|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
10-05-2015, 12:38 PM
|
|||
|
|||
اللهم هجرة بلا عودة
اللهم هجرة
من يومين وانا راجع م القاهرة في محطة المحلة مستني القطر ، فيه ولد جه وقعد معايا يسألني ع ميعاد القطر ومن لهجته عرفت انه مريض نفسي او عقلي مش عارف ؛ بدأت اتكلم معاه عرفت انه م الشرقيه وابوه وامه ماتوا من سنة واخواتوا البنات راحوا عاشوا مع خالتهم وطفشوا من مرضوا .. الولد دا بينام ف قطر السنطة لما بيخزن هناك ؛ المهم انا يومها اشترتله عسلية وفيه كلام كتير دار بينا لا داعي لذكره .... انهارده وانا رايح مصر بعد الفجر قابلني صدفة ف القطر قاعد ع الأرض مع ان كان فيه كراسي وهدومه اتفطعت وسنانه اتكسرت ومتعور جامد من وشه ودراعه وقاعد يضحك ضحكة بخوف واللي ف القطر كانوا بيتريقوا عليه .. انا رحت قعدت معاه سألته رايح مصر ليه ؟ قالي بتمشي ودي اول مرة يروح فيها مصر وسألته انت اتخانقت مع حد ؟ قالي آه الولد خلاني نايم وعورني ... سالته انت فاكرني ؟ قالي اه انت احمد بتاع طنطا !!!! لك الله ياوطن انا كاره البلد دي جدا :-$
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله . |
|
#2
10-05-2015, 01:58 PM
|
|||
|
|||
|
اقتباس:
انت كاره البلد منذ نعومة أظافرك لأنهم علموك أن الحكومة هى المسئولة توفرلك الخدمات والسكن والهم المم وانت تبعتر زى ما انت عايز ولو زعلت منها أو اختلفت معاها سياسيا يبقى من حقك تولع لها فى مؤسساتها وترجع إنت نفسك تقول الحكومة عاجزة وسايبه الناس مساكين انت كاره البلد لأنهم علموك أن الحكومة مسئولة توفر لك الحماية والاستقرار وكمان من حقك ينزل المسئول يمشى وراك بسلة زبالة ليجمع كل فضلاتك التى ترميها فى الشارع بلامبالاه بعيدا عن الدولة والحكومة والخلافة والذى منه دستورنا الكريم الصادر من رب العرش العظيم لم يذكر دولة ولاحكومة ولاحتى امبراطوريات مثل الى كانت تسيطر على الدنيا وقتها ولكن ذكرها بوصفها المجتمعى الروم والفرس وحث المسلمين على التكافل المجتمعى ---- فهل لك فيها دور باستثناء العسلية إياها ؟ فحضرتك جبت له عسلية وشكلها كانت غالية لدرجة أنك لم تنسى ذكرها فى الموضوع وحضرتى سمعت القصة منك وسأكتفى بالرد عليك وحضرات الركاب اللى حضروا الموكب لم يبخلوا عليه بالتريقة فماذا ربح المسكين من كراهيتك للبلد وأيضا الدعوة الموجهة للعامة الأن لكراهية البلد؟ ولم تذكر لنا وجهتك فى الهجرة لنبحث هل هناك يوجد مساكين أم لا لنطمئن على نفسيتك وعيشك هناك؟ حضراتنا كلنا فاهمين الحياة غلط ---- فمنا من يستسهل الأمر ويعلن كراهيته للبلد معتبرا نفسه الخضر رضى الله عنه ومنا من سيترنح بين صحة رأيى ورأيك ومنا من سيعترف ببصيرة ثاقبة وحكمة عالية أن البلد التى أعلن البعض كراهيته لها هى الأولى بأن تتبرأ من أمثال حضراتهم يادكتور فيه ناس فى عز البرد وفى عز الحر بتقدم أى شىء تقدر عليه لمساعدة المحتاج والمريض وللأسف لاينالوا من بعضنا سوى التريقة الموازية والمساوية تماما لتريقة البعض على الطفل المسكين اللهم اصلح ذات بيننا فهذا هو سر نجاتنا |
|
#3
10-05-2015, 07:48 PM
|
||||
|
||||
|
بادايق عليك يامحمد لما تنزل مشاركات تعبر عن سوء حالتك
ربنا يحفظك اهتم بدراستك واتمني اشوفلك مشاركات اسعد من دى معلش ياجدو محمد مش قصده شي
__________________
ان صمتي لا يعني جهلي بما يدور حولي |
|
#4
10-05-2015, 11:05 PM
|
|||
|
|||
|
اقتباس:
لأنهم علموني أن الحكومة هي المسئولة !! من وجهة نظر حضرتك من المسئول إن لم يكن من يستغل ضعف ناس للصغود علي اكتافهم ويستغل فقر ناس ويرميهم ف السجون بدواعي باطلة لمجرد انهم ملهمش ضهر زي ما بيقولو ؟؟ .. حضرتك بتتعامل النقيض والنقيض ؟؟ إذا لمت علي الحكومة في أمر ... تفهمه علي أن الحكومة لابد أن تكنس وتطبخ !!! فيه مطالبة بإننا نتعامل كبني آدم .. الثورة قامت عشان الحرية والعدالة الإجتماعية لا عشان السيسي ولا عشان الجيش ... أنا الحمد لله اديت للطفل فلوس بس محبتش أذكر إني اديتله ( مش شايف حد هيستفاد حاجة من كدا ) .. كل اللي كنت أقدر عليه وقتها ؟؟؟ أنا بإيدي أعمل ايه ؟ فين منظمات رعاية الأطفال ولا جمعيات الأورمان ؟؟؟ ولا حضرتك تعرف ايه بيحصل في الأحداث الحكومية ؟؟؟؟؟ وجهتي للهجرة ... أنا كنت مسافر ورايا امتحان لا للترفيه ولا لشأن أسرتي ... . البلد تتبرأ من أمثال حضراتهم ؟  أولا شكرا لحضرتك ع الجملة دي / ثانياً أنا لم يعد يهمني إن تبرأت مني أم لا ، وإن حادثتك ستقول " إيه اللي جابرك تقعد فيها " ... والرد " هات تمن التأشيرة " . لما تكون بلد رافضة تعترف بالإنسان وفيها العهر الفكري تحت مسمي حرية فكرية وفيها قمع من كل جهة وتطبل للرقاصات وترفض رجال العلم .. أحب أقعد فيها ليه ؟ حضرتك انا بعرض الموضوع لسببين أولهم : - إننا ندور ازاي نتعامل مع الخالات دي وكفاية تجاهل بقي . -- أعلن ضجري من المجتمع (( شكرا لمرور حضرتك ))
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله . |
|
#5
10-05-2015, 11:07 PM
|
|||
|
|||
|
اقتباس:
بس مكنتش أقدر أعدي الموقف دا من غير ما أعلق عليه ... شكرا لمرور حضرتك
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله . |
|
#6
10-05-2015, 11:08 PM
|
|||
|
|||
|
اقتباس:
وأنا لم أوجه كلامى لشخصه ولكن وجهت الكلام لكلنا فعلا كلنا فاهم الحياة غلط من التعليم من البيت من الإعلام من البيئة المحيطة من كل مكان لسه من ساعة بتفرج على بنطلون قطن وربنا قطن محلاوى أبا عن جد فلما لقيت التمن مفزع فقلت للشاب اللى واقف فى المحل انت متأكد إن هذه الأتمان للمصريين ؟ فبدلا من أن يفكر فى الهدف من السؤال ويتضامن معى لأنه من فئتى الغلابة والدليل أنه يعمل بمرتب هزيل عند المليونير صاحب المحل استلمنى هو وزميلتاه تريقه والأغرب أننى شاركتهم التريقةوعليت نغمتها لدرجة أننا وصلنا لضحك هستيرى إيه الفرق بقى بين تريقة الركاب الغلابة على الطفل المسكين وتريقة الشباب العاملين بالمحل على العبد لله الذى وجد تمن البنطلون يعادل ثلث مرتبه بعد ربع قرن عمل هو ربنا سبحانه وتعالى مش وضع شرط أساسى للتغيير ؟ طب والنبى كل جبهة التغيير والفرق المسانده لها اللى هدوا البلد كانوا عارفينه أصلا أو عملوا عليه ؟ مش بقول لك الغلط راكبنا من ساسنا لراسنا لكن من قلة حيلتنا بنرميه ع البلد والبلد أصلا طهقت من سيرتنا ومن ريحتنا اللهم اصلح ذات بيننا فهذا هو سر نجاتنا شكرا جزيلا |
|
#7
10-05-2015, 11:18 PM
|
|||
|
|||
|
اقتباس:
أرد عليك السيسى اختيار شعب ولذا فأنت ضاجر للمجتمع هذا الشعب الجيش أمن بلد ولذا فأنت كاره للبلد ومالطفل المسكين سوى سلمه أيضا لحضرتك لتصل بسحق كتفيه لتصل لفكرتك المريبة هو ناقص يادكتور --- سيب الغلابة فى حالهم واذهبوا لمباراتكم السياسية بعيدا عنهم من لايرحم لايرحم كفاكم متاجرة |
|
#8
10-05-2015, 11:37 PM
|
|||
|
|||
|
اقتباس:
انا لما بهين البلد أقصد إيه ( أكيد الفئة الظاهرة الفئة المسيطرة فيها ) مش ههين شعب مش لاقي ياكل ولا ههين وطن وأرض اتربيت عليها ... مصر بقيت ايه غير جيش وشرطة وناس مش عارفة حاجة في اي حاجة وبيطبلوا للسيسي عشان هيزود المرتبات والعاصمة الجديدة ومش عارف ايه ,..؟؟؟ انا كمواطن استفادت ايه !!
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله . |
|
#9
10-05-2015, 11:43 PM
|
|||
|
|||
|
اقتباس:
الطفل المسكين سلمة ليا ؟ انت ليه حضرتك حكمت عليا بالمنظور دا ، انا لا أتقاضي أجرا ولا أنشر في جريدة ولا أتكلم سوي مع أصحابي .. ما المتاجرة في هذا ،، أنا أشارك معاناة شخص مع نفسي ومع من يجاورني ؟؟ .. ممكن .. ( إن بعض الظن إثم ) مباراة سياسية ؟؟؟ أنا لمت حال الدولة بوجه عام وقلت لك الله ياوطن ؟؟ ولم أتحدث عن فئة سياسية خاصة لا سيسي ولا إخوان ولا حزب الكنبة حتي .. أنا اتكلمت عموما ... فين المبارات السياسية ف كدا ؟ معلش بس .. حضرتك كنت عاوز التعبير عن الموضوع دا يبقي بأي شكل عشان تحترمه ؟ ولا أسكت عشان ميتقالش عليا كذا وكذا ؟؟
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله . |
|
#10
11-05-2015, 12:01 AM
|
|||
|
|||
|
اقتباس:
كنت على أمل حوار من بدايته لنهايته ولكن يبدو أنه صار عمله نادره فى بوابة الثانوية شكرا وممكن تطلب من المشرف حذف كل مشاركاتى من موضوعك وهذا من حقك مش عايز أزعل حد وخاصة بلدياتى شكرا جزيلا وجزاك الله خيرا |
|
#11
11-05-2015, 12:07 AM
|
|||
|
|||
|
اقتباس:
لكن شكرا ع إبداء الرأي شكرا لمرورك
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله . |
|
#12
11-05-2015, 12:14 AM
|
||||
|
||||
|
ده مجرد سوء تفاهم يامحمد
الاقسام دى ملعبنا اليومين دول ومش بنشوفك غير بالصدفه هنا لا انت مع هؤلاء ولا هؤلاء عشان كده الرد كان ف المطلق لان اي حد هايتصفح الموضوع مش هايقول مجرد فضفضه او تعاطف مع الموقف زوار الاقسام دى نواياهم معروفه مش حاجه تزعل ياجدو دى مجرد حماسة شباب
__________________
ان صمتي لا يعني جهلي بما يدور حولي |
|
#13
11-05-2015, 12:17 AM
|
|||
|
|||
|
اقتباس:
أنا أتقبل الرأي و الرأي الآخر بشرط احترام رأيي وأخده موضع الجد وعدم ظن السوء بنيتي . شكرا للمشاركة
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله . |
|
#14
11-05-2015, 12:23 AM
|
||||
|
||||
|
ع فكرة جدو عبدة الراجل المثقف اللي فينا
واشرف كمان صاحب ردود تصيب الهدف رغم انف الجميع وانا المتطفل ع القسم للمتابعه واحيانا التريقه يمكن موقفك يتغير بعدين لما يزول سوء التفاهم شرفتنا ف القسم المشاغبين☺يادكتر
__________________
ان صمتي لا يعني جهلي بما يدور حولي |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 08:15 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
