي الا اتنين او تلاتة .. كدة يبقى خير و بركة و نعمة من ربنا .. لو قررت تقرا الموضوع للاخر اقراه عادي اعتقد مش هيبقى اول حاجة تقراها من النوع ده بس خلي بالك ان النية و انا بكتب لله و لينا و لخيرنا كلنا .و لانقاذ جواهر بيننا. و اعرف تماما ان دخولك طب او عدمه مش هيفرق معانا و هتفهم كدة و انت بتقرا الموضوع .. فخلي بالك ان انت قريت الموضوع بطريقة عشوائية انا معرفش مين هيقراه و لا فين في القاهرة في اسيوط في اسكندرية في السعودية و نازل مصر قريب .. معرفش انت قررت تقرا فمتنزلش للتعليقات و تقول كلام ممكن كمان شهرين بالظبط تحس انه كلام عيال و عايز تمسحه و مكسوف منه .. نبدأ : اولا انت كتبت طب في التنسيق ليه ؟ بجد اسال نفسك بص للسقف كدة و فكر .. عشان تعمل لنفسك اعتبار و تبقى دكتور فلان ؟ عشان في يوم ما تبقى غني ؟ عشان تبقى زي الدكتور اللي والدتك او اي حد قريبك بيروحله و بياخد 200 و 300 كشف ؟ و اياك تنكر ان حاجة زي دي جت على بالك .. اياك .. اياك .. عشان مفيش عروسة ترفضك ؟ طب نوع من رد الاعتبار لنفسك و عيلتك قدام حد ما ؟؟ عشان تبقى كويس قدام حد انت عايز ترتبط بيه ؟؟ الله اعلم فكر في النقط دي بهدوء و اتاكد .. كلامي للاتنين تلاتة اللى انا بكلمهم طب انت بتحب طب اوي و نفسك فيه من و انت صغير خالص خالص.. طيب هل انت تعرفه ؟  شفته فين قبل كدة ؟ قابلته اتعاملت معاه ؟؟ مش كمريض كطالب و طبيب ؟ اعتقد لا .. بس اديتله حب و تعلق بدون معرفة .. يعني انا لو قلتلك في فلانة مثلا "مرجانة " مرجانة دي كل الناس بيقولوا عليها ادب و اخلاق و جمال و و و .المشكلة ان الناس اللي بيقولوا عليها كدة برضه ميعرفوهاش بس سمعوا عنها. دة كفاية انك "تكتب عليها" حالا ؟؟ اسال نفسك ليه ناس كتير في طب و حتى طلاب اولى السنة اللي فاتت هتلاقيهم بيقولوا طب طلع عكس ما كنا متوقعين .. و الناس الكبيرة بيقولوا شوف كذا و كذا بلاش طب .. طب الناس دي بتقول كدة ليه ؟ غيرانين منك ؟ متآمرين عليك ؟ .. و هم في طب و ماشيين و هيتخرجوا او اتخرجوا و بقوا "دكاترة" ..لا بس تقريبا اتجوزوا مرجانة على كلام الناس. انا عايزك تفكر خارج الصندوق .. خليك برنس . فكر في نفسك الانسان اللي جواك دة انت مش رقم هتزود دكاترة عيلتك واحد او دكاترة مصر واحد انت انسان ليك قلب و مواهب و رغبة و ميل ... لقيته ؟ متعرفوش ؟ طب حاول تدور .. ملقيتوش ؟ كدة اسال نفسك هل انا واخد طب Backup ؟ خليك صريح مع نفسك طب الحل .. انت شوف انت ايه ؟ ابدعت في ايه قبل كدة و لو كملت فيه هتبقى صاروخ محدش يقدر يوقفه .. اعتقد صاروخ في مجال ما احسن من عربية تمارس الطب كدة و خلاص .. احنا محتاجين صواريخ .. احنا اولى بابداعك من غياهب الظلمات . و الغيب و لو كنت كان .. انقل اسطورتك للواقع .. طب مفيش و انا مش متميز في حاجة اوي بس نفسي في طب – و ده حال كثير من طلبة طب و الاطباء – يبقى اولا خلي النية صافية و لله بجد اشتغل على قلبك خرج الدنيا منه خليها لله و هي مهمة صعبة و ربنا يعينك .. ده محور كلامنا في حاجة انت ميالها ولا لا.. طب محتار و عايز تعرف طب او تختاره و انت عارفه .. طب خلي حد من زمايلك اللي في طب يمسك كتابه و يشرحلك منه شوية من كل ماده شوف مش هتقدر تستحمل ولا لا .. لا شوف انت شغوف بده ولا لا وقاعد متوتر و محتار . هههههههه انا فاكر في اول سكاشن اناتومي في الكلية كنت بسال نفسي ديما . هو انا مطالب بكل الكلام ده ؟ ازاي؟؟ و الاجابة كانت بالنعم .. و عادي و عدت و جبت امتياز في الاناتومي . طب تعال ننقل لموضوع تاني .. احنا بندخل الكلية ليه اصلا ؟ انت متخيل ان انت لسة 18 سنة .. ان شاء الله نتمنى تعيش اضعاف عمرك بصحة و عافية .. بس طول الفترة دي انت هتفضل مكلف بفريضة الوقت اللي احنا فيه و هي خدمة الاسلام .. غير كدة دي حياتك برضه هل انت عايز تكملها كطبيب ولا في حاجة تانية اكتر متعة ليك .. المشكلة ان احنا في مأزق اجتماعي رهيب و عنصرية و طبقية احنا اللي عملناهم احنا ربطنا الكليات بالتفوق .. بالتالي بقى كل طلاب كذا حلوين و كل طلاب كذا وحشين .. تخيل لو حقوق – مثلا – بيقعد فيها مجموع 99 مع 85 كله ليه هدف معين عمرك ما كنت هتقدر تبص لكلية انها قمة و تانية انها لا .. احنا بقى مستقبلنا مادة للتشاوف و الفشخرة في العصر المادي اللي احنا عايشينه .. اهم حاجة الناس تعظمني و اضمن رزقي .. سبحان الله .. ربنا هو الرزاق .. و المتفوق اينما كان هو القمة و ليس بكليته "القمة " . بص لو جيت تبص للمقاومة الفلسطينية هتلاقي منهم كتير اطباء مثال "الرنتيسي" رحمه الله اللي قاد حماس بعد الشيخ احمد ياسين و اغتيل رحمهما الله – خريج طب الاسكندرية بالمناسبة - . اللي عايز اقوله ان حماس لما يكون فيها قادة اطباء و السياسة و القراءة في موضوعهم حاجة جانبية بتخليهم مش مهرة سياسيا .. زي ما يكونوا بدل ما هم علماء طب يبقوا علماء سياسة و علم اجتماع و قيادة . ساعتها كانوا هيكونوا عايشين في شغفهم و مؤهلاتهم بتدعمهم و.. دي الفكرة و الله اعلم " انما تحتاج هذه القضية الى اناس يضحون بامكانياتهم و مستقبلهم في سبيل خدمة الانسانية و اداء رسالتهم المقدسة و يعرضون نفوسهم و معايشهم و حظوظهم من الدنيا للخطر و الضيياع و تجارتهم و حرفهم و مكاسبهم للتلف و الكساد .. يخيبون امال ابائهم و اصدقائهم فيهم حتى يقولوا للواحد منهم كما قال قوم صالح " قالوا يا صالح قد كنت فينا مرجوا قبل هذا" " اقتباس من كتاب احنا مش محتاجين كل العقول النضيفة دي كلها تبقى اطباء .. دي افة العالم العربي للاسف .. احنا عندنا اطباء كتير .. بس محتاجين ساسة مخلصين بدل ما كله بيفتي و خلاص, منظرين يرسموا الطريق اللي يتماشى مع متطلبات العصر , مؤرخين يكتبوا تاريخنا بدل ما اعداءنا هم اللي بيكتبوه ,علماء في العلوم و التكنولوجيا اللي هي سبب كبوتنا و انحدارنا و ذلنا على يد الغرب ,اجتماعيين ,ادباء يعيدوا للادب العربي رونقه و لك في كتاب "حكايات سيكوباتية " و الروايات اللي بتنزل اليومين دول خير مثال . في واحد زميلكم من اوائل الجمهورية اللي هو جتله علوم القاهرة و مقدم في جامعة زويل بصراحة انا قلبي كان بيرقص من الفرحة ان في حد برنس بالشكل ده .. و كنت مبسوط جدا من كلامه و دماغه و انا بقلب في صفحته على الفيس .. طب تعال نتكلم في اخر فكرة انا عايز اتكلم فيها و هي بتوع طب شايفين الدنيا ازاي .. هاخدك كام سنة لقدام لما تبقى طالب طب مخضرم .. اولا بالنسبة لمصر فالحال في المستشفيات يرثى له و في تعليم الطبيب تعليم يرثى له .. ادخل بس على صفحة عشان لو جه ميتفاجئش هتشوف حجات مش غريبة .. معظمنا عاوز يهرب و يسافر برة مصر – اللي كنا من كام سنة عايزين نعالج الفقرا ببلاش – عشان منبقاش مشاركين في لمنظومة اللي بتعذب المريض و بتهين ادميته بالطريقة دي . و بتهين الطبيب برضه شوف كام خبر انت قريته عن دكتور استقبال اتضرب بمطواه و لا اتضرب على دماغه بحديدة و مات بكسر في قاع الجمجمة عشان مرافقين المريض غضبانين! و بشهادة الاطباء موضوع انك تتشتم في الاستقبال دة حاجة طبيعية الدكاترة ولاد */#$%# اللي هنا .. عادي جدا. و ده سببه الاعلام اللي بيصور الطبيب انه جشع و مهمل . ربنا يكون في عوننا بجد و ربنا يكون في عون المريض الغلبان . لما تروح الكلية هتلاقي "منهم" عدد كبير بيفكر يعمل معادلة امريكية عشان يسافر امريكا .. اولها اساعد الفقرا و اخرها اروح امريكا عشان احترام ادميتي و ادمية المرضى ..و هتلاقي كتير بيتعلم الماني عشان يسافر المانيا بعد الكلية .. و هتلاقي ناس قاعدة بتذاكر اوي و تحقد على بعضها عشان يتعينوا في الجامعة و يكتبوا ع العيادة استاذ فلان ..و اللي طالع دلوقتي ان دكاترة الجامعة بيسيبوها و يسافروا عشان يتعلموا احسن!..و ناس هتخلص و تروح تجيب فلوس من الخليج يعيش و يا عالم يرجع مصر ولا يفضل هناك طول عمره .. محدش يسمع عنه حتي في طبق اليوم .. صفوة عقولنا قلتلي انت داخل طب ليه ؟؟؟!!! انا خلصت كلامي .. انا عملت مقدمة طويلة في الاول عشان اللحظة دي .. لو سمحت انت قريت الكلام عجبك و بدات تفكر في نفسك بعيدا عن اي مؤثر خارجي تمام .. الكلام مش عاجبك عادي طبعا و انا مسلم بكدة من الاول لكن بالله عليك بلاش تقولي كلام يخليني قاعد اقول في نفسي "بتوع ثانوي دول عيال و انا غلطان اني تعبت نفسي معاهم " لاني مجرب قبل كدة .. انا عندي حجات اهم افكر فيها ..انا مرحب بأي كلام و اي نقاش من اي حد .. لكن بعتذر لو مرديتش على كل الكلام انا هختار الكلام اللي ارد عليه . و انا مش عايز ردود قد ما انا عايز ناس تبعتلي ع الخاص انها بدات تفكر بجد و تاخد قرارها على علم و بينة سواء ناحية طب او في اي اتجاه . ENJOY YOUR HOLIDAY  
|
|
#2
04-08-2015, 06:44 PM
|
||||
|
||||
مش أقولك غير كلمة واحدة
أحسنت وأبدعت وفى الأخر هيدخلوا ويبقوا زيينا ويعملوا نفس للى بنعمله معاهم لازم دورة الحياة تكتمل السبب الرئيسى لدخول الطلاب الكلية (المحروقة) هو الخوف من المجهول كلهم فاكرين أن دخول الكلية بوليسية تأمين ضد المستقبل المظلم وأنه بكدة هيبقى غنى وصحته كويسة ووووو احنا بنصرف على الدراسة ما يوازى شبكة عروسة والصحة (واحد صحبى كان من اوائل الثانوية .....دخل الكلية وجاله السكر ايه رايك ؟) بس صراحة انت أبدعت فعلا ومش هقدر أقول كلمة زيادة مرة أخرى أحسنت وأبدعت وبالمناسبة أنا من الطلبة للذين غرر بهم (اتعب دلوقتى ترتاح بعدين ) ربنا يسامح للى فى بالى
__________________
|
|
#4
05-08-2015, 12:02 PM
|
||||
|
||||
|
اقتباس:
احنا غرر بينا حضرتك بمعنى أخر اتضحك علينا بأسباب كتيرة (اتعب دلوقتى ترتاح بعدين _أسطورة ال5عين_هأجيبلك عريبة (بس هما حجابوهالى )-هجيبلك موبايبل ) مرة أخرى احنا غرر بينا (بضم الغين )
__________________
|
|
#5
05-08-2015, 01:52 PM
|
||||
|
||||
|
اقتباس:
انا عارف ان فعلا ده هيحصل بس احنا علينا اننا ننبه الناس و ننصح .. في اكتر من 100 مشاهدة دلوقتي للموضوع يا عالم هيبقى فيهم ال2 او 3 اللي نفسنا انهم يفكروا باستقلالية شوية ولا لا ؟ الله اعلم بس الافكار المختلفة لا بد ان اصحابها يصروا عليها و مييئسوش ... مرة تانية بشكرك .. و معلش بقى مش انت لوحدك
|
|
#6
05-08-2015, 02:11 PM
|
||||
|
||||
|
اقتباس:
اما لو سؤال استفهامي فاحنا دخلنا طب زي ما د احمد قال نوع من الخوف من المجهول وقتها .. كنا راسمين لكلية طب صورة معينة في دماغنا بس مجرد خيال مفيش حاجة تأكدلنا عليه و بنقول يا رب "تطلع " حلوة .. من الاخر يا دكتورة كتبنا طب لنفس السبب اللي يخلي طالب يكتب طب في التنسيق اول رغبة و بعدها يدخل يقول يا جماعة طب و لا صيدلة ولا اسنان ولا ولا ولا.. حضرتك عايزة تقنعيني ان الطالب ده عارف يعني ايه طب؟ هو بس داخلها كدة و خلاص عشان سبب من اللي قلتهم في الموضوع بصي يا دكتورة و انا طالب مخلص ثانوي بعد ما كنت منغلق على نفسي و بحلم بانجاز و مش بفكر في حاجة .. غير خالص ما اكون قعدت في الكلية 3 سنين و شفت الوضع و اتعاملت مع كل السنين .. و عرفت الوضع في الكلية عامل ازاي .. و قبل ما اكون قريت اي كتاب غير بعد ما اكون قريت عشرات الكتب في مجالات مختلفة .. الفكرة انا دماغي كبرت دلوقتي عن ايام ما كنت مخلص ثانوي و بتكلم على مستوى تاني .. ممكن يا دكتورة يكون والدك او والدتك دكاترة و تكوني عارفة الوضع كامل عامل ازاي و قررتي تدخلي طب ده كويس و انا ما انكرتش كدة على حد في الموضوع .. انا ما ذكرتش الكلية بكلمة وحشة بس قلت الوضع في مصر اللي لا يختلف عليه اتنين.. كان ممكن اميع الكلام و بين كل فقرة و التانية اقول بس انت ممكن تبقى طبيب بالفطرة و ممكن تنبسط و ممكن طب تبقى احلى ما انت متخيل .. بس ده كان هيبقى من وجهة نظري غش لان ده لو انطبق على عدد فالعدد الاكبر من الطلبة مش هينطبق عليه الكلام ده.. حضرتك عارفة جو ايام التمانينات و الفقر و الراجل الكادح الفقير عايز ابنه يطلع دكتور عشان يفرح ببيه و يتباهي .. و دلوقتي تلاقي الناس اللي عندها "العقدة " دي تجيله حفيده لسة مولوده يقعد يقول دكتورة فلانة حفيدتي ... هري و كلام فارغ و وقت ما هو بيقول كدة في اب و ام في الغرب بيتابعوا ابنهم بيحب ايه و بيايدوه و يساعدوه عشان يتميز في حاجة هو بيحبها مش فكرة الاجبار اللي عندنا لازم ابني يبقى دكتور . ابن فلان مش احسن منك ... دي فكرتي و .. حضرتك بتقولي دخلتوها ليه .. كان المفروض حضرتك تسالي مسبتوهاش ليه .. و ساعتها كنت هرد على حضرتك مين قال اننا ما حاولناش ؟ بس دي حاجة شخصية مش فرض عليا اني اقولها بس الفكرة ان في ناس بتحاول تلاقي مخرج لحاجة اكتر فايدة من دكتور زيادة شغال في مستوصف في السعودية او في قرية في المانيا . دة كلامي .. ممكن و الله اعلم يكون مش مناسب لحضرتك .. زي ما هو مش مناسب ل 99 % من الناس اللي هنا .. بس هي فكرة لازم تتنقل من واحد لواحد و تنتشر و تبقى ثقافة عامة في المجتمع . و ربنا يوفقك و تبقى طبيبة متميزة دة مش وحش ده مفيد بس انا عايز ناس يبنوا حضارة و مجتمع متحضر و مثقف يقل فيه المرض .. اما لو كل العقول بقت اطباء هنفضل نعالج بس .. الطب مبيبنيش حضارة .. بيحمي ناسها بس .
|
|
#7
05-08-2015, 02:22 PM
|
|||
|
|||
|
على فكرة كلام حضرتك صح جدا وانا من الناس اللى داخلينها عشان جبت مجموعها بس برجع اقول لو ربنا مكانش عايزنى فى المكان ده مكانش خلانى اجيب مجموعها وكان دخلنى صيدلة او اسنان
وانا كنت بفكر فى اسنان جدا بس عشان اسهل طب ..معتقدش ان ده سبب مقنع انا خدت القرار وخايفة منه عشان مش عايزة ادخلها وافشل فيها وده ممكن يبقى دافع ليا عشان اذاكر جامد الخلاصة ... كلام حضرتك صح بس مش هيقدر يمنع واحد جاب مجموع طب انه مدخلهاش حتى لو مكانش بفكر فيها زى كدة
__________________
لا تلعن الظلام فخير لك ان تضئ شمعة
|
|
#8
05-08-2015, 02:23 PM
|
|||
|
|||
|
اقتباس:
__________________
لا تلعن الظلام فخير لك ان تضئ شمعة
|
|
#9
05-08-2015, 02:44 PM
|
||||
|
||||
|
تمام يا دكتورة
ملحوظة صغيرة على كلامك .. لو مكانش ربنا عايزني هنا مكانش خلاني اجيب مجموعها دي اسمها في الفلسفة "عقيدة الجبر" الجبرية ان الواحد يحكم و يسلم ان ربنا عايز كدة و خلاص .. دة اللي معاوية ابن ابي سفيان عمله في الفتنة مع على بن ابي طالب و كانت النتيجة بداية الاستبداد و تحول الخلافة الراشدة ل "مملكة جبرية " ربنا امرنا بالسعي و المجاهدة .. و الانسان دايما حر و دة سر اننا بناخد ثواب من ربنا او بنستحق ذنب .. و عموما ربنا يعينك .. بس انا بتكلم على الصالح العام مش صالح الفرد .. كويس اني اتخرج و ابقى موظف سامي بدرجة طبيب بيقبض كتير .. بس هيبقى في نقص في المجالات التانية .. المشكلة ان دكتور الجامعة في علوم و سياسة و اقتصاد و دار العلوم كتير بيبقى داخل الكلية عشان مجموعه جابهاله .. فاحنا عايزين نكسر الدايرة دي .. و ربنا يوفقك يا دكتورة و ان شاء الله هنزل موضوع عن مشكلات الطالب في بداية الكلية و حلولها .
|
|
#10
05-08-2015, 02:59 PM
|
|||
|
|||
|
ياريت فعلا عشان انا حاسة انى هواجه مشاكل كتير ...
بس حضرتك دخلت الطب ليه ؟ عشان كنت حببها ولا عشان اهلك ولا المجموع مع انى مع حضرتك فى موضوع حببها دى عشان هو ولا شافها ولا عرف فيها ايه عشان يحبها وبنفس الطريقة لما اقول لاهلى دى صعبة وانا مش هاقدر عليها يقولولى عرفتى منين انها صعبة انتى شوفتيها ولا شوفتى دراسة اسنان اللى بتقولى عليها اسهل ؟ الموضوع محير ... بس انا فعلا بدور على حاجة ابقى ناجحة فيها وانا دلوقتى باقنع نفسى انى هانجح فى طب ربنا يستر
__________________
لا تلعن الظلام فخير لك ان تضئ شمعة
|
|
#11
05-08-2015, 03:17 PM
|
||||
|
||||
|
اقتباس:
لو الواحد بقى مفيش قدامه الا انه يدخل طب .. على الاقل يخلص النية لله و هيضطر يبطل يفكر في الموضوع . و يحتسب كل لحظة من ال7 سنين و كل تعب في الكلية انه لله فقط و للمرضى و المساكين "و مالكم لا تقاتلون في سبيل الله و المستضعفين من الرجال و الولدان الذين يقولون ربنا اخرجنا من هذه القرية الظالم اهلها و اجعل لنا من لدنك وليا و اجعل لنا من لدنك نصيرا" المستضعفين معطوفة على "الله" يعني في سبيل الله و في سبيل المستضعفين عشان خسارة السنين دي تروح في طلب الدنيا .. و ان الواحد يسيطر على نيته دي حاجة مش سهلة و محتاجة مجاهدة للنفس . ربنا يعينك ان شاء الله ... بس على الاقل نكون مقتنعين بان طريقة المجتمع في توجيه المتفوقين دة اكبر غلط و ساعات بحسها مؤامرة هههههههه .. حتى لو حد سالك النصيحة و انتي شايفاه احسن في حاجة تانية وجهيه للصح .. دة اقل حاجة نقدر نعملها ....
|
|
#13
05-08-2015, 06:23 PM
|
||||
|
||||
|
ياااااه فىه تفاعل فيه تفاعل
المهم :محدش يعتقد أن احنا بنمنعكم من دخول الكلية على العكس (ان شاء الله تولع انا مالى) على العكس احنا هنرحب بيكم بس بنبه الأول وبنقولكم على حقائق وضعنا فى مصر انا شخصيا حزمت أمورى وقررت بعد النخرج ابدا فى شهادة اجنبية لان الشهادات المصرية دى غير معترف بيها وكمان الوضع فى مصر لا يطاق انا بقول الناس فكروا قبل ما تندموا واقعدوا مع ناس أكبر منكم فى نفس المجالين (الطب والأسنان ) وبالذات البنات لأنكم صعب (من وجهة نظرى ) أنكم تقدروا تقدموا على شهادات اجنبية زيينا وطبعا الأهل أكيد هيرفضوا موضوع انك تسافرى الدول الأجنبية لوحدك وعموما لو دخلتوا أحب اقولكم أن مهما اتقالكم هتتفاجئوا برضه بس سر النجاح أنك متفضلش متفاجئ كتير وتبدا تتحرك ونصيحة تانية أوعى تاجلوا حاجة لأن الطب مبينفعش معاه فكرة (هلم فى الاخر زى الثانوي) الطب لازم تذاكر من اول يوم متنامش النهاردة الا لو مذاكر للى خدته وعموما بالتوفيق
__________________
|
|
#15
05-08-2015, 06:58 PM
|
||||
|
||||
|
اقتباس:
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 06:45 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
