يعنى ايه البس حجاب

[misterattia]

يعنى ايه البس حجاب
يعنى التزم بالسنه من بعد الكتاب
يعنى كلامى يبقى دايما بالحساب
مردش العيب بعيبه
لو حد مره فيه عاب
يعنى اجتهد واشتغل
واخد بالاسباب
يعنى افكر بعقلى وقلبى
واعمل كل شىء يكون صواب
يعنى ما نمش فى حد
ولا اكذب ولا اغتاب
يعنى التزم واكون صادق
ولا عمريش اكون كذاب
بالشكل ده ابقه صحيح
استاهل البس الحجاب
يرضى على ربنا
وينفتح لى كل باب
التزامى يعزنى
يخلينى دايما فوق السحاب
التزم فى نظرتى
فى كلمتى
فى مشيتى
ومعاملتى
وصحبتى
مجيبش سيره حد
لو مره عنى غاب
اعمل لخشيه ربنا
ولذلتى يوم الحساب
اقوم للصلاه وقت اسمع الاذان
عشان دعايا يبقى مستجاب
ساعتها بس استاهل
انى البس نقاب
مش مجرد حجاب
بس النقاب
مش هدوم ومحزقه
على جتتك وملزقه


تظهر مفاتنك للمعارف والصحاب
الحجاب او النقاب
يعنى التزام
يعنى انى احاسب
فى التصرف والكلام
على كلامى دايما رقيب
عمال بيسطر فى الكتاب
يا امه جنه يا امه نار
وكلها اسباب
جوه قلبك ربنا وبتراعيه
هتنولى جنته
ويتضاعف ليكى الثواب
لكن تلون تبقه تعلب
تكذب تنافق
وكل شر تعمله
هيكون جزاتك فى النهايه
سوء حساب

[وائل رسلان]

جميله جدا مستر عطيه
فهناك الكثير ممن يسيئون الى الحجاب والنقاب ...
شكرا لحضرتك

[misterattia]

الرجاء من الاخوه الافاضل المسئولين اضافه الجزء السابق الى النص ليكتمل وجزاكم الله خيرا

[أبو العلاء]

الرائع مستر عطية

لم يتم حذف شيء ولو تم لرأيت إشارة تحت المشاركة مكتوب فيها تم التعديل بواسطة فلان وهذا ليس موجودا، وعلى العموم سوف أدمج المشاركتين معا إن شاء الله

تحاياي

[misterattia]

حبستنى فى سجن كرمك نزيلا
وانته الشاعر الرقراق
وانا مازلت هزيلا
اسعدتنى
وشكرا جزيلا

[دّقْـــةُ قْـــلِـــبّـ]

كلمات رائعه جدا جدا والله
والحمدلله الذي جعلنا مسلمين
انا فخورررة جدا بنقابي

[بيان الحوت]

جميلة جزاك الله خيرا