المهزلة فى نتيجة الثانوية العامة

[sasasosoo]

المهزلة الكبرى فى نتيجة الثانوية العامة

[ماهينور 2]

دي مش مهزله وبس ده خراب بيوت اسال مجرب

[sasasosoo]

عاوز ردود و دعاء بالتوفيق لرجال الكنترولات اللى بيقبضوا بالدولار

[eng/yasmeen]

حسبى الله ونعم الوكيل

[Attar]

معلش اللى انا فهمته من الجرايد ان الخطأ الفادح ده ان هما نسوا يضيفوا درجة القدرات (فنون وعماره) فى نتيجة الثانويه العامه ودلوقتى النتيجه نازله على المواقع معدله وفيها درجة القدرات اللى هيا (لائق او غير لائق) وفى ناس فهمت الخبر ان هما عايزين يضيفوا الدرجه للمجموع بس ده مش صح هما عايزين يضيفوا الماده فى جدول النتيجه فقط عشان الطلاب يعرفوا هما عملوا ايه فى امتحانات القدرات
والمصدر: جريدة الجمهوريه وهيا موضحها كل حاجه فى الرابط ده

http://www.algomhuria.net.eg/

[ماهينور 2]

المشاركة الأصلية كتبت بواسطة Attar

معلش اللى انا فهمته من الجرايد ان الخطأ الفادح ده ان هما نسوا يضيفوا درجة القدرات (فنون وعماره) فى نتيجة الثانويه العامه ودلوقتى النتيجه نازله على المواقع معدله وفيها درجة القدرات اللى هيا (لائق او غير لائق) وفى ناس فهمت الخبر ان هما عايزين يضيفوا الدرجه للمجموع بس ده مش صح هما عايزين يضيفوا الماده فى جدول النتيجه فقط عشان الطلاب يعرفوا هما عملوا ايه فى امتحانات القدرات
والمصدر: جريدة الجمهوريه وهيا موضحها كل حاجه فى الرابط ده

http://www.algomhuria.net.eg/

طب هما اصلا كانوا منزلين كده ايه الجديد بيضحكوا علينا وبس

[Attar]

حسب كلامهم النتيجه اللى نزلت على النت كانت ناقصه نتيجة القدرات
وانا مركزتش اوى هيا موجوده فى النتيجه ولا لا لما جبتها لانى مدخلتش الامتحان بتاعها.

[LA STELLA]

فضايح الثانوية كترت اوى السنة دى :D
ربنا يزيد ويبارك

اما ردا على عطار

وزعت الوزارة نسخة جديدة من النتيجة علي جميع الصحف ودور النشر وشركات الإنترنت التي أعلنت النتيجة عبر مواقعها الالكترونية وطلبت منها نشرها فوراً عبر نفس المواقع.. الحجة المعلنة هي إدخال تعديلات طفيفة علي نتيجة بعض طلاب المرحلة الثانية الخاصة بمادة القدرات فنون وعمارة.
اكتشفت الوزارة وجود الأخطاء في النتيجة بعدما تقدم عدد من الطلاب وأولياء الأمور إلي الكنترولات بتظلماتهم من بعض المواد واكتشف المسئولون بالكنترولات أن درجات هؤلاء الطلاب مختلفة عما هو مسجل في الأوراق الرسمية وبيانات الطلاب في الواقع.

اصلا القدرات عمرها ما بتنضاف للمجموع دا الطبيعى يعنى ،، لكن الكلام اللى اتقال فى موضوع تعديل النتيجة ،، كانت حجة مش اكتر انها هيدخلوا القدرات
حجة معلنة
بينما ان الحقيقة هى ان النتايج اصلا مش سليمة وفيه اخطاء فى رصد الدرجات
دا اللى واصلنى من الخبر
"حجة معلنة "
عشان يحاولوا يداروا ع الفضيحة يعنى
،،،،،،،،،،،،،،،،،،،،،،،،،،،


ربنا يوفق الجميع ان شاء الله

[مصري أبن مصري]

مفيش تعديل في حاجة
كل الدرجات زي ما هي
و لو حد درجاته اتغيرت بعد التعديل يقولنا
التعديل كان إضافة مواد القدرات فقط
و هي مش بتضاف للمجموع اصلا
يعين حاجة ملهاش لازمة

[sasasosoo]

نرجو الدعاء يا اخوة لكل من يعمل فى الكنترولات و يقبض بالدولارات

[Dr.love ferdos paradise]

حسبى الله ونعم الوكيل ربنا يهديهم

[شيماء شريف]

واقسم بالله العظيم انا متاكده ان درجتى فى التاريخ ظلم ومش بفترى ولا بظلم حد بس بقول حاجة واحدة حسبى الله ونعم الوكيل



لان انا كنت حافظة منهج التاريخ اكتر من اسمى واخوى سمعهولى يوم الامتحان باليل وحليت الامتحان ومرجعاه كويس جدا بعد ماروحت البيت وقارنته باللى حليته فى الورقة

تخيلوا جبت فيه 36.5
بذمتكم ده يبقا ايه وناس كتير قالوا لى متكشفيشى ولا حاجة لانه كله فى الفاضى مهما عملتى



بس حسبى الله ونعم الوكيل فيهم والوزير ده لو عنده ذرة من الدم يستقيل بدل المهازل اللى حصلت دى مش مكسوف من نفسه لما يطلع فى برنامج ولا ايه بالظبط؟

[السمراء]

على فكرة صعب يكون فى اخطاء فى التصحيح بابا بيصحح رياضيات.........وطريقتهم تقول ان صعب سؤال يفوت.........وكنت فى الثانوية من سنتين.............مش عارفة محسيتش بظلم............لكن ميمنعش ممكن تشوفوا ........هتنجح طريقتكم لو الخطا رصد درجات .غير كده مفيش

[أحمد2025]

ياجماعة توقعوا اى حاجة تحصل السنة دى
كل حاجة بقت عادى والله
دى بلد.............
دى بالذمة ثانوية عامة؟؟؟؟؟؟؟؟؟؟؟

[JUST HUMAN]

طيب ايه رايك يا السمراء
انى كنت حاسبة كل المواد والمادة الوحيدة اللى ماكنتش درجتها متوقعة الرياضيات
انا جبت سبعة واربعين
والبنت اللى كانت معايا فى اللجنة وكانت مش عارفة حاجة فى الرياضة جابت 49.5
انا متهيالى الورق اتبدل لان دى المفروض تبقى درجتى انا
وشكراااااااااااااااااا