ما هى اصعب محنه مريت بيها واتعلمت منها كتيير دى مجرد فضفضه

[زمرده]

وانا هبدأ لأنى نفسى افضفض بصراحه ومش هطول عليكم ان المحنه الى مريت بيها كانت فترة مرض شديده وكنت عايشه ومش عايشه مكنتش حاسه بطعم الحياه وعايشه فى يأس وكن متهيألى انى مش هارجع للحياه الى كنت عايشاها لكن ربنا اقوى من الكل واخذ بيدى والحمد لله واتعلمت منها الايمان بالله وان مفيش اى حاجه مستحيله مهما كانت صعوبتها وانا عايزاكم يا اصدقائى متيئسوش مهما كان الحلم الى عايزوا يتحقق بعيييييييييييييييييييييييييييييييييد معلش انا وجعت دماغكم والى عايز يفضفض يتفضل

[basmala]

انا اصعب واسود مرحله مريت بيها تالته ثانوى معرفش بجد هى خلصت ازاى انا اليوم كان بيعدى عليا

كانه يومين او تلاته ...غير الحاله النفسيه الهباب ..انا ممكن يمسكنى العياط اكتر من تمن تسع ساعات كل يوم

وانا عارفه ان شهر سبعه وشهر تمانيه اسود منهم

[زمرده]

اهلا يا بسمله والله يا حبيبتى مش انتى لوحدك الى مريتى لمرحله السوده دى والحمد لله ان هى عدت على خير وان شاء الله تفائلى خير وربنا هيعوضك كل خير مقابل الايام الهباب الى انتى شوفتيها

[thedreamer33]

الصراحة اصعب موقف كان في امتحان التفاضل والتكامل السنة دى
وانا بحل لقيت الامتحان بييتعقد وحده وحدخ ساعتها حسيت ان الدنيا ضلمت في وشى بس الحمد لله اللحظة دى مستمرتش اكثرمن دقيقتين بعدها ربنا الهمنى الهدوء والصبر وكملت حل
وبجد الموضوع روعة

[زمرده]

ميرسى على ردك وان شاء الله هتجيب مجموع عالى

[ريهام رشاد]

انا اصعب محنة بجد مريت بيها لما اصحابى 2صحابى شابوا بيتهم وجولى عشان اشوفلهم صرفة وساعتها بابا رجعهم لبيتهم وسابوة تانى اتعلمت منها كتير جدا المحنة دية وعرفت ان مهما لو كان بيت اهلك نار اكيد جنة بالنسبة للشارع ياريت تستفيدوا

[bosy .. mostafa]

بسم الله الرحمن الرحيم

في البدايه .. أحب أشكر صاحبة الموضوع لإنها تركت لنا هذه المساحه لنشارك بعضنا البعض هذه اللحظات
جئت إليكم لأكتب حديث نفسي بعد ما أصابني ابتلاء من الله و اجعلكم تشاركوني لحظات من حياتي في تلك الفتره و الأحاسيس التي دارت بذهني هذه الفتره .. آمله أن يكون في حديثي العبره و العظه

الأيام تمر بنا .. و نحن في غفله عن ذنوبنا و أخطائنا .. ساهين .. و تلهينا الحياه عن نهايه محتومه لكل كائن حي .. تلهينا عن نهاية كل انسان سواءً ملك او غفير كان .. يأتي هذا الضيف غير مبالي بعمر الإنسان او بمركزه الإجتماعي .. تلهينا الحياه عن نهايتنا .. ألا و هي .. المــوت الذي آت لا محاله .. و ربما يكون هو الحقيقه الوحيده في حياتنا .. الحقيقه اننا سنموت جميعاً يوماً ما .. و لكن الحياه تجعلنا ننسى او نتناسى هذه الحقيقه

يجب علينا أنا نضع هذه الحقيقه نصب أعيننا .. و نتذكر الحساب .. و نتذكر يوم لا ينفعنا مال ولا ولد .. لا ينفعنا إلا عملنا الذي عملناه طوال حياتنا .. فلابد في نهاية كل يوم نقوم بعمل محاسبه بسيطه للنفس .. لنرى إذا كانت اخطائنا تزيد او تنقص .. و هل نحن نكرر خطأنا ام لا ؟ و نستغفر الله تعالى و نتوب إليه .. فإنه يفك كرب من لزم الإستغفار .. بشرط ان يتمليء قلبك بالقناعه و الإخلاص لوجه الله تعالى .. نعاهد الله ألا نكرر الذنب و نكرر التوبه .. حيث أن الموت قادم في أي وقت

و عندما يأتي الموت فإنه لا مفر منه .. فلا عمل بعده .. فالدنيا دار العمل و الأخره دار الحساب .. و من مات قامت قيامته .. لإنه يحاسب على كل ما فعله منذ ولادته و حتى لحظة موته .. فغداً سوف تشهد علينا ايدينا و عيننا و ارجلنا و حواسنا جميعاً ..

إن ما دفعني لهذا الحديث السابق .. إحساسي بأن الموت قريب مني عندما مرضت و أصبت بقيء دموي و انخفاض في ضغط الدم و نقلت إلى المستشفى الذي يعمل بها أخي .. وشعرت إنني سأرحل من هذه الدنيا و بادرني السؤال الذي طالما أساله إلى نفسي "هل أنا على استعداد للقاء ربي؟؟" لفتره قصيره .. أسرعت أنطق بالشهادتين .. لعل ربي يتقبلها مني و يكتب لي حسن الخاتمه .. فقد أذنبت كثيراً طوال حياتي .. و ربما غرني صغر سني ..
نطقت الشهادتين و غبت عن وعيي بسبب انخفاض ضغط الدم .. و في لحظات نطقي للشهادتين .. شعرت إنني راحله عن الدنيا لا محاله ..
قد يتعجب البعض من حدوث كل هذه المشاعر في وقت واحد .. ولكن هذا شعور من يرى الموت ماثل أمام عينه فعندما يقترب الموت نفكر في الإصلاح و التوبه .. تمنيت أن اتماثل للشفاء لأعود إلى ربي و اتوب .. و الحمد لله حقق لي الله امنيتي .. و إن كان مرضي لايزال مستمراً و لكن الحاله تقدمت بفضل الله

هذه الرساله مني تنبيه إلى كل شخص ..
و قد يقترب من احدنا الموت بطريقه اخرى غير متوقعه و ليس شرط المرض كما حدث معي .. فربما يتعرض لحادث -لاقدر الله- ..

فلابد أن نكون جميعنا على استعداد للموت في أي وقت .. فلا أحد يعلم .. متى و أين .. !
قد قال تعالى:"وَلآ تَدّرِيَ نَفّسُ بِأيٌ أرّضٌ تّمُوُتْ"

الكلمات غير مرتبه بخاطري .. و لكن ربما من وقع نفسي ..

إعذروني ان كانت الأفكار غير مرتبه نوعاً ما ..
و لكن اتمنى ان تكونوا جميعاً فهمتم الرساله

[زمرده]

شكرا على مروركم وياريت كل واحد يتعلم من محن غيره

[TITANIC _LOVESTORY]

والله يا جماعه انا بكتب الرساله دى لان الموضوع فعلا جميل
انا كنت بحب واحده وكانت فى قمه الادب والاحترام والالتزام وكنا متفقين مع اهلنا على الخطوبه بس هى كانت دايما تحكيلى ان زميلاتها كانو بيقولولها ان عايشه سن اكبر منك لانها كانت بتصلى وكانت على درجه كبيره من التدين وعلمتنى ان اكون ملتزم بدرجه كبيره وفى يوم من الايام جانى خبر وفاتها فى الاول حسيت انى فى كابوس بس بعد كده افتكرت كلامها ليا ما انكرش انى حالى اتغير بعدها الى الاسوء بس انا بحاول ارجع زى ما كنت الاول ودايما بفتكر كلامها وادعيلها بالرحمه لانها فعلا غيرتنى كتير ياريت تدعولها بالرحمه وتدعولى انى اصبر على فراقها وانى ارجع تانى زى ما كنت وان اقابلها فى دار احسن من دارنا هذا
واسف للاطاله

[Last Fantasy]

أنا بقي أكتر مرحلة صعبه عليا كانت في تانيه ثانوي كانت مشاكل في البيت دايما بسبب لعبة زفت رود (Silkroad) كنت أطلع الصبح مرجعش غير بالليل ولا أروح دروس ولا مدرسة ومعرفش جبت المجموع ده إزاي بس الحمد لله علي كل حال

[amal yassen]

طول ما احنا ماشيين فى الحياة بنتعلم

بنقع ...... بس للاسف مش كلنا لينا القدره اننا نقف ونكمل تانى

انا عن نفسى اكتر حاجه اتعلمت منها السنه دى بجد ....... وقعت فيها كتير ..... كنت ساعات بقوم واكمل

وساعات كنت بكتئب واقفل على نفسى ....... بس فى الاخر فعلا اتعملت جامد

ميرسى جدا على الموضوع


Titanic _lovestory : بجد ربنا يصبرك يارب ....... خلى عندك قناعه تامه ان قدر الله وماشاء فعل .... واكيد ربنا كاتبلك الخير ان شاء الله .... وربنا يرحمها يارب

[first love]

اولا : احب اشكر صاحبه الموضوع الجميل ده


وبعدين فيه محن كتر مريت بيها

واقربها انى دخلت المستشفى قبل امتحانات ب 15 يوم

غبت فيها12 يوم

ساعتها كنت فى حاله نفسيه زفت

وعلى فكره انا فى ازهر

[زمرده]

ربنا يصبرك يا titanic والله حاجه جميله انك تفتكر الى حبيتها والأجمل انها ساعدتك انك تكون ملتزم وربنا يرحمها ويجمعكم ويجمعنا مع بعض فى الجنه