امتحان الازهر 2015 لابس عمة

[البروفسير اسامة قمبرة]

امتحان الازهر لابس عمة

لقد ادهشنى كثيرا امتحان اللغة الفرنسية للثانوية الازهرية هذا العام ورايته وكانه لابس عمة بس قديمة شوية وهذه بعض الملاحظات عليه :
1- موضوع الوثيقة قديم جدا من 2002 اى عندما كان الطلاب الممتحنون فى سن ثلاث او اربع سنوات والواضح ان واضع الامتحان لم يجد اهم من هذا الموضوع ليضع عليه امتحان هذا العام
2- امتحان منقول بالنص من احد الكتب الخاصة بالثانوية العامة لدرجة ان واضعه لم يلتفت ان عدد نقاط السؤال 15 نقطة بينما درجات السؤال 12 فقط
3- الواضح ان واضع الامتحان يرتب جمل وكلمات الوثيقة كما يشاء ويضع الصفات فى المكان الذى يراه هو مثل une tres grande
4- سؤال التكملة وسؤال صح وخطا كلا منهم ياخذ 4 درجات وعدد النقاط 6 نقاط هى الطلبة ناقصة ياسيدى خف شوية كفاية تاريخ الوثيقة
5- وضع سؤالين على الاماكن مش فاهم ليه وفين علام تعبر او ثلاث جمل اختيارى زى ماكان
6- سؤال القواعد طويل وصعب على الطلبة جدا لانه شامل للمنهج كله يامولانا دا شغل عفى عليه الزمن من كتيييييييير اوى كل القواعد المقررة والغير مقررة حرام ولا حلال
7- سؤال الموضوع يعتبر اجبارى لان الموضوع الثانى فى منهج تانية ثانوى مش تالثة يامولانا
كل هذه الاسباب هى ما جعلتنى ارى الامتحان لابس عمة ومش بس كدة ديت عمة قديمة اوى
ونفسى قطاع المعاهد ينزل كل عام موصفات للامتحان يوضح فيه مستشار المادة النمط الذى لا يخرج عنه الامتحان كما يحدث فى الثانوية العامة ياجماعة رجاءا مش لازم نلبس الامتحانات عمم
واخيرا لقد احزننى جدا هذا الامتحان الذى لا ارى فيه اى مميزات على الاطلاق