كتاب النصائح الذهبية لطلاب المرحلة الثانوية 2016

[Amr Zeid]

السلام عليكم ورحمة الله وبركاته
.
أخوكم في الله من دفعة عام 2014 ، وفقني الله إلى تجاوز هذه المرحلة على خير ، وحصلت بفضل الله وحده على مجموع يسمح لي بدخول الكلية التي تمنيتها وتمناها لي والديّ ،
وخلال هذا العام تعرفت على أشياء أحسب أن الله إنما عرفني إياها ﻷنقلها لكم ،
وكذلك عايشت تجارب فاشلة لبعض زملائي ، فرأيت أن أحذركم منها .


اعتمدت في هذا الكتاب على تجربة شخصية عشتها ، وتجارب آخرين سمعتها ومقالات قرأتها ،
وأخرى من بنات أفكاري ربما لو عاد بي الزمن لجربتها قبل أن أنقلها إليكم ، وربما أجربها في المرحلة الجامعية بإذن الله .
وأعتذر عن أي أخطاء لغوية أو معنوية ربما تقابلونها .
أسأل الله أن يكون هذا العمل خالصًا لوجهه ، وأسأله أن ينفعكم به ، وأن يوفقكم ويبلغكم ما تحبون .

من مقدمة الكتاب

===============
في هذا الكتاب :
* أشياء ينبغي أن تعلمها قبل دخولك في جو الثانوية العامة .
* كيف تصلح علاقتك مع ربك ، وكيف تدمج بين المذاكرة والعبادة .
* كيف تختار المدرّس ، وكيف تختار المجموعة التي تشاركك الدروس .
* كتاب المدرسة أم الملخّص ؟ وما نوعية الملخصات التي تقابلك خلال العام .
* كيف تجهز مكان المذاكرة ، وكيف تحضّر مكتبك .
* كيف تحصل على أفضل النتائج من القراءة ، الاستماع ، الكتابة ، المشاهدة ...
* تعلم مهارات بسيطة في تطبيقها ، عظيمة في نتائجها .

===============
هل هناك جديد في نسخة هذا العام ؟

قمت بمراجعة سريعة للكتاب قبل أن أعيد نشره هذا العام ،
لم أغير سوى بعض اﻷخطاء اللغوية التي صادفتني و أعدت صياغة بعض الكلمات لئلا تُفهم خطأً ..
في الواقع يمكنك أن تقول أنني لم أضف شيئًا جديدًا ؛ لذلك لم أغير حتى التاريخ المدون على الغلاف .
===============


أعتذر للغاية ، فقد كان يُفترض بهذا الكتاب - الصغير - أن يكون له جزءٌ ثانٍ يتناول المواضيع التي لم يتناولها الجزء الأول ،
ولكن بعد شروعي في كتابة الجزء الثاني ، تعرضت لظروف شاء الله أن تحول بيني وبين متابعة الكتابة فيه .

===============

أرجو من المشرف أن يقوم بحذف الموضوع القديم ، حاولت مراسلته لكن لم أستطع بسبب قلة عدد مشاركاتي عن الحد الأدنى .

[optimistic girl]

انا دفعه السنه اللي فاتت
لسه مخلصه امتحانات
وافتكر ان نزلت الكتاب ده
واسلوب حضرتك راائع جداا
جزاك الله خير

[Amr Zeid]

المشاركة الأصلية كتبت بواسطة optimistic girl

انا دفعه السنه اللي فاتت
لسه مخلصه امتحانات
وافتكر ان نزلت الكتاب ده
واسلوب حضرتك راائع جداا
جزاك الله خير

متشكر جدًا ، ربنا يوفقك

وجزاك خيرًا

[الـبشمهندز]

والله الثانويه العامه اصغر بكتيييير انها تحتاج نصـائح ..!!

[aalaaabdelhamed]

جزاك الله خيرا
هو ايه المذكرات اللي حضرتك كنت بتشتغل منها من البوابة

[الباحث عن الجديد]

جزاك الله خيرا

[Amr Zeid]

المشاركة الأصلية كتبت بواسطة الـبشمهندز

والله الثانويه العامه اصغر بكتيييير انها تحتاج نصـائح ..!!

دي وجهة نظر حضرتك ، فيه ناس تاني - زييّ - لما بتشوف التوتر و الاكتئاب والرعب ،
والمجهود المبذول ، و كمية الدروس ، والاهتمام اللي من كل الناس صغيرين وكبار بالثانوية العامة ؛
بتحس إنه ممكن شوية نصايح تفيد الناس اللي في المرحلة دي

وبعدين النصائح اللي ف الكتاب أغلبها نصايح عامة ، أنا مستفيد منها حتى الآن في الدراسة الجامعية .
- ولما نقابل ناس - زي حضرتك - مش بتدي الثانوية أكبر من حجمها ، لازم نحييهم .

المشاركة الأصلية كتبت بواسطة aalaaabdelhamed

جزاك الله خيرا
هو ايه المذكرات اللي حضرتك كنت بتشتغل منها من البوابة

ممكن تلاقي مذكرات جديدة لإني مش متابع المنتدى ، لكن المذكرات اللي أفادتني :
- المعمل في الكيمياء : ودي اعتمدت عليها اعتماد كلي ( بعد اعتمادي على ربنا طبعًا )
و مستخدمتش معاها أي مذكرات أو أي ملخصات تانية .
- العربي : تلخيص الأدب ، س و ج في القراءة والقصة لأستاذ عبد العزيز كويس .
وحاجات تانية صغيرة زي تجميعة بلاغة ، و التعبير .
كنت بستفيد من أغلب المذكرات ، ومكنتش بعتمد عليهم ، كان اعتمادي الأساسي - بعد الله - على الأضواء .
وطبعًا أقسام المراجعة فيها كنوز استفدت منها في كل الفروع

المشاركة الأصلية كتبت بواسطة الباحث عن الجديد

جزاك الله خيرا

وجزاك خيرًا وبارك فيك

[Mohamed Shawky99]

طب نصائح حضرتك ايه للطلبة اللي داخليين 2 ثانوي علمي ان شاء الله ؟!

[Amr Zeid]

المشاركة الأصلية كتبت بواسطة mohamed shawky99

طب نصائح حضرتك ايه للطلبة اللي داخليين 2 ثانوي علمي ان شاء الله ؟!

*لو محصلتش تغييرات في سنة تانية*

استمتع !
متخنقش نفسك من دلوقتي

لكن حاول تقوّي نفسك في المواد التراكمية علشان تسهل على نفسك في سنة تالتة ..
زي الإنجليزي والنحو والفرنساوي ( ناس كتير وأنا منهم شايفين الفرنساوي مادة سهلة مش محتاجة يعني بس زيادة اطمئنان ) وغيرهم بقى على حسب شعبتك .
لكن -بالنسبالي - شايف إن أهم حاجتين تركز عليهم الإنجليزي والنحو ، علشان بيبقى صعب تتمكن منهم ف تالتة لو مكانتش عندك خلفية كويسة .

متنساش تستمتع

[Amr Zeid]

للرفع ....

[H. Mohamed]

المرفقات تالفة
برجاء اعادة رفع الملف

[إسماعيل رمضان]

خايف أموت من غير ما اشوف
تغير الظروف.
تغير الوشوش..
وتغير الصنوف.
والمحدوفين ورا
متبسمين في أول الصفوف.
خايف أموت وتموت معايا الفكرة
لا ينتصر كل اللي حبيته..
ولا يتهزم كل اللى كنت أكره..
اتخيلوا الحسرة.

[Amr Zeid]

أعدت رفعه في المرفقات
وهذا رابط ميديافاير في حال تعطل رابط المرفقات مرة أخرى:

MediaFire

شكرًا على التنبيه

[H. Mohamed]

تسلم ربنا يجعله في ميزان حسناتك

[فن المذاكرة]

شكرا جدا على هذا الكتاب