محتارين اوي بين طب و اسنان

[محمد احمد على السيسى]

انا اختي جايبه 99.5 ف الثانويه و محتارين جدا بين طب و اسنان ......ناس كتييير نصحوا باسنان عشان خمس سنين و بيقولو طب صعب و المشوار طويل ....فارجو النصيحه

[mariam 1]

وانا نفس الحيرة 99.4 واهلى مصرين على طب بس انا شايفاها صعبة قوى وعايزة اسنان

[DrMostafa2015]

بصوا يا جماعة انا هسألكم سؤال واحد

انتو ليه عايزين طب و اسنان ؟ و بتاخدوا قراركم بناء على ايه

دة مستقبلكم يا جماعة مش واحد على منتدى هيحدده . حياتكم اللي هتعيشوها و فرصتكم انكم تعملوا حاجة تبقوا فيها متميزين و تبقوا زودتوا المسلمين خبرة و قامة و على ايد اي حد منكم ممكن تقوم نهضتنا ..

فكروا كويس انتو هتقابلوا ربنا بإيه ... و اثركم اللي هتسيبوه بعدكم ..

[ahmedfezo]

يووووووووه تااااانى

هنقول ونعيد ونزيد من الأول

بشرى لو بتحب بهدلة المذالكرة

أسنان لو بتحب بهدلة الشغل العملى



بشرى للذين لا يهمهم سنهم ولا أعمارهم (يعنى ممكن تتجوز على حاجة وتلاتين مثلا مثلا )

أسنان للى نفسه يخلص بدرى



بشرى للى مصمم على تخصص معين (لازم على فكرة )

أسنان للى مش فارقة معاه



أسنان للى مش فارقة معاه يصر ف فلوس كتير (فى تالتة ورابعة)

بشرى للى يفرق معاه


بشرى مش هتقدر تفتح عيادة الا بعد الماجستير (التخصص)

أسنان تانى يوم بعد التخرج تقدر تفتح عيادة


بشرى للى يحب يعيش جو النبطشيات والبهدلة فى المستشفى
أسنان مفيش نبطشيات

بشرى للى يفرق معاه المجموع والتقدير (علشان التخصص يا حلو)
أسنان للى ميهمهومش

وكلا الكليتين عايزين دخول عن حب و رغبة
مش مجرد علشان الفلوس أو تبقى مجدى يعقوب أو تبنى مستشفى خيرية أو استخسار مجموع أو أو أو

افتكروا ده كويس


نصيحة للى يحب البهدلة خش بشرى
مبتحبش ؟خش أسنان هتتبهدل برضه بس هتخلص مهنتك الدراسية بدرى (لأان بشرى 5 سنين دراسة وتدريب بعد الكلية للتخصص وبدونه كأنك ولا دخلت ولاعملت )

[chalijaly]

قولنا مليون مره اسنان لو عاوز ترتاح في الدراسه واللي بعد الدراسه
عايز بهدله في الدراسه وبعد الدراسه...خليك في طب