ابوس ايديكوا ساعدونى مصاريف الاكاديمية البحرية

[janona]

اول مرة اشارك معاكم بموضوع ساعدوووونى انا نفسى ادخل ان شاء الله هندسة فى الاكاديمية البحريةة و كنت عايزة اعرف المصاريف انا 3 ثانوى السنة دى و عايزة اعر مصاريف guc هندسة انا بسمع مبالغ خياليييية ساعدونى بمعلومة عشان أقرر أحول علمى علوم و لا أخلينى علمى رياضة لأن دة متوقف على مصاريف الجامعات أنا أحبط جدا بعد ما سمعت الأسعار نفسى أوى فى الاكاديمية البحرية هندسة و التقديم ليها بيبقى امتى و ازاى

[هشام إرهى]

انتى لسه ف 3 ثانوى يعنى هتقدمى كمان سنة والاسعار كل سنة بتزيد بس انا هجاوب على أسئلتك حسب نظام القبول بتاع العام الدراسى 2013 انا قدمت ف الaast الاكاديمية البحرية قدمت هندسة تشييد وبناء خدت استمارة النجاح + شهادة الميلاد +6 صور شخصية + 1050 جنيه استمارة تقديم + 6500 جنيه حجز مكان واتقبلت هناك واستلمت كتالوج بالاسعار كلها بالتفصيل ومواعيد جلسات التعارف للطلبة الجدد سعر الاكاديمية قسم هندسة من 65 الف الى 70 الف جنيه مصرى ف السنة وانا خدت خصومات للمجموع وخصم لوالدى لانه موظف حكومى والمصاريف وصلت ل 49 الف جنيه مصرى ف السنة من غير السكن ومن غير الباص ومن غير الاكل والشرب جى مصاريف الدراسة فقط اما الguc انا عرفت من ع النت انها ب 44 الف جنيه مصرى ف السنة والbue ب 50 الف جنيه مصرى ف السنة والauc ب 120 الف جنيه ف السنة .... التقديم ف الاكاديمية البحرية بيكون بعد ظهور نتيجة الثانوية العامة على طول والتقديم حر بالورق والمصاريف ملوش علاقة بمكتب التنسيق خاااااااااااااااااااااالص .... لو عندك اى استفسار تانى اتفضلى ممكن اقدر اساعدك