شكر كبير و نصيحه اكبر + صورة ورقة الامتحان 2014

[صبري صابر]

اولا نشكر السادة الافاضل واضعى امتحان الفيزياء لان الامتحان يستحق اكثر من رائع حيث يشتمل اسئلة بسيطه واخرى تميز بين الطلاب مثل اسئلة الاختيارى النقاط 3 و 4 الى جانب مسالة المقاومات السؤال الثالث ج و مسالة الدينامو السؤال الرابع ج دون ان ترتقى باى حال من الاحوال الى درجه الصعوبة او التعقيد .
ثانيا - انصح الاخوة المدرسين من باب ذكر فان الذكرى تنفع المؤمنين : بعضكم يقول مالا يفعل حيث نجد البعض طوال العام يقوم باعطاء مسائل وافكار تعجيزية ومعقدة ثم يناقد نفسه بعد الامتحان ويقول ان الامتحان سهل ممتنع اقول لهؤلاء حرام عليكم للاسباب الاتيه
1 - الاولى : - اعطاء مسائل وافكار تعجيزية ومعقدة ليس لصالح الطالب بل حتى يقال انكم فقط من تستطيعون فعل ذلك بل الكل يعلم تلك الافكار و المسائل لكن يراعى ضميره وليس مصلحته مثلكم
2 - الثانيه : - التناقض الكبير حيث انكم اول من تقولوا ان الامتحان كان سهل ممتنع و هو ليس كذالك بل هو ممتاز جدا وبه افكار ممتازه مثلما ذكرت فى مقدمة الكلام - اعلموا ان ذالك ادانة لكم انتم فكيف انك تعلم ان الامتحان سهل ممتنع و انت طوال العام اعطاء مسائل وافكار تعجيزية ومعقدة
الثالثة :- الطلاب لا يستطيعوا اجابة هذا السهل كما تقولون لانكم فقط اعطاء مسائل وافكار تعجيزية ومعقدة طوال العام
الرابع : - اعطاء مسائل وافكار تعجيزية ومعقدة طوال العام لا يجلب سوى الخوف والرهبة للطالب واسرته
وفى الختام ارجوا ان لا يغضب احد منى وكما قلت ان ذاللك من باب و ذكر
للتواصل : - صبرى صابر استاذ العلوم والفيزياء بشبراخيت 01003195672

[vℓαмηcσ]

ليه محدش نزل الامتحان لحد دلوقتى ؟

[أبوبسملة ياسر خليفة الطحاوى]

جزاكم الله خيرا على النصيحة استاذى الفاضل

نتمنى من حضرتك وضع نموذج اجابه للفيزياء

وجزاكم الله خيرا

[صبري صابر]

شكرا لمروركم الكريم وسيتم وضع نوذج الاجابه ليلا بعد الانتهاء من كتابته وتنسيقه جيدا

[ربيع احمد]

كلامك فى الصميم هو ده اللى بيحصل والله مجرد استعراض ومسائل ليس لها اى فائده للطالب تضييع وقت وبس

[lostlost]

يا استاذ هو المدرس هيعمل ايه للطالب غير انه بيشرح القاعده او القانون ويطبق عليه والطالب يجتهد ويحل فى الكتب الخارجيه انا عن نفسى دخلت امتحان الفيزياء سنه 2000 وانا حالل كتاب المثالى 3478 مساله وجبت ال50 مع انى مكنتش باخد دروس المدرس يشرح وانا اذاكر فى الكتاب الخارجى وكل الفكر كانت بتعدى عليه متقولش بقى ده المدرسين بيعجزوهم
انا حاليا ( خريج تربيه قسم طبيعه وكيمياء ) جيد الا تقول انى بقول اى كلام وخلاص

[نوارة نور]

المشكلة مكنتش ف ان الامتحان صعب المشكلة كانت انه طويل جدا انا مخلصة 12 الا خمسة والله وملحقتش افكر ف الكميات خالص وسيبت النقطة دي ..
لو سمحت ممكن حضرتك تقولى التالت والرابع ف الاختياري وكذلك الميل ف الرسم البياني
وهو ليه مفيش لحد دلوقت نموذج اجابة كامل .. بجد النظري كان فيه حجات انا كتبت فيها بس مش متأكدة ولحد دلوقت لسا متوترة ومشدودة من سرعتي ف الكتابة ف الامتحان وخضتي من مرور الوقت وطبعا مراجعتش خالص ومش عارفه كتبت ايه يعني تعريف الفعل الليزري واول اتنين ف المقارنة بردو مكنتش فاهمة ايه المطلوب بالظبط فأتكلمت حول الموضوع يعني .. ياريت اجابة كاملة

[A.S.D]

مسألة المقاومات لها طريقتين للحل بنواتج مختلفه حد مؤيد معايا الكلام ده

[mrmrmerobaba]

ويد ممكن 1 , 2 توازي و 3 و 4 توازي والمجموعتان توالي
وممكن 1 , 2 توالي والمكافئة لهما توازي مع 3 , 4

[قدري العرباوي]

المقاومة 1 و2 لازم يبقوا توازي و3و4 توازي والمجموعتين توالي لان التيار الكلي لازم يبقي 0.6 امبير

[(ياسين والقران الحكيم)]

iiiii
hhhhhhhhhhhhhhhhhhhhhhhhhhhh

[kha000led]

المشاركة الأصلية كتبت بواسطة قدري العرباوي

المقاومة 1 و2 لازم يبقوا توازي و3و4 توازي والمجموعتين توالي لان التيار الكلي لازم يبقي 0.6 امبير

ممكن حضرتك تقول لازم يبقى 0.6 ليه؟؟

[جاليليو]

استاذنا الفاضل بعد التحية
بلاش اجابات قاطعة لأن الموضع أبسط من إن إحنا نرد بإجابات قاطعة لأن المسألة بالفعل لها حلين وده لأن السيد واضع المتحان حب يجيب فكرة جديدة بس فلتت منه وده مش عيب كل ابن آدم خطاء

[العشري]

تماااااااااااااااااااااااااااااااام

[mohamedadel96]

طيب افرض ان المدرسين سهلوا الدنيا على الطلاب واعطوهم السهل فقط ولم يتم تدريب الطلاب على الاسئله الصعبه الطلابه هتعمل ايه لما يجى امتحان زى امتحان 2008 اظن ثلاثه ارباع طلابه مصر هتسقط لازم يتم تدريب الطلاب على جميع المستويات حتى لايفاجأ الطلابه بأمتحان صعب وشكرا